တောင်ကြီး၊ ၂၀၁၆ ခုနှစ်၊ ဖေဖေါ်ဝါရီလ (၂၄) ရက်
သတ္တလောကကမ္ဘာကြီးတွင် လူရယ်လို့ဖြစ်လာပြီဆိုလျှင် လူတိုင်းလူတိုင်း၌ တူညီသော အချက်များရှိသလို မတူညီသောအချက်များလည်းရှိသည်။ ထိုတူညီသော အချက်အများကြီးထဲမှ အရေးပါအရာရောက်သော အချက်တစ်ချက်ကို ဆွဲထုတ်ပါဟုဆိုလျှင် မေတ္တာစိတ်ရှိခြင်းကိုပင် ဆွဲထုတ်ရပါလိမ့်မည်။ အဘယ်ကြောင့်ဆိုသော် လူသားတိုင်းသည် လူမျိုးမရွေး၊ ဘာသာမရွေး၊ ဒေသမရွေးဘဲ မည်မျှပင်အရုပ်ဆိုးအကျည်းတန်စေကာမူ ကြင်နာတတ်၊ ချစ်ခင်တတ်သောစိတ် ရှိနေနိုင်ခြင်းကြောင့်ပင်ဖြစ်သည်။ သို့သော် အချို့သူများသည် အခြားသူများအား ကူညီချင်သော်လည်း ပတ်ဝန်းကျင်၏အပြော၊ အကြည့်နှင့်လွဲမှားသော အထင်များကို မခံနိုင်ဘဲ ရပ်ကြည့်ရုံမျှဖြင့်သာပြီးဆုံးသွားတတ်သည် (ဥပမာ- သူလူအထင်ကြီးခံချင်တာပါ၊ ဘာမှမဟုတ်ဘဲလူတော်လူတတ်လုပ်နေတာပါ စသည်ဖြင့်)။ မိမိတို့၏မေတ္တာစိတ်ကို ဖုံးလွမ်းထားသောအရာမှန်သမျှအား ဖယ်ရှားနိုင်မှသာလျှင် မိမိတို့၏စိတ်သည် ပကတိကြည်လင် နေမည်ဖြစ်သည်။ လူတိုင်းလူတိုင်းသည် တစ်နေ့တာပြီးဆုံး၍ မိမိလုပ်ဆောင်ခဲ့သော အလုပ်ဟူသမျှကို ခွဲခြမ်းစိပ်ဖြာကြည့်မည်ဆိုလျှင် ကာယကံ၊ ဝစီကံ၊ မနောကံမှလွဲ၍ အခြားရှိနိုင်လိမ့်မည် မဟုတ်ပါ။ မိမိတို့နေ့စဉ်နှင့်အမျှ ပြုလုပ်ခဲ့သော ထိုအလုပ်(၃)မျိုးသည် မေတ္တာစိတ်ဖြင့် လုပ်ဆောင်ခြင်းနှင့် မေတ္တာစိတ်မပါဘဲလုပ်ဆောင်ခြင်း ဟူ၍သာကွာခြားသွားမည်ဖြစ်သည်။
ကာယကံမေတ္တာသည် မိမိတို့ထံတွင်ရှိသော မေတ္တာစေတနာများကိုအရင်းခံ၍ ကိုယ်ကာယဖြင့်လုပ်ကိုင်ဆောင်ရွက်သော အရာမှန်သမျှကိုဆိုလိုသည်။ ကာယကံမေတ္တာကို ရင်ဝယ်ပိုက်ပြီး မိမိတို့သည် လမ်းသွားရင်းသေးငယ်သောကိစ္စပင်ဖြစ်စေ မျက်စိရှေ့တွင် ဒုက္ခရောက်နေသောသူ၊ အကူအညီလိုအပ်နေသောသူများကိုတွေ့ကြုံရသည့်အခါ ထိုသူကအကူညီ တောင်းရန်အားနာနေလျှင် မိမိသည် နားလည်မှုဖြင့် အလိုက်သိစွာ ကူညီပေးရပါမည်။ ထို့နောက် အထိုင်အထလေးလံနေသောသူ၊ အသွားအလာခက်ခဲနေသောသူ၊ အိုမင်းမစွမ်းသူ၊ နာမကျန်း ဖြစ်နေသူများကို တွဲထူပြီးဖေးမအကူအညီပေးရမည်ဖြစ်သည်။ အထုပ်ကြီး၊ တောင်းကြီး၊ ပလိုင်းကြီး စသည့်မနိုင်မနင်းမချီနေသောသူများကို တွေ့မြင်ရလျှင်လည်း “ဒါသူ့ကိစ္စပဲ ငါနဲ့မဆိုင်” ဟုသဘောမထားဘဲ မိမိကလွယ်လင့်တကူ တစ်ဖက်သားကိုကူညီတတ်သူအနေဖြင့်ကူညီ၍ မချီပင့်ပေးလိုက်ခြင်းမျိုးကိုလည်း လုပ်ရမည်ဖြစ်သည်။ ထိုနည်းတူ မိမိကသာအချိန်ပေးနိုင်မည်ဆိုပါက ကား၊ ဆိုင်ကယ်၊ တွန်းလှည်းစသည့်မရွေ့လျားနိုင်တော့၍ အခက်အခဲကြုံတွေ့နေရသူကို တွေ့မြင်ရလျှင်လည်း အခြေအနေကိုကြည့်ပြီး ကူညီပေးသင့်သည်ထင်မြင်ပါက ကူညီဆောင်ရွက် ပေးရပါမည်။ အလုပ်သမားဝန်ထမ်းများသည်လည်း မိမိတို့လုပ်ကိုင်နေသော အလုပ်များအပေါ် ဝတ္တရားဟု သဘောမထားဘဲ မေတ္တာစေတနာဖြင့်ဆောင်ရွက်လျှင် အလုပ်သည်လျင်မြန်စွာ အောင်မြင်ပြီးမြောက်သည်သာမက မိမိတို့ကိုယ်တိုင်လည်း စိတ်ကျေနပ်၍ စိတ်ဖိစီးမှုဒဏ်မှ ကင်းဝေးသွားမည်ဖြစ်သည်။
ထို့အပြင် အလုပ်ရှင်/အထက်လူကြီးပုဂ္ဂိုလ်များသည်လည်း မိမိတို့၏လက်အောက် ငယ်သားအလုပ်သမားများကို ချိုသာ၍ညင်သာပျော့ပျောင်းသည့်စကားဖြင့် ပြောဆိုဆက်ဆံလျှင် လုပ်ငန်းသည် တဖြည်းဖြည်းတိုးတက်အောင်မြင်လာမည်ဖြစ်ပြီး မိမိ၏စိတ်သန္တန်သည်လည်း လွတ်လပ်၍အေးချမ်းနေမည်မှာမလွဲပေ။ လူ့လောကလူ့ဘဝတွင် ကြုံတွေ့နိုင်သော နိစ္စဓူဝကိစ္စ ဟူသမျှကို ကောင်မွန်ရာကောင်းမွန်ကြောင်းဖြစ်စေရန် မေတ္တာစေတနာအရင်းခံ၍ နှုတ်ဖြင့်စောင်မ ပေးရပါမည်။ လူတိုင်းသည် အသင်းအဖွဲ့နှင့်နေတတ်သော သတ္တဝါဖြစ်ပြီး အမြဲတမ်းတစ်ယောက်နှင့် တစ်ယောက် အပြန်အလှန်နှုတ်ဖြင့်ဆက်သွယ်ကြရသည်။ “ခြေထောက်ကျွံလျှင်နုတ်ရလွယ်ပေမယ့်လည်း စကားကျွံလျှင်နုတ်ရခက်၏” ဆိုသည့်စကားပုံအတိုင်း မိမိတို့ပတ်ဝန်းကျင်ရှိ မိတ်ဆွေအပေါင်းအသင်းများကို ပြောဆိုဆက်ဆံသောအခါ စိတ်ထိခိုက်စေ၍ အကျိုးယုတ် စေသောစကားများကို ရှောင်ကြည်ရပါမည်။ မိမိတို့၏မေတ္တာကိုအသုံးပြု၍ အခက်အခဲ တစ်စုံတစ်ရာနှင့် ကြုံတွေ့နေရသောသူကိုဖြစ်စေ၊ လောကဓံတရားကြောင့် ဒုက္ခရောက်စေသည့် လမ်းမှားဘက်သို့ဦးတည်နေသူကိုဖြစ်စေ၊ ရောဂါဘယခံစားနေရသူကိုဖြစ်စေ ၎င်းတို့၏ကိုယ်စိတ် ချမ်းသာမှုဖြစ်စေရန် ကူညီလမ်းညွန်ပေးခြင်းမျိုးကိုလည်းပြုလုပ်ရမည်ဖြစ်သည်။ ထိုသို့မေတ္တာ၊ စေတနာ၊ ဂရုဏာအရင်းခံပြီး နှုတ်ဖြင့်ပြောဆိုပေးခြင်း၊ ကူညီပေးခြင်း၊ ညွန်ကြားပေးခြင်း၊ တိုက်တွန်းပေးခြင်း၊ ဆုံးမသြဝါဒ ပေးခြင်းမျိုးသည်ဝစီကံမေတ္တာပင်ဖြစ်သည်။
