အမိဝမ်းမှကျွတ်ပြီး လူ့လောကအတွင်းသို့ ရောက်ရှိလာသော်လည်း ကျွန်ုပ်တို့သည် မိဘများ အပေါ်မှီခိုခဲ့ကြရသည်။ မိဘတို့၏ ကျွေးမွေးပြုစုစောင့်ရှောက်မှုကို မရခဲ့ပါက ကျွန်ုပ်တို့သည် အသက်ရှင် ရပ်တည်နိုင်မည်မဟုတ်ပေ။
စီးပွားရေးလုပ်ငန်းလုပ်ကိုင်သည့်အခါတွင်လည်း လုပ်ငန်းအောင်မြင်မှုအတွက် လုပ်သားများကို သော်လည်းကောင်း၊ စားသုံးသူများကိုသော်လည်းကောင်း မှီခိုကြရသည်။ အလုပ်လုပ်ပေးသူလုပ်သားမရှိပါက ကုန်ပစ္စည်းထုတ်လုပ်မှုရှိနိုင်တော့မည် မဟုတ်သကဲ့သို့ စားသုံးသူများ မရှိလျှင်လည်း ထုတ်လုပ်ပြီးသည့် ကုန်ပစ္စည်းများကို ဈေးကွက်တွင် ရောင်းချနိုင်မည်မဟုတ်ပေ။
တစ်ဘက်မှပြန်ကြည့်လျှင်လည်း ကုန်ပစ္စည်းထုတ်လုပ်သူ လုပ်ငန်းရှင်များရှိနေသဖြင့် ကျွန်ုပ်တို့၏ ဘ၀တွင် အဆင်ပြေမှုရှိနေရသည်။ အစားအသောက်များမှအစ လူသုံးကုန်ပစ္စည်းများ၊ ဆေးဝါးများ၊ အဆောက်အအုံများအထိ ကိုယ်တိုင်လုပ်ကိုင်ရန်မလိုဘဲ အလွယ်တကူဝယ်ယူရရှိနိုင်ကြသည်။ စက်ရုံတွင် လုပ်ကိုင်သူ အလုပ်သမားများလည်း မိမိတို့၏ စားဝတ်နေရေးအတွက် စက်ရုံကတာဝန်ယူပေးရသည်။ အလုပ်လုပ်ကိုင်နေသရွေ့ စားဝတ်နေရေးအတွက် ပူပင်ရန်မလို၊ ကျန်းမားရေးအတွက်ပါ စိတ်ချရသည်။ အချုပ်ဆိုရပါက ကျွန်ုပ်တို့ လူသားများသည် တစ်ဦးပေါ်တစ်ဦး မှီခိုနေထိုင်ကြရသည်။
မိသားစုအတွင်းဖြစ်စေ၊ ရပ်ကွက်ရပ်ရွာအတွင်း နေထိုင်မှုဖြစ်စေ၊ လုပ်ငန်းခွင်ဖြစ်စေ လုပ်သားများသည် တစ်ဦးအပေါ်တစ်ဦး မှီခိုနေထိုင်ကြရသည်။ သူတို့၏ ဘ၀သည်အခြားသူတို့၏ ဘ၀နှင့် ပေါင်းစပ်ဆက်နွယ်လျက်ရှိသည်။ သီးခြားကင်းလွတ်နေသည်ဟူ၍မရှိပေ။ တစ်ဦးနှင့်တစ်ဦး ပေါင်းသင်း ဆက်ဆံနေထိုင်ကြသည်။ စီးပွားရေးလုပ်ငန်းတွင်လည်း လူမှုဆက်ဆံရေးသည် အလွန်အရေးကြီးပါသည်။ လူမှုဆက်ဆံရေးဟူသည် အခြားလူသားများနှင့် အဆင်ပြေပြေနေထိုင်တတ်ခြင်းဖြစ်သည်။ လူနှစ်ဦး သို့မဟုတ် နှစ်ဦးထက်ပို၍ရှိသော လုပ်ငန်းခွင်တိုင်းမှာပင် လူမှုဆက်ဆံရေး ပြဿနာများ ၀င်ရောက် လာနိုင်သည်။ မိမိပတ်ဝန်းကျင်ရှိ လူအများနှင့် အဆင်ပြေအောင်ဆက်ဆံခြင်းမပြုနိုင်ပါက မိမိဘ၀တွင် သာမက လုပ်ငန်းခွင်တွင်လည်း ပြဿနာများဝင်ရောက်လာနိုင်သည်။
