ပအိုဝ်းအနုပညာဖခင် ဂန္ထ၀င်ဂီတစာဆို ခွန်သာဒွန်း ကျဆုံးခြင်းအနှစ်(၄၀)ပြည့် အောက်မေ့သတိရပွဲ အခမ်းအနား ပြုလုပ်နိုင်ရန် အကြိုဆွေးနွေးပွဲ ကျင်းပပြုလုပ်

တောင်ကြီး၊ ၂၀၁၈ ခုနှစ်၊ နိုဝင်ဘာလ (၅) ရက်

ယနေ့ မနက်(၁၀)နာရီတွင် ဟိုပုံးမြို့နယ်၊ ရန်ကင်းကျေးရွာရှိ ဟိုပုံးအနုပညာခန်းမ၌ ပအိုဝ်းအနုပညာရှင်များက ပအိုဝ်းအနုပညာဖခင် ဂန္ထ၀င်ဂီတစာဆို ခွန်သာဒွန်း ကျဆုံးခြင်းအနှစ်(၄၀)ပြည့် အောက်မေ့သတိရ ဂုဏ်ပြုအခမ်းအနား ပြုလုပ်နိုင်ရန်အတွက် အကြိုညှိနှိုင်းဆွေးနွေးပွဲကို ကျင်းပပြုလုပ်ခဲ့ကြောင်း သိရသည်။

“ပအိုဝ်းအမျိုးသားများရဲ့ အကျိုးစီးပွားကို စွမ်းစွမ်းတမံ စွမ်းဆောင်ပေးခဲ့တဲ့ ပုဂ္ဂိုလ်တွေထဲက ကျွန်တော်တို့ ပအိုဝ်းအနုပညာနှင့်ပတ်သက်လို့ ဦးစီးဦးဆောင် ဖေါ်ဆောင်ပေးခဲ့တဲ့သူက ပအိုဝ်းအနုပညာဖခင် ဂန္ထ၀င်ဂီတစာဆို ခွန်သာဒွန်းပေါ့၊ ဂုဏ်ပြုသင့် ဂုဏ်ပြုထိုက်ပုဂ္ဂိုလ်ကို ဂုဏ်ပြုဖို့အတွက် ဒီနေ့ အစည်းအဝေးပြုလုပ်ရတာပါ၊ ခွန်သာဒွန်းကျဆုံးခဲ့တာ နှစ်ပေါင်း(၄၀)ရှိပါပြီ၊ အရင်က ပအိုဝ်းအနုပညာသမားတွေအနေနဲ့ ဒီလိုဂုဏ်ပြုပွဲပြုလုပ်ဖို့ စဉ်းစားတာမျိုး မရှိခဲ့ဘူး၊ ခုဒီနှစ်ကျမှ ငါတို့ပအိုဝ်းအနုပညာခေါင်းဆောင် ခွန်သာဒွန်း အောက်မေ့ဂုဏ်ပြုပွဲကို လုပ်သင့်တယ်လို့ တွေးကြ ပြောကြလာတဲ့အခါကျတော့ အခု ပွဲဖြစ်မြောက်ရေးအကြိုအစည်းအဝေးကို ပြုလုပ်ရတာဖြစ်တယ်" ဟု ပအိုဝ်းအနုပညာရှင် ခွန်နောင်းဝေးက ပြောကြားခဲ့ပါသည်။

“သူရေးစပ် သူသီဆိုတဲ့ ဂန္ထ၀င်တေးတွေက ပအိုဝ်းအမျိုးသားများကို ဇာတိသွေး ဇာတိမာန် မျိုးချစ်စိတ်ဓာတ်အားအင်တွေ ရှင်သန်ထက်မြက်လာအောင် နိုးဆော်ပေးတယ်၊ ခုထိ ပအိုဝ်းတိုင်းရဲ့ နုတ်ဖျားမှာ သူ့တေးသီချင်းက ခေတ်စားတုန်းပဲ၊ -  ခွန်သာဒွန်းရဲ့ ဂီတအနုပညာစွမ်းအားကို အောက်မေ့သတိရစေဖို့နဲ့ ဂုဏ်ပြုဖို့၊ ခွန်သာဒွန်းကျဆုံးခြင်းနှစ်(၄၀)ပြည့် အောက်မေ့သတိရပွဲကျင်းပနိုင်ဖို့အတွက် ဒီနေ့အကြိုဆွေးနွေးပွဲကို ကျင်းပရခြင်းဖြစ်တယ်” ဟု ယနေ့အကြိုဆွေးနွေးပွဲ အကျိုးတော်ဆောင် ခွန်သောမတ်က ပြောကြားပါတယ်။
ပအိုဝ်းအနုပညာဖခင် ဂန္ထ၀င်ဂီတစာဆို ခွန်သာဒွန်းသည် ကောဇာသက္ကရာဇ်(၁၃၀၆)ခုနှစ်၊ သီတင်းကျွစ်လဆန်း(၈)ရက်နေ့၊ တောင်ကြီးမြို့နယ်၊ ဖါမွန်ကျေးရွာတွင် မွေးဖွားပြီး (ပအမဖဥက္ကဌ) ဗိုလ်ဟိန်မောင်+နန်းလွဉ်းတို့၏ ဒုတိယမြောက်သားဖြစ်ကြောင်းသိရသည်။

ခွန်သာဒွန်းသည် ပအိုဝ်းဂီတနှင့်ပတ်သက်၍ စွမ်းစွမ်းတမံ စွမ်းဆောင်ပေးနေဆဲ အသက်(၃၄)အရွယ်အတွင်ပင် (၁၃၃၉)ခုနှစ်၊ (၁၄-၁၁-၇၈)၊ တန်ဆောင်မုန်းလပြည့်ညတွင် (ရလလဖ) အဖွဲ့မှ မသမာသူလူတစ်စု၏ လုပ်ကြံသတ်ဖြတ်ခြင်းခံခဲ့ရကာ ပအိုဝ်းအမျိုးသားများအတွက် ယူကျုံးမရ ဆုံးရှုံးမှုတစ်ခုအဖြစ် ယနေ့တိုင် အမှတ်ရနေဆဲဖြစ်သည်။

