တောင်ကြီး၊ ၂၀၁၆ ခုနှစ်၊ ဖေဖော်ဝါရီလ (၁၈) ရက်
စိတ်ကူးယဉ်မျှော်မှန်းချက်သည် အောင်မြင်ခြင်း၏ ပထမခြေလှမ်းပင်ဖြစ်သည်။ ကမ္ဘာပေါ်တွင် အောင်မြင်ကျော်ကြားခဲ့သည့် ကမ္ဘာ့ထ်ိပ်တန်းခေါင်းဆောင်များနှင့် စီးပွားရေးလုပ်ငန်းရှင်များ အားလုံး၏ အောင်မြင်မှုနောက်တွင် စိတ်ကူးယဉ်မျှော်မှန်းချက်သည် အဓိက တွန်းအားပင် ဖြစ်ပါသည်။ လူတိုင်းသည် ငယ်စဉ်ကလေးဘ၀တွင် အောင်မြင်မှု တစ်ခုကြားတိုင်း၊ မြင်တိုင်း၊ သိရှိရသည့်အခါတိုင်းတွင် ၎င်းတို့ကိုယ်တိုင်သည်လည်း အောင်မြင်ကျော်ကြားသည့် အသိပညာရှင်များ၊ အတတ်ပညာရှင်များနှင့် ကမ္ဘာ့အချမ်းသာဆုံး စာရင်းဝင်သည့် သူဌေးကြီးဖြစ်ရမည်ဟု စိတ်ကူးယဉ်တတ်ကြပါသည်။
မိမိအပါအ၀င် လူတိုင်းသည် မိမိဘ၀အတွက် အကောင်းဆုံး စိတ်ကူးယဉ် မျှော်မှန်းချက်များ ထားရှိကြသည်။ ထို့အပြင် လူအများစု အောင်မြင်နေကြရခြင်းမှာ ရည်မှန်းချက်ပန်းတိုင်များ ရှိသောကြောင့်ဖြစ်သည်။ မိမိအပါအ၀င်လူအများစုသည် ငယ်စဉ်အခါကကြီးမားသော စိတ်ကူးယဉ်မျှော်မှန်းချက်ပန်းတိုင်များ ထားရှိတတ်ကြသော်လည်း အသက်ကြီးလာသည်နှင့်အမျှ မိမိတို့မျှော်မှန်းသလောက် မရရှိလာသည့်အခါ ၎င်းတို့၏စိတ်ကူးယဉ် မျှော်မှန်းချက်များသည်လည်း သေးငယ်လျော့နည်းသွားတတ်ကြပါသည်။ ငယ်စဉ်အခါက စိတ်အားတက်ကြွစွာဖြင့် “ငွေများများရှာမည်၊ ကိုယ်ပိုင်တိုက်၊ ကိုယ်ပိုင်ကားဖြင့်နေနိုင်ရမည်” ဟု စိတ်ကူးယဉ်မျှော်မှန်း ခဲ့ကြသော်လည်း အသက်အရွယ်တဖြည်းဖြည်း ကြီးလာသည်နှင့်အမျှ မျှော်မှန်းထားသည့်အတိုင်း မဖြစ်လာသည့်အခါ လက်လျှော့လိုက်ကြပြီး မိမိတို့ရသလောက်နှင့်သာ ရောင့်ရဲတင်းတိမ်ကျေနပ် သွားတတ်ကြသည်။ ထိုကဲ့သို့သောလူမျိုးသည် လူ (၁၀၀)တွင် (၉၉)ယောက် လောက်ရှိကြလိမ့် မည်ဟု မိမိအနေဖြင့် ထင်မြင်သုံးသပ်မိပါသည်။ သို့သော်လည်း မိမိမျှော်မှန်းချက်ကို ရောက်ရှိရန်အတွက် မှန်ကန်သည့်နည်းလမ်းဖြင့် လက်တွေ့အကောင်အထည်ဖော် ကြိုးစားသွားသောသူများလည်း ရှိတတ်သည်။ ထိုကဲ့သို့သော လူမျိုးမှာ (၁၀၀) တွင်(၁) ယောက်မျှသာရှိလိမ့်မည်ဟု မိမိ အနေဖြင့် ထပ်မံသုံးသပ်မ်ိပါသည်။
