ပျူတို့ပြောစကား

၂၀၁၃ ခုနှစ်၊ သြဂုတ်လ (၂) ရက်
    ပြည်ထောင်စုဖွား တိုင်းရင်းသားများတွင် လူမျိုးတစ်မျိုး အနေဖြင့် ပါဝင်သော ပအိုဝ်း တိုင်းရင်းသား များ၏ အခြေခံ သမိုင်းဖြစ်စဉ်သည် ထူးခြား အံ့သြဖွယ် ကောင်းကြောင်း သတိမပြုမိ ခဲ့ကြပေ။ ပအိုဝ်း တိုင်းရင်းသားများ အနေဖြင့် မိမိတို့၏ သမိုင်း အစဉ်အလာကို သိရှိ နားလည် ခဲ့ကြသည် ဖြစ်သော်လည်း အများသိအောင် ဖွင့်ထုတ် ဖော်ပြတတ်သည့် အလေ့လည်း နည်းခဲ့သောကြောင့် သမိုင်း ပျောက်နေသော လူမျိုး ယောင်ယောင် တချို့က မှတ်ထင် ခံစားရင်း တစ်စုံတစ်ရာကို ဘ၀င်မကျနိုင်အောင် လိပ်ခဲတည်းလည်း ခံစားခက်ခဲ့ ကြလေသည်။
    ထိုသို့ ခံစားနေရခြင်းမှာ မိမိသမိုင်းကို မိမိ အလေးအနက်ထားကာ ရဲရဲဝံ့ဝံ့ မဆန်းစစ်၊ မဖော်ထုတ်လေ့ရှိသော အကျိုးဆက်ပင် ဖြစ်သည်။ ပအိုဝ်းဟူသော ဝေါဟာရသည် ပျူဟူသော ဝေါဟာကို ဆိုလိုသော ပအူ ဟူသည့် ဝေါဟာရမှ တိုက်ရိုက် ဆင်းသက်လာခဲ့ကြောင်း “ပျူဆိုတာ” ဆောင်းပါးတွင် ဖွင့်ဆိုရှင်းလင်း တင်ပြခဲ့ပြီး ဖြစ်ပါသည်။ ထို့ကြောင့် ပအိုဝ်းစကားသည် ပျူစကားပင် ဖြစ်သည့်အလျောက် ပျူတို့ ပြော ခဲ့သောစကား များကို ယနေ့မြန်မာဝေါဟာရ အဖြစ် စီးမျှော နေသော စကားအချို့ နှင့်  မြန်မာဘာသာသို့ တိုက်ရိုက် ဘာသာပြန် အဓိပ္ပါယ်ဖွင့်၍ မရသော ဝေါဟာရ စကားလုံးအချို့ကို ကဏ္ဍအလိုက် ခွဲခြားဖွင့်ဆိုပြပေးသွားပါမည်။
    ပထမဦးစွာ ပျူမြို့ဟောင်း အမည်များကို အဓိပ္ပါယ်ဖွင့်ဆို တင်ပြပါမည်။

ဟံလင်း
    ရွှေဘိုခရိုင်၊ ၀က်လက်မြို့နယ် အတွင်းရှိ ဟံလင်းကြီးမြို့ဟောင်းသည် မန္တလေး - ရွှေဘို မော်တော်ကား လမ်းပေါ်ရှိ စိုင်နိုင်ကွေ့မှ အရှေ့ဘက် ၁၁ မိုင်၊ ရွှေဘိုမြို့မှ အရှေ့တောင်ဘက် ၁၀ မိုင်နှင့် ၅ ဖာလုံ အကွာတွင် ရှိပါသည်။ မုဆိုးချုံဘူတာမှ ၂ မိုင်ခန့် သွားရသည်။ ဟံလင်းမြို့အမည် ၆ ပါးရှိရာ (၁) ဟံသာဝတီ - ဟင်္သာငှက်ရှိသည်ကို အစွဲပြု၍ ခေါ်သည်။ (၂) ပစိမ္ဆနဂရ - အနောက်ဘက်ကျသော နိုင်ငံဖြစ်သည် ဟု အစွဲပြု၍ ခေါ်တွင်၏။ (၃) ကာမာဝတီ - လိုရာမရှား ပေါများပြည့်စုံခြင်းကို အစွဲပြု၍ ခေါ်တွင်၏။ (၄) ဟံသာ နဂရ - ဟံသာဝတီ နေပြည်တော် ဟူ၍ပင် တစ်မျိုးအားဖြင့် ခေါ်တွင် အမည်ဖြစ်၏။ (၅) ဟလ္လမခေါက် - ယိုးဒယားဘာသာ အစာရေစာ ပေါများ၍ ထမင်းမငတ်နိုင်သည့် နိုင်ငံဟု ဆိုလို၏။ (၆) ဟံ (ဟန်)လင်း - ရန်သူတို့ကို ရှင်းလင်းဟန့်တား နိုင်သဖြင့် ဟန်လင်းတွင်ခြင်း ဖြစ်လေ၏ ဟူ၍ စန်းယုံအောင်ရေး ဟန်လင်းရွှေပြည် (၁၉၉၅ ခုနှစ်ထုတ် ယဉ်ကျေးမှုစာစောင်) အကြောင်းတွင် ဖတ်မှတ်လေ့လာ ရပါသည်။
    ဟံ မှာ မြေကို ဆိုလိုသော ပျူဘာသာစကား ဖြစ်သကဲ့သို့ လင်း မှာ မြေညီပြင်သလင်းကို ဆိုလိုပါသည်။ မြေပြင်ညီမြို့ သို့မဟုတ် ပြန့်ပြူးသော မြေတွင် တည်ထားသောမြို့ဟု ဆိုလိုပါသည်။ ထိုအသုံးမှာ ယနေ့ခေတ်တိုင် ဖြစ်ပါသည်။ ဥပမာ- တောင်ကြီးမြို့ရှိ ဟံဗွာဒုံ (မြေဖြူရွာ)၊ ဟံသွူးဒုံ (ဟမ်းဆီးရွာ) စသည်တို့ ဖြစ်သည်။ ဟံလင်းကို အသံဖလှယ်ထားသော အမည်ဖြစ်သည့် လင်(န်) ယင်(န်) မှာလည်း “ကောင်းစွာ ကျယ်ပြန့်သော” ဟု အဓိပ္ပါယ် ရပါသည်။ လင် (န်) “လဲုင်း” မှာ ကျယ်ပြန့်ခြင်း၊ ယင် (န်) “ယမ်” မှာ ကောင်းခြင်း/ ကောင်းစွာ ဖြစ်ပါသည်။
    ဟံသာနဂရမှာလည်း ဟံမှာ မြေ၊ သာမှာ နေသာခြင်း၊ ပြန့်ပြူးခြင်းကို ဆိုလိုသည်။ နဂရမှာ ပါဠိသက် မြို့မြေနေရာကို ဆိုလိုပါသည်။ နေထိုင်၍ ကောင်းသောမြေဟု ဆိုလိုပါသည်။ ဟံသာဝတီ ဆိုသည်မှာလည်း နေထိုင်ကောင်းသောမြေ ဟုပင် ဆိုပါသည်။ မတီ၊ ၀တီ စသည်တို့သည် အတည်တကျ နေထိုင်ရာသောမြို့၊ ၀င်ထွက်သွားလာ၍ ကောင်းသောမြို့ဟု ဆိုနိုင်ပါသည်။ ကေတုဝတီ၊ မြ၀တီ၊ တမ္ပ၀တီ၊ ဓည၀တီ......စသည်တို့ ဖြစ်ပါသည်။ ဆရာဦးဘရှင်က “လင်ယန်” ဟူသည် ဗိဿနိုးနှင့် ထပ်တူဖြစ်ကြောင်း မိန့်ဆိုသည်။ သို့သော်လည်း မည်သည့် အကြောင်းကြောင့် ဗိဿနိုးကို တရုတ်တို့က လင်ယန်ဟု သိခဲ့သည်ကို ရှင်းလင်းဖော်ပြခြင်း မပြုပေ။ လင်ယန်ဟူသော တရုတ်စာလုံးနှစ်လုံး၏ ရှေးဟောင်းအသံထွက်သည် Lam-Yong နှင့် ခပ်ဆင်ဆင်ဖြစ်၍ ရမည် Raman (Rman) ကို အသံလှယ်ထားသည့် စာလုံးများ ဖြစ်သည်။ ပျူ အရပ်ဒေသကို ပျူဝေါဟာရစင်လျှက်ကို တရုတ်သံသာ ဖြစ်သယောင် ရမည် (မွန်) ဟု ရအောင် ကြိုးစား အသံလှယ် ပြထားသည်မှာ သဘာဝ မကျလှပေ။

