၂၀၁၅ခုနှစ်၊ ဖေဖော်ဝါရီလ (၇)မှ(၉)ရက်ထိ၊ ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ဖါမွန်းကျေးရွာ၊ ဖါမွန်းအတုလမာရ်အောင်ကျောင်းတိုက်တွင် ပအိုဝ်းလူငယ်အသင်းများ ဦးဆောင်၍ ပအိုဝ်းတစ်မျိုးသားလုံးလူငယ်ဖိုရမ်ကို ပြုလုပ်ကျင်းပသွားခဲ့ပါသည်။
ယင်းတွေ့ဆုံဆွေးနွေးပွဲ(ဖိုရမ်)ကို တောင်ကြီးမြို့နယ်၊ ဟိုပုံးမြို့နယ်၊ ဆီဆိုင်မြို့နယ်၊ ပင်လောင်းမြို့နယ်၊ နောင်တရားမြို့နယ်ခွဲ၊ ကျောက်တလုံးကြီးမြို့နယ်ခွဲ၊ လွိုင်လင်မြို့နယ်၊ ကလောမြို့နယ်၊ ညောင်ရွှေမြို့နယ်၊ ရပ်စောက်မြို့နယ်၊ မောက်မယ်မြို့နယ်၊ အတွင်းရှိ ပအိုဝ်းလူငယ်ကိုယ်စားလှယ်များ၊ ရန်ကုန်၊ မန္တလေး၊ တောင်ကြီးတက္ကသိုလ် ကျောင်းသားများ၊ မွန်ပြည်နယ်၊ ကရင်ပြည်နယ်နှင့် ပဲခူးတိုင်းအတွင်းရှိ ပအိုဝ်းလူငယ်များ၊ လူမှုအဖွဲ့အစည်းမှ ပအိုဝ်းလူငယ်အမျိုးသမီးကိုယ်စားလှယ်များနှင့် ရဟန်းသံဃာတော်မှ ကိုယ်စားလှယ်များတို့ တက်ရောက်ဆွေးနွေးခဲ့ပါသည်။
တွေ့ဆုံဆွေးနွေးပွဲတွင် လူမှုရေး၊ ပညာရေး၊ ပအိုဝ်းပါတီ၊ စာပေ၊ နိုင်ငံရေး အပေါ် ပအိုဝ်းလူငယ်များ၏ အမြင်သဘောထားများကို ညှိ့နိုင်းဆွေးနွေးခဲ့ကြပါသည်။ ဤကဲ့သို့ ညို့နိုင်း ဆွေးနွေးရာတွင် ပအိုဝ်းလူငယ်များ၏ အမြင်သဘောထားကို အချက်(၈)ဖြင့် ထုတ်ပြန်ကြောညာ နိုင်ခဲ့ပါသည်။
ယင်းပအိုဝ်းလူငယ်(ဖိုရမ်)သို့ နောင်တောင်းဆရာတော်၊ ဖြားတန်ဦးခွန်ဥက္ကာ၊ ပြည်သူ့လွှတ်တော် ကိုယ်စားလှယ် ဦးခွန်ဝင်းကို၊ ဦးခွန်မောင်းသောင်း၊ ဦးခွန်သိန်းဖေ၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဌ ဦးခွန်စံလွင်၊ PNAပြည်သူ့စစ်မှ ဗိုလ်မှူးခွန်လာ၊ ပအမဖ မှ ဦးခွန်ကျော်ဇေယျ၊ PNLOမှ ဦးခွန်မြင့်ထွန်းတို့က တက်ရောက် အကြံပြု၊ သုံးသပ် အမှာစကားပြောကြားခဲ့ပါကြောင်း သိရှိရပါသည်။
ခွန်ထင်းလေးအောင်း
Like On Facebook
Follow On Twitter
Subscribe On RSS