Credit-Photo
အချိန်သည် ကုန်မြန်လှပြီး မြန်မာနိုင်ငံ၏ ဒီမိုကရေစီခရီးလမ်းဒုတိယသက်တမ်းကို ၂၀၁၅ ခုနှစ်မှ တရွေ့ရွေ့နှင့် စတင်ဖြတ်သန်းလာရာ ယခုအချိန်တွင် ခရီး၏လေးနှစ်သက်တမ်းသို့ ရောက်ရှိ၍လာပြီ ဖြစ်သည်။ နိုင်ငံရေးပါတီများအနေဖြင့် သတိမထား၊ အမှုမဲ့အမှတ်မဲ့ ဖြတ်သန်းလာခဲ့သည်မှာ ယခုအချိန်တွင် ခရီး၏ လေးပုံသုံးပုံသောမိုင်တိုင်သို့ ရောက်ရှိလာပြီဖြစ်ပြီး ရွေးကောက်ပွဲကျင်းပရန်လည်း (၁၅)လဝန်း ကျင်ခန့်သာ ကျန်ရှိ တော့သည်။
ဤလေးနှစ်သက်တမ်းအချိန်ကာလအတွင်းတွင် အရပ်သားအစိုးရဖြစ်သည့် NLD အစိုးရသည်လည်း တိုင်းပြည်၏ ကောင်းရာကောင်းကျိုးများကို ဦးဆောင်စီမံဆောင်ရွက်ခဲ့ပြီး အချို့သောပုဂ္ဂိုလ်များက လက်ရှိအရပ်သားအစိုးရ၏ အစီအမံများအပေါ် အားမလိုအားမရမှုများ ဖြစ်နေပြီး အထူးသဖြင့် စီးပွားရေး ဖွံ့ဖြိုးတိုးတက်မှုမရှိသည်ကို အခြေခံလူတန်းစားများက စိတ်ပျက်ငြိုငြင်နေကြလျက်ရှိကြသည်။ အခြေခံလူတန်းစားများ အာသာပြေစေရန်အတွက် ကျန်ရှိသည့်တစ်နှစ်အချိန်အတောအတွင်း ပြန်လည်ကုစားရန် အရပ်သားအစိုးရအနေဖြင့် ကြိုးစားလုပ်ယူရတော့မည် ဖြစ်သည်။ သိသာထင်ရှားသည့်အပြောင်းအလဲ မပြုလုပ်နိုင်ပါက ၂၀၂၀ အတွက် အထိအခိုက်များပြီး ရိုက်ခတ်မှု များသွားနိုင်သည်။
USDP လည်း ၂၀၂၀ တွင် ၂၀၁၅ ကထက် ပိုမိုများပြားသော ထိုင်ခုံနေရာရရှိရန် ကြိုးစားတည်ဆောက်လာလျက် ဖြစ်သည်။ လက်ရှိအစိုးရ၏ အားနည်းချက်များကို အခွင့်ကောင်းယူပြီး ၂၀၂၀ တွင် ထိုင်ခုံနေရာ ပိုမိုရရှိလာနိုင်မည်ဟုလည်း တချို့က သုံးသပ်ကြပြီးတဘက်တွင်လည်း ၂၅ ရာခိုင်နှုန်းသော တပ်မတော်ကိုယ်စားလှယ်များသည်လည်း ရာခိုင်နှုန်းအပြည့် အခိုင်အမာ နေရာယူထားပြီးဖြစ်သည်။
တိုင်းရင်းသားပါတီများအနေဖြင့်လည်း ၂၀၁၅ ရွေးကောက်ပွဲမှ သင်ယူစရာများကို သင်ယူမှုများ ပြုလုပ်နေပြီး လက်ရှိအချိန်တွင် ပါတီပေါင်းစည်းရေးလုပ်ငန်းများကိုလည်း ဆောင်ရွက်ကြလျှက်ရှိသည်။ မွန်ပြည်နယ်တွင်သော်လည်းကောင်း၊ ကရင်ပြည်နယ်တွင်သော်လည်းကောင်း၊ ကချင်ပြည်နယ်တွင် သော်လည်းကောင်း၊ ချင်းပြည်နယ်တွင်သော်လည်းကောင်း၊ ရှမ်းပြည်နယ်တွင်သော်လည်းကောင်း တိုင်းရင်းသားပါတီအချို့က အသီးသီးပေါင်းစည်းရေး လုပ်ခဲ့ပြီးဖြစ်သည်။ အခြားဒေသရှိပါတီအချို့သည်လည်း ပေါင်းစည်းရေးလုပ်ငန်းများ ပြုလုပ်ရန်ရှိကြောင်းကိုလည်း ကြားသိရပါသည်။