ယနေ့တွင်  ပအိုဝ်းအနုပညာဖခင် ဂန္ထ၀င်ဂီတစာဆို ခွန်သာဒွန်း ကျဆုံးခြင်းအနှစ်(၄၀)ပြည့် အောက်မေ့သတိရပွဲ အခမ်းအနား ပြုလုပ်နိုင်ရန်အတွက် ပွဲဖြစ်မြောက်ရေးကော်မတီများဖွဲ့စည်းပြီး မည်သည့်အချိန် မည်သည့်နေရာ မည်သည့်ပုံစံမျိုးပြုလုပ်မည်ကို ပွဲဖြစ်မြောက်ရေးကော်မတီ၏ နောက်စည်းဝေးတွင် အတည်ပြုဆုံးဖြတ်သွားမည် ဖြစ်ကြောင်း သိရသည်။

ယနေ့ပွဲဖြစ်မြောက်ရေးအကြိုဆွေးနွေးပွဲသို့ (ရလလဖ)ဥက္ကဋ္ဌ ဖြားခွန်ချစ်မောင်၊ ဖြားခွန်ကျော်ဇေယျ၊ ပအိုဝ်းအနုပညာအဖွဲ့ ဥက္ကဋ္ဌ ခွန်မောင်မောင်ထွန်းနှင့် တောင်ကြီး၊ ပင်လောင်း၊ ညောင်ရွှေ၊ စသည့် မြို့နယ်အသီးသီးမှ ပအိုဝ်းအနုပညာရှင်များ တက်ရောက်ခဲ့ကြကြောင်း သိရသည်။

ခွန်ဓဇ

လိတ်ဖစ်ဟွိုန်

တောင်ကြီး၊ ၂၀၁၈ ခုနှစ်၊ စက်တင်ဘာလ (၂၅)ရက်

မွူးနီ,အာ;ဇာ;နီ;အထိန်,အမဲုင် လိတ်ဖစ်ဟွိုန်........

PNO(Media)

သမိုင်းပေးတာဝန်ကျေပါစေ

တောင်ကြီး၊ ၂၀၁၈ ခုနှစ်၊ မတ်လ (၆)ရက်

credit - မူရင်းဓါတ်ပုံရှင်

လူ့လောကတွင် လူဟုမွေးဖွားလာသည်နှင့်တစ်ပြိုင်နက် ခြေ၊ လက်၊ နှာခေါင်း၊ နား၊ မျက်စိ စသည်တို့ အင်္ဂါလက္ခဏာများမပြည်စုံသောသူတစ်ဦးသည် လူများအလယ်တွင်မျက်နှာငယ်ခြင်း၊ သူတစ်ပါး အထင်အမြင်သေးခြင်းနှင့် မိမိဂုဏ်သိက္ခာကျဆင်းပြီး လူသားတစ်ဦးရသင့်ရထိုက်သည့် အခွင့်အရေးအမျိုးမျိုးဆုံးရှုံးခြင်းကြောင့် လူဖြစ်ချင်းတူသော်လည်း လူဖြစ်ရှုံးသောသူဖြစ်သည်။

ထိုနည်းအတိုင်း လူမျိုးတစ်မျိုးသည်လည်း လူမျိုးအင်္ဂါရပ်များဖြစ်သော ဘာသာစကား၊ စာပေ၊ ဝတ်စားဆင်ယင်မှု၊ အဆို၊ အက၊ အရေး၊ အတီးခေါ် ဓလေ့ထုံးတမ်း ရိုးရာယဉ်ကျေးမှုမရှိခြင်း၊ ရှိသော်ငြားလည်း တည်မြဲခြင်းမရှိသော လူမျိုးများသည် ကမ္ဘာပေါ်တွင် အခြားလူမျိုးများအကြား အထင်အမြင်သေးခြင်းခံရပြီး မိမိတို့၏ လူမျိုးဂုဏ်ကျက်ကျဆင်းကာ အခြားသောလူမျိုးများနှင့်တန်းတူအခွင့်အရေးများ၊ အတူယှဉ်တွဲနေထိုင်ရန် ဂုဏ်သိက္ခာများ၊ တန်ခိုးသြဇာအာဏာများမရှိသဖြင့် အခွင့်အရေးဆုံးရှုံးသောလူမျိုးများဖြစ်ပါသည်။ ပအိုဝ်းလူမျိုးတစ်ယောက်အနေဖြင့်လည်း မိမိတို့၏စာပေကို မိခင်ဝမ်းဗိုက်ထဲမှမွေးဖွားလာသည်နှင့်တစ်ပြိုင်နက် တတ်မြှောက်ရန် တာဝန်တစ်ခုအဖြစ်ပါလာပြီးဖြစ်သောကြောင့် ရေးတတ်၊ ဖတ်တတ်ရန် လိုအပ်ပါသည်။

လူမျိုးတစ်မျိုးတွင် မိမိတို့စာပေ၏ စာပေအက္ခရာ၊ သင်္ကေတမရှိသောလူမျိုးသည် မိမိဒေသဖွံ့ဖြိုးတိုးတက်ရေး၊ နိုင်ငံရေး၊ လူမျိုးရေးဆောင်ရွက်ရန် စာထဲတွင်သမိုင်းများမကျန်ရစ်ခဲ့ခြင်းကြောင့် မျိုးဆက်သစ်လူငယ်များသည် ကောင်းသောအမွေများကိုလက်ခံရရှိထားခြင်းမရှိသဖြင့် မိမိလူမျိုးကို အထင်သေးခြင်း၊ မိမိလူမျိုးတို့၏ရိုးရာယဉ်ကျေးမှု၊ ဓလေ့ထုံးတမ်းများကိုအထင်သေးပြီး အခြားလူမျိုးများ၏ ယဉ်ကျေးမှုကိုအထင်ကြီးကာ အမြင်ကွဲပြားမှုများရှိလာ၍ နောက်ဆုံးတွင် စာပေထွန်းကားသည့် လူမျိုးများ၏ကျွန်အဖြင့်ရောက်ရှိသွားမည်ဖြစ်သည်။ စာပေထွန်းကားပြီးတည်မြဲသောလူမျိုးသည် ဥမကွဲသိုက်မပျက် စည်းလုံးညီးညွတ်မှုကိုရရှိစေသည်။ မိမိလူမျိုးတို့၏အမွေအနှစ်ဖြစ်သော ရိုးရာယဉ်ကျေးမှုများကို ဝိုင်းဝန်းကာကွယ်ထိန်းသိမ်းခြင်းဖြင့် အခြားသောလူမျိုးကြီးများ၏ ဝါးမျိုခြင်းအန္တရာယ်မှ လွတ်ကင်းမည် ဖြစ်သည်။ မိမိလူမျိုးများ၏အသိပညာဗဟုသုတသည် မိမိတို့၏ စာပေထဲတွင်ရှိထားခြင်းဖြင့် ကမ္ဘာပေါ်တွင် တည်မြဲအောင်ရပ်တည်နိုင်သောလူမျိုးတစ်မျိုးဖြစ်နိုင်ပေမည်။

