စုပေါင်းအားဖြင့် မူးယစ်ဆေးဝါးအန္တရာယ်ကို တွန်းလှန်ကြစို့

တောင်ကြီး၊ ၂၀၁၆ ခုနှစ်၊ သြဂုတ်လ (၂၉) ရက်

ပအိုဝ်းဒေသသာမက မြန်မာနိုင်ငံရှိလူငယ်များကို အဓိကခြိမ်းခြောက်နေသည့်ပြဿနာတစ်ခုမှာ မူးယစ်ဆေးဝါး စွဲလမ်းမှုပြဿနာပင်ဖြစ်သည်။ မူးယစ်ဆေးဝါးတိုက်ဖျက်ရေးကို တစ်ထောင့်တစ်နေရာ  အကျိုးပြု လိမ့်မည်ဟု မျှော်လင့်၍ ဤဆောင်းပါးကို ရေးသားလိုက်ပါသည်။
ကျောင်းသားလူငယ်ဆိုသည်မှာ ကျောင်းသွားပြီး ပညာသင်၊ အသိတရားရှာဖွေတဲ့အရွယ်များဖြစ်သည်။ ကျောင်းသားလူငယ်များအနေဖြင့် ပညာသင်နေချိန်တွင် စိတ်အလိုမလိုက်သင့်ပေ။ အဘယ်ကြောင့်ဆိုသော် မကောင်းတဲ့ဘက် စိတ်စွဲလမ်းမိပြီး အကြိမ်ပေါင်းများစွာလုပ်မိလျှင် ပြန်ပြင်ရန်မလွယ်သည်ကို လူငယ်တိုင်း နားလည်သင့်သော လွယ်ကူရိုးရှင်းသော အယူအဆတစ်ခုဖြစ်ပါသည်။
ကျောင်းသားလူငယ်များအနေနှင့် မိမိတို့၏သူငယ်ချင်းများနှင့် ဆေးလိပ်သောက်၊ အရက်သောက်၊ ဘီ ယာသောက်၊ လျောက်လည်နေကြလျှင် အနာဂါတ်တွင် မိမိအတွက်သော် လည်းကောင်း၊ လူမျိုးအတွက်သော် လည်းကောင်း အနည်းငယ်မျှမကောင်းပေ။ အဆိုးဆုံးမှာ မူးယစ်ဆေးဝါးသုံးစွဲလာမှုပင်ဖြစ်သည်။
ကျောင်းသားလူငယ်များသည် အနာဂါတ်တိုင်းပြည်သားကောင်းရတနာများဖြစ်သည့်အတွက် ကျောင်း သားလူငယ်များဘ၀ပျက်လျှင် အနာဂါတ်တိုင်းပြည်ပျက်စီးတော့မည့် အနေအထားဖြစ်သည်နှင့် အတူတူပင် ဖြစ်သည်။  ပအိုဝ်းကျောင်းသားလူငယ်တွေအနေနှင့် ကျောင်းပြီးရင် အမျိုးသားရေးအလုပ်ကို လုပ်သင့်လုပ်ထိုက် လုပ်ရမည့် သမိုင်းပေးတာဝန်ပင်ဖြစ်သည်။ အနာဂါတ်မျိုးဆက်သစ်များအနေနှင့် ယခုကတည်းကပင် အကျင့်ပျက်နေလျှင် နောင်တစ်ချိန်တွင် အမျိုးသားရေးအတွက် ဦးစီးဦးဆောင်လုပ်ဖို့ရန် မလွယ်ကူပါ။ ယခုလက်ရှိ ပအိုဝ်းဒေသတွင် မူးယစ်ဆေးဝါး သုံးစွဲသူ၊ အရက်ဘီယာ ဆေးလိပ် ကွမ်း သောက်သုံးသူများ တစ်နေ့တစ်ခြား ပေါများလာသည်။ အထူးသဖြင့် လူမျိုး၏အနာဂတ်လူငယ်ထုအကြား မကောင်းသည့်ယဉ်ကျေးမှုများ အရှိန်အဟုန်ဖြင့် ထိုးဖောက်ဝင်ရောက်လာသည်မှာ စိုးရိမ်ဖွယ်ရာပင်ဖြစ်သည်။ လူငယ်ဆိုသည်မှာ လူငယ်သဘာဝအတိုင်း စပ်စုလိုစိတ် စူးစမ်းလိုစိတ် အမြဲရှိသည်။ အတုခိုးလွယ်သည်။ ကောင်းသောအရာ တတ်သင့်သောပညာကို အတုခိုးစူးစမ်းစပ်စုလျှင် လူငယ်အတွက် ကောင်းကျိုးဖြစ်ထွန်းနိုင်သော်လည်း မတတ်သင့်သည့်အတတ်ပညာ၊ မစူးစမ်းသင့်သည့် မူးယစ်ဆေးဝါးများကို စူးစမ်းလိုစိတ်ဖြင့်သုံးစွဲမိပါက နောင်တစ်ချိန်တွင် မူးယစ်ဆေးဝါး၏ သားကောင်ဘဝသို့ ကျရောက်သွားတတ်သည်။
မကောင်းမှန်းသိနေသော မူးယစ်ဆေးဝါးကို အဘယ်ကြောင့် သုံးစွဲကြသလောဟု လူငယ်များကို မေးကြည့်လိုက်လျှင် လူငယ်အများစုမှာ “စမ်းသောက်ကြည့် စမ်းသုံးကြည့်တာပေါ့”ဟူ၍သာ တော်တော်များများ ခပ်ပေါ့ပေါ့ပင် ဖြေကြလိမ့်မည်။ လူငယ်တို့၏ပင်ကိုယ် သဘာဝအတိုင်း လူကြီးတွေ ဆေးလိပ်သောက်တာ ရုပ်ရှင်မင်းသားတွေ ဆေးလိပ်သောက်တာ သူတို့သဘောကျသောပုဂ္ဂိုလ်များ မူးယစ်ဆေးဝါးသုံးစွဲသည်ကို အားကျ၍လည်းကောင်း၊ ပတ်ဝန်းကျင်အပေါင်းအသင်းများက မူးယစ်ဆေးဝါးသုံးစွဲ၍ လိုက်တုသောသဘောမျိုးဖြင့် လည်းကောင်း၊ လူငယ်သဘာဝအရ မကောင်းသည့်ဘက်က ပေါ်ပြူလာဖြစ်လိုသော သဘောမျိုးဖြင့်လည်း ကောင်း၊ လူငယ်ဘဝ ကြုံတွေရသည့် အခက်အခဲများ၊ မိသားစုပြဿနာများ၊ မိသားစုတွင်း အဆင်မပြေမှု လိုက်လျောညီထွေမရှိမှုကြောင့် စိတ်ညစ်မှုများ၊ သမီးရည်းစားပြဿနာများကြောင့်လည်း မူးယစ်ဆေးဝါးသုံး စွဲခြင်းကို စိတ်၏ထွက်ပေါက်တစ်ခုအဖြစ် သဘောထားကာ သုံးစွဲလာကြသည်။ နောက်တစ်ချက်မှာ မူးယစ် ဆေးဝါးကို ပအိုဝ်းဒေသတွင်သာမက မြန်မာနိုင်ငံတွင် မည်သည့်ဒေသမဆို အလွယ်တကူ ဝယ်ယူရရှိမှု၊ ဥပဒေ အရ တားမြစ်ထိန်းချုပ်ခြင်း အားနည်းမှုသည်လည်း လူငယ်များကို မူးယစ်ဆေးဝါးသားကောင်များအဖြစ်သို့ တွန်းပို့လျက်ရှိသည်။
