Tuesday, March 15, 2016

ငြိမ်းချမ်းရေးတည်ဆောက်ကြမည်ဆိုလျှင်


တောင်ကြီး၊ ၂၀၁၆ ခုနှစ်၊ မတ်လ (၁၆) ရက်


ကမ္ဘာမှာ တိုက်ပွဲများ၊ ဆူပူမှုများ အစဉ်ဖြစ်ပွားနေ၏။ မိမိတို့မြန်မာနိုင်ငံအချို့အစိတ်အပိုင်းတွင်လည်း တိုက်ပွဲများဖြစ်ပွားနေသေး၏။ ထိုတိုက်ပွဲများ၊ ဆူပူမှုများကို အဘယ်သောသူသည် အလိုရှိလေသနည်း။
အဘယ်သူမျှ တိုက်ပွဲများ၊ ဆူပူမှုများကို အလိုမရှိပါ။ ထိုသို့ဆိုပါက အလိုမရှိပါဘဲလျက် အဘယ်ကြောင့် တိုက်ပွဲများ ဖြစ်နေရလိမ့်နည်း။ မတရားသော စိတ်အလိုဆန္ဒ၏လုပ်ရပ်ကြောင့်များလား။ သို့တည်းမဟုတ် မိမိသာလျှင် ကြီးစိုးအနိုင်ယူရမည်ဟူသည့်လုပ်ရပ်ကြောင့်လား။ သို့တည်းမဟုတ် မကျေနပ်မှု/မုန်းတီးမှုဖြင့် တုံ့ပြန်လိုက်သည့် လုပ်ရပ်ကြောင့်များလား။ သို့တည်းမဟုတ် တရားမျှတမှု မရှိသည့်အတွက်ကြောင့်များလား။ သို့တည်းမဟုတ် မသိဘာသာ ထင်ရာစိုင်းသည့် လုပ်ရပ်ကြောင့်များလား။ သို့တည်းမဟုတ် နားလည်မှုလွှဲမှားနေခြင်းကြောင့်များလား။ အကြောင်းအမျိုးမျိုးရှိပေလိမ့်မည်။ သို့သော် အခြေခံအကြောင်းရင်းကိုရှာသော် အမှန်မသိမှုကို တွေ့ရပါလိမ့်မည်။ အမှန်မသိမှုဟူသည်မှာ တိုက်ပွဲဖြစ်ပွားရခြင်းအကြောင်းရင်းနှင့် တိုက်ပွဲဖြစ်ပွားခြင်း၏ အကျိုးဆက်အမှန်တရားများကို မသိရှိမှုပင်ဖြစ်သည်။ မငြိမ်းချမ်းရခြင်းမှာ ကြီးစိုးအနိုင်ယူလိုမှုစသည့် အထက်ပါဖော်ပြခဲ့သော လုပ်ရပ်တစ်ခုခု၏ နောက်ဆက်တွဲ ဆိုးကျိုးပဋိပက္ခအမှန်ကို မသိရှိရသောကြောင့်ဖြစ်သည်။ အထက်ဖော်ပြပါလုပ်ရပ်တစ်ခုခု၏ နောက်ဆက်တွဲဆိုးကျိုးအမှန်ကိုသာ သိရှိရပါက ထိုလုပ်ရပ်မျိုးကို လုပ်ဖြစ်မည်မဟုတ်ပေ။ ပြုလုပ်မိပြီး ဆိုးကျိုးပဋိပက္ခ/တိုက်ပွဲများဖြစ်ပွားလာလျှင်လည်း ထိုလုပ်ရပ်များမှ သင်ခန်းစာယူကာ နောက်ထပ်မမှားရလေအောင် နှစ်ဦးနှစ်ဘက်မှ အမြန်ဆုံးငြိမ်းချမ်းရေး တည်ဆောက်သင့်လေသည်မဟုတ်လော။