နိုင်ငံတစ်နိုင်ငံတွင် နေထိုင်ကြသည့်လူမျိုးများသည် မိမိလူမျိုးနှင့် မိမိတို့နေထိုင်ရာတိုင်းပြည်များကို ကာကွယ်နိုင်ရန် မိမိတို့၏ရိုးရာယဉ်ကျေးမှု၊ ဓလေ့ထုံးတမ်း၊ စာပေများကို ထိန်းသိမ်းတတ်ရန် တာဝန်ရှိပါသည်။ ထိန်းသိမ်းနိုင်ရန်လည်း အခွင့်အရေးရှိပါသည်။ တိုင်းပြည်တစ်ပြည်တွင် လက်နက်ဖြင့် ကျူးကျော်သိမ်းပိုက်ခြင်းမရှိသော်လည်း တိုင်းပြည်၏ အမွေအနှစ်အသက်သွေးကြောဖြစ်သော စာပေ၊ သမိုင်းရာဇာဝင်များကို သိရှိထားခြင်းမရှိလျှင် လူ့သက်တမ်းနှစ်ပေါင်း (၆၀)ကြာချိန်တွင် တိုင်းပြည်နှင့် လူမျိုးပျောက်ကွယ်သွားနိုင်သည်။ တိုင်းပြည်တစ်ပြည်နှင့်တစ်ပြည်၊ လူမျိုးတစ်မျိုးနှင့်တစ်မျိုး စစ်တိုက်မည်ဆိုပါက တိုင်းပြည်နှင့်လူမျိုးတို့၏အသက်သွေးကြောဖြစ်သော ရိုးရာယဉ်ကျေးမှု၊ ဓလေ့ထုံးတမ်း၊ စာပေတို့၏ သမိုင်းကြောင်းရာဇာဝင်ကို ဦးစွာဖျက်စီးခဲ့ကြသည်။

စစ်ပစ္စည်းကိရိယာ၊ စစ်သားအင်အား၊ နိုင်ငံမည်မျှပင်ကျယ်ပြန့်နေစေကာမူ စာပေထွန်းကားခြင်း မရှိသည့် လူမျိုးများသည် အခြားသောလူမျိုးများ၏ ကျွန်ဘဝသို့ ရောက်ရှိသွားမည်ဖြစ်သည်။ ထို့ကြောင့် စာပေသည် နိုင်ငံနှင့်လူမျိုးအတွက် တန်းဖိုးကြီးသောရတနာတစ်ပါးပင် ဖြစ်ပေသည်။ စာပေ၏တန်ခိုးအာဏာသည် လူမျိုးတစ်မျိုးအတွက် လက်နက်ကိရိယာဖြစ်သောကြောင့် လူမျိုးတစ်မျိုးကို ဝါးမျိုနိုင်ရန်နှင့် တိုင်းပြည်တစ်ပြည်ကိုသိမ်းပိုက်နိုင်ရန်လွန်စွာမှ အသုံးဝင်ပါသည်။

ထို့ကြောင့် ပအိုဝ်းလူမျိုးများ အနေဖြင့်လည်း မိမိတို့၏ ပအိုဝ်းစာပေသမိုင်းကြောင်းရာဇာဝင်ကိုလည်း ထဲထဲဝင်ဝင်သိရှိထားရန်လိုအပ်ပေသည်။ ပအိုဝ်းလူမျိုးများ၏စာပေသည် တစ်မျိုးသားလုံး၏ အသက်သွေးကြောပင်ဖြစ်သောကြောင့် တတ်မြှောက်အောင်သင်ကြားရန် လိုအပ်သကဲ့သို့ တန်ဖိုးထားတတ်ရန်လိုအပ်ပေသည်။ ခေတ်စနစ်ပြောင်းလဲလာခြင်းနှင့်အတူဖွံ့ဖြိုးတိုးတက်လာသည့် လူတို့၏နေထိုင်မှု စနစ်ကြောင့် အစိုးရစာသင်ကျောင်းပညာများကိုတတ်မြောက်သည့် ပအိုဝ်းလူငယ်များ ပေါ်ထွက်လာခဲ့သည်။ ထို့သို့ ခေတ်ပညာတတ်လူငယ်များ ပေါ်ထွက်လာသည်ကို အားရကျေနပ်မှုလည်းရှိပါသည်။ သို့သော် ခေတ်ပညာတတ်ပအိုဝ်းလူငယ်များသည် မိမိတို့၏ ရိုးရာယဉ်ကျေးမှု၊ ဓလေ့ထုံးတမ်း၊ စာပေများ ထိန်းသိမ်းဖို့ရန် တာဝန်တစ်ခုမေ့လျော့နေသည်ကို တွေ့မြင်နေရပါသည်။ အနောက်တိုင်းမှလာသည့် တိုင်းတစ်ပါးတို့၏ ရိုးရာယဉ်ကျေးမှုများကိုအထင်ကြီးလာကာ ဝတ်စားဆင်ယဉ်မှု၊ တစ်ဦးနှင့်တစ်ဦး စကားပြောဆိုရာတွင် မိမိတို့၏မိခင်စကားကိုပြောဆိုဆက်ဆံမှုအားနည်းလာပါသည်။ အထူးသဖြင့် မြို့ကြီးများတွင်နေထိုင်သည့် လူကုန်ထံအသိုင်းအဝန်း၏သားသမီးများသည် ပအိုဝ်းစာပေသင်ယူမှုနှင့် ပအိုဝ်းဘာသာစကားပြောဆိုမှုများ မရှိတော့သည်ကိုမြင်တွေ့လာရပါသည်။

တိုင်းပြည်တစ်ပြည် (သို့မဟုတ်)လူမျိုးတစ်မျိုးတို့ကို တိုင်းတစ်ပါးသော လူမျိုးများက ဖျက်စီးဖို့ရန် လုပ်လာမည်ဆိုပါက တိုင်းပြည်တစ်ပြည် (သို့မဟုတ်)လူမျိုးတစ်မျိုး၏ အသက်သွေးကြွေးဖြစ်သော စာပေ၊ သမိုင်းကြောင်းရာဇာဝင်၊ ယဉ်ကျေးမှုများကို ပျောက်ပျက်သွား ပထမဦးစွာဖျက်စီးမည်ဖြစ်သည်။ ထို့ကြောင့် ပအိုဝ်းလူမျိုးသမိုင်းကြောင်းကိုပြန်ကြည့်ရမည်ဆို့က သုဝဏ္ဏဘူမိသထုံပျက်စီးသွားသည့်အချိန်တွင် ပအိုဝ်းလူမျိုးများ၏စာပေသည်လည်းပျောက်ကွယ်သွားသည်မှန်းဆနိုင်ပါသည်။ သုဝဏ္ဏဘူမိသထုံပျက်စီး၍ ပအိုဝ်း လူမျိုးတို့၏စာပေသည်လည်း ပျောက်ကွယ်သွားခြင်းတို့ကြောင့် ပအိုဝ်းလူမျိုးသည် မျက်မမြင်၊ နားမကြား၊ မိဘမဲ့သည့်လူမျိုးဘဝသို့ရောက်ရှိသွားခဲ့သည်။ နောက်ပိုင်းကာလတွင် ပအိုဝ်းဆရာတော်ကြီးများ၊ ခေါင်းဆောင်ကြီးများ၏ဦးဆောင်မှုဖြင့် ပအိုဝ်းစာပေတစ်ခေတ်ပြန်လည်ထွန်းကားလာခဲ့သည်။ ထိုသို့ ထွန်းကားလာသည်နှင့်အမျှ ပအိုဝ်းအများဆုံးနေထိုင်ရာဒေသများတွင် ပအိုဝ်းစာပေ ဆရာဖြစ်သင်တန်း ဆရာတော်များ ဦးဆောင်မှုဖြင့် နှစ်စဉ်နှစ်တိုင်းဖွင့်လှစ်ခဲ့သည်။

သို့ဖြစ်ပါ၍ခေတ်ပညာတတ်ပအိုဝ်းလူငယ်မောင်မယ်များအနေဖြင့် မိမိလူမျိုးတို့၏ စာပေရေရှည် တည်တံ့နိုင်ရန် တာဝန်တစ်ရပ်သည် မိမိတို့၏ ပခုံးပေါ်ကျရောက်လာပြီးဖြစ်သောကြောင့် ရှေးဘိုးဘွား မိဘတို့ ထိန်းသိမ်းထားသည့် ပအိုဝ်းစာပေ၏လုပ်ငန်းဆောင်ရွက်ချက်များကို စေတနာ၊ အနစ်နာ၊ ဝါသနာ နာသုံးနာကိုရှေ့ထား၍ ကျေးဇူးပြန်ဆပ်နိုင်ရန်လိုအပ်ပါသည်။ ထို့ကြောင့် မိမိလူမျိုးနှင့်မိမိအမျိုးသားတို့၏ ယဉ်ကျေးမှုဓလေ့ထုံးတမ်းများ မပျောက်ပျက်သွားအောင် လူတိုင်းမလုပ်မဖြစ် ဘဝပေးတာဝန်အရ မိမိလူမျိုးတို့၏အမွေအနှစ်များ လူတိုင်းချစ်ခင်မြတ်နိုးပြီးထိန်းသိမ်းတတ်ရန်လိုပါသည်။

ခွန်လိုရဲုင်း
လွယ်ကောင်း

(၄၂)ကြိမ်မြောက် ပအိုဝ်းအာဇာနည်နေ့ကို ဂုဏ်ပြုသောအားဖြင့် ဆောင်းပါး၊ ကဗျာ၊ ကာတွန်းနှင့် (ပအိုဝ်း-ငေါဝ်းတဲက်) ပြိုင်ပွဲများ ပြုလုပ်သွားမည်

တောင်ကြီး၊ ၂၀၁၇ ခုနှစ်၊ သြဂုတ်လ (၂၂) ရက်

လာမည့် ကောဇာသက္ကရာဇ် ၁၃၇၈ခု၊ တော်သလင်းလဆန်း(၅)ရက်၊ ခရစ်နှစ် (၁၀ - ၉ -၂၀၁၇) တနင်္ဂနွေနေ့တွင် ကျရောက်မည့် (၄၂)ကြိမ်မြောက် ပအိုဝ်းအာဇာနည်နေ့ကို ဂုဏ်ပြုသောအထိန်းအမတ် အနေဖြင့် ယခုနှစ်တွင် ပအိုဝ်းအာဇာနည်နေ့နှင့် စပ်လျဉ်းသော ဆောင်းပါး၊ ကဗျာ၊ ကာတွန်းနှင့် (ပအိုဝ်း-ငေါဝ်းတဲက်) ပြိုင်ပွဲများကို ပြုလုပ်သွားမည် ဖြစ်ကြောင်း ပြိုင်ပွဲစိစစ်တည်းဖြတ်ရေးအဖွဲ့ထံမှ သိရသည်။

ပြိုင်ပွဲများပြုလုပ်ရခြင်းနှင့် ပတ်သက်၍ “ ကျွန်တော်တို့ ဒီနှစ်မှာ ပအိုဝ်းအာဇာနည်နေ့ကို ဂုဏ်ပြုတဲ့အနေနဲ့ ကဗျာ၊ ကာတွန်း၊ ဆောင်းပါးနဲ့ နောက်ပြီး ပအိုဝ်းအခေါ် ငေါဝ်းတဲက် ပြိုင်ပွဲတွေကို ထည့်သွင်းပေးထားပါတယ်။ ဒီလိုထည့်သွင်းရတဲ့ ရည်ရွယ်ချက်ကတော့ ကျွန်တော်တို့ လူငယ်မောင်မယ်တွေ ပအိုဝ်းစာပေကို ပိုမိုလေ့လာတန်ဖိုးထားလာအောင်၊ နောက်ပြီး မိမိတို့ရဲ့ ပအိုဝ်းအာဇာနည်နေ့ကို သိရှိတန်ဖိုးထားတတ်အောင်နဲ့ ပအိုဝ်းအာဇာနည်ပုဂ္ဂိုလ်တွေအကြောင်း ပြန်လေ့လာဖြစ်အောင် ထည့်သွင်း ရခြင်းဖြစ်တယ်၊ ” ဟု ပြိုင်ပွဲစိစစ်တည်းဖြတ်ရေးအဖွဲ့ဝင် တစ်ဦးက ပြောပါသည်။