လူတိုင်းလူတိုင်းသည် အလုပ်တစ်ခုမပြုလုပ်မီ၊ ကိစ္စတစ်ခုခုမပြောဆိုမီ ပထမဦးစွာ တွေးတောပြီးမှသာ လုပ်ဆောင်ကြလေ့ရှိသည်။ မိမိတို့၏စိတ်ကူးအတွေးမှားလျှင် လုပ်ဆောင်မည့်အလုပ်၊ ပြောဆိုမည့်စကားသည် အဘယ်မှာမှန်လိမ့်အံ့နည်း။ မိမိတို့ မေတ္တာကိုအရင်းခံ၍ တွေးတောခြင်းသည်သာ မှန်ကန်အကျိုးရှိနေလျှင် မိမိတို့၏ကာယကံ၊ ဝစီကံသည်လည်း အလိုအလျောက်မှန်ကန်အကျိုးရှိနေမည်ဖြစ်သည်။ ထို့ကြောင့် မေတ္တာစိတ်ဖြင့်တွေးတောခြင်းသည် စိတ်နှလုံး၏စွမ်းအားပင်ဖြစ်သည်။ စိတ်စွမ်းအားဖြင့် သတ္တလောကကြီးကိုချမ်းသာစေရန်၊ ကျန်းမာစေရန်၊ ကောင်းသောကြံရွယ်ချက်အောင်မြင်စေရန် ဖန်တီးပေးနိုင်သည်။ စိတ်၏စွမ်းအားသည် အနီးအဝေးအားလုံးကိုလွမ်းခြုံနိုင်သည်။ လူတို့၏ ခန္ဓာကိုယ်တစ်ခုလုံးတွင် စိတ်ဓါတ်သည် တန်ခိုးအကြီးဆုံးဖြစ်၍ စိတ်ဓါတ်သည်သာကြံ့ခိုင်လျှင် မိမိတို့လိုချင်ဖြစ်ချင်သောအရာမှန်သမျှ ဖြစ်ခွင့်ရပိုင်ခွင့်ရှိသည်။ ထို့ကြောင့် စိတ်သည်တန်ခိုးအကြီးဆုံးနှင့် အကျိုးအာနိသင်အများဆုံး ဖြစ်ကြောင်း ယုံကြည်ရပါလိမ့်မည်။ စိတ်၏တန်ခိုးသည် အလွန်အင်အားကြီးမားသည်ဆိုခြင်းကြောင့် မိမိတို့နှင့်ဆက်ဆံဆက်သွယ်နေသော သူများအပေါ် စိတ်ထားဖြူစင်စွာဖြင့်ဆက်ဆံရမည် ဖြစ်သည်။ သို့မှသာ မိမိတို့သည် မိတ်ဆွေပေါများလာပြီး လူမှုရေး၊ စီးပွားရေးတွင်အဆင်ပြေစွာ ရှေ့ဆက်နိုင်မည်ဖြစ်သည်။ မိမိတို့၏စိတ်ကိုကောင်းသောဘက်၊ အကျိုးရှိသောဘက်မှ တွေးတော ခြင်းသည် မနောကံမေတ္တာဖြစ်သည်။
လူ့လောကတစ်ခွင်တွင် မိမိသည်သာစေတနာကောင်းထားရှိလျှင် ကူညီစရာတွေ အများအပြားရှိနေပါလိမ့်မည်။ ထို့ကြောင့် မိမိတို့တွင်ရှိနှင့်နေပြီးသော မေတ္တာစိတ်ကိုအရင်းခံ၍ ရပ်ရေး/ရွာရေးဖြစ်စေ၊ သာရေး/နာရေးဖြစ်စေ၊ ကျန်းမာရေးကိစ္စဖြစ်စေ၊ ပညာရေးကိစ္စဖြစ်စေ၊ တိုင်းရေး/ပြည်ရေးကိစ္စဖြစ်စေ၊ လူမျိုးရေးကိစ္စဖြစ်စေ ကိစ္စအရပ်ရပ်များကို တတ်နိုင်သည့်ဘက်မှ ကူညီဆောင်ရွက်ပေးရပါမည်။ မိမိတို့သည် နေ့စဉ်ပြုလုပ်နေသော ကာယကံ၊ ဝစီကံ၊ မနောကံ အလုပ်(၃)မျိုးကို အမြဲတမ်းမေတ္တာစိတ်ဖြင့် ပေါင်းစပ်ပြီး ပြုမူလုပ်ဆောင်သွားမည်ဆိုလျှင် မိမိကိုယ်တိုင်စိတ်ချမ်းသာသည်သာမက မိမိတို့၏ပတ်ဝန်းကျင်အတွက်ပါ လွန်စွာစိတ်ချမ်းသာစေပါသည်။ အလွန်အဖိုးထိုက်တန်သော မေတ္တာစိတ်ကို မိမိအတွက်နှင့် ပတ်ဝန်းကျင်အတွက်ပါ အကျိုးရှိအောင် ယခုမှစတင်ပြီးအသုံးပြုကြပါကုန်လော့။
ခွန်တကျော;
(ခါ;ပြောဝ်‚ပြုံ;)
Like On Facebook
Follow On Twitter
Subscribe On RSS