စိုက်ပျိုးရေးဦးစီးဌာနနှင့် ကိုးရီးယားရာသီဥတုပြောင်းလဲမှုဗဟိုဌာနတို့ ပူးပေါင်းဆောင်ရွက်သော ပအိုဝ်းကိုယ်ပိုင်အုပ်ချုပ်ခွင့်ရဒေသတွင် လျှပ်စစ်မီးမရရှိသေးသော ဝေးလံခေါင်ပါးသည့် ကျေးရွာအုပ်စုများမှ ဒေသခံမိဘပြည်သူများအား စွမ်းအားမြှင့်မီးဖိုများ ဖြန့်ဖြူးခြင်းစီမံကိန်း စတင်ခြင်းအလုပ်ရုံ ဆွေးနွေးပွဲနှင့် စီမံကိန်းတွင် ပါဝင်မည့်သူများ ညှိနှိုင်းဆွေးနွေးပွဲကို သြဂုတ်လ (၇) ရက် နံနက်(၉)နာရီခွဲက ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၊ ဖာလွိုင်ဗွေလွန်းကျောင်းတိုက်၌ ကျင်းပပြုလုပ်သည်။
ဆွေးနွေးပွဲတွင် ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့၊ အလုပ်အမှုဆောင်(စီမံ) ဦးခွန်လှသိန်း က " ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်းရှိ မြို့နယ်များ၌ လျှပ်စစ်မီးမရရှိသေးတဲ့ လောင်စာထင်း အသုံးပြုပြီး ချက်ပြုတ်စားသောက်လျက်ရှိသည့် အိမ်ထောင်စုအရေအတွက်များအား မြို့နယ်ရှိ ဌာနဆိုင်ရာများနှင့် ပူးပေါင်းညှိနှိုင်းပြီး စာရင်းများကို ကောက်ယူစုဆောင်းကာ စီမံကိန်းအကောင်အထည်ဖော်မည့် မြို့နယ်များရှိ မြို့နယ်အဆင့် စီမံကိန်းအကောင်အထည်ဖော်ရေး ကော်မတီများ ဖွဲ့စည်းဆောင်ရွက်ပြီး စွမ်းအားမြှင့်မီးဖိုများအား သတ်မှတ်ကာလအတွင်း အချိန်မီဖြန့်ဖြူးနိုင်ရေး စီစဉ်ဆောင်ရွက်ရန်၊ ကျေးလက်နေပြည်သူများနှင့် စီမံကိန်းဝန်ထမ်းများအား သဘာဝပတ်ဝန်းကျင်ဆိုင်ရာ ပညာပေးရေးနှင့် တိုးချဲ့ပညာပေးရေးလုပ်ငန်းများပို့ချကာ မိမိဒေသ၊ မိမိပတ်ဝန်းကျင်ရှိ ရှိရင်းတောများ မပျောက်ကွယ်စေဘဲ မိမိတို့စိုက်ပျိုးထားရှိလျက်ရှိသည့် (သနပ်ဖက်၊ ပြောင်း၊ ပဲစိမ်းငုံ)စသည့် အပင်များမှ အသုံးမပြုတဲ့ အကိုင်း၊ အခက်များကို အသုံးပြု၍ရသည့်အတွက် လျှပ်စစ်မီးမရရှိသေးသည့် ကျေးရွာများအနေဖြင့် သဘာဝပတ်ဝန်းကျင်သစ်တောများ ထိခိုက်မှုလျော့နည်းလာရန် ပိုမိုအထောက်အကူပြုနိုင်မှာ ဖြစ်တဲ့အတွက် စွမ်းအားမြှင့်မီးဖိုများကို တိုးမြှင့်ခွဲဝေချထား ပေးစေလိုကြောင်း" ပြောကြားသည်။
၎င်းနောက် တောင်ကြီးခရိုင် စိုက်ပျိုးရေးဦးစီးဌာနရုံးမှ ဦးစီးအရာရှိ ဦးဇော်မြတ်ထွန်းက " ကာဗွန် ထုတ်လုပ်မှု လျှော့ချသည့်လုပ်ငန်းစဉ် ယန္တရားအတွက် လုပ်ရှားမှုအစီအစဉ်များကာလကို ၂၅.၃.၂၀၁၉ ရက်နေ့မှ ၂၅.၁၀.