အဆိုပါ ပြိုင်ပွဲများအား ပါဝင်ယှဉ်ပြိုင်လိုသူအနေဖြင့် ပြိုင်ပွဲစိစစ်တည်းဖြတ်ရေးအဖွဲ့မှ သတ်မှတ် ထားသော စည်းကမ်းများအတိုင်း လိုက်နာရမည် ဖြစ်သည်။ ပါဝင်ယှဉ်ပြိုင်လိုသူအနေဖြင့် မိမိယှဉ်ပြိုင် လိုသော ကဏ္ဍများကို သြဂုတ်လ(၃၁)ရက်နေ့တွင် နောက်ဆုံးထားပြီး ပအိုဝ်းအမျိုးသားအဖွဲ့ချုပ်(PNO) ဗဟိုဌာနချုပ်ရုံး၊ ပြန်ကြားရေးဌာနသို့ ပေးပို့ရမည် ဖြစ်သည်။ ထိုကဏ္ဍ(၄)ခုဖြစ်သော ဆောင်းပါး၊ ကဗျာ၊ ကာတွန်း၊ ငေါဝ်းတဲက်တို့ကို ကဏ္ဍတစ်ခုချင်းစီ ပထမဆု၊ ဒုတိယဆု၊ တတိယဆုများ ချီးမြှင့်မည်ဖြစ်ပြီး ပထမဆုကို (၁)သိန်းကျပ်၊ ဒုတိယဆုကို (၈)သောင်းကျပ်၊ တတိယဆုကို (၅)သောင်းကျပ် သတ်မှတ်ထားကြောင်း သိရသည်။

ပအိုဝ်းအမျိုးသားခေါင်းဆောင်ကြီး ဖြားဗွာလှဖေ၏ အနိစ္စကူးပြောင်းသော တော်သလင်းလဆန်း(၅) ရက်နေ့ကို ပအိုဝ်းအာဇာနည်နေ့ဟု သတ်မှတ်ကာ ကျောက်တလုံးကြီးမြို့နယ်ခွဲ၊ ပင်တွန်ရွာရှို အာဇာနည် ကုန်းတွင် နှစ်စဉ်နှစ်တိုင်း ပအိုဝ်းအာဇာနည်နေ့ကို ပြုလုပ်ဆင်နွှဲခဲ့ကြောင်း၊ အဆိုပါ အာဇာနည်နေ့တွင် ပအိုဝ်းလူမျိုးများကို ရှေ့ဆောင်လမ်းပြခဲ့သော ပအိုဝ်းအမျိုးသားခေါင်းဆောင်ကြီး ဖြားဗွာလှဖေနှင့်တကွ ခေတ်အဆက်ဆက်တွင် ပအိုဝ်းလူမျိုးများအတွက် အသက်ပေး ကျဆုံးလေပြီးသော အာဇာနည် ခေါင်းဆောင်များဖြစ်ကြသည့် ဆရာတော် မရမ်းခြောင်၊ ဖြားခွန်အိုး၊ ဖြားတန်ကောင်ခယ်း၊ ဖြားတန်ကောင်ပြဲုင်၊ ဖြားတန်နာ့သီးသောက်၊ ဖြားတန်နမ်းသြ၊ အမတ်အောင်သာ၊ ဖြားဗွာဦးဖြူ(တောင်ကြီး)၊ မတ်အောင်သာ၊ ဗိုလ်ချန်ဇုံ၊ ဗိုလ်စံသိန်း၊ ဗိုလ်ဟိန်မောင် အစရှိသည့်ပုဂ္ဂိုလ်များအား ပြန်လည်အောက်မေ့၍ အလေးပြု ဂုဏ်ပြုကြကြောင်း သိရှိရပါသည်။

နဂါ့ခွန်

အာ;ဇာ;နီ;

တောင်ကြီး၊ ၂၀၁၇ ခုနှစ်၊ သြဂုတ်လ (၁၈) ရက်

အာ;ဇာ;နီ;........................

ခွန်ချွန်း(မဲုင်းကောင်)

ပအိုဝ်းလူမျိုးတို့၏ အလံတော် သမိုင်း

တောင်ကြီး၊ ၂၀၁၇ ခုနှစ်၊ သြဂုတ်လ (၁၈) ရက်

ကမ္ဘာပေါ်တွင် နိုင်ငံပေါင်းများစွာတည်ရှိသည်နှင့်အညီ နိုင်ငံတိုင်းတွင် နိုင်ငံ့ကိုယ်စားပြုအလံတော်ကို ပုံစံအမျိုးမျိုးဖြင့် သတ်မှတ်အသုံးပြုကြသည်။ ပြည်ထောင်စုသမ္မတမြန်မာနိုင်ငံတော်သည်လည်း ခေတ်အဆက်ဆက်တွင် ပုံစံအမျိုးမျိုးဖြင့် နိုင်ငံ့ကိုယ်စားပြု အလံတော်ကို အသုံးပြုလျှက်ရှိပါသည်။ ထို့အပြင် တိုင်းရင်းသားလူမျိုးပေါင်းစုံနေထိုင်လျှက်ရှိသော မြန်မာနိုင်ငံအတွင်းရှိ တိုင်းရင်းသားလူမျိုးတိုင်းသည်လည်း လူမျိုးကိုယ်စားပြု အလံတော်ဟူ၍ ပုံစံ၊ အရွယ်အစားနှင့် အဓိပ္ပါယ်အမျိုးမျိုးဖြင့် သတ်မှတ်အတည်ပြုအသုံးပြုကြသည်ကို တွေ့ရှိရမည်ဖြစ်ပါသည်။