တကောင်း
    တကောင်းမြို့သည် မန္တလေးမြို့မှ ဆန်တက်သော ရေမိုင် ၁၂၇ မိုင်အကွာ ဧရာဝတီမြစ် အရှေ့ဘက်ကမ်းအနီး ကပ်လျှက်တည်ရှိပြီး မန္တလေးခရိုင်၏ မြောက်ဘက်စွန်း၌ ရှိပါသည်။ တကောင်းမြို့၏ အမည်များမှာ သံသာပူရ၊ ရဋ္ဌပူရ၊ သင်းကွဲ၊ တကောင်း၊ သင်္ကသရဋ္ဌ၊ ပဉ္စာတကောင်း စသည်တို့ ဖြစ်ကြသည်။ တကောင်းဆိုသည်မှာ ရှမ်းဘာသာအားဖြင့် စည်ကူးတို့ ဟု အဓိပ္ပါယ်ရကြောင်း၊ ဆိုလိုရင်းမှာ (တ ကောင်) ဟူသော စကားရပ်တွင် “တ” မှာ ကူတို့ဆိပ်ဖြစ်ပြီး “ကောင်”မှာ အစုအပုံ (၀ါ) ကုန်ပစ္စည်းများ စုပုံရာ ကူးတို့ဆိပ် ပင်ဖြစ်ကြောင်း သိရလေသည်။
    ရှမ်းဘာသာနှင့် ပျူပအိုဝ်းတို့ ဘာသာစကားမှာ တကောင်းကို ဆိုလိုရာ၌ အဓိပ္ပါယ် တူလေသည်။ သို့သော ပျူဘာသာဖြင့် သီးခြား ဖွင့်ဆို နိုင်သော အခြေအနေ တခြားအဓိပ္ပါယ်များလည်း ရှိနေပါသေးသည်။ တကောင်းမှာ တွူးကောင်းဟူသော ပျူစကားမှ ဆင်းသက်ခဲ့ပါသည်။ တွူး မှာ မြစ်ဆိပ်၊ ကူးတို့ဆိပ်ဖြစ်ပြီး၊ ကောင်းမှာ မြစ်ကွေ့၊ မြစ်ကြောင်းပြောင်းသော နေရာဟု ဆိုလိုသကဲ့သို့ တွူးကောင်းဟူသော ဝေါဟာရကို အသံဖလှယ် သော် တောင်းကွူးဖြစ်သည်။ တောင်းမှာ ကြေးထည်၊ ကြေးပစ္စည်း များကို ဆိုလိုပြီး၊ ကွူး မှာ ကူးသန်းရောင်းဝယ်ခြင်းကို ဆိုလိုသည်။ ကြေးထည် ပစ္စည်းများ ရောင်းချရာ ကြေးကုန်များ ထွက်ရာဒေသဟု ဆိုလိုပါသည်။ “သင်းကွဲ” ဟူသော အသုံးမှာလည်း ပျူစကားသာလျှင် ဖြစ်ပါသည်။ မြန်မာ ဘာသာဖြင့် ဆိုပါက သင်းကွဲသည် အဖော်အသင်း ကွဲသည်ကို ဆိုလိုမည် ဖြစ်သော်လည်း၊ ပျူဘာသာ ဝေါဟာရဖြင့်မူ ပြန်လည်ဆုံဆည်းရာ မြေဌာနဟု ဆိုလိုပါသည်။

ဗိဿနိုး
    ဗိဿနိုးမြို့ဟောင်းသည် မကွေးခရိုင်၊ တောင်တွင်းကြီးမြို့ အနောက်ဘက် ၁၁ မိုင်အကွာတွင် ရှိသည့် ကုက္ကိုခွရွာ၏ မြောက်ဘက်၌ တည်ရှိ၏။ ဗိဿနိုးဟူသော အမည်မှာ များသောအားဖြင့် ဟိန္ဒူဘာသာဝင် တို့၏ နတ်ဘုရား အမည်ဟု အခိုင်အမာ ယုံကြည်ခဲ့ကြပါသည်။ ပျူ ဘာသာအားဖြင့် ဗိဿနိုး အမည်မှာ ဟိန္ဒူနတ်ဘုရား အမည် မဟုတ်ပါ။ “ဗွေသ့နိုး” ဟူသော အရှင်ရသေ့ကြီး စိတ်တိုင်းကျ နိုးဆော် တည်ထောင် ပေးသော မြို့ဟုသာ ဆိုလိုပါသည်။ ပန်ထွာဟုလည်း တစ်မျိုးဆိုခဲ့ကြ ပေသေးရာ “ပန်” မှာ ဘ၀ကို ဆိုလိုပြီး “ထွာ” မှာ ဖြစ်ခြင်းကို ဆိုလိုပါသည်။ ပွေးဖို ပွေးမဘ၀နှင့် ပေယပ်တောင် လှူခဲ့ဖူးသော ဘ၀မှ ကူးပြောင်းဝင်စား ဖြစ်လာရသော ဘ၀ဟု ဆိုလိုပါသည်။ ဗိဿနိုးခေတ် ကတည်းကပင် ပျူနှင့် ဗမာ သွေးနှောခဲ့ပြီဟု ဆိုစရာအကြောင်း ရှိပါသည်။ ဗိဿနိုးသို့ အိန္ဒိယတိလိင်္ဂဏတိုင်းသား မွန်များ လာရောက်တိုက်ခိုက်ခဲ့သည် ဆိုသော အဆိုရှိသည်။

