မြန်မာနိုင်ငံတွင် လွတ်လပ်စွာကိုးကွယ်ယုံကြည်မှု အပြည့်အဝရှိပြီး ခြားနားသောဘာသာအယူဝါဒများလွတ်လပ်စွာရှင်သန်ထွန်းကားနိုင်မှုသည် ရှေးအစဉ်အဆက်ကပင် တည်ရှိခဲ့သောအစဉ်အလာဖြစ်သည်။ ထို့ကြောင့် ဘာသာရေးအဆောက်အအုံများ၊ ဘာသာရေးအယူဂိုဏ်းကွဲများ၊ ဘာသာရေးပွဲလမ်းများ၊ အခမ်းအနားများစသည်တို့စည်ကားသိုက်မြိုက်စွာကျင်းပပြုလုပ်နိုင်ကြသည်။ မြန်မာနိုင်ငံတွင် ဘာသာဝင်အမျိုးအစားအားဖြင့် ဗုဒ္ဓဘာသာဝင်မှာလူဦးရေ၏ ၈၉.၃% ဖြစ်၍ အများဆုံးဖြစ်သော်လည်းအခြားဘာသာဝင်များလည်းလွတ်လပ်စွာကိုးကွယ်ခွင့်ရှိကြသည်။ ယင်းတို့တွင် ခရစ်ယာန်ဘာသာဝင် ၅.၀၆%၊ အစ္စလာမ်ဘာသာဝင် ၃.၈%၊ ဟိန္နူဘာသာဝင်ကိုးကွယ်သူ ၀.၅%၊ နတ်ကိုးကွယ်သူ ၀.၂% ရှိကြသည်။
ထို့ကြောင့် ပြည်ထောင်စုသမ္မတ မြန်မာနိုင်ငံတော်သည် ထေရဝါဒဗုဒ္ဓဘာသာနိုင်ငံဟုခေါ်ဆိုနိုင်ပါသည်။ အဘယ်ကြောင့်ဆိုသော် မြန်မာနိုင်ငံအတွင်းမှီတင်းနေထိုင်ကြသောတိုင်းရင်းသားလူမျိုးစုအားလုံးသည် မိမိနှစ်သက်ရာဘာသာကိုလွတ်လပ်စွာကိုးကွယ်ခွင့်ရှိပြီးအများစုသည် ဗုဒ္ဓဘာသာဝင် ကိုးကွယ်ကြသည့်အတွက် ထေရဝါဒဗုဒ္ဓဘာသာနိုင်ငံဟုခေါ်ဆိုနိုင်ခြင်းဖြစ်သည်။ ရှေးယခင်ကတည်းကပင် တိုင်းပြည်တည်ထောင်ခဲ့ကြသောရှင်ဘုရင်တို့သည် မိမိတို့ကိုးကွယ်ရာဘာသာဘုန်းကြီးကျောင်းသာအားကိုးအားထားပြု၍ မျိုးဆက်သစ်နိုင်ငံရေးခေါင်းဆောင်များနှင့် ဘာသာရေးခေါင်းဆောင်များကိုမွေးထုတ်ပေးနေကြောင်းလူတိုင်းသိပြီးနေပြီဖြစ်သည်။
ခေတ်အဆက်ဆက် အုပ်ချုပ်လာသောရှင်ဘုရင်၊ နိုင်ငံရေးခေါင်းဆောင်၊ ဘာသာရေးခေါင်းဆောင် မျိုးချစ်ရဟန်းတော်တို့၏ မျိုးချစ်စိတ်ဓာတ်ရှင်သန်ထက်မြက်မှုဖြင့် ပါးနပ်စွာလွတ်လပ်ရေးကိုရယူနိုင်ခဲ့ပါသည်။ ထို့သို့ရရှိအောင် ကြိုးပမ်းခဲ့ရာမှာပအိုဝ်းအမျိုးသားခေါင်းဆောင်များစွာပါဝင်သည့်အနက် ထင်ရှားသောမျိုးချစ်ခေါင်းဆောင် ရဟန်းတော်များမှာ - နောင်ဟဲုင်းဆရာတော် ဦးနေမိ၊ ဦးကုသလ (ခ) အဘယ (ယခုပအိုဝ်းအမျိုးသားခေါင်းဆောင်ဖြားတန်အောင်ခမ်းထီ) တို့သည် မိမိလူမျိုးအေးချမ်းသာယာလွတ်လပ်စွာနေထိုင်နိုင်ရေးအတွက် ကဏ္ဍပေါင်းစုံ၊ နေရာဒေသပေါင်းစုံမှ ပူးပေါင်းပါဝင်ခဲ့ခြင်းကြောင့် ယနေ့ခေတ် ပအိုဝ်းလူမျိုးတို့သည် ငြိမ်းချမ်းစွာနေထိုင်နိုင်ကြသည်ကိုလူတိုင်းမြင်တွေ့ရပေသည်။