ပြည်ထောင်စုသမ္မတမြန်မာနိုင်ငံတော်တွင် တိုင်းရင်းသားလူမျိုးပေါင်း ၁၃၅ တည်ရှိပြီး ပအိုဝ်းတိုင်းရင်းသားလူမျိုးသည်လည်း ပြည်ထောင်စုဖွား၊ တိုင်းရင်းသားလူမျိုးတစ်မျိုးဖြစ်ပါသည်။ ပအိုဝ်းတိုင်းရင်းသားလူမျိုးတို့သည် ကိုယ်ပိုင်စာပေ၊ ကိုယ်ပိုင်ယဉ်ကျေးမှု၊ ကိုယ်ပိုင်ဘာသာစကားနှင့် ကိုယ်ပိုင်ရိုးရာဓလေ့ထုံးစံများဖြင့် လူမျိုးတစ်မျိုးတို့၏ ဂုဏ်အင်္ဂါလက္ခဏာရပ်များပြည့်စုံသော လူမျိုးတစ်မျိုး ဖြစ်ပါသည်။ ထို့အပြင် ပအိုဝ်းတိုင်းရင်းသားလူမျိုးတို့ အမြတ်တနိုးတန်ဖိုးထားသည့် လူမျိုးကိုယ်စားပြုအလံတော် ဟူ၍လည်း ခေတ်အဆက်ဆက်တွင် ပုံစံ၊ အရွယ်အစားနှင့် အဓိပ္ပါယ်ပြည့်စုံစွာဖြင့် လူမျိုးကိုယ်စားပြု ကိုယ်ပိုင်အလံတော်များ တည်ရှိအသုံးပြုလျှက်ရှိသည်ကို ပအိုဝ်းတိုင်းရင်းသားလူမျိုးတို့အား သိရှိစေလိုပါသည်။

ပအိုဝ်းတိုင်းရင်းသားတို့ ပထမဦးဆုံး အသုံးပြုခဲ့သော အလံတော်မှာ ၁၉၂၈-ခုနှစ်၊ ဖြားတန်ကောင်ခယ် ဦးဆောင်သော ပဒေသရာဇ်စနစ် ဆန့်ကျင်တော်လှန်ရေး အလံတော်ပင်ဖြစ်သည်။ ၎င်းအလံသည် အလျား (၉)ပေ၊ အနံ(၅)ပေ ရှိသော အစိမ်းရောင်ဖြစ်ပြီး အစိမ်းရောင်၏ အလယ်ဗဟိုတည့်တည့်တွင် အဖြူရောင်စက်ဝိုင်း ပါရှိသည်။ အဖြူရောင်စက်ဝိုင်း အတွင်းတွင် အလံတော်တိုင်ရင်းဘက်သို့ မျက်နှာမူထားသော ထိုင်နေသည့် ခြင်္သေ့ပုံပါရှိသည်။

အလံတော်၏ အဓိပ္ပာယ်မှာ အစိမ်းရောင်သည် နုပျိုလန်းဆန်းခြင်း၊ ပေါ့ပါးသွက်လက်ရွှင်လန်းခြင်းနှင့် အေးချမ်းသာယာခြင်းကို ဖော်ဆောင်သည်။ အဖြူရောင်သည် ဖြူစင်သန့်ရှင်းခြင်း၊ ကျစ်လစ်သိမ်မွေ့ နူးညံ့ခြင်းနှင့် အေးချမ်းသာယာတည်ငြိမ်သော သဘောကိုဆောင်ပါသည်။ ခြင်္သေ့သည် ခွန်အားကြီးမား၍ လျင်မြန်သွက်လက်ပေါ့ပါးစွာ လှုပ်ရှားနိုင်သော အစွမ်းရှိသည်ဟူ၍ ဂုဏ်အင်္ဂါလက္ခဏာပြည့်စုံစွာဖြင့် ပထမဦးဆုံး လူမျိုးကိုယ်စားပြု ကိုယ်ပိုင်အလံတော်ကို အသုံးပြုခဲ့ပါသည်။

ထို့နောက် ဒုတိယကမ္ဘာစစ်အပြီး အာရှနိုင်ငံများ ကိုလိုနီလက်အောက်မှ လွတ်မြောက်ရန် အမျိုးသားလှုပ်ရှားမှုများ စတင်ကြိုးပမ်းလာခဲ့ကြသည်။ မြန်မာနိုင်ငံသည်လည်း ဗိုလ်ချုပ်အောင်ဆန်းဦးဆောင်၍ လွတ်လပ်ရေးရရှိရန် တိုင်းရင်းသားများနှင့် ပူးပေါင်းကာ ကြိုးပမ်းလာခဲ့ကြသည်။ ၁၉၄၆-ခုနှစ်တွင် ပထမပဏာမပင်လုံညီလာခံနှင့် ၁၉၄၇-ခုနှစ်တွင် ဒုတိယပင်လုံညီလာခံ ကျင်းပနိုင်ခဲ့ပြီး မြန်မာ့လွတ်လပ်ရေးကို အတူတကွရယူရန် တောင်တန်းဒေသ တိုင်းရင်းသားများနှင့် သဘောတူညီမှုရရှိခဲ့သည်။ ရှမ်းပြည်နယ်ပြည်သူ့လွတ်လပ်ရေးအဖွဲ့နှင့်အတူ ပအိုဝ်းလူငယ်များ ပါဝင်လှုပ်ရှားခဲ့ကြသည်။ ၁၉၄၆-ခုနှစ်တွင် တောင်ကြီးဒေသ၊ ဟိုပုံးဒေသ၊ လွိုင်လင်ဒေသနှင့် ဆီဆိုင်ဒေသအတွင်း ပအိုဝ်းအမျိုးသားများကို စတင်စည်းရုံးခဲ့ကြသည်။ ၁၉၄၇-ခုနှစ်တွင် ပအိုဝ်းအမျိုးသားကိုယ်စားပြု “ ပအိုဝ်;လွောင်;ဗူ;” အဖွဲ့ကိုဖွဲ့စည်းပြီး ဥက္ကဋ္ဌအဖြစ် ဦးဘိုးခင်အားလည်းကောင်း၊ အတွင်းရေးမှူးအဖြစ် ဦးခမ်းခိုင်အား လည်းကောင်း ရွေးချယ်တင်မြှောက်ခဲ့ကြသည်။