သရေခေတ္တရာ
    သရေခေတ္တရာမှာ ပြည်မြို့၏ အရှေ့ဘက် ၅ မိုင်ခန့် အကွာတွင် တည်ရှိ၏။ သာသနာတော်သက္ကရာဇ် ၁၀၁ ခုနှစ်တွင် ဂ၀ံပတိ အရှင်သူမြတ် အမှူးပြု၍ ကြပ်မတ်တည်ထောင်ပြီးလျှင် ဒွတ္တပေါင်မင်းကြီး ရှေးဦးလက်မွန် စိုးစံသော မြို့ဖြစ်သည်။ သရေခေတ္တမှာ ပါဠိသက် သို့မဟုတ် ပါဠိဝေါဟာရဟု ဆိုနိုင်သကဲ့သို့ ပျူဘာသာအားဖြင့်လည်း တိုက်ရိုက် အဓိပ္ပါယ်ပေါက်သော ဝေါဟာရလည်း ဖြစ်နေပါသည်။ “သရေ” မှာ စိတ်လက်ကျန်းခံ့ခြင်း၊ “ခေတ္တရာ” မှာ တရားမျှတသော ခေတ်/ကာလဟု ဆိုလိုပါသည်။ မှော်ဇာ (မော်ဇာ)မှာ တရားဟော ဓမ္မကထိကအလုပ်ဖြင့် အသက်မွေးဝမ်းကျောင်းမှု ပြုသော ဦးဇာ၏ နေရပ်အဖြစ် မော်ဇာခေါ်ရာမှ မှော်ဇာဖြစ်လာဟန်ရှိသည်။ ပြည်မှော်ဇာကို သိသိတ် “ဆိဆိတ်” ဟု ခေါ်ပါသေးသည်။ မြန်မာလို သစ်ဆိပ်ဟု ယူဆမည်လော။ ပျူပအိုဝ်းတို့၏ သထုံကလေး ကိုလည်း ဆီဆိုင်ဒေသဟု မည်တွင်နေသည်ကို ဆက်စပ် စဉ်းစားဖွယ် ကောင်းပါသည်။ ရတနာပေါ်သော သစ်စေးပင်ဟု အဓိပ္ပါယ် ရှိလေသည်။ ကျန်စစ်သားမင်း၏ ကျောက်စာအလိုအရ သာသနာနှစ် ၁ နှစ်တွင် တည်ကြောင်း သိရသည်။

သုဝဏ္ဏဘူမိ (သထုံ)၊ (ကျင်လန်)၊ မီချဲ(န်)၊ ကြုံစိန်
    သုဝဏ္ဏဘူမိကို ရှေးဟောင်းမြို့ကြီး တစ်မြို့ အဖြစ်သာ ထင်မြင်ယူဆ တတ်ကြသည်။ မွန်တို့နှင့်သာ သက်ဆိုင်ခဲ့သော အမည်ဟုလည်း ထင်မြင်ယူဆလေ့ ရှိကြသည်။ ထိုသို့ ဖြစ်ရခြင်းမှာ သုဝဏ္ဏဘူမိကို လေးလေးနက်နက် လေ့လာမှု မပြုသေးကြောင်း ထင်ရှားပါသည်။ သုဝဏ္ဏဘူမိ သည် သထုံမြို့၊ သထုံခရိုင်လောက်သာ ကျယ်ဝန်းခဲ့သော ဒေသ မဟုတ်ပါ။ အရှေ့တောင်အာရှ တစ်ခုလုံး မျှမက ကျယ်ပြန့်သော ဒေသကြီးသည် Golden Land ရွှေနိုင်ငံဟု ယနေ့တိုင် သိမှတ်ခဲ့ကြပါသည်။ သုဝဏ္ဏဘူမိတိုင်း၏ မြို့တော်မှာ သထုံဖြစ်သည်။ သထုံမှာ ယနေ့ မြန်မာပြည်ရှိ သထုံမြို့ သာမကပဲ ယနေ့ ထိုင်းနိုင်ငံရှိ ပရပထုံ / နခေါန်ပထုံ သည်လည်း ရှေးက မြို့တော် သထုံကြီး ဖြစ်ခဲ့ပေသည်။ မင်းမြတ်အနော်ရထာ ဆင်းတိုက် ခဲ့သော သထုံ ဆိုသည်မှာ အဆိုပါ နခေါန်ပထုံပင် ဖြစ်ဖို့များကြောင်း သိရှိရပါသည်။ သထုံးဆိုသည်မှာ ပျူစကား “ခမ်းသဲုင်ထွုံ” ရွှေထွက်သော သဲနှုန်းမြေကို ခေါ်ဆိုရာမှ သဲုင်ထွုံ၊ သထုံဟု မည်တွင်လာခြင်း ဖြစ်သည်။ မွန်တို့ အဆိုအရ ဂိုးသွယ်ဂထုံမှ ဂထုံ / သထုံ ဖြစ်လာကြောင်း တွေ့ရ ပါသည်။ စကားအဆက်အစပ် နီးစပ်မှု ဝေါဟာရ အသုံးနှုန်း ကွာဟမှု ရှိသည်ကို သတိပြုရမည် ဖြစ်ပါသည်
    သထုံဒေသ အနီးရှိ နေရာတစ်ခု၏ အမည်မှာ ကြုင်စိင် (ကြုံစိန်) မှာ ပျူဝေါဟာရပင် ဖြစ်သည်။ ကြုံစိန်မှာ ကြုံ / ခြုံ (ကရုန်း/ ခရုန်း) ဟူသော မြစ်ကြီး၊ ချောင်းကြီးကို ဆိုသော ဝေါဟာရနှင့် စိန်(စဲန်)(ကျဲန် ဟု အနီးစပ်ဆုံး အသံထွက်ပါမည်။) ဟူသော ထော်င့်ချိုး၊ (မြစ်)ချိုးဟု ဆိုလို သော ဝေါဟာရတို့ ပေါင်းဖွဲ့ထားသော စကားလုံးဖြစ်သည်။ မြစ်ထောင့် မြစ်ချိုး မြစ်ကွေ့အရပ် ဖြစ်ပါသည်။
    မီချဲ(န်) မှာ စပါးမြို့ဟု အဓိပ္ပါယ်ရသော တရုတ်အခေါ်ဖြစ်သည်။ သထုံကို ခေါ်ခြင်းလော၊ မိုင်းမော် ခေါ် (ဝေင်မော့) ပင်လယ် ပျူမြို့ ဟောင်းလော ၀ိဝါဒ ကွဲပြားလျက် ရှိနေပါသေးသည်။ သထုံကို ပအူတောင်သူ (ပျူ) မင်းတို့ အစတည်ကာ အစဉ်အဆက် စိုးစံခဲ့ပါသည်။ သထုံကို ပျူ (ပအိုဝ်း) မင်းဆက်ပေါင်း ၁၅၈ ဆက် အုပ်စိုးခဲ့ရာ နောက်ပိုင်းမင်းဆက်များတွင် မနုဟာမင်း မတိုင်မီ ပျူ(ပအိုဝ်း)နှင့် မွန် ကပြားမင်းဆက် ၁၇ ဆက်ခန့် အုပ်စိုးခဲ့လေသည်။