ပအိုဝ်းတိုင်းရင်းသားလူမျိုးများသည် မိမိတို့ကိုးကွယ်ရာဘာသာကိုအထူးအလေးထားကိုးကွယ်ယုံကြည်ကြသည်။ လ၊ ဥတုရာသီအလိုက် မတူခြားနားသောပွဲတော်များကျင်းပရာတွင်လည်းဘာသာရေးအယူအဆအပေါ်မူတည်၍ ကွဲပြားခြားနားသောပွဲတော်များကျင်းပလေ့ရှိသည် သာမကလစဉ်လတိုင်း၊ လပြည့်လကွယ်နေ့များတွင်လည်းနီးစပ်ရာဘုန်းတော်ကြီးကျောင်းတွင် စုပေါင်း၍ တရားနာ သြဝါဒခံယူခြင်း၊ ငါးပါးသီလခံယူကြပြီး၊ တစ်ညအိပ် ဥပုသ်တည်ဆောက်ခြင်းများပြုလုပ်လေ့ရှိသည်။ ထိုသို့ မိမိ၏ဘာသာတရားကိုကိုးကွယ်ယုံကြည်ခဲ့ခြင်းမှာရှေးဘုရင်ခေတ်ကပင် ယနေ့ခေတ်အထိချစ်စဖွယ်ကောင်းသောအလေ့အထများကြောင့် မိမိတို့ပအိုဝ်းလူမျိုးသည် ယဉ်ကျေးလိမ္မာသိမ်မွေ့ပြီးအေးချမ်းစွာနေထိုင်နိုင်ခြင်းသည်လည်းတစ်ခုအပါအဝင်ဖြစ်သည်။
ဆက်လက်ပြီးမြန်မာနိုင်ငံအနှံ့အပြားတွင် ဘာသာရေးခေါင်းဆောင်များဦးဆောင်ဖွင့်လှစ်သည့် ယဉ်ကျေးလိမ္မာဓမ္မစကူလ်းသင်တန်းကိုလည်းကျယ်ပြန့်စွာဖွင့်လှစ်သင်ကြားပေးနေသည်ကိုလူတိုင်းမြင်တွေ့ရပေမည်။ ယခုလိုသင်တန်းကိုမျိုးဆက်သစ်ကလေးလူငယ်တိုင်းတက်ရောက်သင်ကြားခြင်းဖြင့် မိမိတို့၏ ကိုးကွယ်ရာထေရဝါဒဗုဒ္ဓဘာသာ၏ သမိုင်းကြောင်းများ၊ မြတ်စွာဘုရား၏ ဆုံးမသြဝါဒစကားတော်များနှင့် တစ်ခြားသောပညာရပ်ပေါင်းစုံကိုများစွာသိရှိနိုင်သဖြင့် ယဉ်ကျေးသိမ်မွေ့လာပြီးကိုယ်ကျင့်တရား၊ စာရိတ္တကောင်းမွန်သောအနာဂါတ်ခေါင်းဆောင်များဖြစ်လာစေရန် အသင့်လေ့ကျင့်ပြီးဖြစ်စေသည်။
အနာဂါတ်တွင် လူမှုရေး၊ နိုင်ငံရေးခေါင်းဆောင်၊ ဘာသာရေးခေါင်းဆောင်ဖြစ်လာမည့် မျိုးဆက်သစ် ပအိုဝ်းလူငယ်များအတွက် နေရာဒေသကျယ်ပြန့်စွာဖွင့်လှစ်လျက်ရှိသည့် ယဉ်ကျေးလိမ္မာဓမ္မစကူလ်းသင်တန်းကိုမိဘပြည်သူများသည်မိမိတို့၏ သားငယ်၊ သမီးငယ်များကိုတက်ရောက်သင်ကြားစေရန် အားပေးလိုပါသည်။ ဤသင်တန်းကို ဦးဆောင်ဖွင့်လှစ်သင်ကြားပေးပါသောဘာသာရေးခေါင်းဆောင်၊ မျိုးချစ်ရဟန်းတော်များသည် မိမိတို့၏ လက်ရှိပညာရေးကိုအနှောက်အယှက်မဖြစ်စေရန်အတွက် အပတ်စဉ် ကျောင်းပိတ်ရက် စနေ၊ တနင်္ဂနွေ နှင့် နွေရာသီကျောင်းပိတ်ရက်တွင်သာပို့ချသင်ကြားဆွေးနွေးပေးနေခြင်းဖြစ်သည်။ မိမိနိုင်ငံ၊ လူမျိုးကိုယဉ်ကျေးသိမ်မွေ့စွာဖြင့် ဦးစီးဦးဆောင်ခေါင်းဆောင်မှု ပြုလုပ်နိုင်အောင်မျိုးဆက်သစ်လူငယ်များကိုလေ့ကျင့် သင်ကြားပေးရန်လိုအပ်ပေသည်။