ပအိုဝ်းအမျိုးသားကိုယ်စားပြု ပအိုဝ်;လွောင်;ဗူ;(ခေါ်)ပအိုဝ်းစုစည်းအဖွဲ့၏ အလံမှာ အလျား(၉)ပေ၊ အနံ(၅)ပေရှိ အစိမ်းရောင်ဖြစ်ပြီး အစိမ်းရောင်၏ အလယ်ဗဟိုတွင် အဖြူရောင်စက်ဝိုင်း ပါရှိသည်။ အဖြူရောင်စက်ဝိုင်း၏ အလယ်တွင် ယခင်အသုံးပြုခဲ့သော ခြင်္သေ့အစား ဒေါင်းပုံကို အသုံးပြုခဲ့သည်။

၁၉၅၀-ပြည့်နှစ်တွင် ပအိုဝ်;လွောင်;ဗူ;(ခေါ်)ပအိုဝ်းစုစည်းအဖွဲ့အစား “ပြည်ထောင်စုပအိုဝ်းအမျိုးသားအဖွဲ့ချုပ်” အတိုကောက်အားဖြင့်(ပအမဖ)ကို အမည်ပြောင်း၍ အသစ်ထပ်မံ ဖွဲ့စည်းခဲ့သည်။ ပြည်ထောင်စုပအိုဝ်းအမျိုးသားအဖွဲ့ချုပ်(ပအမဖ)သည် ဥက္ကဋ္ဌအဖြစ် ဗိုလ်ဟိန်မောင်အားလည်းကောင်း၊ အတွင်းရေးမှူးအဖြစ် ဦးဖေရှင်အားလည်းကောင်း ရွေးချယ်တင်မြှောက် တာဝန်ပေးအပ်ခဲ့ကြသည်။

၁၉၅၀-ပြည့်နှစ်မှစ၍ ပြည်ထောင်စုပအိုဝ်းအမျိုးသားအဖွဲ့ချုပ်(ပအမဖ)အမှုဆောင်များနှင့် ပအိုဝ်းအမျိုးသားခေါင်းဆောင်ကြီးများမှ အသင်းအဖွဲ့တစ်ခုတွင် မရှိမဖြစ်အထူးလိုအပ်လှသော ပြည်ထောင်စုပအိုဝ်းအမျိုးသားအဖွဲ့ချုပ်(ပအမဖ)ဖွဲ့စည်းပုံ အခြေခံစည်းမျဉ်းဥပဒေကို ပြုစုရေးဆွဲခဲ့ကြပါသည်။ အဆိုပါ ဖွဲ့စည်းပုံအခြေခံစည်းမျဉ်းဥပဒေတွင် နိဒါန်း၊ အခန်း(၈)ခန်းနှင့် နိဂုံးဟူ၍ ပါရှိခဲ့သည်။ အခန်း(၁) အပိုဒ်(၃)တွင် အလံတော်၏အချိုးမှာ အလျား(၉)ပေ၊ အနံ(၅)ပေ အချိုးဖြစ်၍ အလံတော်၏ ထက်ဝက်(၂ ပေ၊ ၆ လက်မ)အောက်ခံသည် အစိမ်းရင့်ရောင်ဖြစ်သည်။ တိုင်ရင်းဘက် အပြာရင့်ရောင်၏ အလျားမှာ(၄ ပေ၊ ၆ လက်မ)၊ အနံမှာ(၂ ပေ၊ ၆ လက်မ)၊ အဖျားဘက် အနီရောင်၏ အလျားမှာ(၄ ပေ၊ ၆ လက်မ)၊ အနံမှာ(၂ ပေ၊ ၆ လက်မ)ရှိရမည်။ အပြာရင့်ရောင်၏ အထက်ထောင့်စွန်းတွင် အချင်း(၁၈)လက်မရှိသော ကြယ်ဖြူကြီးတစ်လုံး ပါရှိရမည်။ ဤအလံတော်မှာ ယာယီသတ်မှတ်ချက်ဖြစ်သည်ဟူ၍ ဖော်ပြပါရှိခဲ့သည်။

ပြည်ထောင်စုပအိုဝ်းအမျိုးသားအဖွဲ့ချုပ်(ပအမဖ)အလံတော်၏ အနက်အဓိပ္ပာယ် ဖော်ညွန်းချက်များမှာ ကြယ်သည် လမ်းခရီးတွင် ရပ်တံ့ခြင်းမရှိ၊ သွားမြဲခရီးကို ခရီးစဉ်အတိုင်း ရှေ့သို့သာဆက်၍ ခရီးနှင်လေ့ရှိခြင်း၊ ကမ္ဘာကြီးဖြစ်တည်ခဲ့သည့်အချိန်မှစ၍ လွတ်လွတ်လပ်လပ် ကိုယ်ပိုင်သီးသန့် အလင်းရောင်ရှိခြင်းစသည့် အရည်အသွေးများရှိသည့်အပြင် ပအိုဝ်းတစ်မျိုးသားလုံးကို ကိုယ်စားပြုခြင်းဖြစ်သည်။

အဖြူရောင်သည် လမင်း၏ အရောင်ဖြစ်၍ အေးချမ်းမှုကို ဖြစ်စေသည်။ ဖြူစင်သန့်ရှင်းခြင်း၊ ကျစ်လစ်သိပ်သည်းခြင်း၊ သိမ်မွေ့နူးညံ့ခြင်းစသည့် အေးချမ်းသာယာတည်ငြိမ်သော သဘောကိုဆောင်သည်။ အဖြူရောင်သည် သောက၊ ဒုက္ခများကို ပြေပျောက်စေပြီး ကျန်းမာရေးကို အထောက်အကူပြုသော သဘောကိုဆောင်သည်။ စည်းကမ်းရှိသော၊ စည်းစနစ်ရှိသော အစွမ်းသတ္တိရှိသည်။

