လောကက ဖန်တီးခဲ့သော သတ္တ၀ါများအနက် လူသည် စဉ်းစားဥာဏ်ရှိသော သတ္တ၀ါဖြစ်သည်။ လူသည် အခြားသတ္တ၀ါများကဲ့သို့ `အိပ်၊ စား၊ ကာမ´ ဖြင့်သာ ကျင်လည်လူပ်ရှား အချိန်ကုန်သွားသည့် သက်ရှိတစ်မျိုးတည်း မဟုတ်ဘဲ၊ လှပသော ဘ၀အနာဂါတ်ဖြင့် ရှင်သန်နိုင်ရန်လည်း အခြားသော သတ္တ၀ါတို့နှင့် မတူသောအသိနှင့် အတွေးအခေါ်ကို ထူးထူးခြားခြား သဘာဝက ပေးထားသည်။ လူမှလွှဲ၍ အခြားသတ္တ၀ါတို့သည် အသိရှိသော်လည်း ဥာဏ်ရည်နိမ့်ပါးလွန်း၍ `အသိနိမ့်´ သတ္တ၀ါများသာ ဖြစ်ကြသည်။ `အသိနိမ့်´ သတ္တ၀ါများကို တိရိစ္ဆာန်ဟု သတ်မှတ်ပြီး အသိထူးလူကို သတ္တ၀ါထဲမှ ဆွဲထုတ်ကာ လူဟုသတ်မှတ်သည်။ တစ်ချိန်က လူသားများသည် `အသိနိမ့်´ သတ္တ၀ါဖြစ်ပြီး ၎င်းမှ ခွဲထွက်ကာ ယနေ့ `အသိမြင့်´ လူသား ဖြစ်လာပြီး`အိပ်၊ စား၊ ကာမ´ ဟူသော အသိထက်ကျော်လွန်၍ လောကကို တည်ဆောက်သူများ၊ အလှဆင်သူများအဖြစ် ရပ်တည်လာကြရသည်။
လူသည် အသိဥာဏ်ရှိသဖြင့် မဆုံးနိုင်သော မျှော်လင့်ချက်များ၊၊ အနာဂတ်နှင့် ပတ်သက်၍ ရည်မှန်းချက်ပန်းတိုင်များ၊ အိပ်မက်များ လူတိုင်းကိုယ်စီရှိကြသည်။ လူမှန်လျှင် အနာဂါတ်ကို မျှော်တွေး၍ မိမိ၏အနာဂါတ် မည်သို့မည်ပုံရှိရမည်ကို (အကြမ်းဖျင်းဖြစ်စေ) ပုံဖော် ဆောက်တည်ကြစမြဲဖြစ်သည်။ သို့သော် အချို့လူသားများမှာမှု အနာဂါတ်အတွက် မည်သို့သော ဦးတည်ရည်မှန်းချက်မျှ မချမှတ်ဘဲ ဖြစ်သလို ရင်ဆိုင်ဖြတ်သန်းသွားကြသည်ကို တွေ့နိုင်ပေသည်။ လူဟူသော သက်ရှိဘ၀ကို ရရှိခြင်းသည် ရတောင့်ရခဲ ဒုလ္လဘတစ်ရပ် ဖြစ်ကြောင်း ဘာသာတရား၏အဆုံးအမတွင် အတိအလင်းပါရှိပြီးဖြစ်ပေသည်။ ထိုသို့ ရခဲလှသော လူ့ဘ၀ အခွင့်အရေးကို ရရှိပိုင်ဆိုင်ထားပါလျက် မိမိအနာဂါတ်အတွက်ပင် စီမံကိန်း ကြိုတင်ချမှတ်မထားနိုင်သောသူသည် နိုင်ငံအကျိုး၊ လူမျိုးအကျိုး၊ လောကအကျိုးတို့ကို မည်သို့မည်ပုံ ဆောင်ရွက်ဖြည့်ဆည်းပေးနိုင်ပါမည်နည်း။
ဘ၀တစ်ခုတွင် စွန့်စားခြင်း သို့မဟုတ် စွန့်လွတ်ခြင်းတစ်ခုခုကို ကြုံဖူးကြမည်ဟု ယုံကြည်သည်။ အောင်မြင်ခြင်းနှင့် ဆုံးရှုံးခြင်း ရာခိုင်နှုန်းအနည်းအများ မိမိဘက်မှာ မည်မျှရှိသည်ကို တွက်ချက်တတ်ဖို့လိုသည်။ ရှုထောင့်တစ်ခု အသေကိုင်၍ တွက်ချက်ခြင်းမျိုးကို ရှောင်သင့်ပြီး ဘက်စုံထောင့်စုံမှ အမြင်ရှိဖို့လိုအပ်သည်။ ပရိယာယ်ကြွယ်သော ယနေ့လောကကြီးတွင် အခြားသူများ၏ ဥာဏ်ရည်ဥာဏ်သွေး၊ အတွေ့အကြုံ၊ အတွေးအခေါ် နှင့် အမြင်များသည် မိမိထက်မညံ့နိုင် ဟူသော ခံယူချက်ဖြင့် ပိုမိုမြင်တတ်၊ တွေးတတ်၊ ပြင်ဆင်တတ်လျှင် စွန့်စားမှုအကြောင်း(Risk Factor) ကို အနီးစပ်ဆုံးရရှိနိုင်မည် ဖြစ်သည်။