လူတိုင်းသည် လောကနိယာမသဘောအရ မျှော်လင့်ချက်၊ မျှော်မှန်းချက်ပန်းတိုင်ရှိလျှင် မိမိတို့လိုချင်သောအရာကို အောင်မြင်စွာဖြင့် အကောင်အထည်ဖော်နိုင်မည်ဖြစ်သည်။ ရည်မှန်း ချက်မရှိသော လူသားများသည် အောင်မြင်မှုရမည်မဟုတ်ပေ။ ထိုကဲ့သို့သောသူသည် “လမ်းသွားရင်း လမ်းပျောက်သောသူ၊ ဖောင်စီးရင်း ကမ်းပျောက်သောသူ” နှင့် တူသွားပေလိမ့်မည်။ မိမိသည် မည်သည့်လုပ်ငန်းကိုမဆို လုပ်ကိုင်တော့မည်ဟု ဆုံးဖြတ်ပြီဆိုပါက ရေတိုလုပ်ငန်း ဖြစ်စေ၊ ရေရှည်လုပ်ငန်းဖြစ်စေ ရည်မှန်းချက်ပန်းတိုင်ချမှတ်သင့်ပါသည်။ အောင်မြင်မှု၏ ၉၅%သည် ရည်မှန်းချက်တိကျခိုင်မာမှု ရှိသောကြောင့်ဖြစ်သည်ဟု သုတေသနဖော်ပြချက်အရ လေ့လာတွေ့ရှိခဲ့ပြီး ဖြစ်ပါသည်။ မိမိသည် မည်သည့်နေရာသွားမည်ကို တိတိကျကျမသိသောသူသည် မည်သည့်နေရာမျှရောက်မည်မဟုတ် ဆိုသည်ကိုလည်း ထပ်မံသိထားသင့်ပေသည်။ မိမိသွားသည့် နေရာကို သိရှိရန်အတွက် တိကျသော ရည်မှန်းချက်ထားရှိရန် အရေးကြီးပါသည်။ ရည်မှန်းချက် ပန်းတိုင်သို့ ရောက်ရှိနိုင်ရန်အတွက် မိမိ၏အစွမ်းအစကိုလည်း ယုံကြည်ရမည်။ အခြားသူများက ဖြစ်အောင်လုပ်နိုင်လျှင် မိမိသည်လည်းဖြစ်အောင် လုပ်နိုင်ရမည်ဟု မိမိကိုယ်ကိုယုံကြည်မှု အပြည့်အ၀ထားရှိရမည်။ မိမိအောင်မြင်ပိုင်ဆိုင်လိုသည့် အရာများကို တစ်ချိန်ချိန်တွင် အောင်မြင် ပိုင်ဆိုင်ရမည်ဆိုသည့် ယုံကြည်ချက်မျိုး ထားရှိရမည်။ မိမိကိုယ်ကို ယုံကြည်မှုရှိလာပြီဆိုလျှင် လက်တွေ့အကောင်အထည်ဖော်ခြင်းဖြင့် အောင်မြင်မှုပန်းတိုင်ဆီသို့ အရောက်လှမ်းနိုင်ရမည်ဟု မိမိကိုယ်ကို ထပ်မံကတိပြုရမည်ဖြစ်သည်။
အောင်မြင်မှုကြီးကြီးမားမား အမှန်တကယ်လိုချင်သော သူတိုင်းသည် ပေးဆပ်မှုများနှင့် စွန့်စားမှုများကိုလည်း ထိုက်တန်စွာ ပေးဆပ်ကြရတတ်သည်မှာ မရှောင်လွဲနိုင်သော လောကနိ ယာမသဘောတရားပင်ဖြစ်သည်။ “မိမိမှာ စိတ်ကူးယဉ်မျှော်မှန်းချက် တိတိကျကျ မရှိလျှင် စိတ်ကူးယဉ်မျှော်မှန်းချက်တိတိကျကျရှိသောသူက မိမိကို ခိုင်းစားသွား ပါလိမ့်မည်။ မိမိသွားမည့် ပန်းတိုင် တိတိကျကျမရှိလျှင် တိတိကျကျပန်းတိုင်ရှိသောသူက မိမိကို ခိုင်းစားသွားပါလိမ့်မည်” ဟု (NO.1) စာအုပ်တွင် မိမိဖတ်ဖူးပါသည်။
နိဂုံးချုပ်အနေဖြင့် အောင်မြင်မှုရရှိရန်အတွက် ပြင်ဆင်လှုပ်ရှား ပြေးလွှားနေသူများနှင့် စိတ်ကူးယဉ်မျှော်မှန်းချက်ရှိသူများအတွက် ရည်မှန်းချက်ပန်းတိုင်သာရှိခဲ့လျှင် အနာဂါတ်တွင် မိမိရည်မှန်းထားသည့် “အောင်မြင်မှုပန်းတိုင်သစ်” ဆီသို့ အမှန်တကယ် ရောက်ရှိသွားပါလိမ့် မည်ဟု စာရေးသူမိမိအနေဖြင့် ထင်မြင်သုံးသပ်မိပါတော့သည်။
ခြဲင်းမူ;ပေ; (စန္တာ;ဟေ့,)
Like On Facebook
Follow On Twitter
Subscribe On RSS