၂၀၁၃ ခုနှစ်၊ ဇူလှိုင်လ ၁၃ ရက်နေ့ တောင်ကြီးမြို့၊ ဈေးပိုင်းရပ်ကွက်၊ ပအိုဝ်းစာပေနှင့် ယဉ်ကျေးမှုအဖွဲ့ (ဗဟို) ရုံးတွင် ပအိုဝ်း အမျိုးသားများ ဂေဟာ ကိစ္စ အစည်းအဝေး ကျင်းပပြုလုပ်ရာ အနယ်နယ်အရပ်ရပ်မှ ပအိုဝ်း သံဃာတော်များ၊ ပအိုဝ်းစာပေ နှင့် ယဉ်ကျေးမှုအဖွဲ့(ဗဟို) မှ တာဝန်ရှိသူများ၊ ပအိုဝ်းအမျိုးသား အဖွဲ့ချုပ်မှ တာဝန်ရှိသူများ၊ ပီအင်န်အို ဌာနေပြည်သူ့စစ်အဖွဲ့မှ တာဝန်ရှိသူများ၊ ပအိုဝ်းစာပေနှင့် ယဉ်ကျေးမှုအဖွဲ့ မြို့နယ် တာဝန်ခံများ၊ မွေတော်ကက္ကူဘုရား ဂေါပကအဖွဲ့၊ ပအိုဝ်းမော် ဓမ္မကထိကအဖွဲ့၊ ပအိုဝ်းဥပဒေ လူမှုအထောက် အကူပြုအဖွဲ့၊ ပအိုဝ်း အမျိုးသမီးအဖွဲ့၊ ပအိုဝ်း သွေးလှူရှင်နှင့် နာရေး လူမှု ကူညီရေးအသင်း၊ ပါရမီ လူမှုကွန်ရက်အဖွဲ့ မှတာဝန်ရှိသူများနှင့် တောင်ကြီးမြို့ရှိ ပအိုဝ်းမြို့မိမြို့ဖများ စုံလင်စွာ တက်ရောက် ကြပါသည်။
အဆိုပါ အစည်းအဝေးတွင် ဦးခွန်သောင်းစိန် မှ အခမ်းအနားမှူး အဖြစ်လည်းကောင်း၊ မှတ်တမ်းတင်သူ အဖြစ် ဒေါ်နန်းခမ်းဗွာ မှ လည်းကောင်း ဆောင်ရွက် ခဲ့ပါသည်။
ဦးစွာပထမ နမောတဿ သုံးကြိမ်ရွတ်ဆို၍ အခမ်းအနား ဖွင့်လှစ်ပြီး မင်းကွန်း ဆရာတော်ဘုရားထံမှ သရဏဂုံသုံးပါး၊ ငါးပါးသီလ ခံယူဆောက်တည် ကြပါသည်။
ပအိုဝ်းစာပေ နှင့် ယဉ်ကျေးမှုအဖွဲ့ (ဗဟို) ဒုဥက္ကဌ ဦးခွန်မင်းကျော် က ကြွရောက်လာသော ဆရာတော် သံဃာတော်များ၊ ပအိုဝ်း မြို့မိမြို့ဖနှင့် အဖွဲ့ပေါင်းစုံမှ လူပုဂ္ဂိုလ်များအား အစည်းအဝေး ခေါ်ယူတွေ့ဆုံရခြင်း အကြောင်း ရှင်းလင်းရာတွင် “ ပအိုဝ်း အမျိုးသားများ ဂေဟာသည် ပအိုဝ်း အမျိုးသား လူထုတစ်ရပ်လုံးနှင့် သက်ဆိုင်သော အဆောက်အဦး ဖြစ်ကြောင်း၊ ကောလဟာလ သော်လည်းကောင်း၊ လိုချင်တပ်မက် မှုကြောင့် စွပ်စွဲမှုကို သော်လည်းကောင်း၊ ဂေဟာကိစ္စကြီးငယ် မှန်သမျှ ပအိုဝ်း အမျိုးသားများ နှင့်သက်ဆိုင်၍ အလေးထားရမှာ ဖြစ်ကြောင်း” ပြောကြား သွားပါသည်။ ဂေဟာ သမိုင်းကြောင်း အကျဉ်းကို ဖတ်ကြား သိရှိစေပြီး၊ တက်ရောက်သူ အားလုံးသို့ ဂေဟာသမိုင်း အချက်အလက် များကို ဝေငှပေးပါသည်။
