ဂျပန်နိုင်ငံသူ Mr.Hanna Otani နှင့်အဖွဲ့သည် အ.မ.က (မူလွန်)လုံဟေးကျောင်းရှိ ကလေးငယ်များ၏ ပညာသင်ကြားနေမှုအခြေအနေများ၊ ကျောင်းဆောင်များ ထိန်းသိမ်းဆောင်ရွက်ထားရှိမှု အခြေအနေများနှင့် ကျောင်းဖွံ့ဖြိုးရေး ရန်ပုံငွေရရှိရေး ၀င်ငွေတိုးလုပ်ငန်း ဆောင်ရွက်နေမှုအခြေအနေများ မေးမြန်းရာ ကျောင်းအုပ်ဆရာမကြီး ဒေါ်နွယ်နွယ်ခိုင်နှင့် ကျောင်းအကျိုးတော်ဆောင်ဦးစီးကော်မတီဥက္ကဋ္ဌ ဦးခွန်ကုတို့က ပြန်လည်ရှင်းလင်းတင်ပြပြီး၊ ကျောင်းသား/သူများ၏ ပညာသင်ကြားနေမှုအခြေအနေ၊ ကစားကွင်း၊ ဆရာ/မများ၏ ၀န်ထမ်းအိမ်ရာအခြေအနေများကို လှည့်လည်ကြည့်ရှုစစ်ဆေးခဲ့ပါသည်။
အဆိုပါ ဂျပန်နိုင်ငံ နီပွန်စေတနာဖောင်ဒေးရှင်းသည် ၂၀၀၂-ခုနှစ်မှ စတင်၍ နယ်စပ်ရေးရာဝန်ကြီးဌာန၊ နယ်စပ်ဒေသနှင့် တိုင်းရင်းသားလူမျိုး ဖွံ့ဖြိုးတိုးတက်ရေးဦးစီးဌာန၏ ပံ့ပိုးကူညီမှုဖြင့် ဆောင်ရွက်လျက်ရှိသော နီပွန်ဖောင်ဒေးရှင်းစေတနာအဖွဲ့၏ ငြိမ်းချမ်းရေးနှင့် ဖွံ့ဖြိုးတိုးတက်ရေးအတွက် ပညာသင်ကြားခြင်း Education For Peace And Development (EPD) စီမံကိန်းနှင့် ရှမ်းပြည်နယ်အတွင်းရှိ စာသင်ကျောင်းဆောင်များ ဆောက်လုပ်လှူးဒါန်းခဲ့ရာ လုံဟေး(မူလွန်)ကျောင်းသည် (၃၀၀)ပြည့်မြောက် ကျောင်းဆောင်တခုဖြစ်ကြောင်း၊ ၂၀၁၈-ခုနှစ်၊ မတ်လ (၃)ရက်နေ့တွင် ကျောင်းဆောင်သစ်အား ပညာရေးဝန်ကြီးဌာနသို့ လွှဲပြောင်းပေးအပ်ခဲ့ပြီး ကျောင်းဆောင်သစ်မှာ အလျား (၉၀)ပေ၊ အနံ (၃၀)ပေ၊ (၁)ထပ် ကျောင်းဆောင်သစ်ဖြစ်ပြီး ဒေသခံပြည်သူများနှင့် ပူးပေါင်းဆောက်လုပ်ခဲ့ရာ စုစုပေါင်း ကုန်ကျငွေ (၅၂၇)သိန်းခန့် ကုန်ကျခဲ့ကြောင်းသိရှိရသည်။
ထက်ထက်(ဟိုပုံး)
Like On Facebook
Follow On Twitter
Subscribe On RSS