ကျွန်ုပ်၏အတွေ့အကြုံအရ အနောက်နိုင်ငံကြီးများသည် စီးပွားရေးလုပ်ငန်းအတွက် ဆက်သွယ် သောသူများ၏ စိတ်သည် အမျိုးမျိုးရှိကြသည်။ စိတ်မရှည်သောသူနှင့် တယ်လီဖုန်းတွင်ကြုံတွေ့ရပါက အမျိုးသား အော်ပရေတာများနှင့်ဆိုလျှင် ပြဿနာတက်တတ်သည်။ အမျိုးသားများသည် စိတ်မရှည် သောသူတို့အားပြန်လှန်ပြောတတ်သည့် အကျင့်ရှိသောကြောင့်အမျိုးသမီးများကိုသာ ခန့်အပ်ထားကြ သည်။ တယ်လီဖုန်းပြောသည့်အခါ မိမိနှင့်စကားပြောနေသောသူအား မမြင်ရသော်လည်း မိမိပြောသော စကားသံသည် ပြုံး၍ပြောမှသာ နူးညံ့ချိုသာနေမည်ဖြစ်သည်။
ထို့ကြောင့် တယ်လီဖုန်းအော်ပရေတာ၏ ရှေ့တွင်မှန်တစ်ချပ်တပ်ဆင်ပေးထားသည်။ စီးပွားရေး လုပ်ငန်းရှင်ကြီးများသည် လူမှုဆက်ဆံရေးအလုပ်ကို ဤမျှပင်အလေးထားကြသည်။ ဆက်ဆံရေး ညံ့ဖျင်းပါက စီးပွားရေးလုပ်ငန်းကို အနှောင့်အယှက် ဖြစ်လာနိုင်သောကြောင့်ဖြစ်ပေသည်။ သင်သည် ကံမကောင်းအကြောင်းမလှသဖြင့် ဒုက္ခတွေ့နေရသည်ဆိုလျှင် သင့်အပေါင်းအသင်းများက သင့်အတွက် မည်သို့ခံစားနေကြရသနည်း။ စိတ်မကောင်းဖြစ်နေကြသလော။ သို့မဟုတ် သင့်ကွယ်ရာတွင် ၀မ်းမြောက် ၀မ်းသာ ဖြစ်နေကြသလော။ သင်၏လူမှုဆက်ဆံရေးအခြေအနေကို ထိုအချက်များက ညွန်ပြလျက် ရှိကြသည်။
သင်သည် ဆက်ဆံရေးကောင်းသူ တစ်ဦးဆိုပါက သင့်မိတ်ဆွေများနှင့် လုပ်ဖော်ကိုင်ဖက်များထံမှ တန်ဖိုးဖြတ်၍ မရနိုင်သောအကူအညီများကို ရရှိမည်ဖြစ်သည်။ ဤသို့အကူအညီရခြင်းမှာလည်း တစ်ချိန်ချိန်ကသူတို့အား သင်ကကူညီလုပ်ကိုင်ပေးခဲ့သောကြောင့်ဖြစ်သည်။ အချို့သောမန်နေဂျာများ၊ လုပ်ငန်းရှင်များသည် ကုန်ထုတ်လုပ်မှုမြှင့်မားရေး၊ စက်ပစ္စည်းမပျက်စီးရေး နှင့် ကုန်ကြမ်းလေလွင့်မှု မရှိရေးကိုသာအဓိကထားပြီး လုပ်သားဝန်ထမ်းများ၏ ဘ၀လုံခြုံမှုရရှိရေးကိုလျစ်လျူရှုထားတတ်ကြသည်။ စက်ကိရိယာနှင့် လုပ်ကိုင်နေသော လုပ်သားအား အန္တရယ်ဖြစ်သွားမည်ကို စိုးရိမ်သည်ထက် နိုင်ငံခြားမှ တန်ဖိုးကြီးကြီးပေးဝယ်ထားရသော စက်ကိရိယာ ပျက်စီးသွားမည်ကိုသာပို၍ပူပန်ကြသည်။ ဤသို့သော လုပ်ငန်းရှင်များသည် ဆက်ဆံရေးပြဿနာနှင့် ကြုံတွေ့ကြရသည်။
လုပ်သားများနှင့်ဆက်ဆံရေးကောင်းမွန်မှုကို အဓိကထားသော စက်ရုံများတွင် လုပ်သားများ၏ စိတ်ဓာတ်နှင့် ကုန်ထုတ်လုပ်မှုသည် မြှင့်မားနေပြီး အမြတ်အစွန်းရရှိရေးနှင့် ထုတ်ကုန်များများရရှိရေးကို အဓိကထားသော လုပ်ငန်းများတွင် ကောင်းမွန်သော လူမှုဆက်ဆံရေးကိုမတွေ့ကြရပေ။ လုပ်သားများနှင့် လုပ်ငန်းကြီးကြပ်သူတို့ဆက်ဆံရေးမကောင်းသည်နှင့်အမျှ လုပ်သားများသည် လုပ်ငန်းခွင်တွင်ပျော်ရွှင် ကြမည် မဟုတ်သောကြောင့် ကုန်ထုတ်လုပ်မှုတွင် အကျိုးသက်ရောက်သွားမည်ဖြစ်သည်။