သြ၀ါဒါစရိယ မင်းကွန်းကျောင်း ဆရာတော်မှ တက်ရောက်လာသော ပရိသတ် အပေါင်းအား ဘုရားဟောဒေသနာ ရှိသည့်အတိုင်း ခန္ဓာရရှိလျှင် လူတိုင်း ၉၆ပါးရောဂါ နှိပ်စက်တာခံရမှာ ဖြစ်ကြောင်း၊ ပိုင်ဆိုင် မှုစည်းစိမ် ဥစ္စာမှန်သမျှ ရန်သူငါးပါး နှောင့်ယှက်တာ ခံရနိုင်ကြောင်း၊ တွေ့ဆုံပွဲကိစ္စကို ပအိုဝ်း စာပေနှင့် ယဉ်ကျေးမှု အဖွဲ့(ဗဟို) ဒုဥက္ကဌ ဦးခွန်မင်းကျော် တင်ပြ၍ သိရှိပြီးဖြစ်ကြောင်း၊ အမျိုးသားပိုင် နေရာတစ်ခု ရရန်မလွယ်ကူ ကြောင်း၊ ဒါယကာများ အားလုံး ပအိုဝ်း အမျိုးသားပိုင် ဂေဟာ ခေတ်အဆက်ဆက် ခိုင်မြဲအောင် ထိန်းသိမ်းသွား ကြရန်နှင့် မည်သည့် ကိစ္စမဆို လေးလေး နက်နက်လုပ်ကိုင် ဆောင်ရွက်သွား ကြရန် မိန့်ကြားသွား ပါသည်။
ပအိုဝ်း စာပေနှင့် ယဉ်ကျေးမှုအဖွဲ့ (ဗဟို) နာယက ဦးခွန်မောင်တုတ် မှ ပအိုဝ်း အမျိုးသားပိုင် ဂေဟာကိစ္စ နှင့် ပတ်သက်၍ “ပအိုဝ်းလွောင်းဗူးအစွို” ကို ၁၉၄၇ ခုနှစ်တွင် အစပြုဖွဲ့စည်းပြီး ပါလီမန် အထွေထွေ ရွေးကောက်ပွဲ၊ ပအိုဝ်း အမျိုးသားများ လှုပ်ရှားမှု အဆက်ဆက် ဂေဟာ ပေါ်ပေါက်သည် အထိ ဂေဟာ ထိန်းသိမ်း ခဲ့သည့် ဖြစ်စဉ်များ ကို ရှင်းလင်း အသိပေးပါသည်။ ပအိုဝ်း အမျိုးသားများ ဂေဟာ ဂရန်ဟောင်း အမည်ပေါက်မှာ ဦးကုံဝါရ အမည်ဖြင့်ပေါက်ပြီး ဂရန်သက်တမ်း ပြည့်ကျော်လွန်၍ သက်တမ်းတိုးရန် ဂေဟာ ထိန်းသိမ်းအဖွဲ့ ဥက္ကဌ ဦးဇော်အောင်သိန်း ထံရှိ ဂရန် ပြန်လည်တောင်းခံရာ ဂရန် ပျောက်ဆုံးသွားပြီ ဖြစ်သည်ဟု ပြောကြား၍ ပအိုဝ်း သံဃာတော်များ၊ မြို့မိမြို့ဖများ၊ အသင်းအဖွဲ့များ နှင့် တိုင်ပင်ဆွးနွေးပြီး ဂရန်သစ် ပြန်လျှောက်ရာ ဂရန်အမည် ကိုလည်း ပအိုဝ်း အမျိုးသားဂေဟာ အမည်ဖြင့် ပြုလုပ်ခဲ့သည်။ အသစ်ပြုလုပ်သော ဂရန်သည် ပုဂ္ဂိုလ် အမည်ဖြင့် လည်းမဟုတ် တသီးပုဂ္ဂလအမည် အသင်းအဖွဲ့ အမည်မဟုတ်ပဲ ပအိုဝ်း တစ်မျိုးသားလုံး အတွက် ကိုယ်စားပြုသော အမည်ဖြစ်ကြောင်း ပြောကြား သွားပါသည်။