လူ့သဘာဝမှာ မိမိဘက် သာသာထိုးထိုးစဉ်းစားတတ်ကြသည်။ အကောင်းကို ဗေဒင်ဆရာကဟောလျှင် အဆုံးစွန် အကောင်းထိမျှော်လင့် အိပ်မက်တတ်လေ့ရှိကြသည်။ အဆိုးကို ဟောလျှင်မူ အဆိုးဆုံး အထိ မမျှော်လင့်တတ်ကြပေ။ ပစ္စပ္ပုန်သည် မိမိ၏ အရေးကြီးသော အခင်းအကျင်းဖြစ်၍ တစ်ချိန်ချိန်တွင် ပစ္စပ္ပုန်အဖြစ်ရောက်လာမည့် အနာဂါတ်ကို ကြိုတင်ပြင်ဆင်သင့်သည်။
လူသားများသည် မြတ်နိုးဖွယ်ရာ အကောင်းဆုံးသော အရည်အသွေးတစ်ခုမှာ အကျင့်စရိုက်ကောင်းရှိခြင်းဖြစ်သည်။ စက်ဆုပ်ဖွယ်ရာ အကောင်းဆုံးသော အရည်အသွေးတစ်ခုမှာ အကျင့်စရိုက်ဆိုးခြင်းဖြစ်သည်။ ထို့ကြောင့်လည်း လူတစ်ဦး၏ဘ၀အနာဂါတ်လှပအောင် လွမ်းခြုံပေး နိုင်သော အဆင်တန်ဆာတို့မှာ အကျင့်စရိုက်ကောင်းများဖြစ်၍ လူတစ်ဦး၏ ဘ၀ကို အကျည်းတန်ရုပ်ဆိုး စေအောင် လွှမ်းခြုံပေးနိုင်သော အဆင်တန်ဆာတို့မှာ အကျင့်စရိုက်ဆိုးများ ဖြစ်သည်။ လူတစ်ဦး၏ဘ၀ကို ဆွေးမြေ့ပျက်ယွင်းစေသော အရာတို့မှာ အကျင့်စရိုက်ဆိုးများဖြစ်၍ လူတစ်ဦး၏အနာဂါတ်ဘ၀ကို တိုးတက်ခိုင်ခံ့စေသော အရာတို့မှာ အကျင့်စရိုက်ကောင်းများဖြစ်သည်။
လူသည် လောကဓမ္မသဘာဝတွေကို စဉ်းစားဆင်ခြင်ခြင်းအားဖြင့် ထွင်းဖောက်သိမြင်နိုင်တဲ့ သတ္တ၀ါဖြစ်ခြင်းကြောင့် လူဟာ သတ္တလောကမှာ အမြင့်မြတ်ဆုံးလူဖြစ်ကြသည်။ ဒါပေမဲ့ ကျွန်ုပ်တို့ လောကလူသားတွေသည် မိုက်မဲရူးသွပ်ခြင်းဆီကိုပဲ အဟုန်ပြင်းစွာနဲ့ ရွေ့ရှားနေသည်ကိုသာ တွေ့နေရ သည်။ ရက်စက်ခြင်းတွေ၊ နိုင်လိုမင်းထက်ပြုခြင်းတွေ၊ အယူသီးစွာနှင့် ပြုနေခြင်းတွေ၊ အစွဲဥပါဒါန် ဖုံးလွှမ်း ခြင်းတွေ ၊ တိုးသည်ထက် တိုးလာတာကို တွေ့နေရသည်။
အထက်တွင် ဆိုခဲ့သည့်အတိုင်း လောကကဖန်တီးခဲ့သော သတ္တ၀ါများအနက် လူသည် စဉ်းစားဥာဏ် ရှိသော သတ္တ၀ါများဖြစ်သည်။ အမှန်တကယ် အသိဥာဏ်၊ ဆင်ခြင်ဥာဏ် ရှိမည်ဆိုရင် လူတွေဟာ မိုက်မဲစွာပြုမှုခြင်းမျိုးတွေရှိလိမ့်မည်မဟုတ်ပါ။ ရက်စက်မှု၊ နိုင်လိုမင်းထက်ပြုမှု၊ အယူသီးမှု၊ အစွဲဥပါဒါန်များ၊ မိုက်မဲပြုမူမှုများ ဖုံးလွှမ်းနေသရွေ့ စဉ်းစားပုံစဉ်းစားနည်းတွေဟာလည်း မှားယွင်း ချွတ်ချော်မည်ဖြစ်သည်။ အတွေးအခေါ် မှားယွင်းချွတ်ချော်ရင် အလုပ်တွင်လည်း ချွတ်ချော်နိုင်သည်။ ထိုကြောင့်လည်း ကျွန်ုပ်တို့လူသားများသည် မိမိတို့ အနာဂါတ်ဘ၀ လှပနိုင်စေရန်အတွက် အကျင့်စရိုက်ကောင်းများ၊ လုံလောက်သော ပညာ-အသိ များ၊ ဆင်ခြင်ဥာဏ်များ ရှိမှသာ အနာဂါတ်ဘ၀ကို မားမားမတ်မတ်ရှင်သန်ရပ်တည်နိုင်မည်ဖြစ်သည်။ ထို့ကြောင့် သက်ရှိလူသားသတ္တ၀ါမှန်သမျှ အသိဥာဏ်၊ ဆင်ခြင်ဥာဏ်နှင့် လှပသောဘ၀အနာဂါတ်သစ် များတည်ဆောက်နိုင်ကြပါစေ…………………
ခွန်ချစ်အေး(၆မိုင်)
Like On Facebook
Follow On Twitter
Subscribe On RSS