၂၀၁၉ ရက်နေ့ထိ (၇)လကြာ ကနဦးစီမံကိန်းကို ဆောင်ရွက်လျက်ရှိပြီး စီမံကိန်းကာလကို (၇)နှစ်အထိ ထပ်မံတိုးချဲ့နိုင်ရေးအတွက် ဆက်လက်ဆောင်ရွက်လျက်ရှိကြောင်း၊ စီမံကိန်းဆောင်ရွက်မည့် ဒေသများမှာ နေပြည်တော်၊ ရန်ကုန်၊ ပဲခူး၊ ဧရာဝတီ၊ မွန်နှင့် ရှမ်းတို့တွင် ဆောင်ရွက်လျက်ရှိကြောင်း၊ နိုင်ငံတကာမှ သတ်မှတ်ထားသည့် အရည်အသွေးနှင့် စံချိန်စံညွှန်းပြည့်မီသည့် စွမ်းအားမြှင့်မီးဖိုများကို မြန်မာနိုင်ငံစဥ့်အသင်း(MCS)မှ တာဝန်ယူ ထုတ်လုပ်သွားမည်ဖြစ်ပြီး၊ မြန်မာနိုင်ငံကျေးလက်ဒေသများတွင် လောင်စာသုံးစွဲမှုလျော့ချလာနိုင်မည်ဖြစ်ကာ သစ်တောပြုန်းတီးမှုကို ကာကွယ်နိုင်ခြင်းနှင့် ကာဗွန်ထုတ် လုပ်မှု လျှော့ချလာနိုင်မည် ဖြစ်သည့်အတွက် မြန်မာနိုင်ငံအတွက် Carbon Credit များ ရရှိလာနိုင် မည်ဖြစ်ပြီး၊ CPA ကနဦးဆောင်ရွက်မည့် (၂၉)ခုအတွက် ခန့်မှန်းခြေ အမေရိကန်ဒေါ်လာ (၉၁၃,၅၀၀) ဒေါ်လာခန့်အသုံးပြုသွားမည်ဖြစ်ပြီး ကျေးလက်ဒေသဖွံ့ဖြိုးရေးအတွက် စွမ်းအားမြှင့်မီးဖိုတစ်ဖိုလျှင် အမေရိကန်ဒေါ်လာတစ်ဒေါ်လာအား စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေး ဉီးစီးဌာန၏ ကျေးရွာသစ်လှုပ်ရှားမှု ရန်ပုံငွေအတွက် ထည့်ဝင်ပေးမည် ဖြစ်ကြောင်း " ဆွေးနွေးပြောကြားသည်။
ယင်းနောက်"သဘာဝပတ်ဝန်းကျင်ထိန်းသိမ်းမယ်ဆိုရင် သစ်တော်သစ်ပင်များကို အဓိကထား ထိန်းသိမ်းရမည် ဖြစ်ပြီး၊ ကျွန်တော်တို့ ရွာတွေမှာ ထမင်းဟင်းချက်ပြုတ်ရန်အတွက် ထင်းမီးဖိုကို အသုံးပြု လျက်ရှိကြသည့်အတွက် စွမ်းအားမြှင့်မီးဖိုသည် ရိုးရိုးမီးဖိုများနှင့်ဆိုင်လျှင် အများကြီးအကျိုးပြုနိုင် မှာဖြစ်တယ်။ မိမိဒေသ မှာရှိတဲ့ စွန့်ပစ်ပစ္စည်းများဖြစ်သည့် သနပ်ဖက်အရိုးများ၊ ပြောင်းဖူးရိုးတိုင်များ ကိုပါ အသုံးပြုလာနိုင်မှာဖြစ်တဲ့အတွက် သဘာဝပတ်ဝန်းကျင်ကို ထိန်းသိမ်းလာနိုင်မှာ ဖြစ်ကြောင်း" ဟိုပုံးမြို့နယ်အုပ်ချုပ်ရေးမှူး ဦးနန်းတင့်က ဆက်လက်ဆွေးနွေးသည်။
ထို့နောက် တက်ရောက်လာကြသည့် ကျေးရွာအုပ်စုအုပ်ချုပ်ရေးမှူးများနှင့် ဒေသခံပြည်များက သိရှိလိုသည်များ မေးမြန်းဆွေးနွေးရာ ဆီဆိုင်မြို့နယ် အုပ်ချုပ်ရေးမှူး ဦးအောင်နိုင်၊ ဆီဆိုင်မြို့နယ် စိုက်ပျိုးရေးဉီးစီးဌာနမှူးဦးကျော်ကြင်နှင့် ဟိုပုံးမြို့နယ် စိုက်ပျိုးရေးဉီးစီးဌာနမှူး ဦးခင်မောင်သိန်းတို့က ဝိုင်းဝန်းဆွေးနွေးကြပြီး၊ စွမ်းအားမြှင့်မီးဖို အသုံးပြုပုံများကို တောင်ကြီးခရိုင် စိုက်ပျိုးရေးဦးစီးဌာနရုံးမှ ဦးစီးအရာရှိ ဦးဇော်မြတ်ထွန်းက လက်တွေ့သရုပ်ပြ ရှင်းလင်းဆောင်ရွက်ခဲ့သည်။
ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်းရှိ ဟိုပုံးမြို့နယ်နှင့်ဆီဆိုင်မြို့နယ်တို့မှ ကျေးရွာအုပ်စု (၂၉) အုပ်စု၊ ကျေးရွာ (၄၂၀)ရွာနှင့် အိမ်ထောင်စုပေါင်း (၃၂၃၀၉)စုအား စွမ်းအားမြှင့်မီးဖို ဖြန့်ဝေသွားမည် ဖြစ်ကြောင်း သိရသည်။
ထက်ထက်(ဟိုပုံး)
Like On Facebook
Follow On Twitter
Subscribe On RSS