ပအိုဝ်းစာပေ နှင့် ယဉ်ကျေးမှုအဖွဲ့(ဗဟို) ဥက္ကဌ ဦးခွန်ဝင်းကိုမှ ပအိုဝ်း ဂေဟာ သမိုင်းကြောင်းကို ဦးခွန်မင်းကျော်၊ ဦးခွန်မောင်တုတ် တို့ ရှင်းလင်းပြ၍ အလုံးစုံ သိရပါကြောင်း၊ ဦးဇော်အောင်သိန်း မှ ခရိုင် အထွေထွေအုပ်ချုပ်ရေး ဦးစီးဌာနရုံးသို့ အချက် ၂ ချက်၊ စာ ၂ ကြိမ်တင်ထားသည် ဟုသိရကြောင်း၊ ပထမ အချက်မှာ သက်တမ်း ကုန်ဆုံးသော ဂရန်ကို သက်တမ်းတိုး လျှောက်ထားခြင်း နှင့် ၄င်း၏ အမည်ပေါက် လုပ်လိုခြင်း၊ ဒုတိယအချက် မှာ ဂရန် အမည်ကို ဥက္ကဌ ဇော်အောင်သိန်း အမည်ဖြင့်လည်းကောင်း ဂရန်သစ် လျှောက်ရာတွင် ၄င်းအနေဖြင့် ဘာမှမသိရ၍ လက်မခံနိုင်ကြောင်း၊ လူတစ်ဦး အနည်းစု ခြယ်လှယ်ခြင်း ဖြစ်ကြောင်း စွပ်စွဲထား သည့်အကြောင်း၊ မိမိအနေဖြင့် ပအိုဝ်း အမျိုးသားဂေဟာ အမည်ဖြင့်ထားရှိပြီး၊ ဂေဟာ၏ စည်းမျဉ်း စည်းကမ်း များ ရေးဆွဲထားလျှင် အရှည်သဖြင့် သမိုင်းအတွက် ခိုင်မာမည်ဟု ထင်မြင်မိပါကြောင်း ပြောကြားသွားပါသည်။
မင်းကွန်း ဆရာတော်မှ သြ၀ါဒပေးရာ အမျိုးသားရေး အတွက် ဦးဆောင်ဦးရွက်သော ပုဂ္ဂိုလ်သည် အယူအဆ မှန်ကန်ဖို့လိုကြောင်း၊ လိုရာဆွဲ လုပ်ဆောင်မှုမျိုး မဖြစ်သင့်ကြောင်း၊ မိမိအမျိုးသား အတွက် သစ္စာ ခံယူထားရမှာ ဖြစ်ကြောင်း၊ ပစ္စည်းထိန်းအဖွဲ့ ဥက္ကဌ၏ ဆောင်ရွက်ခဲ့သော လုပ်ငန်း တာဝန်များကြောင့် ကျေးဇူး တင်သင့်ကြောင်း၊ သို့ရာတွင် ၄င်းပုဂ္ဂိုလ်၏ ထပ်မံရယူ လိုသောဆန္ဒ၊ ရယူရရှိဖို့သည် အချိန်ကာလအားဖြင့် ဝေးခဲ့ ပြီဟု ယူဆကြောင်း၊ နောင်လာနောက်သား အဆက်ဆက် တာဝန်ယူ ထိန်းသိမ်းသွား ကြရန်လိုကြောင်း မိန့်ကြား သွားပါသည်။
မြို့ဦးကျောင်း ဆရာတော်မှ ရှေ့ဆက် ပအိုဝ်း လူမျိုးများ အတွက် လုပ်ဆောင်ရန် အားလုံးတွင် တာဝန် ရှိသည် ဖြစ်၍ အားလုံး ညီညွတ်စွာ စည်းလုံးခြင်းဖြင့် အမျိုးသား အတွက်ကို သေသေချာချာ စဉ်းစား ကြိုးစား လုပ်ဆောင် ကြစေလိုကြောင်၊ အမျိုးသား ပိုင်ဖြစ်၍ ပုဂ္ဂိုလ်အမည် မထည့်ပဲ အမျိုးသား များပိုင်အမည်ဖြင့် ထည့်ရန် လိုကြောင်း မိန့်ကြားသွားပါသည်။