ပုဂံ
    ပုဂံဟူသော ဝေါဟာရမှာ ပျူဂါမ၊ ပျုဂါမ၊ ပူဂါမ၊ ပုဂါမ စသော ပျူရပ်၊ ပျူရွာ၊ ပျူတို့ဌာနေမှ ပုဂံဟု မည်တွင် လာခဲ့ကြောင်း ထင်ရှား သိခဲ့ ကြပြီး ဖြစ်ပါသည်။ ယနေ့ ပုဂံမြို့ဟု ထင်ရှားနေသော နေရာကိုသာ ပုဂံဟု မဆိုလိုကြောင်း၊ ပျူတို့၏ နေရပ်ဒေသ အသီးသီးကို ပုဂံဟု ညွန်းဆို နိုင်ကြောင်း၊ တကောင်းကို အညာပုဂံဟု သိထားကြသည်။ တကောင်းနှင့် ယနေ့ ပုဂံမြို့ကို အောက်အရပ် ဒေသရှိ သထုံမှ တွက်ဆပြောဆိုမှု ပြုလျှင် ပုဂံမြို့ထက် ပိုဝေးသော အဝေး (အညာ) ပုဂံဟု ညွှန်းဆိုခဲ့ ကြပါသည်။ အညာဟူသော ဝေါဟာရမှာ အဝေးဟု ဆိုလိုသော ပျူဝေါဟာရပင် ဖြစ်ပါသည်။ ပုဂံမြို့၏ အမည်ကို ၁၅ မျိုးခန့် ခေါ်ဆိုကြောင်း၊ ယင်းအမည်တို့မှာ (၁) ပေါက္ကာရာမ၊ (၂) အရိမဒ္ဒနာ၊ (၃) ပုဏ္ဏကာမ၊ (၄) ပုဏ္ဏဂါမ ၊ (၅)ပျူဂါမ၊ (၆) တမ္ပ၀တီ (ကြေးနီထွက်သောအရပ်)၊ (၇) သီရိပစ္စယာ၊ (၈) သမ္ပုဏ္ဏဂါမ၊ (၉) ပဏ္ဍုပလာသာ၊ (၁၀) နဂရုတ္တမ၊ (၁၁) ပရမပူရ၊ (၁၂)သမာဓိနဂရ၊ (၁၃) တမ္ပဒေသ၊ (၁၄) ဝေလုကာရာမ၊ (၁၅) ပုဂံ ဟူ  ဖြစ်ပါသည်။
    ပုဂံပြည်ကို ပူပြင်းသောနေရပ်ဟူ၍ “တတ္တဒေသ” ဟုလည်း ခေါ်ကြောင်း သိရသည်။ ပုဂံအမည်ကို ကျောက်စာ အရေးအသားတွင်ကား ပုကံ၊ ပုကမ်၊ ပုဂံ ဟူ၍သာ တွေ့ရှိရလေသည်။ ပုဂံကို မွန်အသံဖြင့် ပေါ့ကံဟု ရွတ်ဖတ်ရာမှ ပေါ့ကံ၊ ပေါက်ကံ ဟူသော အမည် ပေါ်ပေါက်ခြင်း ဖြစ်ဖွယ် ရှိလေသည်။
    မူလအမည်ဖြစ်သော အရိမဒ္ဒနပူရ မှာ ရန်သူကို နှိမ်နင်း သတ်ဖြတ်နိုင်သည် ဟူ၍ အဓိပ္ပါယ် ပေါ်ထွက်လာလေသည်။
    ပုဂံဟု ဆက်စပ်မည်တွင်သော အရပ်ဒေသများမှာ တကောင်းခေါ် အညာပုဂံ တင်မက ပခန်းကြီး၊ ပခန်းလေး၊ ပခုက္ကူ စသည်တို့ သည်လည်း ဆက်စပ် ပတ်သက်မှု ရှိလေသည်။

ပခုက္ကူ
    ပအူ(ပျူ) မင်းနေပြည်တော်၏ ရွှေကြိုးသတ်နယ်မြေ ရွှေမြို့တော်၏ အပိုင်းအခြားနေရာဟု ဆိုလိုသော ပအူခမ်းကူမှ ပခုက္ကူ ဖြစ်လာခြင်း ဖြစ်သည်။ ဗမာအလိုအားဖြင့် သားထုတ်ဂူမှ ပခုက္ကူ ဖြစ်လာကြောင်း ယူဆ ပြောဆိုလေ့ ရှိကြပါသည်။ ယုတ္တိယုတ္တာ ပိုမိုကျမည့် စကားလုံး ဝေါဟာရကို ရွေးထုတ် ယူနိုင်ကြရန် တင်ပြပါသည်။

