Thursday, March 17, 2016

ဘေးကင်းလုံခြုံစွာ ပိုးသတ်ဆေးအသုံးပြုနည်း အခြေခံသင်တန်း


တောင်ကြီး၊ ၂၀၁၆ ခုနှစ်၊ မတ်လ (၁၇) ရက်





၂၀၁၆-ခုနှစ် မတ်လ-၁၆-ရက်နေ့တွင် WINROCK INTERNATIONAL အဖွဲ့မှ ဒေါက်တာဘော်နီဘာလို(Ph.D) ဦးဆောင်သော ဘေးကင်းလုံခြုံစွာ ပိုးသတ်ဆေးအသုံးပြုနည်း အခြေခံသင်းတန်းကိုဖွင့်ပွဲကို ရှမ်းပြည်နယ်တောင်ပိုင်း တောင်ကြီးမြို့Cherry Queen Hotel တွင် ပထမဦးစွာ ဖွင့်လှစ်လိုက်ပြီဖြစ်ကြောင်း သိရှိရသည်။
ဘေးကင်းလုံခြုံစွာ အခြေခံပိုးသတ်ဆေး အသုံးပြုနည်းနှင့် ပတ်သက်ပြီး ဒေါက်တာဘော်နီဘာလို(Ph.D)က  ဆွေးနွေးသင်ပြရာမှာ- ပိုးသတ်ဆေးများသည် အလုပ်ခွင်သုံး ပိုးသတ်ဆေးနှင့် အိမ်သုံးပိုးသတ်ဆေးဟူ၍ နှစ်မျိုးရှိပါသည်။
ပိုးသတ်ဆေးကို ကိုင်တွယ်ရာတွင် သတိပြုပြီး ကိုင်တွယ်ပါ၊ ပိုးသတ်ဆေး အမျိုးအစားကိုသိပါ၊ ၎င်း၏ကန့်သတ်ချက်ကိုသိပါ၊ အညွန်းစာကိုဖတ်ပါ၊ အညွန်းလိုအပ်ချက်ကိုသိပါ၊ ဂရုစိုက်ပါ၊ သုံးစွဲသည့် ပစ္စည်းကိရိယာနှင့် ၎င်း၏ ကန့်သတ်ချက်များကိုသိပါ၊ စနစ်တကျ သိုလှောင်နည်း၊ သယ်ယူနည်းကို နားလည်ပါ၊ လိုက်နာကျင့်သုံးပါ၊ အစီအစဉ်ကျ ဆောင်ရွက်ပါ။
တစ်ကိုယ်ရေ ဘေးကင်းလုံခြုံမှုအတွက်-ပိုးသတ်ဆေးကို တိုက်ရိုက်ထိတွေ့ကိုင်တွယ်ခြင်းကိုရှောင်ပါ၊ အကာအကွယ်ပစ္စည်းများ ၀တ်ဆင်ပါ၊ တစက်စက်ကျခြင်းများနှင့် ဖိတ်စင်ခြင်းများ မဖြစ်ရန် သတိပြုပါ၊ ပိုးသတ်ဆေး ကိုင်သည့်လက်ဖြင့် မျက်စိနှင့် ပါးစပ်ကို ကိုင်တွယ်ခြင်း မပြုရ၊ ဆေးလိပ်သောက်ခြင်း၊ အစာစားခြင်း၊ သန့်စင်ခန်း အသုံးပြုခြင်း မပြုလုပ်ခင် သင်၏လက်ကို ဦးစွာဆေးကြောပါ။
ပိုးသတ်ဆေးများ = အင်းဆက်ပိုးများကို သေစေနိုင်သည်(Insecti-)၊ ပေါင်းသတ်ဆေးများ = ပေါင်းပင်များကို သေစေနိုင်သည်(Herbi-)၊ မှိုသတ်ဆေးများ = အပင်ရောဂါကို ဖြစ်စေတတ်သော မှိုများကို ဆိုလိုသည်(Fungi)၊ ကြွက်သတ်ဆေးများ = ကြွက်များကိုသေစေသည်(Rodenti-)-တို့ပင်ဖြစ်သည်။