စူဠာမုနိကျောင်း ဆရာတော်မှ ပအိုဝ်း တမျိုးသားလုံး ပိုင်ဆိုင်သည့် ကိစ္စဖြစ်၍ သံဃာတော်၊ အဖွဲ့ပေါင်းစုံ၊ မြို့မိမြို့ဖများ နှင့် ထင်သာမြင်သာ ဖြစ်အောင် ၀ိုင်းဝန်း အကြံပေးကြပြီး လုပ်ဆောင်ကြရန် နှင့် ထိန်းသိမ်းမှုကို သော်လည်းကောင်း၊ တိုးတက်ရန်ကို သော်လည်းကောင်း ခေါင်းဆောင် ကောင်း ဦးဆောင်မှု ကောင်းကောင်းဖြင့် ပြိုကွဲမှုမရှိစေရန် ထိန်းသိမ်းသွားရန် လွန်စွာ အရေးကြီးကြောင်း၊ ဂရန် အမည်ကို လည်း “ပအိုဝ်းအမျိုးသားများပိုင် ဂေဟာ” အမည်ဖြင့် ထည့်သွင်းလျှင် ကောင်းကြောင်း၊ သို့မှသာ နောင်လာ နောက်သား များ အတွက် ပြဿနာ ကင်းရှင်းမည် ဖြစ်ကြောင်း မိန့်ကြား သွားပါသည်။
စခဲကျောင်း ဆရာတော်မှလည်း ပအိုဝ်း အမျိုးသားပိုင် ဂေဟာအမည်ဖြင့် သတ်မှတ် စေလိုကြောင်း၊ တသီးပုဂ္ဂလ အမည်ဖြင့် မထားရန် အကြံပြုမိန့် ကြားသွားပါသည်။
ပီအင်န်အို ဌာနေပြည်သူ့စစ် အဖွဲ့မှာ ကွပ်ကဲရေးမှူး ဦးခွန်လာမှ ဆွေးနွေးရာ “ယနေ့ ပအိုဝ်းဂေဟာ ပြဿနာ တက်ရသည့် ကိစ္စကြောင့် စိတ်မကောင်း ဖြစ်မိကြောင်း၊ လုပ်ဆောင်သူ အနေဖြင့် ကိုယ်ကျိုးအတွက် လုပ်ဆောင်သည်ဟု မထင်မိပါကြောင်း၊ အမျိုးဘာသာ လူမျိုးအတွက် အခြား လူမျိုးများနှင့် တန်းတူဖြစ်ရန် လုပ် ဆောင်ပေးနေသူ များဟု ထင်မြင်မိခဲ့ ပါကြောင်း၊ လက်တွေ့ အထင် နှင့် အမြင်သည် တခြားစီ ဖြစ်နေကြောင်း၊ ဦးဇော်အောင်သိန်း (ပစ္စည်းထိန်း ဥက္ကဌဟောင်း) သည် လွန်ခဲ့ပြီးသော ကာလတွင်သာ တာဝန်ရှိ အကြုံးဝင်ခဲ့ပြီး ယနေ့ ခေတ်စနစ် ပြောင်းလဲလာပြီး ဂရန်ဟောင်း (ပျောက်ဆုံးပြီးဂရန်) မှ ဂရန်သစ် ဖြစ်နေပြီးဖြစ်၍ ဦးဇော်အောင်သိန်း နှင့် မသက်ဆိုင် တော့ပါကြောင်း၊ မိမိအနေဖြင့် လူတစ်ဦး တစ်ယောက်၏ အမည် ဥက္ကဌဟောင်း အမည်ဖြင့် ပြုလုပ်ရန်ကိုလည်း ကန့်ကွက်ပါကြောင်း၊ ယခု ပအိုဝ်း ဂေဟာကိစ္စ၊ ဂရန် ကိစ္စများ တွင် နားလည်မှု ရှိရှိဖြင့် နောက်ဆုတ် ပေးသွားလျှင် ကောင်းမည်ဟု မိမိအနေဖြင့် ပြောကြားလိုကြောင်း” အကြံပြုပါသည်။
ထို့နောက် ပအိုဝ်းမော် ဓမ္မကထိက အဖွဲ့မှ ဦးမော်ဦးက လည်းကောင်း၊ ပအိုဝ်းတိုင်းရင်း ဆေးဆရာအဖွဲ့ ဥက္ကဌ ဦးခွန်ကျော်စမ်းမှ လည်းကောင်း၊ ပါရမီ လူမှုကွန်ယက် အဖွဲ့မှ ဦးခွန်မြမောင် မှ လည်းကောင်း၊ ပအိုဝ်းလူငယ် အဖွဲ့မှလည်းကောင်း၊ ပအိုဝ်းဥပဒေ လူမှုကူညီရေးအဖွဲ့ အတွင်းရေးမှူး ဦးခွန်ဇာလီ မှ လည်းကောင်း၊ ပအိုဝ်းအမျိုးသမီး အဖွဲ့မှလည်းကောင်း၊ ပအိုဝ်းသွေးလှူရှင် နှင့်နာရေး လူမှုကူညီ ရေးအသင်း အတွင်းရေးမှူး ဦးခွန်ကျော်ဇော မှ လည်းကောင်း၊ ပအိုဝ်း အမျိုးသမီး ပညာရေးဖေါင်ဒေးရှင်း မှ ဒေါ်မြမြ၀င်းက လည်းကောင်း၊ ညောင်ရွှေမြို့နယ် ပအိုဝ်း စာပေနှင့်ယဉ်ကျေးမှု အဖွဲ့ ဥက္ကဌ ဦးခွန်လှဖေ မှ လည်းကောင်း၊ တောင်ကြီးမြို့နယ် ပအိုဝ်းစာပေနှင့် ယဉ်ကျေးမှုအဖွဲ့ ဥက္ကဌ ဦးခွန်စိန်မောင် မှလည်းကောင်း၊ ကျောက်တလုံးကြီး မြို့နယ် ပအိုဝ်းစာပေနှင့် ယဉ်ကျေးမှု အဖွဲ့ဥက္ကဌ ဦးခွန်နေမျိုးမှ လည်းကောင်း တစ်ဦးတစ်ယောက် အမည်ဖြင့် မထားပဲ ပအိုဝ်း တမျိုးသား လုံးပိုင်ဂေဟာ အဖြင့် ထားရှိရန် ထောက်ခံတင် ပြကြပါသည်။
တောင်းကြီးမြို့နယ် ပအိုဝ်း အမျိုးသားအဖွဲ့ချုပ် အတွင်းရေးမှူး ဦးခွန်လာမဲင်းက ဦးခွန်မင်းကျော်နှင့် ဦးခွန်မောင်တုတ် တို့ရှင်းပြခဲ့၍ ဂေဟာကိစ္စကို ရှင်းရှင်းလင်းလင်း သဘောပေါက် ပြီးဖြစ်ကြောင်း၊ ယခင်ဂရန်မှာ သက်တမ်းကုန် ဆုံးပြီးဖြစ်၍ ယခုအခါ ဦးဇော်အောင်သိန်း နှင့် သက်ဆိုင်မှုမရှိဟု မိမိအနေဖြင့် ခံယူပါကြောင်း၊ ပအိုဝ်း အမျိုးသားများဂေဟာ အမည်ဖြင့်ထားရှိရန် မိမိအနေဖြင့် မြို့နယ်ပါတီကိုယ်စား သော်လည်းကောင်း၊ ပအိုဝ်းသုခုမ အနုပညာအဖွဲ့ ကိုယ်စားသော် လည်းကောင်း ထောက်ခံပါကြောင်း တင်ပြဆွေးနွေး သွားပါသည်။
ပအိုဝ်း စာပေနှင့်ယဉ်ကျေးမှု အဖွဲ့ (ဗဟို) နာယက ဦးခွန်သန်းရွှေ မှ ယနေ့ တက်ရောက်လာကြ သူအားလုံး ကို လေးစားပါကြောင်း၊ ယနေ့ ဆွေးနွေးပွဲတွင် အချက် ၂ ချက် ဆွေးနွေးလိုကြောင်း၊ ပထမအချက်မှာ ယနေ့ တက်ရောက်လာသူ အားလုံးသည် ယခင် ပအိုဝ်း ဂေဟာ ထိန်းသိမ်းရေး အဖွဲ့ကို သံသယဖြင့် ထင်ယောင်ထင်မှား ပြောဆိုဆွေးနွေး နေသည်ဟု မိမိပြောလိုကြောင်း၊ ထင်ယောင်ထင်မှား အလေ့အထ ပျောက်သင့်ပြီဟု ထင်ကြောင်း၊ ပအိုဝ်း