တောင်ကြီး၊ ၂၀၁၆ ခုနှစ်၊ မတ်လ (၃) ရက်
နွေရာသီပအိုဝ်းစာ သင်တန်းများကို အစိုးရအတန်းကျောင်း ပိတ်သည့်နွေရာသီတွင် ကျေးရွာအုပ်စုတိုင်းလိုလို သင်ကြားလာခဲ့ကြသော်လည်း မြို့ကြီးပြကြီးတွေမှာ နေထိုင်ကြသော ပအိုဝ်းလူငယ်မောင်မယ်တွေဟာ မိမိတို့ကိုယ်ပိုင် ယဉ်ကျေးမှုဖြစ်သော ပအိုဝ်းစာပေကို မလေ့လာမလိုက်စားခြင်းကြောင်း ပအိုဝ်းစာပေနှင့်ယဉ်ကျေးမှုအဖွဲ့ (တောင်ကြီး) ဦးဆောင်မှုဖြင့် ဒီနှစ်နွေရာသီ ကျောင်းပိတ်ရက်တွင် ပအိုဝ်းစာပေသင်တန်းဖွင့်ပွဲကို တောင်ကြီးမြို့(၂-၃-၂၀၁၆)ခုနှစ်တွင် ပြန်လည်သင်ကြား ဖွင့်လှစ်ပေးသွားမည်ဖြစ်ကြောင်း သိရှိရပါသည်။
အဆိုပါသင်တန်းဖွင့်ပွဲကို ပိဋကတ်ပအိုဝ်းဘာသာပြန်ကျောင်း ဆရာတော်ဦးဇဋိလ အဖွင့်အမှာစကား မိန့်ကြားရာမှာ ယနေ့မျိုးဆက်သစ်ပအိုဝ်းလူငယ် မောင်မယ်များသည် မိမိတို့ပအိုဝ်းလူမျိုး ကိုယ်ပိုင်ယဉ်ကျေးမှုဖြစ်တဲ့ စာပေ၊ ယဉ်ကျေးမှု၊ ဓလေ့ထုံးတမ်းများကို မလေ့လာ မသင်ကြား မလိုက်စားတော့ခြင်းကြောင်း အဘိုးအဘွားများ ထားခဲ့သော ပအိုဝ်းရိုးရာအမွေအနှစ်များဟာ တိမ်မြုပ်ပျောက်ကွယ်သွားနိုင်ကြောင်း၊ ပအိုဝ်းလူမျိုးဖြစ်ပြီး ပအိုဝ်းစာပေကို မသင်ကြား မတတ်မြောက်သော မျိုးဆက်သစ်ပအိုဝ်းလူငယ် မောင်မယ်များဟာ ဘ၀ပေးတာဝန်နှင့် သမိုင်းပေးတဲ့တာဝန်ကို ကျေးပွန်စွာဘယ်လိုမှ ထမ်းဆောင်နိုင်လိမ့်မည်မဟုတ်ကြောင်း မိန့်ကြားခဲ့သည်။
ဆက်လက်၍ မြို့မိမြို့ဖကိုယ်စား ဦးခွန်ချစ်မောင် အဖွင့်အမှာစကားပြောကြားရာမှာ အခြားတိုင်းရင်းလူမျိုးများသည် မိမိတို့ကိုယ်ပိုင်ယဉ်ကျေးမှု အမွေအနှစ်များကို တန်ဖိုးထားသင်ယူလေ့လာသည်ကို တွေ့မြင်နေရကြောင်း ပအိုဝ်းလူမျိုးများသည် နိုင်ငံရေး၊ စီးပွားရေး တွေ့ဆုံဆွေးနွေးပွဲများ ပြုလုပ်ရာမှာ မိမိတို့မိခင်ဘာသာစကားဖြင့် အသုံးပြုပြောဆို ဆွေးနွေးမှု အလွန်ပင်အားနည်းနေသည်ကို တွေ့မြင်ရပါကြောင်း၊ မိမိတို့စာပေယဉ်ကျေးမှု ရိုးရာဓလေ့ထုံးတမ်းသာမက ပအိုဝ်းတို့ဒေသအတွင်းရှိ အာဇာနည်ခေါင်းဆောင်များ တည်ထားကိုးကွယ်ခဲ့သည့် ဘုရားစေတီပုထိုးများသည်လည်း မိမိတို့ကိုယ်တိုင် တန်ဖိုးမထားလျှင် မည်သူမျှလာပြီး တန်ဖိုးထားပေးလိမ့်မည် မဟုတ်ကြောင်း ပြောကြားခဲ့သည်။ ထို့နောက်ပအိုဝ်းစာပေနှင့်ယဉ်ကျေးမှု