ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်၊ ကုန်းဆွတ်ကျေးရွာအုပ်စု၊ တရောက်ကျေးရွာရှိ ဘက်စုံသုံးကျေးရွာခန်းမဆောင်၌ ဇူလိုင် (၂၂) ရက်နေ့နှင့် (၂၃) ရက်နေ့တွင် နိုင်ငံသားစိစစ်ရေး ကတ်ပြားများနှင့် အိမ်ထောင်စုဇယားများကို လူဝင်မှုကြီးကြပ်ရေးနှင့်ပြည်သူ့အင်အားဆိုင်ရာ ဆီဆိုင်မြို့နယ် ဦးစီးမှူးရုံးနှင့် NRC တို့ ပူးပေါင်း၍ ကျေးရွာအရောက်နေ့ချင်းပြီးအခမဲ့ကွင်းဆင်းဆောင်ရွက်ပေးခဲ့သည်။
နိုင်ငံသားစီစစ်ရေးကတ်ပြားများနှင့် အိမ်ထောင်စုဇယားများ အခမဲ့ဆောင်ရွက်ရာတွင် တရောက်ကျေးရွာ၊ လာဇရှုးကျေးရွာ၊ တောင်သာကျေးရွာနှင့် ကုန်းသာကျေးရွာတို့ရှိ ဒေသခံတိုင်းရင်းသားပြည်သူများအား နိုင်ငံသားစီစစ်ရေးကတ်ပြား(၄၀)ခုနှင့် အိမ်ထောင်စုဇယား(၅၉)စောင်တို့အား နေ့ချင်းပြီးအခမဲ့ဆောင်ရွက် ပေးခဲ့ကြောင်းနှင့် ကျန်ရှိသည့်ကျေးရွာအုပ်စုများသို့လဲ အခမဲ့ဆက်လက်ဆောင်ရွက်ပေးသွားမည်ဖြစ်ကြောင်း မြို့နယ်ဦးစီးမှူး ဦးအောင်ဆန်းဝင်း ထံမှသိရသည်။
မြို့နယ်ပြန်ဆက်
Like On Facebook
Follow On Twitter
Subscribe On RSS