ပစ္စည်းထိန်းသိမ်းရေး အဖွဲ့ကို ဦးထွန်းရင်လော မှ ဖွဲ့စည်းပေး ခဲ့ကြောင်း၊ တစ်နေ့နေ့ တစ်ချိန်ချိန်တွင် ပအိုဝ်းစာပေ နှင့် ယဉ်ကျေးမှုအဖွဲ့၊ လူမှုရေး အဖွဲ့များထံ အပ်နှံဖို့ မိမိတို့ ထိန်းသိမ်းရေး အဖွဲ့မှ ရည်ရွယ်၍ ထိန်းသိမ်းခဲ့ကြောင်း၊ ယနေ့ ဖြန့်ဝေပေးသည့် ဂေဟာ သမိုင်းစာရွက်ထဲ အချို့စာသား များ အနည်းငယ် လွဲနေသည်ဟု မြင်မိကြောင်း၊ ယခုဖြစ်နေသော ကိစ္စနှင့် ပတ်သက်၍ ယခင် ဂေဟာ ထိန်းသိမ်းရေး အဖွဲ့ဝင် အားလုံးအပေါ် အမြင်မလွဲ စေလိုကြောင်း၊ ထိန်းသိမ်းရေး အဖွဲ့ဝင်အားလုံး တိုင်ပင် လုပ်ဆောင်ခဲ့ခြင်း မဟုတ်ပဲ တစ်ဦးတစ်ယောက် စိတ်ကူးဖြင့် လုပ်ဆောင်သည်ဟု ပြောနိုင်ကြောင်း၊ အဖွဲ့ဝင်အားလုံးမှ ပြောသော်ငြားလည်း ဥက္ကဌက လက်မခံလျှင် ဘာကိစ္စမှ လုပ်မရကြောင်း၊ ယခုဖြစ်ရပ် တွင်လည်း မိမိတို့ ထိန်းသိမ်းရေး အဖွဲ့အား ပုတ်ခတ်သလို ဖြစ်နေ၍ ဆွေးနွေးရခြင်း ဖြစ်ကြောင်း၊ ပအိုဝ်း ဂေဟာကိစ္စသည် ပအိုဝ်း အမျိုးသားများ အားလုံးနှင့် သက်ဆိုင်သည် ဖြစ်၍ အားလုံး လက်ခံရမှာ ဖြစ်ကြောင်း ဆွေးနွေးသွားပါသည်။
ပအိုဝ်း စာပေနှင့် ယဉ်ကျေးမှု အဖွဲ(ဗဟို) ဒုဥက္ကဌ ဦးခွန်မင်းကျော် မှ ယနေ့ ဖြန့်ဝေပေးထားသည့် ဂေဟာ သမိုင်း အချက်အလက်များသည် အစည်းအဝေး မှတ်တမ်းများ၊ ခိုင်လုံသော အထောက်အထားများ ရှိထား၍ ရေးသား ဖြန့်ဝေခြင်း ဖြစ်ကြောင်း ထပ်ဆင့် ရှင်းလင်းပေးပါသည်။
ပအိုဝ်း စာပေနှင့် ယဉ်ကျေးမှု အဖွဲ့(ဗဟို) တွဲဘက် အတွင်းရေးမှူး ဦးခွန်သူရအောင် မှ ပအိုဝ်း ဂေဟာကိစ္စ မှာ ယခုရှုပ်မှ နောင်ရှင်း မည်ဖြစ်ပြီး အကြေအလည် ဆွေးနွေး၍ လိုအပ်လျှင် ဥပဒေ ပညာရှင်များထံ အကြံဥာဏ် တောင်း ဖြေရှင်းသွားပါက ပိုမိုကောင်း မွန်မည်ဟု ယူဆကြောင်း ဆွေးနွေး သွားပါသည်။
မွေတော်ကက္ကူဘုရား ဂေါပကဥက္ကဌ ဦးခွန်ထွန်းလွင် မှလည်း ပအိုဝ်း အမျိုးသား များပိုင်အမည်ဖြင့် ဆက်လက် တည်ရှိသွားရန် ဆန္ဒရှိကြောင်း ဆွေးနွေး သွားပါသည်။