ဒီပဲရင်း
    ဒီပဲရင်းကို ဒီပဲယင်း၊ ဒီပယင်း၊ ဒီပရင်း၊ တပယင်း၊ ထီးပေသျှင်ဟု အမျိုးမျိုး ရေးသား ဖော်ပြလေ့ ရှိပါသည်။ ဒီပေသျှင် (ဒီပဲယင်း) ပယ်ကိုးသန်း နယ်မြေရှိ ကတူးတို့သည် အနော်ရထာမင်း လက်ထက်မှ အစပြု၍ မြန်မာမင်းတို့၏ လက်အောက်တွင် ငြိမ်းချမ်းစွာ နေထိုင်ခဲ့ကြသည်။ ပျူအဆက်အနွယ်ဟုပင် ဆိုသော ကတူး ဘာသာစကားဖြင့် ဒီပဲယင်းဟူသော ဝေါဟာရစကားလုံး မည်တွင်ခဲ့သည်မှာ အမှန်ဖြစ်ပါက ပျူ (ပအိုဝ်း) တို့၏ ဝေါဟာရစကားလုံးပင် ဖြစ်ကြောင်း ဆိုနိုင်ပါသည်။ ဒီမှာ တီနှင့် ထီ ဟူသော ဝေါဟာရစကား နှစ်လုံးကို ရပါသည်။ တီ မှာ (ဆင်၊ မြင်း၊ ကျွဲ၊ နွား၊ သိုး၊ ဆိတ်) များကို ကျောင်းခြင်းဟု ဆိုပြီး၊ ကသံထိန်းအုပ်စု သုံးနှုန်းသော လေသံအရ “တီ” မှာ ရေကိုလည်း ညွန်းဆိုပါသည်။ ပဲ မှာ ဘဲ ဟု ပျူ (ပအိုဝ်း) တို့ ခေါ်ဆိုလေ့ရှိသော ဆိတ်သတ္တ၀ါပင် ဖြစ်သည်။ ရင်း မှာ ရန်း (ရာင်း) ဟု ခေါ်သော စားကျက်မြေ ဖြစ်သည်။ ရင်း ဟူသော ဝေါဟာရကို ပျူ(ပအိုဝ်း)တို့ ဘာသာအားဖြင့် ရင်းဟုပင် ရေးသောလည်း မြန်မာကံသို့ ယင်း ဟု အသံမထွက်ပါ။ Ra ဟူသော လျှာလိပ်သံဖြင့် ရန်း(ရာင်း) ဟုသာ ထွက်ပါသည်။ ထို့ကြောင့် ဒီပဲရင်း မှာ ဆိတ်ကျောင်းသည့် စားကျက်မြေ သို့မဟုတ် ဆိတ် ရေသောက်ဆင်းရာ စားကျက်မြေဟု ဆိုလိုပါသည်။ ကတူး ဟူသော ဝေါဟာရသည် ပျူ ဟုဆိုသော ပအူ ဟူသည့် ဝေါဟာရနှင့် ဆက်စပ်သော ဘမ်းစကား ဝေါဟာရ ဖြစ်ပါသည်။ (သီးခြားဖော်ပြပါမည်)

ထီးလင်း
    ပျူလူမျိုး စစ်စစ်ပါဟု ဆိုလေ့ရှိသော တောင်သူပအူ အဆက်အနွယ် တောင်သားလူမျိုးများ နေထိုင်ရာ ယော၊ ဆော ဒေသရှိ မြို့တစ်မြို့ ၏ အမည်တစ်ခု ဖြစ်သည်။ “ထီး” မှာ တွေ့မြင်နိုင်ခြင်းကို ဆိုလိုသော ဝေါဟာရ ဖြစ်သည်။ “လင်း” မှာ အဆင်းအရပ်၊ နိမ့်ရာအရပ်ဘက်ကို ဆိုလိုသည်။ ရန်သူ၊ မိတ်ဆွေ ခွဲခြားသိနိုင်ရန် လှမ်း၍ မြင်နိုင်သော အရပ်တွင် တည်ထားသောမြို့ဟု ဆိုနိုင်သည်။ သို့မဟုတ် ထီးဟု မယူပဲ ထီ(ရေ) ဟု ယူဆပါက ရေဆင်းအရပ်ဟု အဓိပ္ပါယ် ရှိပေမည်။

မိုင်းမော
    ကြီးကျယ် ထင်ရှားသော ပျူမြို့ဟောင်း တစ်မြို့ဖြစ်ပြီး၊ မိုင်းမော (မွိုင်းမော့ / ဝေင်မော့ ) တွင် မွိုင်း မှာ ကွန်းခိုရာအရပ်၊ နေရာဒေသကို ညွှန်းသော ဝေါဟာရ ဖြစ်သည်။ မော့ မှာ အစွန်အဖျားအရပ် ( ကုန်းမြေစွန်း / လွင်ပြင်မြေပြန့်စွန်း ) အရပ် ဖြစ်သည်။ ဝေင် မှာ မြို့ဟု အဓိပ္ပါယ် ရပါသည်။ ကုန်းစွန်း / လွင်ပြင်အစွန်းတွင် တည်ထားသော မြို့ဟု ဆိုလိုပါသည်။

ပဲခူး
    ဥဿပဂိုးဟု ထင်ရှားသည်။ ပဲခူး ခေါ် ပဲခိုး/ဖဲ့ခိုးမှာ ပျူဝေါဟာရပင် ဖြစ်ပြီး အထက်အရပ်ဟု ဆိုလိုသည်။ မြို့တော်သထုံမှ တွက်စစ်လျှင် အထက်အရပ်တွင် ရှိနေသောကြောင့် ဖြစ်သည်။

မုဒုံ
    အထက်အရပ်ကို ပဲခိုး / ပဲခူး ဟု ဆိုပြီး အောက်အရပ်ကို မုဒုံ / မော့ဒွမ် ဟု ခေါ်ပါသည်။ မော့ သို့မဟုတ် မု မှာ အစွန်းအဆုံးဟု ဖော်ပြ ခဲ့ပြီး ဖြစ်ပါသည်။ ဒုံ မှာ ရွာကို ဆိုလိုပါသည်။ ဒွမ် မှာ အောက်ဘက်ကို ဆိုလိုပါသည်။ အောက်အရပ်ဟုပင် အဓိပ္ပါယ်ရသော အောက်ပါ ဝေါဟာရ များကို ဖော်ပြလိုပါသေးသည်။