အခြားသူတစ်ယောက်အား သင်ကပြုံးပြပါက ထိုသူလည်းသင်အား ပြန်၍ပြုံးပြလိမ့်မည်။ သူ့အား အပြစ်တင်ပါက သူလည်းသင့်အားပြန်၍ အပြစ်တင်လိမ့်မည်။ အခြားသူများအား သင်ကိုမည်သို့မည်ပုံ ဆက်ဆံစေလိုသနည်း။ လေးလေးစားစားဆက်ဆံစေလိုလျှင် သင်သည်သူတို့အား လေးလေးစားစား ဆက်ဆံရမည်။ သင့်အားဖော်ရွေစွာဆက်ဆံလိုလျှင် သင်သည်လည်းသူတို့အပေါ် ဖော်ဖော်ရွေရွှေဆက်ဆံ ရမည်ဖြစ်သည်။ လုပ်ငန်းခွင်တွင် အလုပ်သမားများနှင့် ဆက်ဆံရေးကောင်းမွန်စေလိုပါက အထက်ပါ အတိုင်းကျင့်သုံးရမည်ဖြစ်သည်။
လူဆိုသည်မှာ အနည်းနှင့်အများ အတ္တကို အဓိကထားသည့် သတ္တ၀ါဖြစ်သည်။ မိမိကိုယ်ကိုသာ အဓိကထားလိုကြသည်။ စကားပြောလျှင်လည်းမိမိအကြောင်း၊ မိမိခံစားချက်ကိုသာ အလေးပေးကြသည်။ လူမှုဆက်ဆံရေးကောင်းမွန်သည့် စီးပွားရေးလုပ်ငန်းရှင်တစ်ဦးဖြစ်လိုပါက ဤအချက်ကိုသတိထားရမည် ဖြစ်သည်။ မိမိအကြောင်းကို မိမိက ပြောလိုသကဲ့သို့ အလုပ်သမားများကလည်း သူတို့အကြောင်း ပြောလိုပေလိမ့်မည်။
လောကတွင်မိမိသာလျှင် အရေးအကြီးဆုံးဖြစ်သည်ဟူသောအမြင်အစား အခြားသူကပို၍ အရေးကြီးသည်ဟူသော အမြင်ထားရှိရမည်ဖြစ်သည်။ မလွယ်သော်လည်း ဤအချက်ကို သတိထားပြီး ပြုပြင်ယူရမည်ဖြစ်သည်။ ထိုသို့မဟုတ်ပါက သင်လုပ်ကိုင်နေသည့် စီးပွားရေးလုပ်ငန်းသည် မျော်မှန်း သလောက် အောင်မြင်မည်မဟုတ်ပေ။ ဥပမာ - “ ဒီစာကို အခုရိုက်လိုက်၊ သုံးနာရီမထိုးခင် ငါလိုချင်တယ်” မိမိကိုယ်ကိုအဓိကထားသည့် မန်နေဂျာ၏စကားဖြစ်သည်။ “ ဒီစာကိုသုံးနာရီမထိုးခင် ပြီးအောင်မင်းရိုက် နိုင်မယ်ထင်တယ်ဟုတ်လား” လက်နှိပ်စက်ရိုက်သူအားအဓိကထားခြင်းဖြင့် ကောင်းမွန်သော ဆက်ဆံရေး ကိုရရှိခဲ့သည်။ ဤစကားသည် အကြီးအကဲတစ်ဦးက လက်နှိပ်စက်စာရေးအား အမိန့်ပေးသည့်စကားများ ဖြစ်သည်။သို့သော်ခြားနားမှုကားသိသာလှပါသည်။
ထို့ကြောင့် စီးပွားရေးလုပ်ငန်းရှင်တစ်ဦးသည် မိမိလုပ်ငန်းတွင် ကုန်ထုတ်လုပ်မှု ပိုမိုထိရောက် စေရန် “ငါသည်သူဌေး” ဆိုသည့် အတ္တစိတ်မထားဘဲ ကုန်ထုတ်လုပ်သားများအပေါ် တန်းတူညီမျှစွာ ဆက်ဆံတတ်ရန်လိုအပ်သည်။ သို့မှသာ ကုန်ထုတ်လုပ်သားဆက်ဆံရေးကောင်းမွန်ပြီး မိမိလုပ်ငန်းတွင် ကုန်ကျစရိတ်နည်းနည်းဖြင့် ကုန်ပစ္စည်းများများထုတ်နိုင်ပြီး အမြတ်များများရနိုင်မည်ဖြစ်သည်။
ကိုးကားချက်။ ။ ဓန စီးပွားရေးမဂ္ဂဇင်း ၊ အတွဲ၊၂၊ အမှတ်၊၉၊ ဖေဖော်ဝါရီ ၁၉၉၂၊ ခင်မောင်သန်း (စိတ်ပညာ)
ခွန်သိန်းစိုး
ခွန်လိုရဲုင်း (လွယ်ကောင်း)
Like On Facebook
Follow On Twitter
Subscribe On RSS