ယခု မြန်မာနိုင်ငံတွင် ဖြစ်ပွားနေသော တိုက်ပွဲများမှာ အဘယ်သို့သောအကြောင်းကြောင့် တိုက်ပွဲဖြစ်ပွားနေရသနည်း။ အကြောင်းရင်းအမှန်ကို သိရလေအောင် လေ့လာသုံးသပ်သင့်သည်။ အကြောင်းရင်းကို သေချာမသိပါက ဖြေရှင်းချက်မှားယွင်းသွားတတ်သည်။ ယခု မြန်မာနိုင်ငံတွင် ဖြစ်ပွားနေသောတိုက်ပွဲများမှာ နိုင်ငံရေးပြဿနာကြောင့်များလား။ ထိုသို့ နိုင်ငံရေးပြဿနာဖြစ်နေပါက နိုင်ငံရေးနည်းဖြင့် ဖြေရှင်းသွားရမည်။ နိုင်ငံရေးပြဿနာကို စစ်ရေးဖြင့် မဖြေရှင်းသင့်ပါ။ နိုင်ငံရေးပြဿနာကို စစ်ရေးဖြင့် မည်သို့မျှ မဖြေရှင်းနိုင်ဟု နိုင်ငံ့ခေါင်းဆောင်များကလည်း မိန့်ဆိုကြလေပြီ။
မှန်၏။ နိုင်ငံရေးပြဿနာကို နိုင်ငံရေးနည်းဖြင့်သာ ဖြေရှင်းသင့်ပါသည်။ သို့သော် နိုင်ငံရေးပြဿနာကို နှစ်ဦးနှစ်ဘက် ဆွေးနွေးဖြေရှင်းရာတွင် မျှမျှတတဆွေးနွေးဆုံးဖြတ်မှုမရှိပါက ရေရှည်ငြိမ်းချမ်းနိုင်ပါမည်လား။ စဉ်းစားစရာပင်။ နှစ်ဦးနှစ်ဘက် မျှမျှတတဆွေးနွေးဆုံးဖြတ်မှုမရှိပြန်ပါက ရေရှည်ငြိမ်းချမ်းရေးရရှိရန် ခက်ခဲနေပေလိမ့်မည်ဟု ပြေးမြင်မိပါသည်။
ငြိမ်းချမ်းရေးတည်ဆောက်ရာတွင် စိတ်ရှည်သည်းခံမှုသည်လည်း အရေးကြီးပြန်လေသည်။ ယခု မြန်မာနိုင်ငံတွင် အချို့လက်နက်ကိုင်အဖွဲ့အစည်းများ အပစ်အခတ်ရပ်စဲပြီး နိုင်ငံရေးဆွေးနွေးကြရန် ဦးလှည့်ဆောင်ရွက်နေကြသည်ဟု ကြားရသည်မှာ အားရစရာပင်ဖြစ်သည်။ ပြည်သူများမျှော်လင့်နေကြသည့် ဆက်လက်လုပ်ဆောင်မှုမှာ နိုင်ငံရေးအဖြေထွက်သည်အထိ စာချုပ်ပါအတိုင်း တစ်ဘက်ကိုတစ်ဘက် ပစ်ခတ်မှုမပြုဘဲ စိတ်ရှည်သည်းခံမှုအားဖြင့် နိုင်ငံရေးဆွေးနွေးမှုတွင် ပါဝင်သွားရန်ဖြစ်သည်။
ငြိမ်းချမ်းရေးတည်ဆောက်မှုတွင် သက်ဆိုင်ရာလက်နက်ကိုင်အဖွဲ့အစည်းအားလုံးပါဝင်လာရန်မှာလည်း မြန်မာနိုင်ငံသားအားလုံး၏ ဆန္ဒပင်ဖြစ်သည်။ အဘယ်ကြောင့်ဆိုသော် သက်ဆိုင်ရာလက်နက်ကိုင်အဖွဲ့အစည်း အားလုံးပါဝင်လာမှသာလျှင် တစ်နိုင်ငံလုံးငြိမ်းချမ်းရေးကို