ပိုးသတ်ဆေး အသုံးပြုနေသူများ အန္တရာယ် လျော့နည်းစေရန်- ၁။ အဆိပ်ပါဝင်မှု အနည်းဆုံး ပိုးသတ်ဆေးများကို အသုံးပြုပါ၊ ၂။ အကာအကွယ် ပစ္စည်းများကို ၀တ်ဆင်ပါ၊ ၃။ အန္တရာယ် = အဆိပ်ပါဝင်မှုအဆင့်နှင့် ထိတွေ့မှုတို့ပင်ဖြစ်သည်။
အကယ်၍ ပိုးသတ်ဆေးကို ထိတွေ့ကိုင်တွယ်မိပါက ထိတွေ့မိသော ခန္ဓာကိုယ် အစိတ်အပိုင်းကို ချက်ချင်း သေချာစွာ ဆေးကြောပါ၊ လိုအပ်ပါက အ၀တ်အစား လဲလှယ်ပါ၊ လိုအပ်ပါက ရှေးဦးသူနာ ပြုစုခြင်း ခံယူပါ၊ အကယ်၍ ပိုးသတ်ဆေးကို မျိုချမိသည်ဖြစ်စေ၊ မျက်လုံးထဲ ၀င်သည်ဖြစ်စေ၊ နီးစပ်ရာ ဆရာဝန်နှင့် ချက်ချင်းပြသပါ။
ပိုးသတ်ဆေးသင်္ကေတ အရောင်များမှာ - အစိမ်းရောင်သည် အဆိပ်အဆင့်နိမ့်ပြီး တစ်အောင်စမှတစ်ပိုင်း သတ်ိပြုသင့်သော အဆင့်ဖြစ်သည်၊ အ၀ါရောင်သည် အဆိတ်အလယ်အလတ် ပါဝင်ပြီး စားပွဲဇွန်း-၁-ဇွန်းစာ အန္တာရာယ်ပေးနိုင်မှု အနေအထား၊ အနီရောင်အဆင်းသည် အဆိပ်ပါဝင်မှု မြင့်မားပြီး လက်ဘက်ရည်ဇွန်း-၁-ဇွန်းမြည်းစမ်းရုံဖြင့် အသက်အန္တရာယ်ရှိသည်။
ပိုးသတ်ဆေးကို အကာအကွယ် မပါပဲ ထိတွေ့ကိုင်တွယ်ခြင်းကြောင့် ဆေးတွင်အဆိပ်ပါဝင်မှုအပေါ် မူတည်ပြီး ရက်တို ရက်ရှည် ပိုးသတ်ဆေး အဆိပ်သင့်သော လက္ခဏာများမှာ  မအီမသာဖြစ်ခြင်း၊ ပျို့အန်ခြင်း၊ ၀မ်းလျှောခြင်း၊ ခေါင်းကိုက်ခြင်း၊ ခေါင်းမူးခြင်း၊ အားနည်းခြင်း၊ ချွေးထွက်လွန်ခြင်း၊ မျက်ရည်ပူကျခြင်း၊ ရင်ဘတ်အောင့်ခြင်း၊ အသက်ရှုကျပ်ခြင်း၊ ကိုယ်လက်ကိုက်ခဲခြင်း၊ ကြွက်တက်ခြင်း၊ ယားယံခြင်း၊ နီမြန်းခြင်း၊ အင်ပျဉ်ထခြင်း၊ မီးလောင်ဖုများဖြစ်ခြင်း၊ မီးလောင်သကဲ့သို့ဖြစ်ခြင်း၊ မျက်လုံး-ရောင်ခြင်း၊ စူးခြင်းပူခြင်း၊ နှာခေါင်း ပါးစပ်၊ လည်ချောင်း စပ်ဖျဉ်းဖျဉ်းဖြစ်ခြင်းနှင့် အသက်ပါဆုံးရှုံးရသည့်အထိ အဆိပ်သင့်ဒဏ်ကို ခံစားရတတ်သည်။