ဒလ / က္လပင်း
    ရန်ကုန်မြို့တော်ကြီး၏ အောက်ဘက်၊ တစ်ဖက်ကမ်းတွင် တည်ရှိသည်။ ပျူမြို့တော် သရေခေတ္တရာ ပျက်စဉ်က ပျူတစ်အုပ်စု ခိုဝင် နေထိုင်ရာ အရပ်ဒေသ ဖြစ်သည်။ က္လပင်းသည် သရေခေတ္တရာ၏ အရှေ့တောင်ဘက် (ယခုခေတ် မိုင် ၁၇၀ ခန့်အကွာ)၊ ယနေ့ တွံတေးမြို့၏ အရှေ့ဘက် ၄ မိုင်အမွာ ကန်ပဲ့ရွာ အနီးတွင် ရှိသည်။ ဒလမြို့နှင့် တဆက်တစပ်တည်းသော နေရာဒေသဖြစ်သည်။ ဒလသည် လည်းကောင်း၊ က္လ သည် လည်းကောင်း အောက်အရပ် အောက်ဘက်ဒေသကိုပင် ညွှန်းသော မုဒွမ်နှင့် အဓိပ္ပါယ်တူ ဝေါဟာရများ ဖြစ်ပါသည်။ ပင်း မှာ ဒေသခွင်ကို ညွှန်းဆိုသော ဝေါဟာရ ဖြစ်သည်။

ပင်းယ
    ပင်း မှာ နေရာဒေသခွင်ဟု ဖော်ပြပြီး ဖြစ်သည်။ ယ မှာ အဟောင်း ဟု ဆိုလိုပါသည်။ ထို့ကြောင့် ပင်းယမှာ နေရာဒေသဟောင်း၊ နေရပ်ဟောင်း ဖြစ်ပါသည်။

ပင်းတယ
ပင်းနှင့် ယကို အထက်ပါအတိုင်း အဓိပ္ပါယ် သိနိုင်ကြပြီဖြစ်ရာ “တ” မှာ “ဒဲုင်” ဟု ဆိုလိုသော လူသူ မနေတော့ခြင်းဟု ဆိုလိုသော ပျူ (ပအိုဝ်း) တို့၏ ဝေါဟာရစကား ဖြစ်သည်။ ထို့ကြောင့် ပင်းတယမှာ ဗမာအဆို ပင့်ကူရနှင့် အသံထွက် ဆင်သယောင်သာ ဖြစ်သော အဘိုး၊ အဘေး တို့ နေထိုင်ခဲ့သော နေရာဟောင်း “ပင်းဒဲုင်ယ” သာ ဖြစ်ကြောင်း ဖော်ပြအပ်ပါသည်။
ဒုတိယ အနေဖြင့် ဆက်လက် တင်ပြလိုသည်မှာ သစ်ပင်ပန်းမံ အမည် ဝေါဟာရများနှင့် ပတ်သက်သော ဝေါဟာရများ အကြောင်း ဖြစ်ပါသည်။ ပျူနှင့် ဗမာသည် အနေနီးစပ်ကာ သွေးခြင်း ပေါင်းယှက် တစ်သားတည်း ဖြစ်ခဲ့သည်မှာ နှစ်ပေါင်းများစွာ ကြာမြင့်ခဲ့ပြီ ဖြစ်ပါသည်။ ထို အကျိုးဆက်မှာ ပျူဝေါဟာများကို ရောနှောပြောဆို နေကြပါသော်လည်း ဆိုလိုရင်း အဓိပ္ပါယ်ကို သိနားလည်ခြင်း မရှိတော့ပဲ ပညတ်အားဖြင့်သာ အမည်တပ် ခေါ်ဝေါ်ကြခြင်း ဖြစ်ကြောင်း အလွယ်တကူ ဆုံးဖြတ်လေ့ ရှိတော့သည်။

သပြေ
မြန်မာလူမျိုးတို့အထွဋ်အမြတ်ထားသော အောင်အတိတ် အောင်နိမိတ်ဆောင်သောပန်း၊ အောင်ပန်းဖြစ်သည်။  အရွက်နုကို ပန်းအဖြစ် ပူဇော်ရသော ပင်စောက်တစ်မျိုး၊ ခရမ်းရင့်ရောင် အသီးကို စားရသော ပင်စောက်တစ်မျိုး ဟု ဖွင့်ဆိုထားပါသည်။ ပျူဘာသာ အားဖြင့်မူ “သ” မှာ စိတ်ကို ဆိုလိုပြီး၊ “ပြေ” မှာ ပြေပြစ်ခြင်း၊ ချောမွေ့ခြင်း၊ ပြေလျှောခြင်းကို ဆိုလိုပါသည်။ စိတ်အမောအပမ်း၊ အနွမ်းအနယ် များကို ပြေလျှော့စေသော ပန်း “သပြေ” ပန်းဟု တိုက်ရိုက် အဓိပ္ပါယ်ရသော ပန်းပင် ဖြစ်လေသည်။

သဇင်
    ဥ မှ ပွင့်တံထွက်ပြီး တစ်နှစ်မှတစ်ခါ ဆောင်းရာသီ၌ ပွင့်လေ့ရှိသော သစ်ခွမျိုးဝင် အပင် ဟု ဆိုထားပါသည်။ သန့်စင်ပန်းဟု ရခိုင်တို့က အမြတ်တနိုင်း ကင်ပွန်းတပ်ကာ တန်ဖိုးထားသည့် ပန်းဖြစ်သည်။ ပျူဟောရ ရင်းမြစ်ဖြစ်သည့် သစင် / သဇင်၏ ဆိုလိုချက်နှင့် နီးစပ်ပါသည်။ သဇင် ဟူသော ပျူဝေါဟာရ၏ မြန်မာလို တိုက်ရိုက် အဓိပ္ပါယ်မှာ “စိတ်စင်ပန်း” စိတ်ကို ဖြူစင်စေသောပန်း ဟု ဆိုလိုပါသည်။

ထနောင်း
    အပူပိုင်းဒေသတွင် ပေါက်သော အခက်အလက်တွင် ဆူးပါသည့် သစ်ပင်တစ်မျိုးဟု ဆိုထားပါသည်။ ထိုအဓိပ္ပါယ် ဆိုလိုချက်နှင့် ထနောင်းဟူသော ဝေါဟာရတွင် ပါဝင်သော ဗျည်း သရ တို့၏ အဓိပ္ပါယ် ဆိုလိုချက်များသည် ဗမာဘာသာဖြင့် ဖွင့်ဆိုပြရန် အတော်လေး တွေးတော ဆက်စပ်ယူရမည် ဖြစ်ပါသည်။ ထနောင်းဟူသော အမည်မှာ ပျူဘာသာအားဖြင့် တင်စား ဖော်ညွှန်းထားသော ဝေါဟာရ ဖြစ်သည်။ ထ မှာ (ချုပ်) အပ်ကို ဆိုလိုပြီး၊ နောင်း မှာ ထိုးထိုးထောင်ထောင် ဖြစ်နေခြင်းကို ဆိုလိုပါသည်။ ထို့ကြောင့် ထနောင်းမှာ အပ်ဆူးပင် ဖြစ်လေသည်။