တည်ဆောက်နိုင်မည် ဖြစ်သောကြောင့်ဖြစ်သည်။ မြန်မာနိုင်ငံသားများသည် တစ်နိုင်ငံလုံး ငြိမ်းချမ်းသည်ကို တွေ့မြင်လိုကြပေ၏။ ယခုအခါတွင် နိုင်ငံတော်အစိုးရဘက်မှ အခြား(NCA)လက်မှတ်မရေးထိုးရသေးသော လက်နက်ကိုင်အဖွဲ့အစည်းများကို လက်မှတ်ရေးထိုးလာရန်နှင့် နိုင်ငံရေးဆွေးနွေးပွဲများတွင် ပါဝင်လာရန် ဖိတ်ခေါ်လမ်းဖွင့်ပေးထားသည်မှာ ကျေနပ်အားရဖွယ်ဖြစ်သည်။ တစ်ဖက်တွင် လက်နက်ကိုင်အဖွဲ့အစည်းများသည်လည်း ငြိမ်းချမ်းရေးကို တည်ဆောက်လိုသည့်အားဖြင့် နိုင်ငံတော်နှင့်တွေ့ဆုံဆွေးနွေးမှုပြုကာ အပစ်အခတ်ရပ်စဲပြီး နိုင်ငံရေးဆွေးနွေးပွဲတွင် ပါဝင်သင့်လေပြီဖြစ်သည်။ စစ်ဘေးစစ်ဒဏ်ကြောင့် အတိဒုက္ခရောက်နေကြရသော ဒေသခံပြည်သူများ၏ဘဝ ကြမ်းတမ်းလွန်းလှသည်မှာ ကာလရှည်ကြာနေလေပြီ။ ထိုကြမ်းတမ်းလွန်းလှသော စစ်ဘေးသင့်ပြည်သူများ၏ဘဝ အဆင်ပြေချောမွေ့လာရန် မြန်မာနိုင်ငံသူနိုင်ငံသားအားလုံးက မျှော်လင့်တောင့်တနေကြလေကုန်ပြီဖြစ်၏။ ထို့ကြောင့် ယခုအချိန်အခါတွင် ငြိမ်းချမ်းရေးကို အမှန်တကယ် တည်ဆောက်သင့်လေပြီဖြစ်သည်။ ငြိမ်းချမ်းရေးကို အမှန်တကယ် တည်ဆောက်လိုသောစိတ်ဆန္ဒပြင်းပြမှု ထားရှိသင့်လေပြီ။ လက်တွေ့မှာ ငြိမ်းချမ်းရေးကို လိုလားသည့်စိတ်ဆန္ဒပြင်းပြမှုသည် ငြိမ်းချမ်းရေးတည်ဆောက်မှု အခန်းကဏ္ဍ၏ကျောထောက်နောက်ခံပင် ဖြစ်သည်။
သို့ဖြစ်၍ မငြိမ်းချမ်းရခြင်း၏ အခြေခံအကြောင်းရင်းကို သိရှိနားလည်ထားမှု၊ မငြိမ်းချမ်းမှု၏ဆိုးကျိုးများကို သိရှိနားလည်ထားမှု၊ ငြိမ်းချမ်းရေးတည်ဆောက်လိုသည့်စိတ်ဆန္ဒပြင်းပြမှု၊ အားလုံးပူးပေါင်းပါဝင်မှု၊ စိတ်ရှည်သည်းခံမှု၊ နိုင်ငံရေးဆွေးနွေးပွဲပါဝင်သူအားလုံး၏မျှမျှတတဆွေးနွေးဆုံးဖြတ်မှုတို့သည် ငြိမ်းချမ်းရေးတည်ဆောက်မှုကို အောင်မြင်သည်အထိ အမှန်တကယ်အထောက်အကူပြုသွားမည်ဟု မိမိအနေဖြင့် ထင်မြင်သုံးသပ်မိပါသည်။

ခွန်လှစိုး

Powered by Blogger.