ပအိုဝ်း စာပေနှင့် ယဉ်ကျေးမှုအဖွဲ့(ဗဟို) ဥက္ကဌ ဦးခွန်ဝင်းကိုမှ အမျိုးသား ကိစ္စသည် သမိုင်း မှန်ကန်ဖို့ လိုကြောင်း၊ သမိုင်း မှန်လျှင် ယနေ့ ဆုံးဖြတ်ချက်များ မှန်ကန်မည် ဖြစ်ကြောင်း၊ သက်သေ ခိုင်လုံမှုမရှိပါက အမှား များ ရှိနိုင်ကြောင်း၊ ယနေ့ အစည်းအဝေးဆိုလျှင် သမိုင်းတွင်မည့် အစည်းအဝေး မှတ်တိုင်ပင် ဖြစ်ကြောင်း၊ သားစဉ်မြေးဆက် အထိ သံဃာတော် ဆရာတော်များ၊ လူပုဂ္ဂိုလ်အများ နှင့် ဆုံးဖြတ်၍ သမိုင်း တင်ကျန်နေမှာ ဖြစ်ကြောင်း၊ မလိုလားအပ် သော စွပ်စွဲချက်၊ တောင်းဆိုချက်ဖြင့် ဦးဇော်အောင်သိန်း အနေနှင့် ဥက္ကဌအမည် ပြန်ထည့်လိုသော ကိစ္စကို လေးလေးနက်နက် သေချာ စဉ်းစားစေလိုကြောင်း၊ မဖြစ်နိုင်သည်ကို လိုချင်လို့ မရနိုင်ပါကြောင်း၊ ယနေ့ တက်ရောက်သူများ ပွင့်ပွင့်လင်းလင်း ဆုံးဖြတ် ချက်ချသွားရ မှာဖြစ်ကြောင်း၊ ဦးဇော်အောင်သိန်း၏ လုပ်ရပ်ကို မိမိအနေဖြင့် ရှုတ်ချပါကြောင်း၊ ပအိုဝ်း အမျိုးသားဂေဟာ အဖြစ် တည်ရှိစေခြင်းကို မိမိမှ ကြိုဆိုထောက်ခံ ပါကြောင်း ဆွေးနွေး ပြောကြားသွားပါသည်။
ပအိုဝ်း ဌာနေပြည်သူ့စစ် ကွပ်ကဲရေးမှူး ဦးခွန်လာမှ ဆက်လက် ဆွေးနွေးရာတွင် ပအိုဝ်းအမျိုးသား ဂေဟာ နှင့် အခြား ပအိုဝ်း အမျိုးသားပိုင် အဆောက်အဦး များကို ကော်မတီဖွဲ့စည်းပုံ မူကြမ်းရေးဆွဲဖွဲ့စည်းရန် လိုကြောင်း၊ နောင်တွင် ပြဿနာ မဖြစ်စေရန်နှင့် အမျိုးသား ပိုင်ပစ္စည်းများ ရေရှည်ထိန်းသိမ်းထား နိုင်ရန်အတွက် ဆုံးဖြတ်ချက်ချ ထားနိုင်လျှင် ပိုမိုကောင်းမွန် မည်ထင်ကြောင်း ဆွေးနွေးပြီး ဦးဇော်အောင်သိန်း တို့အဖွဲ့ တင်ထားသော စာအား ပြန်လည်ရုပ် သိမ်းပေးရန် တောင်းဆိုပါကြောင်း တင်ပြသွားပါသည်။
ပအိုဝ်း စာပေနှင့် ယဉ်ကျေးမှုအဖွဲ့ (ဗဟို) ဥက္ကဌ ဦးခွန်ဝင်းကိုမှ ဦးခွန်လာပြောသော တစ်ဦးပိုင်ထက် အများပိုင်ဆိုသော ပြောကြားချက်ကို ကြိုဆိုပါကြောင်း၊ ပအိုဝ်း အမျိုးသားပိုင်ဟု ထားပါက တစ်မျိုးသားလုံး ၀မ်းသာမည်မှာ အမှန်ပင် ဖြစ်ကြောင်း၊ ဆက်လက် ထိန်းသိမ်းနိုင်ရန် အကောင်အထည် ဖေါ်သွားရန် လိုသည်ဟု ထင်မြင်ကြောင်း၊ ပအိုဝ်း အမျိုးသားပိုင် မြေနေရာ ကော်မတီ မူကြမ်းရေးဆွဲရန် လိုသည်ဆိုသည့် တင်ပြချက် အပေါ် ဆုံးဖြတ်ချက် တစ်ခုချထား ရန်လိုကြောင်း ဆွေးနွေးသွားပါသည်။
