ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသတွင် စိုက်ပျိုးရေး၊ မွေးမြူရေးနှင့်ဆည်မြောင်း ၀န်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့ပြနှင့်ကျေးလက် လူမှုစီးပွားဘ၀ကွာဟမှု ကျဉ်းမြောင်းစေရန်အတွက် စိုက်ပျိုးရေး/မွေးမြူရေး အသိပညာ/နည်းပညာများကို တောင်သူများသိရှိ အသုံးပြုလာနိုင်ရေး တောင်သူပညာပေး ဆွေးနွေးပွဲကို သြဂုတ်လ (၁၄)ရက်၊ နံနက်(၁၀)နာရီအချိန်တွင် ဟိုပုံးမြို့နယ်၊ ပေါင်လင်းကျေးရွာအုပ်စု၊ ကုန်းသာကျေးရွာ ဘုန်းတောင်ကြီးကျောင်းတွင် ကျင်းပပြုလုပ်ခဲ့သည်။
“မိမိတို့ စိုက်ပျိုးတဲ့သီးနှံများ အရည်အသွေးကောင်းမွန်၍ အထွက်နှုန်းတိုးပွားလာကာ ၀င်ငွေကောင်းကောင်းရရှိပြီး စီးပွားရေးတွက်ချေကိုက်ဖို့ ကျေးလက်နေတောင်သူများအတွက် စိုက်ပျိုးရေးဦးစီးဌာန၊ တိရိစ္ဆာန်မွေးမြူရေးနှင့် ကုသရေးဦးစီးဌာနတို့နှင့် ပူးပေါင်း၍ စိုက်ပျိုးရေး/မွေးမြူရေးဆိုင်ရာ ခေတ်မီနည်းစနစ်များ၊ စိုက်ပျိုးရေး/မွေးမြူရေးဆိုင်ရာ အလေ့အကျင့်ကောင်းများစတဲ့ စိုက်ပျိုးရေး/မွေးမြူရေးနဲ့ပတ်သက်တဲ့ နည်းပညာတွေကို စုစည်းပြီး အသိပညာ၊ အတတ်ပညာများနဲ့ လက်ကမ်းစာစောင်များကို မျှဝေပေးသွားမည်ဖြစ်ကြောင်း ’’ ရှမ်းပြည်နယ်ကျေးလက်ဒေ သ ဖွံ့ဖြိုးတိုးတက်ရေးဦးစီးဌာန၊ လက်ထောက်ညွှန်ကြားရေးမှူး ဦးခွန်မြင့်အောင်က ပြောကြားသည်။
တောင်သူပညာပေးခြင်းကို စိုက်ပျိုးရေးဦးစီးဌာနမှ ဒုတိယဦးစီးမှူးများဖြစ်သည့် ဦးနေဇာအောင်နှင့် ဒေါ်ခိုင်သန္တာလင်းတို့က မြေဆီသြဇာထက်သန်ရေးနှင့် အပင်အတွက်လိုအပ်သော အာဟာရဓါတ်များအကြောင်း၊ ငမြှောင်တောင် (Faw) ပိုးအန္တရာယ်ကာကွယ်နှိမ်နင်းနည်းများအကြောင်းနှင့် တိရိစ္ဆာန်မွေးမြူရေးနှင့် ကုသရေးဦးစီးဌာနမှ ဒုတိယဦးစီးမှူး ဦးစိုင်းလုံက အာဖရိကအပျင်းဖျားဝက်ရောဂါ၊ တိရိစ္ဆာန်ကူးစက်ရောဂါကာကွယ်ရေး၊ တိုင်းရင်းကြက် မွေးမြူရေး၊ ၀က်မွေးမြူရေးနှင့် တိရိစ္ဆာန်ကာကွယ်ဆေးများ အကြောင်းတို့ကို (Projector)ပရိုဂျက်တာဖြင့် ဆွေးနွေးပို့ချခဲ့ပြီး ငမြှောင်တောင်ပိုး ကာကွယ်နှိမ်နှင်းနည်းကို လက်တွေ့သရုပ်ပြခဲ့ကြောင်း သိရသည်။