ထန်း
    အကိုင်းမထွက်သော အပင်မျိုးဝင်၊ ပင်စည်မတ်စောက် လုံးချော၍ အဖျားတွင်သာ ယပ်ဝန်းပုံအရွက် ထွက်သော အပင်ကြီး တစ်မျိုး ဟု ဆိုထားပါသည်။ ပင်စည်ခွဲမရှိ ဖြောင့်တန်းစွာ ထွက်သော အပင်မျိုးဟုလည်း တစ်နည်းအားဖြင့် ဆိုနိုင်သည်။ ထိုသို့ ဖြောင့်တန်းစွာထွက်ခြင်း၊ ကိုင်းခွဲ မထွက်ခြင်းကို “ထန်” ဟု ပျူ(ပအိုဝ်း) ဘာသာဖြင့် ခေါ်ဆိုပါသည်။ ပျူ(ပအိုဝ်း) အရေးအသားဖြင့် အတိအကျ ရေးပြရလျှင်မူ ထန်နှင့် ထန်း မဟုတ်ပဲ ထင်း ဟုသာ ဆိုရပေမည်။

ကုက္ကို
    ဆီဆုံ၊ အိုးစည် စသည် လုပ်ရသော အသားရရှိသည့် သစ်ပင်ကြီး၊ မြန်မာကုက္ကို၊ လမ်းဘေးစိုက် အရိပ်ကောင်း သစ်ပင်ကြီးတစ်မျိုး ဟု ဆိုသည်။ “ကုက်” မှာ အုပ်မိုးခြင်း၊ အရိပ်ပေးခြင်းနှင့် ကုတ်ဝင်ခြင်းများဖြစ်ပြီး “ကို” မှာ အတွင်းဘက် သို့မဟုတ် ကူညီခြင်း၊ ကူခြင်းကို ဆိုလိုသော ဝေါဟာရ ဖြစ်သည်။ အရိပ်ရအောင် ကူညီသောအပင် ကုက္ကိုဟု ခေါ်ရပါသည်။ တနည်းအားဖြင့် ၄င်းအပင်မျိုး၏ သဘာဝသည် နေရောင် ကွယ်ညိုးလျှင် ရွက်ညှာတံများသည် ရိုးတံအတွင်းဘက် ကပ်လျက် ကုတ်ဝင်သွားလေ့ရှိပြီး၊ နေရောင်ခြည် လာသောအခါ ရွက်ညှာတံများ အားပြည့် လာကာ စွင့်ကား၍ ပြန်ဖြန့်လာကြပါသည်။ ထိုသို့ ကုတ်ဝင်ခြင်း၊ ဖြန့်ကားခြင်းကို ကုက္ကူဟု ဆိုလိုပါသည်။ ကုက္ကိုမှာ အတွင်းသို့ ကုတ်ဝင်ခြင်းကို ဆိုလိုရင်း ဖြစ်ပါသည်။

သရက်
    အရသာချိုမြိန်သော အသီး သီးသည့် ပင်စောက်ကြီးတစ်မျိုး ဖြစ်သည်ဟု ဆိုသည်။ သ နှင့် ရက် ဟူသော ဝေါဟာရများကို ချိုမြိန်သော သဘောနှင့် ဆက်စပ်၍ မရနိုင်ပေ။ ဗမာစကား မဟုတ်မူပဲ ပျူ(ပအိုဝ်း)တို့ ဘာသာစကားဖြင့် မည်တွင်ခဲ့သောကြောင့် ဖြစ်လေသည်။“သ” မှာ စိတ် / အသက်ကို ညွှန်းကြောင်း သိခဲ့ကြပြီး ဖြစ်ပါသည်။ “ရက်” မှာ ချစ်မြတ်နိုးခြင်း၊ နှစ်သက်ခြင်းကို ဆိုလိုသော ဝေါဟာရ ဖြစ်ပါသည်။ ချိုမြိန်လွန်း အားကြီးသောကြောင့် အသည်းအသက်တမျှ ချစ်နှစ်သက် မြတ်နိုးဖွယ်ကောင်းသော အသီးဟု ညွှန်းဆို ပြုခဲ့ကြပါသည်။ အဗန္ဓရ သရက်သီးမှာ စိတ်ပျို ကိုယ်နုစေသော၊ အရွယ်တင်စေသော အာဟာရ ပြည့်ဝသည့် သရက်သီးမျိုးဖြစ်ကြောင်း အသက်ခုနှစ်ဆယ်ကျော်၊ ရှစ်ဆယ်ကျော် သက်ကြီး ရွယ်အိုများ စားသုံးမိလျှင် တစ်ဆယ့်ခြောက်နှစ်အရွယ် ပြန်လည်နုပျိုစေနိုင်ကြောင်း အတိတ္တယ၀ုတ္တိအလင်္ကာ မြောက်အောင် ညွှန်းဆိုခဲ့ကြသည်။

ထင်းရှူး
    ထင်းရှူးကို ထင်းယူးဟုခေါ်ပြီး အေးသောဒေသများတွင် ပေါက်၍ အပ်ချောင်းပုံအရွက်ရှိ အစေး၊ အဆီထွက်သော သစ်ပင်ကြီးတစ်မျိုးဟု ဆိုသည်။ ယင်းအပင်၏ သဘာဝမှာ လေတိုးပါက မြွေသံယောင်ယောင် ငိုညည်းသံယောင်ယောင် အသံမြည် ထွက်ပေါ်သော အပင်မျိုးလည်း ဖြစ်သည်။ မြွေသံယောင်ယောင် ထင်မိခြင်းကို “ထင်းရှူး” ဟူသော ဝေါဟာရဖြင့် ထပ်တူဖြစ်ကြောင်း ဆိုနိုင်ပါသည်။ “ထင်း” မှာ ထင်ယောင် ထင်မှားခြင်းဖြစ်ပြီး “ရှူး” မှာ မြွေ ဖြစ်ပါသည်။ ငိုသံယောင်ယောင် မြည်သော အပင်ကို “ငို / ငွိုး” ဟု သုံးနှုန်းပါသည်။
    တတိယ အနေဖြင့် လူပုဂ္ဂိုလ်ဆိုင်ရာ အခေါ်အဝေါ်များနှင့် ပတ်သက်သော ဝေါဟာရများကို တင်ပြလိုပါသည်။
    သာမန်အားဖြင့် ယခုဖော်ပြမည့် အမည်နာမများသည် မြန်မာစကား တနည်းအားဖြင့် ဗမာစကားဟု ထင်မြင် ယူဆလေ့ ရှိပါသည်။ ပျူ ဗမာ ပေါင်းဖွဲ့မှု နှစ်ရှည်ကြာ ခဲ့ခြင်းကြောင့် ဆိုရမည် ဖြစ်ပါသည်။ ပျူစကားကို ဗမာစကား၊ ဗမာစကားကို ပျူစကားဟု ခွဲခြားနိုင်ရန် အလွယ်တကူ မဆုံးဖြတ် သာတော့ပေ။

