မြန်မာနိုင်ငံအတွင်းတွင် တိုင်းရင်းသားလူမျိုးပေါင်းစုံ စုပေါင်းနေထိုင်သည့် နိုင်ငံတစ်ခုဖြစ်ပါသည်။ ဗုဒ္ဓဘာသာအများစုကိုးကွယ်သည့် နိုင်ငံတစ်ခုဖြစ်သကဲ့သို့ လူမျိုးပေါင်းစုံနေထိုင် သည်နှင့်အမျှ ဘာသာရေးပွဲတော်ပေါင်းစုံလည်း နှစ်စဉ်ကျင်းပကြသည်။ မြန်မာတို့၏ဆယ့်နှစ်လ ရာသီပွဲတော်များထဲမှ ဘာသာရေးပွဲတော်တစ်ခုဖြစ်သည့် 'တပေါင်းပွဲတော်'အကြောင်းကို အနည်းငယ်ဖော်ပြရသော် တပေါင်းလသည် မြန်မာလများတွင် ဆယ့်နှစ်လမြောက်ဖြစ်၍ တစ်နှစ်တာ၏ နောက်ဆုံးလဖြစ်သည်။ တပေါင်းလရောက်သည်နှင့် တပေါင်းပွဲတော်များကို အနယ်နယ်အရပ်ရပ်၌ ကျင်းပကြသည်ကို မြင်တွေ့ရပေသည်။ ၎င်းပွဲတော်များကျင်းပရာတွင် ဗုဒ္ဓပူဇာ၊ ဓမ္မပူဇာ၊ သံဃာ့ပူဇာ ဟုဆိုအပ်သော ပူဇော်ခြင်းအမျိုးမျိုးတို့ဖြင့် စည်းကားသိုက်မြိုက်စွာ ကျင်းပပူဇော်လျက်ရှိကြသည်။ ဆွမ်းဆန်စိမ်းလောင်းလှူခြင်း၊ ဆွမ်းတော်တင်ခြင်း၊ ပဌာန်းပူဇော် ခြင်းစသည်တို့ ကျင်းပကြသည်။ တပေါင်းပွဲတော်များထဲမှ ပအိုဝ်းအမျိုးသားတို့ကျင်းပပြုလုပ်သည့် "တပေါင်းပွဲတော်" တစ်နည်းအားဖြင့် "ပအိုဝ်းအမျိုးသားနေ့" ၏တစ်မှုထူးခြားပုံကို ဖော်ပြသွားမည်ဖြစ်သည်။ ပအိုဝ်းအမျိုးသားနေ့ကို တပေါင်းလပြည့်နေ့အထိတိုင် နှစ်စဉ်ကျင်းပသည့်အတွက် ပအိုဝ်းအမျိုးသားတို့၏ တပေါင်းပွဲတော်ဟုလည်း မှတ်ယူနိုင်ပေသည်။
တပေါင်းပွဲတော်ကို ပအိုဝ်းလူမျိုးများနေထိုင်သည့် ကရင်၊ ကယား၊ မွန်၊ ရှမ်းပြည်နယ်နှင့် ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းတိုင်းဒေသကြီး စသည့်နေရာဒေသများတွင်လည်း ကျင်းပကြပါသည်။ အိမ်နီးချင်းနိုင်ငံများသို့ ရောက်ရှိနေသည့် ပအိုဝ်းလူမျိုးများသည်လည်း နှစ်စဉ်ထပ်တူကျင်းပကြသည်။ ၎င်းဒေသပေါင်းစုံများထဲတွင် မြန်မာနိုင်ငံအတွင်းရှိ မြို့ကြီးတစ်မြို့ဖြစ်သည့် ရှမ်းပြည်နယ်တောင်ပိုင်းမှ တောင်ကြီးမြို့၏ "တပေါင်းပွဲတော်(ခေါ်) ပအိုဝ်းအမျိုးသားနေ့" ၏စည်ကားပုံမှာ အောက်ပါအတိုင်းဖြစ်ပေသည်။ ရှမ်းပြည်နယ်တောင်ပိုင်းတွင် ပအိုဝ်းလူမျိုးအများဆုံးတည်ရှိပြီး တောင်ကြီးမြို့နယ်အတွင်းတွင်လည်း အများဆုံးဟု မှတ်သားဖူးပေသည်။ တပေါင်းလပြည့်နေ့သည် သူရိယစန္ဒာမင်း ဖွားမြင်သည့်နေ့ကို ဂုဏ်ပြုသောအားဖြင့် "တပေါင်းလပြည့်နေ့" ကို "ပအိုဝ်းအမျိုးသားနေ့" အဖြစ်သတ်မှတ်ကာ ၎င်းပွဲတော်ကို တောင်ကြီးမြို့အဝေရာမီးပုံးပျံကွင်းမှ တောင်ဘက်လမ်းမကြီးအတိုင်း(၁-မိုင်)ခန့်ရှိ "ဒဲဉ်သီ;ဗွေကွင်း" ခေါ် "ပအိုဝ်းအမျိုးသားဘက်စုံဖွံ့ဖြိုးရေးကွင်း" ၌ နှစ်စဉ်စည်ကားသိုက်မြိုက်စွာ ကျင်းပလာခဲ့သည်မှာ၂၀၁၈-ခုနှစ်တွင် (၆၉)ကြိမ်မြောက် ရှိခဲ့ပြီဖြစ်သည်။ ပွဲတော်ရက်အားဖြင့် တပေါင်းလပြည့်နေ့အထိ (၅)ရက်အနည်းဆုံးသတ်မှတ်ထားပါသည်။ ထိုရက်အတွင်းတွင် ဘောလုံး၊ ဘော်လီဘောအားကစား ပြိုင်ပွဲများ၊ စာစီစာကုံး၊ ကဗျာ၊ ဝတ္ထု၊ ကာတွန်း၊ မော်၊ ငေါဝ်းတဲက်၊ ငေါဝ်းကဲ စသည့်စာပေပြိုင်ပွဲများ၊ အနုပညာရှင်များ၏ အဆို၊ အက၊ အတီး၊ ရိုးရာ(ခယာ)တီးပြိုင်ပွဲများ၊ တက္ကသိုလ်ဝင်တန်းအောင် ကျောင်းသား/သူများကိုဆုပေးခြင်း၊ တိုင်းရင်းသားပေါင်းစုံတို့၏ ယဉ်ကျေးမှုအကပဒေသာများ၊ လှယဉ်ကျေးမယ်ပြိုင်ပွဲများနှင့် နာမည်ကျော်ပအိုဝ်းအနုပညာရှင်များ၏ သီဆိုဖျော်ဖြေမှုများပါဝင်ကြသည်။ ထူးခြားသည်မှာ ၎င်းပြိုင်ပွဲများအားလုံးကို ကွင်းပြင်တစ်ခုတည်းပေါ်တွင် ပြုလုပ်နိုင်ခြင်းဖြစ်သည်။ "ဒဲဉ်သီ;ဗွေ" ကွင်း ၏ကျယ်ပြန့်မှုကြောင့် ပအိုဝ်းအမျိုးသားခေါင်းဆောင်များ တစ်နှစ်တာပြုလုပ်ခဲ့သည့် ဖွံ့ဖြိုးရေးလုပ်ငန်းမှတ်တမ်းဓာတ်ပုံများ၊ (PNO)ဌာနချုပ်ရုံးရှိ ဆိုင်ရာဌာန၏လှုပ်ရှားမှုဓာတ်ပုံများ၊ အစိုးရဌာနမှ လူထုပညာပေးမှတ်တမ်းဓာတ်ပုံများ၊ ပအိုဝ်းလူမျိုးတို့၏ ရိုးရာအမွေအနှစ်ပစ္စည်းများ၊ ပျောက်ကွယ်ခဲ့သည့် ရိုးရာပစ္စည်းအခေါ်အဝေါ်နှင့်ဓာတ်ပုံများ၊ ပအိုဝ်းစာပေဖြစ်ပေါ်လာပုံမှတ်တမ်းဓာတ်ပုံများ၊ ပအိုဝ်းလူမျိုးတည်ရှိလာပုံမှတ်တမ်းများ၊ ပအိုဝ်းလူမျိုးအတွက် သက်စွန့် ကြိုးပမ်းခဲ့သည့် သူရဲကောင်းမှတ်တမ်းဓာတ်ပုံများ၊ ပဒေသရာဇ်စနစ်ဆိုး၏မှတ်တမ်းများ၊ ပအိုဝ်းအမျိုးသားနေ့ ပြုလုပ်လာပုံမှတ်တမ်းများ၊ ထင်ရှားသည့် ရိုးရာပွဲတော်မှတ်တမ်းဓာတ်ပုံများ စသည့်မှတ်တမ်းများက ပွဲတော်၏စည်ကားမှုကို အသက်ဝင်စေခဲ့ပါသည်။
ထူးခြားသည့်အလှူပွဲတစ်ခုမှာ ခရီးသွားဧည့်သည်များကို ဆွဲဆောင်နိုင်သည့် "တပေါင်းလပြည့်နေ့ ရိုးရာအလှူပဒေသာလှည့်ပွဲ" ဖြစ်ပေသည်။ တပေါင်းလပြည့်နေ့ နံနက်(၆)နာရီ အချိန်တွင် မူလမင်းကွန်းပရိယတ္တိစာသင်တိုက်ကျောင်းမှစ၍ တောင်ကြီးမြို့ပေါ်ရှိရပ်ကွက်များ၊ တောင်ကြီးမြို့နယ်အတွင်းတွင်ပါဝင်သည့် မြို့များပါမကျန် ရိုးရာအလှူပဒေသာပင်ကိုယ်စီဖြင့်သော်လည်းကောင်း၊ ရိုးရာအကဖြင့်သော်လည်းကောင်း ပထမတောင်ကျောင်းကြီးပရိယတ္တိ စာသင်တိုက်အထိ လာရောက်ပူဇော်ကြပါသည်။ ၎င်းအလှူပဒေသာပင်များမှ ထူးခြားလှပသည့် ပဒေသာပင်များကို ဆုများပြန်လည်ချီးမြှင့်သည့်အတွက် မိမိတို့ပူဇော်မည့် အလှူပဒေသာပင် များသည် ရှည်လျားသည့် ဝါးပင်များဖြင့်ပြုလုပ်ပြီး ရောင်စုံစက္ကူများဖြင့်အလှဆင်ကာ ရိုးရာလက်မှုပညာများကို အပြိုင်အဆိုင်ထုတ်ဖော်ကြပါသည်။ မတူညီသည့်ပန်းကနုတ်အလှများ၊ မတူညီသည့်ပုံစံအမျိုးမျိုး၊ ထူးခြားလှပသည့်ရိုးရာဝတ်စုံ၊ များပြားသည့်လူအင်အားတို့ဖြင့် နေ့မွန်းတည့်သည့်အချိန်ထိတိုင် လှည့်လည်ပူဇော်ကြပါသည်။ မွန်မြတ်သည့်အလှူဒါနတစ်မှာ မတူညီသည့်ထမင်းထုပ်များကို ဝေငှခြင်းပင်ဖြစ်သည်။ ၎င်းထမင်းထုပ်များကို ရပ်ကွက်/ကျေးရွာ ပေါင်းစုံရှိ မိဘပြည်သူများဒါနပြုထားသည့် မတူညီသည့်ဟင်းအမယ်များဖြင့် လူဦးရေထောင်-သောင်းမက ပရိသတ်အပေါင်းတို့က နေ့လည်စာအဖြင့် သုံးဆောင်ကြပါသည်။ ထို့နောက် "ဒဲဉ်သီ;ဗွေ" ကွင်းထဲသို့ အလံတော်တင်ခြင်း၊ အလေးပြုခြင်းနှင့် ဆိုင်ရာဝန်ကြီးဌာနများမှ ပေးပို့လာသည့်သဝဏ်လွှာများ ဖတ်ကြားခြင်းအခမ်းအနားကို စတင်ခဲ့ပါသည်။ လပြည့်နေ့ ဖြစ်သောကြောင့် အားကစားဗိုလ်လုပွဲများကို ပြည့်နှက်နေသည့်ပရိသတ်များ၏ အားပေးနေပုံကိုလည်းတွေ့မြင်ရပေမည်။ ညနေမှောင်ရီပျိုးစအချိန်တွင် ဌာနဆိုင်ရာဝန်ကြီးများမှ တိုင်းရင်းသား ပေါင်းစုံတို့၏ ရိုးရာအကအလှပဒေသာများ ဖျော်ဖြေတင်ဆက်မှုကို လာရောက်အားပေးပြီး ဂုဏ်ပြုဆုများ ပြန်လည်ချီးမြှင့်ကြပါသည်။ ယှဉ်ပြိုင်ခဲ့သည့် အကအမျိုးအစားအပေါ်မူတည်၍ ဆုရရှိသည့် ယဉ်ကျေးမှုအဖွဲ့များကို လပြည့်ကျော်(၁)ရက်နေ့တွင် ပြန်လည်တင်ဆက် ဖျော်ဖြေမှုများ၊ အားကစားပြိုင်ပွဲနှင့်စာပေပြိုင်ပွဲများမှ ဆုရရှိသူများကို ဆုချီးမြှင့်ခြင်းများပါဝင်သည်။
ရပ်ဝေးပရိသတ်များအနေဖြင့် ပွဲတော်ကာလအတွင်း အခြားသောအထင်ကရနေရာများဖြစ်သည့် တောင်ကြီးမြို့အရှေ့ဖက် ပန်းတင်ကျေးရွာအုပ်စုရှိ ဆောင်းရာသီစိုက်ခင်းများ၊ ဟိုပုံးမြို့မှ ထမ်စမ်းဂူ၊ မဲနယ်တောင်ရှိရှုခင်းများနှင့် ကျောက်တလုံးမြို့နယ်ခွဲရှိ မွေတော်ကက္ကူဘုရား တပေါင်းပွဲတော် ထိုမှတစ်ဆင့် တောင်ကြီးမြို့တောင်ပေါ်ရှိ ချယ်ရီပန်းများနှင့်တကွ တောင်ကြီးမြို့၏ တင့်တယ်ပုံကိုရှုမြင်ခံစားရင်း မြို့ပေါ်ရှိအပန်းဖြေစခန်းများသို့လည်း ပြန်လည်အနားယူနိုင်ပါသည်။ ထို့ကြောင့် တပေါင်းလပြည့်နေ့အထိ "တောင်ကြီးမြို့၏ ပအိုဝ်းအမျိုးသားနေ့ (ခေါ်)တပေါင်းပွဲတော်" သည် စာဖြင့်ဖွဲ့နွဲ့၍မပြည့်စုံနိုင်သကဲ့သို့ မိဘပြည်သူအပေါင်းတို့ ကိုယ်တိုင်လာရောက်ကုသိုလ်ရယူရင်း တောင်ကြီးမြို့ရှိ ပအိုဝ်းအမျိုးသားပွဲတော်၏ အနှစ်သာရများကို ရပ်ဝေးမှမိဘပြည်သူတို့ကိုယ်တိုင် လာရောက်ခံစားနိုင်ကြပါစေဟုဆန္ဒပြုရင်း စာရေးသူလည်ပတ်ခဲ့ရသော ထူးခြားစည်ကားသည့် တောင်ကြီးမြို့၏တပေါင်းပွဲတော် အကြောင်းကို ရေးသားဖော်ပြလိုက်ပါသည်။
မျင်,မိုရ်;ခွန်
(ဘုရာ,ဗွါ)
Like On Facebook
Follow On Twitter
Subscribe On RSS