နာယကဖြားတန်ဦးခွန်မောင်တုတ် အဖွင့်အမှာစကားပြောကြားရာမှာ မိမိတို့ပအိုဝ်းလူမျိုးများသည် ကိုယ်ပိုင်ယဉ်ကျေးမှု ရိုးရာ ဓလေ့ထုံးတမ်းများ ရှိပြီးဖြစ်သော်လည်း သေချာကျနစွာ မပြုစုထားခြင်းကြောင်း ကမ္ဘာ့အရပ်ရပ်က သုတေသနအဖွဲများ လာရောက် မေးမြန်းရာမှာ သူတစ်မျိုးကိုယ်တစ်ဖုံ ပြောဆိုပုံမတူညီကြသေးကြောင်း ပြောကြားခဲ့သည်။
ပအိုဝ်းစာပေနှင့်ယဉ်ကျေးမှု (ဗဟို) အထွေထွေအတွင်းရေးမှူး ဦးခွန်မောင်မောင်ထွန်း (ခ) ဦးတပျောင် အဖွင့်အမှာစကားပြောကြားရာမှာ တောင်ကြီးမြို့အနေဖြင့် ပအိုဝ်းစာပေမသင်ကြားတော့သည်မှာ နှစ်ပေါင်းများစွာ ကြာခဲ့ပြီဖြစ်၍ မြို့မိမြို့ဖများအနေဖြင့် မိမိတို့သားသမီးများအား နိုးဆော်ပေးကြပါရန်နှင့် ပအိုဝ်းစာကို သင်ယူတတ်မြောက်သောသူများဟာ အလုပ်အကိုင်အခွင့်အလမ်းများ ရရှိရန်မဟုတ်ဘဲ လူမျိုးတစ်မျိုး၏ ဂုဏ်အဂါင်္ရပ်များ၊ ထုံးတမ်းဓလေ့အစဉ်အလာများ၊ ယဉ်ကျေးမှုအမွှေအနှစ်များ ထိန်းသိမ်းစောင့်ရှောက်တတ်ရန်ဖြစ်ကြောင်း၊ ထိုသို့ထိန်းသိမ်းစောင့်ရှောက်တတ် မှသာလျှင် မိမိတို့လူမျိုးအတွက် သမိုင်းပေးတာဝန်နှင့် ဘ၀ပေးတာဝန်ကျေပွန်အောင် ထမ်းဆောင်နိုင်မည်ဖြစ်ကြောင်း ပြောကြားသည်။ ပအိုဝ်းစာပေနှင့်ယဉ်ကျေးမှု တောင်ကြီးမြို့နယ် ဒု-ဥက္ကဌ ဦးခွန်မောင်မောင်လတ် အဖွင့်အမှာစကားပြောကြားရာမှာ တောင်ကြီးမြို့သည် ပအိုဝ်းစာပေများမသင်ကြားရာမှာ နှစ်ပေါင်း (၂၀) ကျော်ကြာခဲ့ပြီဖြစ်သည်။ ယခုတစ်ကြိမ် ပြန်လည်ဖွင့်လှစ်ရာမှာ ညီညွှတ်ရေးသည် အလွန်ပင်အဓိကကျကြောင်း မြို့နေသူ ကလေးလူငယ်မောင်မယ်များသည် ပအိုဝ်းစာတတ်မြောက်ဖို့ရန်အလွန်ပင်အရေးကြီးကြောင့် သင်တန်းဖွင့်ပွဲပြီးဆုံးသည့်အခါ ဂုဏ်ပြုလက်မှတ်များကိုလည်း ချီးမြှင့်ပေးသွားမည်ဖြစ်ကြောင်း ပြောကြားခဲ့သည်။
ထိုဖွင့်ပွဲအခမ်းအနားကို အခမ်းအနားမှူးအဖြစ် ခွန်ဝိဇ္ဇာမှ ဆောင်ရွက်ပေးခဲ့ပြီး အခန်းအနားတက်ရောက်လာသူ စုစုပေါင်း (၃၆)ဦးကြွရောက်ချီးမြှင့်ပေးခဲ့ပြီး ကျောင်းသူ/သား ပထမနေ့တွင် (၇) ဦးတက်ရောက်သင်ယူ၍ဖွင့်ပွဲအခမ်းအနားကို နံနက် (၁၀း၃၀) အချိန်တွင် အောင်မြင်စွာ ဖွင့်လှစ်ကြောင်း သတင်းရရှိပါသည်။
ခွန်အောင်ထွိုက်ဗွေ
Like On Facebook
Follow On Twitter
Subscribe On RSS