တောင်သူလယ်သ္မားများ အဓိက သတိထားရမည့် အချက်များမှာ စိုက်ခင်းတွင် ပိုးသတ်ဆေး အသုံးပြုပြီးနောက် စိုက်ခင်းသို့ ၀င်ရောက်ရန် အချိန်ကို အနည်းဆိုး ၄၈ နာရီ၊ နှစ်ရက်၊ အလွန်ဆုံး ၂ လ ပိုးသတ်ဆေး အဆိတ်ပါဝင်မှုနူန်းတွင် မူတည်ပြီး စိုက်ခင်းသို့ ၀င်ရောက်ခြင်း သီးနှံများကို စားသုံးခြင်း ပြုလုပ်နိုင်သည် သို့မှသာလျှင် အဆိပ်သင့်သော ဘေးရန်အန္တာရာယ် ကင်းဝေးမည်ဖြစ်ကြောင်း ဒေါက်တာ ဘော်နီဘာလို(Ph.D)က အကျယ်တ၀င့် ဆွေးနွေးတင်ပြပေးခဲ့သည်။
Winrock International အဖွဲ့မှ ပထမအကြိမ် ဖွင့်လှစ်လိုက်သော ဘေးကင်းလုံခြုံစွာ ပိုးသတ်ဆေး အသုံးပြုနည်း အခြေခံသင်တန်းကို ဒေသပေါင်းစုံ သင်တန်းသူ/သင်တန်းများ စုစုပေါင်း(၂၈)ဦး သင်ယူခဲ့ကြပါသည်။ ၎င်းသင်တန်းကို မတ်လ ၁၈-၂၀၁၆ ရက်နေ့တွင် အောင်ပန်းမြို့ လင်းရောင်ခြဉ်ခန်းမနှင့် မတ်လ ၁၉-၂၀၁၆ ရက်နေ့တွင် ပင်းတယ ဒိုင်းမွန်းကွင်းခန်းမတွင် ဆက်လက်ဖွင့်ပေးသွားမည်ဖြစ်၍ ဆက်သွယ်လိုပါက မ၀တ်ရည်လွင် တောင်ကြီးရုံးခွဲ ဖုန်း - ၀၈၁-၂၁၂၃၀၂၂နှင့် ဆက်သွယ် စာရင်းပေးသွင်း နိုင်ပါကြောင်းသိရှိရပါသည်။
 Winrock International အဖွဲ့သည် စီးပွားရေး စိုက်ပျိုးရေး သင်တန်းများကို မြန်မာနိုင်ငံတွင် လှည့်လည်ဖွင့်လှစ်ပေးပြီး အကျိုးအမြတ် မယူသည့် အဖွဲ့အစည်းဖြစ်သည်။ အကူအညီ အခွင့်အလမ်း နည်းပါးနေသူများအား စွမ်းဆောင်ရည်မြှင့်တင်ပေး၍ စီးပွားရေး အခွင့်အလမ်းများ တိုးတက်လာစေရန်နှင့် သဘာဝ အရင်းအမြစ်များကို အထောက်အပံ့ဖြစ်စေရန် အမေရိကန်နိုင်ငံ နှင့်တကွ ကမ္ဘာနှံ့မှ လူများနှင့် ပူးပေါင်းလုပ်ဆောင်နေသည့် လူမှုရေး အဖွဲ့အစည်းတစ်ခု ဖြစ်ကြောင်း သိရှိရပါသည်။

ခွန်အောင်ထွိုက်ဗွေ

Powered by Blogger.