ဆက်လက်၍ အစည်းအဝေး တက်ရောက်လာ သူများမှ အကြေအလည် ဆွေးနွေးပြီး အောက်ပါအတိုင်း ဆုံးဖြတ်ချက်များ ချမှတ်ခဲ့ပါသည်။
(၁) ပအိုဝ်း အမျိုးသားပိုင် မြေယာ၊ အဆောက်အဦးများ ထိန်းသိန်းရေး ကော်မတီ ဖွဲ့စည်းနိုင်ရေး မူကြမ်း ရေးဆွဲသွားရန်။
(၂) ၁၃-၇-၂၀၁၃ ရက်နေ့တွင် ကျင်းပသော အစည်းအဝေး ဆုံးဖြတ်ချက်အရ ပအိုဝ်း အမျိုးသားများ လူမှုရေး အသင်းအဖွဲ့ ပေါင်းစုံနှင့် မြို့မိမြို့ဖများ မှ ဦးဇော်အောင်သိန်း၏ လုပ်ရပ်များကို ကန့်ကွက်ကြပါကြောင်း။
(၃) အမှတ် ၉၈၊ ကုန်သည်လမ်း၊ ဈေးပိုင်းရပ်ကွက်ရှိ ပအိုဝ်း အမျိုးသားများ ဂေဟာကို ပအိုဝ်း အမျိုးသားများ အဆက်ဆက် ထိန်းသိမ်း စောင့်ရှောက်သွားရန်။
(၄) ဦးဇော်အောင်သိန်းမှ ခရိုင် အထွေထွေအုပ်ချုပ်ရေးမှူး ထံသို့ တင်ပြထားသော စာအားပြန်လည် ရုပ်သိမ်း ပေးရန်နှင့် ယခင် ဂရန်ဟောင်းကို ပအိုဝ်း အမျိုးသား များထံ ပြန်လည် အပ်နှံသွားရန်။
(၅) ပအိုဝ်း အမျိုးသား တစ်ရပ်လုံးပိုင် ဂေဟာ၏ အရေးအရာ ကိစ္စရပ်များ ဆောင်ရွက်ရန်ရှိပါက ရဟန်းသံဃာ တော်များ၊ မြို့မိမြို့ဖများ၊ ပအိုဝ်း အမျိုးသား အသင်းအဖွဲ့များ၏ သဘော တူညီချက်ဖြင့် ရယူ ဆောင်ရွက်သွားရန်။
(၆) ၉-၄-၂၀၁၀ ရက်နေ့ ပအိုဝ်း အမျိုးသား ဘက်စုံဖွံ့ဖြိုးရေး (ဒဲဉ်သီးဗွေ) ကွင်းတွင် ကျင်းပပြုလုပ်သော အစည်းအဝေး အား ထပ်မံအတည်ပြုရန်။
(က) အမှတ် (၉၈/၁ နှင့် ၉၈/၂) အဆောက်အဦး ပအိုဝ်းဂေဟာ ထိန်းသိမ်းရေး အဖွဲ့ကို ယနေ့ ၉-၄-၂၀၁၀ ရက်နေ့မှစ၍ ဖျက်သိမ်းပြီး ဖြစ်ကြောင်း။
(ခ) အမှတ် (၉၈/၁ နှင့် ၉၈/၂) အဆောက်အဦး ကို ယနေ့ အစည်းအဝေး တက်ရောက်သူ အားလုံး၏ သဘောတူညီချက် ဖြင့် ပအိုဝ်း စာပေနှင့် ယဉ်ကျေးမှု အဖွဲ့က ထိန်းသိမ်း သွားရန် ဖြစ်ပါသည်။
အဆိုပါ အစည်းအဝေးကို ဗုဒ္ဓ သာသနံ စိရံ တိဋ္ဌတု (၃) ကြိမ်ရွတ်ဆို၍ အခမ်းအနားကို ရုပ်သိမ်းခဲ့ကြောင်း သတင်း ရရှိပါသည်။
Like On Facebook
Follow On Twitter
Subscribe On RSS