“ မြို့နယ်အဆင့်ဌာနဆိုင်ရာများ ပေါင်းစပ်ပြီး တောင်သူစွမ်းရည်မြှင့်မားစေဖို့ စိုက်ပျိုးရေးနည်းပညာပြန့်ပွားရေး၊ ကောင်းမွန်သော တိရိစ္ဆာန်မွေးမြူရေး အလေ့အကျင့်ကောင်းများရရှိစေရေး ဆွေးနွေးပွဲကို တက်ရောက်လာတဲ့ တောင်သူများအနေနဲ့ ပို့ချချက် အသိပညာဗဟုသုတများကို မိမိတို့ လုပ်ကိုင်နေတဲ့ လုပ်ငန်းခွင်မှာ ဖြစ်ပေါ်နေတဲ့ အခက်အခဲပြဿနာများကှိုရှင်းရှင်းလင်းလင်း သိသွားစေတဲ့အတွက် လယ်ယာစိုက်ပျိုးရေးကဏ္ဍနဲ့ မွေးမြူရေးကဏ္ဍတို့မှာ နည်းစနစ်ကျကျ ဆောင်ရွက်နိုင်မည်ဆိုလျှင် ပြည်သူများစားနှပ်ရိက္ခာဖူလုံလာပြီး လူမှုစီပွားတိုးတက်လာမှာ ဖြစ်ကြောင်း” ဟိုပုံးမြို့နယ် အထွေထွေအုပ်ချုပ်ရေးဦးစီးဌာန ဒုတိယမြို့နယ်အုပ်ချုပ်ရေးမှူး ဦးခွန်ကျော်သိန်းက ပြောကြားသည်။
တောင်သူပညာပေးဆွေးနွေးပွဲတွင် ရှမ်းပြည်နယ် ကျေးလက်ဒေသဖွံဖြိုးတိုးတက်ရေးဦးစီးဌာန၊ လက်ထောက် ညွှန်ကြားရေးမှူး ဦးခွန်မြင့်သောင်းနှင့် ဟိုပုံးမြို့နယ် အထွေထွေအုပ်ချုပ်ရေးဦးစီးဌာန ဒုတိယမြို့နယ်အုပ်ချုပ်ရေးမှူး ဦးခွန်ကျော်သိန်းတို့က အမှာစကားပြောကြားပြီး၊ ဟိုပုံးမြို့နယ် စိုက်ပျိုးရေးဦးစီးဌာန မြို့နယ်ဦးစီးမှူးဦးခင်မောင်သိန်းက စိုက်ပျိုးရေးဌာနမှ ဆောင်ရွက်လျက်ရှိသည့် လုပ်ငန်းများကို ရှင်းလင်းပြောကြားပြီးနောက် ဟိုပုံးမြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန မြို့နယ်ဦးစီးမှူး ဦးထျာရယ်က ပညာပေးဟောပြောပွဲကျင်းပရခြင်းနှင့် ပတ်သက်၍ ရှင်းလင်းပြောကြားသည်။
ဆွေးနွေးပွဲတက်ရောက်လာသည့် တောင်သူများသို့ စပါး၊ ကြံ၊ ပဲစဉ်းငုံ၊ ပဲပုတ်၊ နှမ်း၊ ပန်းနှမ်း၊ ကော်ဖီနှင့် ပဲအမျိုးမျိုး စသည့်စိုက်ပျိုးနည်းဆိုင်ရာအလေ့အကျင့်ကောင်းများ၊ ဓါတ်မြေသြဇာဖော်စပ်နည်းများ၊ ဓါတ်မြေသြဇာအသုံးပြုနည်းများ၊ ပိုးသတ်ဆေးသုံးစွဲရာတွင် ရှောင်ရန်အချက်များ၊ ယူရီးယားနှင့်လက်ချာအသုံးပြု၍ ကုန်ကျစရိတ်နည်းစွာဖြင့် ပဲမျိုးစုံ အထွက်တိုးအောင် ဆောင်ရွက်နည်း၊ တိရိစ္ဆာန်ကူးစက်ရောဂါကာကွယ်ရေး၊ တိုင်းရင်းကြက်မွေးမြူရေး၊ ၀က်မွေးမြူရေးနှင့် တိရိစ္ဆာန်ကာကွယ်ဆေးများ စသည့် စိုက်ပျိုးရေး/မွေးမြူရေးဆိုင်ရာ အသိပညာပေး လက်ကမ်းစာစောင်များအား အခမဲ့ ဖြန့်ဝေပေးခဲ့ကြောင်းသိရှိရပါသည်။
ထက်ထက်(ဟိုပုံး)
Like On Facebook
Follow On Twitter
Subscribe On RSS