မိမိတို့ဒေသအတွင်းရှိ လူငယ်များတက်လမ်းအတွက် အန္တရာယ်အကြီးမားဆုံးနှင့် လူငယ်များ ဘဝတိုးတက်မှုအတွက် ပိတ်ဆို့ဟန့်တားနိုင်သည့် အဓိကခြိမ်းခြောက်မှုကြီးတစ်ခုမှာ မူးယစ်ဆေးဝါး စွဲလန်းမှု ပြဿ နာပင်ဖြစ်သည်။ မူးယစ်ဆေးဝါးဟူသည် မြန်မာ့ရိုးရာ ကွမ်းဆေးပေါင်းမှအစ ဆေးလိပ်၊ အရက်၊ ဘီယာသောက်သုံးခြင်း၊ ဆေးခြောက်၊ စိတ်ကြွဆေးပြား၊ ဘိန်းဖြူ၊ ဘိန်းမဲများ သုံးစွဲခြင်းအထိကို ဆိုလိုသည်။ လက်ရှိမိမိတို့ ဒေသသည် ဘိန်းစိုက်ပျိုးခြင်း၊ မူးယစ်ဆေးဝါးများ အလွယ်တကူဝယ်ယူ (ရောင်းဝယ်)နိုင်ခြင်း၊ ဥပဒေအရ ထိရောက်စွာတားမြစ်ထိန်းချုပ်နိုင်မှု အားနည်းခြင်းကြောင့် မူးယစ် ဆေးဝါးသုံးစွဲမှုပမာဏမှာ မြှင့်မားလာနေပြီး အနာဂတ်မျိုးဆက်သစ် လူငယ်များကိုပါ မူးယစ်ဆေးဝါး သားကောင်များအဖြစ် တွန်းပို့လျက်ရှိနေသည်။ ထို့ကြောင့် မူးယစ်ဆေးဝါး အန္တရာယ်ကို တွန်းလှန်နိုင်ရန် တာဝန်ရှိပုဂ္ဂိုလ်များသာမက ပြည်သူလူထုများကလည်း ပူးပေါင်းပါဝင်ဆောင်ရွက်ရန် အထူးလို အပ်လှပါသည်။ မိမိတို့ဒေသတွင် ပဒေသရာဇ်စနစ်ကာလက အုပ်ချုပ်သူလူတန်းစားများ၏ ဖိနှိပ်မှုဒဏ် အမျိုးမျိုးကြောင့် မိမိတို့လူမျိုးသည် မူးယစ်ဆေးဝါး၊ လောင်းကစား၏ သားကောင်များဖြစ်ခဲ့ကြရသည်ကို မမေ့သင့်ပေ။ အတိတ်က သမိုင်းပုံရိပ်ဆိုးများကို သင်ခန်းစာယူပြီး မူးယစ်ဆေးဝါး အန္တရာယ်ကိုမိမိတို့ ဒေသတွင်းမှ အမြစ်ပြတ်တိုက်ထုတ်ပစ်ရန် လူငယ်များအနေဖြင့် တက်ကြွစွာပူးပေါင်းပါဝင်ရန်ဖြစ် သည်။ တာဝန်ရှိလူကြီးများအနေဖြင့် ပညာရေးကဏ္ဍကို မြင့်တင်ပေးနေသလို တစ်ဖက်တွင်မျိုးဆက် သစ်လူငယ်များ၏တက်လမ်းကို ဟန့်တားပိတ်ဆို့နေသည့် မူးယစ်ဆေးဝါးအန္တရာယ်များကို ပပျောက်အောင် ပိုမိုလုပ်ဆောင် ပေးသင့်ပါသည်။ လူငယ်များသည်တိုင်းပြည်၏ အနာဂတ်ခေါင်းဆောင်များဖြစ်သည်။ နိုင်ငံတစ်ခုတိုးတက်ဖို့ဆိုလျှင် အခြေခံကျသောလူငယ်များ၏ အကျင့်စာရိတ္တ၊ ကိုယ်ရည် ကိုယ်သွေးကောင်းမွန်မှုသည် အဓိကအခန်းကဏ္ဍမှ ပါဝင်လေသည်။ ထို့ကြောင့် မိမိတို့ဒေသ၊ မိမိတို့ လူမျိုးများကို ဦးဆောင်မည့် အနာဂတ်လူငယ်လူရွယ်များသည် အကျင့်စာရိတ္တကောင်းမွန်ပြီး ကိုယ်ရည် ကိုယ်သွေးထက်မြက်သည့်လူငယ်များဖြစ်ရန်လိုသည်။ မူးယစ်ဆေးဝါးသုံးစွဲသူများသော နိုင်ငံသည် ဖွံ့ဖြိုးတိုးတက်မှုလည်း လျော့နည်းလာမည်ဖြစ်သည်။ ထို့အတူ မိမိတို့ဒေသတွင်မူးယစ်ဆေးဝါး သုံးစွဲသူ များလာလျှင် ဒေသဖွံ့ဖြိုးတိုးတက်မှုလျော့နည်းလာပြီး ဒေသလုံခြုံရေးကိုလည်း ထိခိုက်လာမည် ဖြစ်သည်။ လူငယ်များသည် မူးယစ်ဆေးဝါးအန္တရာယ်ကို ရှောင်ကြဉ်ပြီး မိမိတို့ဘဝ တိုးတက်ရာ တိုးတက်ကြောင်း အသိပညာအတတ်ပညာများကိုသာ လေ့လာဆည်းပူးကြရန်နှင့် တာဝန်ရှိလူကြီး မိဘများ အနေဖြင့် လူငယ်များလမ်းမှားမရောက်စေရန် သွန်သင်ဆုံးမပြီး လမ်းမှန်ရောက်အောင် လမ်းညွန်မှုပေးနိုင်ရန် အထူးလိုအပ်လှပါသည်။ မိမိတို့ဒေသ၊ မိမိတို့လူမျိုးများ၏ အနာဂတ်ဖွံ့ဖြိုး တိုးတက်မှုသည် လူငယ်များအပေါ်တွင်များစွာ မူတည်နေခြင်းကြောင့် ဖြစ်သည်ဟု အကြံပြုသုံးသပ် မိပါသည်။
ခြဲုင်းပေခွန်(စန္တာခမ်း)
Like On Facebook
Follow On Twitter
Subscribe On RSS