သား / အမျိုးသား
    သားဟူသော ဝေါဟာရကို မိဘနှစ်ပါးမှ ပေါက်ဖွားသော ယောက်ျား၊ သားယောက်ျား ကို ခြုံခေါ်သော အမည်၊ သတ္တ၀ါမှ ပေါက်ဖွားသော သတ္တ၀ါငယ် ဟု ဖွင့်ဆိုပြထား ပါသည်။ ပျူဘာသာဖြင့် ဖွင့်ဆိုရသော် “သား” မှာ သက်သာခြင်း၊ လွတ်လပ်ပေါ့ပါးခြင်းကို ဆိုလိုပါသည်။ အဘယ်ကြောင့်ပါနည်း။ လူသတ္တ၀ါ ဖြစ်လာကြရာတွင် ဖိုနှင့်မ တွင် မသတ္တ၀ါများမှာ အာဝေနိကဒုက္ခခေါ် သီးခြား ခံစားရသော သွေးသား တည်ဆောက်မှု ပြောင်းလဲမှုများ ရှိရာ ဥပမာ - ကိုယ်ဝန်ဆောင်ရခြင်း အမှုသည် အလွန် တာဝန် ကြီးလေး ပင်ပန်းပါသည်။ အသက်နှင့်လည်း ရင်းရ ပါသည်။ ထိုဝဋ်ဆင်းရဲမှ တိုက်ရိုက် ကင်းလွတ်သော ယောက်ျားဘ၀ကို သက်သာသည့်အမျိုးဟု “သား”ဟူသော ဝေါဟာရဖြင့် သုံးနှုန်း ခဲ့ကြပေသည်။ ထို့ကြောင့် အမျိုးသား ဟူသည်မှာ ပေါ့ပါးလွတ်လပ်သော ဘ၀၊ ၀န်မလေးသော ဘ၀ပိုင်ရှင်များဟု ဆိုလိုပါသည်။

အမျိုးသမီး
    မိန်းကလေး၊ မိန်းမလေး စသော အမျိုးသမီးကို ကိုယ်စားပြုသည့် ဝေါဟာရများသည် မီး၏ ဂုဏ်ပုဒ်ပမာ တင်စားပြီး မီးမ၊ မိမ္မ၊ မီးမီး၊ မေမေ၊ အမေ စသည်ဖြင့် ခေါ်ဝေါ် ခဲ့ကြပါသည်။ ပျူ(ပအိုဝ်း) သည် လည်းကောင်း၊ ဗမာသည် လည်းကောင်း ဖြစ်သော မြန်မာတို့သည် အမျိုးအစားကို ဆိုလိုသော “အမျိုး” ဟူသော ဝေါဟာရကိုပင် အသုံးပြုခဲ့ ကြပါသည်။ “သ” ကို ဗမာ ဝေါဟာရအားဖြင့် အဓိပ္ပါယ် ဖွင့်ဆိုနိုင်မည် ဖြစ်သောလည်း အမျိုးသမီး ဟူသော ဝေါဟာရနှင့် ကိုက်ညီမည် မဟုတ်ပါ။ မိန်းကလေးမွေးသော် မိဘ မောင်ဖွားတို့၏ ရင်မှာ စိတ် “သ” အစဉ်မှာ မီးကို မွေးမြူပိုင်ဆိုင် ရသည့်နှယ် ဖြစ်ပါသည်။ မီးတို့၏ သဘောမှာ ချမ်းခိုက်တုန်နေသော သူအဖို့ အဖော်ကောင်း အဖြစ်ကျးဇူးပြုနိုင် သကဲ့သို့ ပူလောင်နေသော သူကို ပိုမိုလောင်ကျွမ်း ပျက်စီးစေတတ်သော အစွမ်းသတ္တိရှိသော ထိုသဘောကို အစဉ် သတိပြု ရမည့်သူများ အဖြစ် အမျိုးသမီး ဟု ကင်ပွန်းတပ် ခဲ့ခြင်း ဖြစ်လေသည်။
    မီးကို ပျူ(ပအိုဝ်း)ဘာသာဖြင့် မေးဟု ခေါ်သည်။ မေးမေး (မေမေ) ဆိုသည်မှာ မီးပမာ သားသမီးတို့ အပေါ်မှာ နွေးထွေးစွာ၊ ရှင်သန်စွာ အမြဲတမ်း လိုက်လံလွှမ်းမိုး စောင့်ရှောက်လေ့ရှိသော သဘော ဖြစ်သောကြောင့် အမေး သို့မဟုတ် အမိုး/မွိုးဟု ခေါ်လေသည်။ မွိုး(မေတ္တာတရားဖြင့်) ချိန်ရွယ် လွှမ်းခြုံခြင်း ဖြစ်သည်။

ဖ / အဖ / အဖေ / ဖေဖေ
    ယင်းဝေါဟာရများသည် ပျူဘာသာစကား ဝေါဟာရများ ဖြစ်သည်။ မြန်မာ(ဗမာ) ဘာသာအားဖြင့် “ဖ”ကို အဖနှင့် အတူတူ၊ မိဘနှစ်ပါး တွင် အဖဖြစ်သူ(ဥပစာ) ထူးခြားပြောင်မြောက်စွာ စွမ်းဆောင်နိုင်သော အားကိုးအားထား ပြုရသူကို ဂုဏ်ပြုခေါ်သော စကားဟု ဆိုထားပါသည်။ “အဖ” မှာ အဖေ၊ ဖခင် ဟူ၍ ဆိုပါသည်။ ဝေါဟာရရင်းမြစ်ကို တိုက်ရိုက် အဓိပ္ပါယ် ဖွင့်ဆို ပြထားခြင်းမျိုး မဟုတ်ပေ။ “ဖ/အဖ” မှာ ခွဲခြမ်းခြင်း၊ မျှဝေခြင်း။ “အဖေ”မှာ ခွဲခြမ်းပေးသူ၊ မျှဝေပေးသူ။ ဖေဖေမှာ “ဖ/ဖေ” ကို ချစ်ဖွယ် စကားအဖြစ် သုံးနှုန်းခြင်းမျိုး ဖြစ်သည်။

                                                

                                                                                             ခွန်ကျော်မြင့် (တောင်ကြီး)