ထိုသင်တန်းကို မြန်မာနိုင်ငံ၏ နေရာ၊ ဒေသအနှံ့အပြားမှဘုန်းကြီးကျောင်းများတွင် အများဆုံးဖွင့်လှစ်နေပြီဖြစ်သည်။ ပအိုဝ်းမျိုးဆက်သစ်လူငယ်များအသိပညာဗဟုသုတများ၊ ဘာသာစကားကျွမ်းကျင်မှုများ၊ အဆင့်မြင့်ပညာရေးကိုလက်လှမ်းမှီစွာတွေးခေါ်တတ်စေရန်၊ လူမှုအဖွဲ့အစည်းအတွင်းခေါင်းဆောင်မှုနေရာကိုပါးနပ်စွာဦးဆောင်နိုင်စေရန်၊ ကိုယ်ကျင့်သိက္ခာ၊ အကျင့်စာရိတ္တနှင့် ပရဟိတစိတ်စွမ်းရည်ပြည့်ဝ၍ ရပ်ရွာအတွက်ယုံကြည်ရသောအများအကျိုးသယ်ပိုးနိုင်သည့် လူမှုရေး၊ ဘာသာရေး၊ နိုင်ငံရေးလူငယ်ခေါင်းဆောင်ကောင်းများပေါ်ထွန်းလာစေရန်အတွက် ဖွင့်လှစ်ခဲ့ခြင်းဖြစ်သည်။
ပထမဦးစွာသင်တန်း၏ သင်ခန်းစာများကို မြန်မာဘာသာဖြင့် သင်ကြားပို့ချပေးခဲ့ပြီးယခုတွင် တစ်ချို့သောပအိုဝ်းဒေသရှိဘုန်းတော်ကြီးကျောင်းများတွင် မိမိတို့၏ မိခင်ဘာသာဖြစ်သောပအိုဝ်းတိုင်းရင်းသားဘာသာစကားဖြင့် သင်ကြားပို့ချနိုင်ရန်အတွက် ဘာသာရေးခေါင်းဆောင်များဖြစ်သော မျိုးချစ်ရဟန်းတော်များနှင့် ပရဟိတစိတ်ပြည့်ဝသောတာဝန်ရှိပုဂ္ဂိုလ်များ၊ ဆရာ၊ ဆရာမများပူးပေါင်း၍ ကြိုးစားနေပြီဖြစ်သည်။ ထို့ကြောင့် မိမိတို့၏ ပအိုဝ်းလူမျိုး ငြိမ်းချမ်းမှု၊ ဖွံ့ဖြိုးတိုးတက်မှု ကိစ္စရပ်များကိုဦးဆောင်မည့် နိုင်ငံရေး၊ ဘာသာရေး၊ လူမှုရေး၊ ပညာရေးအစရှိသည့် အရေးဟူသမျှသည် မျိုးဆက်သစ်လူငယ်များ၏ လက်ဝယ်တွင် အခြေခံကျပါသည်။ထို့ကြောင့် “ယခုလူငယ် နှောင်ဝယ်လူကြီး”ဟူသည့် စကားအတိုင်းမျိုးဆက်သစ်လူငယ်များကိုကောင်းမွန်မှန်ကန်သော၊ စနစ်ကျသောနည်းလမ်းဖြင့် ပြုစုပျိုးထောင်ပေးရင်းလက်ရှိခေါင်းဆောင်များနှင့် ပအိုဝ်းရပ်မိရပ်ဖများပါးနပ်စွာဖြင့်ပူးပေါင်းပါဝင်ရန်လိုပါသည်။
ယနေ့မျက်မှေက်ခေတ်ကာလ နိုင်ငံရေးလောကကို ကြည့်မည်ဆိုလျှင်လည်းမိမိတို့လူမျိုးတွင် နိုင်ငံရေးခေါင်းဆောင်နှင့် ဘာသာရေးခေါင်းဆောင်များသည် အဓိကအခန်းကဏ္ဍတွင် ပါဝင်နေသည်ကိုတွေ့ရှိရပေသည်။ ထို့ကြောင့် ပအိုဝ်းမိဘပြည်သူများသည် မိမိတို့၏ သားငယ်သမီးငယ်များကိုယဉ်ကျေးလိမ္မာဓမ္မစကူလ်းသင်တန်းသို့ရသည့်အချိန်တွင် သင်ကြားပို့ချပေးစေခြင်းအားဖြင့်အကျင့်စာရိတ္တ ကောင်းမွန်ပြီးပရဟိတစိတ်ပြည့်ဝသည့် မျိုးဆက်သစ်လူမှုရေး၊ ဘာသာရေး၊ နိုင်ငံရေးခေါင်းဆောင်ကောင်းများစွာကို မွေးထုတ်နိုင်ပြီးအေးချမ်းလွတ်လပ်စွာနှင့် ဖွံ့ဖြိုးတိုးတက်ရေးလုပ်ငန်းများကို ပိုမိုလုပ်ဆောင်နိုင်မည်ဟုသုံးသပ်မိပါသည်။
ပအိုဝ်;မူ;ဗွာ
Like On Facebook
Follow On Twitter
Subscribe On RSS