အစိမ်းရောင်၏ အဓိပ္ပာယ်သည် နုပျိုလန်းဆန်းခြင်း၊ ပေါ့ပါးသွက်လက်ခြင်း၊ ရွှင်ရွှင်လန်းလန်းဖြစ်စေခြင်း၊ အိုမင်းရင့်ရော်ခြင်းကိုတိုက်ဖျက်ခြင်း သဘောရှိသည့်အပြင် သစ္စာရှိသော၊ ကတိတည်သော၊ ကြင်နာဂရုဏာတရား ကြီးမားသော၊ သူတစ်ပါးကို ကူညီတတ်သော၊ ချိုသာရည်မွန်သော သဘောများကို ဆောင်ပါသည်။ အစိမ်းရောင်သည် ကြည်လင်အေးချမ်းသော သဘောရှိသဖြင့် စိတ်ချမ်းသာမှု၊ အေးချမ်းသာယာပျော်ရွှင်မှုကို ပို၍ဖြစ်စေသည်။

အနီရောင်၏ အဓိပ္ပာယ်သည် ရဲရင့်ခြင်း၊ သွက်လက်ဖျတ်လတ်ခြင်း၊ ခြေမြန်လက်မြန်ရှိခြင်း၊ ပြိုင်ဘက်အပေါ် အနိုင်ရလိုမှုစိတ်ဓာတ် ပြင်းထန်ခြင်း၊ သူရဲကောင်းဆန်ခြင်း၊ စိတ်ဓာတ်ကို တက်ကြွအောင် လှုံ့ဆော်ပေးခြင်း၊ စိတ်ဓာတ်ပျော့ညံ့သူကို စိတ်ဓာတ်တက်ကြွစေခြင်း စသောသဘောများ ဆောင်သည်။ အနီရောင်ကို ကြိုက်နှစ်သက်သောလူများသည် ရဲစွမ်းသတ္တိရှိသူ၊ နိုးကြားတက်ကြွစွာလှုပ်ရှားလိုသူ၊ အတိုက်အခိုက် ၀ါသနာပါသူ၊ ဆွဲဆောင်စည်းရုံးတတ်သူများ ဖြစ်တတ်ကြသည်။

အပြာရင့်ရောင်သည် အိနြေ္ဒရှိခြင်း၊ သိက္ခာရှိခြင်း၊ ယုံကြည်စိတ်ချရခြင်း၊ အဓိပ္ပာယ်ဆောင်သည်။ ပတ်ဝန်းကျင်နှင့် လိုက်လျောညီထွေမှုကိုဖြစ်စေပြီး စိတ်ပြေပျောက်မှုအသွင်ကို ဖန်တီးပေးနိုင်သည်။ အသက်ရှင်သန်မှုကို အားပေးနိုင်စွမ်းရှိသည်။ အောင်မြင်မှုရလိုလျှင် အပြာရောင်ကို အသုံးပြုလေ့ရှိကြသည်။ တစ်နည်းအားဖြင့် အပြာရောင်သည် ခံစားထိခိုက်လွယ်သော၊ အေးချမ်းစွာနေလိုသော၊ ပျော်ရွှင်မှုကို မက်မောတတ်သော၊ ခံစားမှုများကို ထိန်းချုပ်နိုင်သော သဘောလည်းရှိသည်။ ထို့ကြောင့် အပြာရောင်ကို ကြိုက်နှစ်သက်သူများသည် နူးညံ့ပျော့ပြောင်းသော နှလုံးသားရှိသူ၊ သူတစ်ပါး၏ မေတ္တာကို ခံယူလိုသူ၊ မေတ္တာထားတတ်သူဖြစ်သကဲ့သို့ မိခင်စိတ်ရှိသူ၊ အပြစ်ကင်းကင်းနေလိုသူများလည်း ဖြစ်တတ်ကြသည်။

အလံ၏အရွယ်အစားများမှာ ကြီးငယ်မဟူ ထိုအမျိုးအစားအတိုင်း ကိုက်ညီနိုင်သမျှ ကိုက်ညီရမည်ဖြစ်ပြီး အထက်ပါ ပအိုဝ်းအလံတော်ကို ၁၉၅၅-ခုနှစ်၊ ဇန်န၀ါရီလ (၅)ရက်နေ့နှင့် (၆)ရက်နေ့ တို့တွင် ကျင်းပပြုလုပ်ခဲ့သော ပြည်ထောင်စုပအိုဝ်းအမျိုးသားအဖွဲ့ချုပ်(ပအမဖ)ညီလာခံမှ အတည်ပြုကြောင်း ဆုံးဖြတ်ခဲ့ပါသည်။

ထို့နောက် ၁၉၇၆-ခုနှစ်၊ ဇန်န၀ါရီလတွင် ကျင်းပပြုလုပ်ခဲ့သော လုံးဒါညီလာခံတွင်  ယခင် ၁၉၅၀-ခုနှစ်တွင် ဖွဲ့စည်းခဲ့သော ပြည်ထောင်စုပအိုဝ်းအမျိုးသားအဖွဲ့ချုပ်(ပအမဖ)၏အလံကို ပအိုဝ်းတစ်မျိုးသားလုံးအလံတော်အဖြစ် ဆက်လက်အသုံးပြုရန် ဆုံးဖြတ်ချက်ချမှတ်ခဲ့ပြီး ယနေ့တိုင် ပအိုဝ်းတစ်မျိုးသားလုံး ကိုယ်စားပြုသည့် အလံတော်အဖြစ် အမြတ်တနိုးတန်ဖိုးထား အသုံးပြုလာခဲ့ကြသည်။

ထို့ကြောင့် ၁၉၂၉-ခုနှစ်မှယနေ့အထိ ပအိုဝ်းလူမျိုးတို့အသုံးပြုခဲ့သော ပအိုဝ်းတစ်မျိုးသားလုံးကိုယ်စားပြုအလံတော်မှာ(၃)မျိုး ရှိခဲ့ပြီဖြစ်သည်ကို သိရှိစေလိုသောဆန္ဒ၊ ခေတ်အဆက်ဆက်တွင် အသုံးပြုခဲ့သော အလံတော်များ၏ အနက်အဓိပ္ပါယ်များကို သိရှိစေလိုသည့်ဆန္ဒနှင့် အမြတ်တနိုးတန်ဖိုးထား စေလိုသည့်ဆန္ဒဖြင့် “ပြည်ထောင်စုထဲကပအိုဝ်း” မှ အချက်အလက်များကို ကိုးကားပြီး ပြန်လည်မျှဝေလိုက်ရပါသည်။

ခွန်အာခမ်း
(ခမ်းစန္တာ;ဟေ့,)