လူမျိုးအခြေခံတိုင်းရင်းသားပါတီများအချင်းချင်း ပေါင်းစည်းရေးလုပ်ငန်းသည် အဆိုပါတိုင်းရင်းသားလူမျိုး၏ အကျိုးစီးပွားကို ရှေးရှု၍ နားလည်လာခြင်းပင်ဖြစ်သည်။ မိမိတို့၏အရေးကို မိမိတို့ပြန်လည်အဆိုပြုမှ၊ မိမိတို့ စုစုစည်းစည်းလုပ်ဆောင်မှရမည်ကို သိရှိသဘောပေါက်လာသည်။ ရွေးကောက်ပွဲတွင် အနိုင်ရမှ မိမိတို့လူမျိုးအတွက် အခွင့်အရေးများကို အရေးဆိုပေးနိုင်မည်ကို နားလည်သဘောပေါက်လာကြခြင်းဖြစ်သည်။ ၂၀၁၅ ရွေးကောက်ပွဲ၏ အနိုင်အရှုံးကြောင့် ဒီမိုကရေစီခရီးလမ်း ဒုတိယသက်တမ်းတွင် နှစ်နာခဲ့ရသည်ကို ကောင်းစွာသဘောပေါက်လာသည်။ ထို့ကြောင့် ၂၀၂၀ ရွေးကောက်ပွဲတွင် ပြည်နယ်များမှာ တိုင်းရင်းသားပါတီများအနေဖြင့် ၂၀၁၅ ကဲ့သို့မဟုတ်သည့် မဲရလဒ်များ ထွက်ပေါ်လာမည်မှာ အသေအချာပင်ဖြစ်သည်ဟု ယုံကြည်သည်။
၂၀၂၀ ရွေးကောက်ပွဲကို နိုင်ငံရေးအကြောင်း သိကောင်းသူများက အတော်ပင် စိတ်ဝင်စားကြသည်။ တိုင်းဒေသကြီးများတွင် အများစုက NLD ကို ယုံကြည်ကြဆဲပင်ဖြစ်သော်လည်း အချို့ကလည်း လက်ရှိအစိုးရ၏ အစီအမံများကို အားမလိုအားမရဖြစ်မှုကြောင့် အနည်းနှင့်အများ ဘက်ပြောင်းသွားနိုင်သည့်အနေအထားတွင်ရှိသည်။ ပြည်နယ်များတွင်လည်း NLD ကို အတိုင်းအတာတစ်ခုအထိ ယုံကြည်နေကြဆဲဖြစ်ပြီး အများအားဖြင့် တိုင်းရင်းသားများက စိုးမိုးသွားနိုင်သည့် သို့မဟုတ် စိုးမိုးသွားမည့် အလားအလာရှိသည်။
အပြောင်းအလဲကို မည်သူတစ်ဦးတစ်ယောက်ကမှ တားဆီး၍ မရနိုင်ပါ။ ပြောင်းလဲချိန်တန်ပါက အဆိုပါအပြောင်းအလဲနှင့် လိုက်ပါစီးမျောနိုင်ရန်သာ လိုအပ်ပြီး မိမိတို့၏အခွင့်အရေးများကို လက်လွတ် ဆုံးရှုံးခံရမှု မဖြစ်ရန်သာ လိုသည်။ ၂၀၂၀ တွင် သူမသာ၊ ကိုယ်မသာ မဲရလဒ်အနေအထားများ ထွက်ပေါ်လာနိုင်ကြောင်းကို အချို့ကသုံးသပ်ကြပြီး ထိုကဲ့သို့ ဖြစ်ပေါ်လာပါက ညွှန့်ပေါင်းအစိုးရ ဖြစ်လာနိုင်သည့် အလားအလာရှိသည်။ ညွှန့်ပေါင်းအစိုးရဖြစ်လာပါက မဟာမိတ်အနေအထားတွင်လည်း ပြုလုပ်လာရမည်ဖြစ်သည်။
ထိုကဲ့သို့သော အနေအထားများ ဖြစ်ပေါ်လာပါက တိုင်းရင်းသားပါတီများအနေဖြင့် အရေးကြီးသည့်အခန်းကဏ္ဍတွင် ပါဝင်လာရနိုင်ပြီး သူမသာ၊ ကိုယ်မသာ မဲရလဒ်များထွက်ပေါ်လာခဲ့လျှင် မဟာမိတ် ပြုရတော့မည်ဖြစ်ကြောင့် အစိုးရဖွဲ့စည်းရေးတွင် ပါဝင်လာရနိုင်သည်။ ထို့ကြောင့် ၂၀၂၀ တွင် ညွှန့်ပေါင်းအစိုးရ ဖွဲ့စည်းသွားနိုင်မည့်အခြေအနေ ဖြစ်ပေါ်လာနိုင်မှာလား ဆိုသည့်အချက်များကို နိုင်ငံရေးလောကရှိ ပုဂ္ဂိုလ်များမှ စိတ်ဝင်စားကြသည်။
၂၀၂၀ တွင် မည်သူတွေ ဘေးထွက်ထိုင်ရပြီး မည်သူတွေက ပန်းဝင်သွားမည်ကို ဒီမိုကရေစီခရီး၏ လက်ကျန်သက်တမ်းအတွင်းတွင် မည်သူက ပြည်သူ၏ ဆာလောင်ငတ်မွတ်မှုများကို အာသာပြေအောင် လုပ်ဆောင်ပေးနိုင်မည်နည်း ဆိုသည့်အချက်ပေါ်တွင်လည်း များစွာမူတည်နေသည်။ သေချာသည်မှာ ၂၀၂၀ ရွေးကောက်ပွဲသည် စိတ်ဝင်စားမှုအပြည့်နှင့် စောင့်ကြိုနေသည်။
Kka Sp
Like On Facebook
Follow On Twitter
Subscribe On RSS