လူသားများသည် တစ်ဦးတစ်ယောက်တည်း နေထိုင်၍မရပါ။ အများနှင့်စုပေါင်းပြီး လူမှုဝန်းကျင် တစ်ခုထဲတွင် နေထိုင်ရသော သတ္တ၀ါဖြစ်ပေသည်။ ဤသို့နေထိုင်သောအခါတွင် တစ်ဦးအပေါ်တစ်ဦး မည်သို့သောစိတ်ဖြင့်ပြုမူ ပြောဆိုနေထိုင် ဆက်ဆံကြရတာသနည်း။ အထက်ပါမေးခွန်းသည် မေးသင့် မေးထိုက်သည့် မေးခွန်းတစ်ခု ဖြစ်သည်။ တစ်ဦးနှင့် တစ်ဦးပြောဆို ဆက်ဆံကြရသည့်အခါတွင် လူတိုင်း ကို ကြောက်နေဖို့မဟုတ်ဘဲ ရိုသေလေးစားမှုဖြင့် ဆက်ဆံတတ်ဖို့ရန်လိုပါသည်။ တစ်ဦးအပေါ်တစ်ဦး လေးစားခြင်းသည် အလွန်ပင် မြင့်မြတ်သော၊ မင်္ဂလာရှိသော အပြုအမူဖြစ်ပါသည်။ တစ်ဦးနှင့်တစ်ဦး လေးစားစွာဆက်ဆံခြင်းဖြင့် လုပ်ငန်းကို ညှိနှိုင်းဆောင်ရွက်သွားမှသာ လွယ်ကူချော့မွေ့ပြီးစီးအောင်မြင် နိုင်ပါလိမ့်မည်။ လေးစားမှုဆိုသည်မှာ သူတစ်ပါးကို လေးစားတတ်ဖို့သာမက၊ မိမိကိုယ်ကိုလည်း လေးစားထိုက်သော သူတစ်ယောက် ဖြစ်ရန်လိုအပ်ပါသည်။ မိမိကိုယ်မိမိလေးစားခြင်းသည် ကိုယ့်ကိုယ်ကို တန်ဖိုးထားခြင်းပင်ဖြစ်ပါသည်။ သူတစ်ပါးကို လေးစားခြင်းသည် သူတစ်ပါးကို တန်ဖိုးထားရာရောက်ပါ သည်။ သာမန်လူများက ရယူခြင်းအတွက် ကြိုးစားနေချိန်တွင် အဆင့်မြင့် ခေါင်းဆောင်ကောင်းများသည် မိမိ၏ဘ၀ကို လောကလူသားများအတွက် အသုံးချသွားကြသည်။ လောကအတွက်ဘ၀ကို အသုံးချနေ ခြင်းသည် ပါရမီမြောက်သော ဖြည့်ကျင့်မှုပင်ဖြစ်သည်။ အမှားထဲမှ သင်ခန်းစာယူပြီး အမှန်ရအောင် ကြိုးစားနေသူများလည်းဖြစ်သည်။ လေးစားစွာပြောဆိုဆက်ဆံခြင်းသည် သူတော်ကောင်းတို့၏ စိတ်ထား ဖြစ်ပြီး ကြမ်းတမ်းသောစိတ်ကို နူးညံ့ပျော့ပြောင်းစေပြီး ရလာဒ်ကောင်းများကို ရရှိစေပါသည်။
ယနေ့မျက်မှောက်ခေတ်ကို ကြည့်ခြင်းအားဖြင့် ခရီးသွားလုပ်ငန်း ၀န်ဆောင်မှုများတွင်သော်လည်းကောင်း၊ အရောင်းအ၀ယ် ကိစ္စတွင်သော်လည်းကောင်း၊ ကုမ္ပဏီဝန်ဆောင်မှုလုပ်ငန်းတွင် သော်လည်းကောင်း၊ စားသောက်ဆိုင်တွင်သော်လည်းကောင်း၊ မိမိ၏ လုပ်ငန်းအောင်မြင်ရန်အတွက် လေးစားစွာ ပြုမူပြောဆိုခြင်းကို အဓိထားပြီး လုပ်ဆောင်နေကြပြီဖြစ်ပါသည်။ လူသားတိုင်းအပေါ် လေးစားစွာ ဆက်ဆံခြင်းသည် ကိုယ့်ကိုယ်ကိုသူတစ်ပါးချစ်ခင်အောင် ပြုလုပ်ခြင်းမျိုးပင်ဖြစ်သည်။ အောင်မြင်မှုကို ရယူလိုလျှင် သင့်ပတ်ဝန်းကျင်မှာ ရှိသောလူတွေကို ဆင်းရဲချမ်းသာမခွဲခြားဘဲ လေးစားစွာဖြင့် ဆက်ဆံ လိုက်ပါဟုတိုက်တွန်းလိုပါသည်။ ထိုသို့သောဆက်ဆံခဲ့မှုပြုလုပ်ခဲ့ပါလျှင် ထိုလူတစ်ဦးသည် “ လူကောင်း ဖြစ်နေပါသလား၊ ဘယ်ပုဂ္ဂိုလ် နှင့် ဘယ်လိုစကားပြောရမည် ” ဆိုတာ သိတတ်သောပုဂ္ဂိုလ်သည် “ မိမိ သူတစ်ပါးအကျိုးများအောင် ပြောဆိုတတ်သည့်ပုဂ္ဂိုလ်၊ ဥာဏ်ပညာကြီးသောပုဂ္ဂိုလ်၊ ဥာဏ်ပညာရှိ သောပုဂ္ဂိုလ်ပါလား ” ဟု ယူဆကြပါလိမ့်မည်။ မိမိအကျိုးကို တကယ်ဆောင်ရွက်တတ်သောပုဂ္ဂိုလ်၊ သူတစ်ပါးအကျိုးကိုလည်း အလိုက်သိသိနှင့် ဆောင်ရွက်တတ်သောပုဂ္ဂိုလ်ဆိုပြီး မိမိထက်အဆင့်အတန်း မြင့်မားသူများက ပြောဆိုကြလိမ့်မည်၊ အသိအမှတ်ပြုကြလိမ့်မည်။ လူတိုင်း၏ရင်ထဲတွင် အသိအမှတ် ပြုခြင်းခံရလိမ့်မည်။ မိမိထက်ဆင်းရဲသူ တစ်ယောက်ကို လေးလေးစားစား ဆက်ဆံကြည့်လျှင် သင့်ကို သင့်ထက်လေးစားသော မျက်ဝန်းအစုံဖြင့် အကြည့်ခံရမှာ အမှန်ပင်ဖြစ်သည်။
“တကယ်မြင့်မြတ်သောပုဂ္ဂိုလ်ဆိုသည်မှာ ဒီလိုပါလား။ အထက်တန်းကျပြီး အဆင့်မြင့်တဲ့ပုဂ္ဂိုလ် က ငါတို့ကဲ့သို့ နိမ့်ကျတဲ့ပုဂ္ဂိုလ်တွေကို တန်းတူညီတူထားသော စကားလုံးတွေနှင့် ပြောဆိုဆက်ဆံ နိုင်သေးလျှင် ငါတို့ကဲ့သို့ နိမ့်ကျတဲ့ပုဂ္ဂိုလ်တွေက ဘာကြောင့်များခက်ထန် ကြမ်းတမ်းသောစကားတွေကို သုံးနေရပါသလဲ” ဟု မိမိတလေးတစားဆက်ဆံခြင်းကိုခံရသူ ဤသို့တွေးပေလိမ့်မည်။ ထို့ကြောင့် အလွန်ယုတ်ညံ့သော အဆင့်အတန်းမရှိသော စကားလုံးတွေကို မသုံးသင့်တော့ပေ။ မိမိကိုယ်ကို အကြောင်းပြုပြီး တစ်ဖက်လူတွေကို ယဉ်ကျေးသိမ်မွေ့လာအောင်ကြိုးစားသင့်သည်။ လူကြီးတစ်ယောက်၏ လေးစားပြုမူဆက်ဆံပြောဆိုမှုကို ခံရသောလူငယ်တစ်ယောက်သည် ထိုအပြုအမူ၊ အပြောအဆိုကို အလွန်ပင် တောင့်တနှစ်သက်ကြပါသည်။
လူငယ်လူကြီးဖြစ်သူက မိမိအားမလေးမစားပြုမူ ပြောဆိုလာမှုမှန်သမျှကို စိုးရွံ့ကြသည်။ အထင် သေးသောစကားလုံးများနှင့် ကြည့်ရှုပြောဆိုလာသည်ကို အလွန်ပင်စိုးရွံ့ကြပါသည်။ လူကြီးတစ်ဦး၏ လေးစားမှုကို ခံယူရသောလူငယ်တစ်ယောက်သည် စိတ်ထားနူးညံ့သိမ်မွေ့ပြီး လိမ္မာယဉ်ကျေးမှုကို ဖြစ်လာ စေပါသည်။ ပညာရှိသူများက လေးလေးစားစားဆက်ဆံကြသည်သာဖြစ်သည်။ လေးစားခြင်းဟူသည် သူတစ်ဖက်သားကို သိက္ခာရှိရှိနှင့်နေခွင့်ပေးခြင်းဖြစ်ပါသည်။ ထို့ကြောင့် ဒီနေ့ဤအချိန်မှစ၍ လူသားတိုင်း ကို လေးစားခြင်းဖြင့် သိက္ခာရှိရှိနေထိုင်ခွင့်ပေးကြရပါရန်ဟု တိုက်တွန်းလိုက်ပါသည်။
ကိုးကားချက်။ ။ အောင်မြင်ခြင်းနှင့်လူမှုရေးဆိုင်ရာလမ်းကြောင်း
ဆားမူးပေး(စန္တားခမ်း)
Like On Facebook
Follow On Twitter
Subscribe On RSS