မူးယစ်ဆေးဝါးစွဲနေသော လူငယ်တစ်ယောက်သည် ပတ်ဝန်းကျင် မိဘဆွေမျိုးများနှင့် သဟဇာတ မဖြစ်နိုင်တော့ပေ။ ကိုယ်ရည်ကိုယ်သွေးများလည်း ကျဆင်းသည်။ သူနေထိုင်ရာ အရပ်ဒေသ၌ လူအများ၏ ယုံကြည်အားထားခြင်းလည်း မခံရပဲ မူးယစ်ဆေးဝါးသုံးစွဲသည့်အတွက် လူအများ၏ကဲ့ရဲ့ ရှုတ်ချခြင်းလည်း ခံရမည်ဖြစ်သည်။ ကျောင်းသားဆိုလျှင် ကျောင်းမှန်မှန် မတက်နိုင်၊ ကျောင်းတက်လျှင်လည်း စာကိုစိတ်ဝင် စားမှုမရှိ၊ အာရုံးထွေပြားေ၀၀ါး ယောင်လည်လည်ဖြစ်နေမည်ဖြစ်သည်။ အလုပ်သမားဆိုလျှင်လည်း မိမိအလုပ် ကို အာရုံမစူးစိုက်နိုင်သဖြင့် အမှားတွေမကြာခဏလုပ်နေမိကာ ကြာလာသည့်အခါ အလုပ်ပြုတ်ခြင်းများ ကြုံ တွေ့ကြရသည်။ တစ်ချို့မှာ ကျောင်းထုတ်ခံရ၊ အလုပ်ဖြုတ်ခံရသဖြင့် အလုပ်အကိုင်မရှိ၊ အလုပ်အကိုင်မရှိသော ကြောင့် ဝင်ငွေမရှိ၊ ဝင်ငွေမရှိသောကြောင့် မူးယစ်ဆေးဝါး သုံးစွဲချင်သည့်အခါ ရရာနည်းဖြင့် ငွေရှာကြပါတော့ သည်။ ရရာနည်းဖြင့်ငွေရှာခြင်းဆိုရာတွင် သူခိုးဓားပြအစရှိသည့် မကောင်းမှုများကို လုပ်ဆောင်ကြခြင်း၊ တစ် ချို့ကား မိမိဘ၀မည်သို့ပင်ဖြစ်ဖြစ်၊ မိသားစုမည်သို့ပင်ဖြစ်စေ၊ ရပ်ရွာမည်သို့ပင်ဖြစ်စေ မည်သည်မျှနားမလည် တော့ပဲ အခြားအလုပ်မလုပ်ချင်သည့်အခါ မူးယစ်ဆေးဝါးပြန်လည်ရောင်းဝယ်ဖောက်ကားသူအဖြစ် ရောက်ရှိ သွားသော မူးယစ်သားကောင်ဖြစ်သွားသည်လည်းရှိသည်။ ထိုမူးယစ်ဆေးဝါး ရောင်းဝယ်ဖောက်ကားမှု ဖြစ် သွားသောလူတစ်ယောက်သည် သူနေထိုင်ရာ ဒေသ၊ ရပ်ရွာမှာရှိသော လူငယ်များအတွက် အလွန်ပင် အန္တရာယ်များပြားလှပါသည်။ မူးယစ်ဆေးဝါးသုံးစွဲထားသော လူငယ်များသည် များသောအားဖြင့် ရန်လိုမှု၊ အ ရိပ်ကို ရန်သူထင်ကာ မိဘများကိုပင်နားမလည်တော့ပဲ ပြန်လည်ဆဲဆိုရိုက်နှက်ခြင်း၊ တချို့မှာ မိဘများကိုပင် ပြန်သတ်ဖြတ်သည်အထိ မိုက်ရူးရဲကြသည်။ ပုံမှန်လူများထက် မူးယစ်ဆေးဝါးသုံးစွဲသော လူငယ်တို့တွင် ရန်ပွဲ များ၊ ယာဉ်တိုက်မှုများ ပိုမိုဖြစ်ပွားကြသည်။ ပအိုဝ်းဒေသတွင် အရင်ကမဖြစ်ဖူး၊ မကြားဖူးသော ဒုစရိုက်အမှုများ ယခုတစ်လောတွင် ခပ်စိပ်စိပ်ကြားလာရသည်၊ မူးယစ်ဆေးဝါး၏ ဆိုးကျိုးကြောင့်ပင်ဖြစ်ပါသည်။ ကျန်းမာရေးရှု ထောင့်ကကြည့်လျှင်လည်း မူးယစ်ဆေးဝါးကြောင့် ရောဂါပေါင်းစုံရကြသည်။ ကူးစက်ရောဂါများမှအစ ခန္ဓာ ကိုယ်တွင်း အစိတ်အပိုင်းများတွင် ရောဂါပေါင်းစုံဖြစ်ကြသည်။ တောင်လေးလုံးထောင်တွင် ပအိုဝ်းလူမျိုးအများ ဆုံး ရှိနေသည်ဟု ကြားရသည်မှာ လူမျိုးအတွက်အင်မတန်မှ ၀မ်းနည်းဖွယ်ရာ၊ ဂုဏ်သိက္ခာကျဆင်းရာ၊ တိုင်း ရင်းသားလူမျိုးကြားမှာ မျက်နှာငယ်စရာပင်ဖြစ်သည်။
နိုင်ငံတစ်ခု၊ လူမျိုးတစ်စု တိုးတက်လိုလျှင် လူငယ်ထုတို့၏ ကိုယ်ရည်ကိုယ်သွေး ကောင်းမွန်မှု၊ မူး ယစ်ဆေးဝါးကင်းစင်မှုသည် အရေးကြီးသော အဓိကအခန်းတွင် ပါဝင်သည်ဟုထင်မြင်ပါသည်။ မူးယစ်သား ကောင်ပေါများသော နိုင်ငံတစ်နိုင်ငံ၊ လူမျိုးစုတစ်စုတွင် ဒုစရိုက်အမှုအခင်းပေါများမှု၊ ရောဂါထူထပ်မှု၊ အလုပ် လက်မဲ့နှုန်းမြင့်တက်မှုတို့ကြောင့် နိုင်ငံတစ်ခု၊ လူမျိုးစုတစ်စု ဖွံ့ဖြိုးတိုးတက်ရေးကို လုံးဝထိခိုက်စေပါသည်။ ပအိုဝ်းလူမျိုးများအနေနှင့် ပဒေသရာဇ်စနစ်ကို တော်လှန်ခဲ့သည်မှာ နှစ်ပေါင်း(၉၀) ခန့်ရှိနေပြီဖြစ်သည်။ ပဒေသ ရာဇ်အမွေဖြစ်တဲ့ မူးယစ်ဆေးဝါးကို ယနေ့ခေတ်တွင် ထပ်ပြီးပေါ်ပြူလာဖြစ်လာသည်မှာ အဘယ်ကြောင့်နည်း ဆိုသည်ကို ပအိုဝ်းတစ်မျိုးသားလုံးအနေနှင့် အဖြေမှန်ပေါ်ပေါက်အောင် စဉ်းစားတွေးခေါ်ပြီး အမျိုးသားတာဝန် တစ်ရပ်အနေဖြင့် အတူတကွအမြစ်ပြုတ် တိုက်ထုတ်ကြရမည်ဖြစ်သည်။ ၂၀၁၆-ခုနှစ်၊ သြဂုတ်လ(၁၆)ရက်မှ စပြီး ပအိုဝ်းဒေသတစ်ခုလုံး အထူးဒေသ(၆) တိုင်း(၄)တိုင်း(မျင်,မိုရ်;ခမ်း၊ ခွန်ဖြားဗွာခမ်း၊ သူရိယခမ်း၊ စန္တာ;ခမ်း) တို့တွင် ပအိုဝ်းအမျိုးသားတပ်မတော်(P.N.A)၊ (P.N.O) အသွင်ပြောင်းပြည်သူ့စစ်ဌာနေမှ မူးယစ်ဆေးဝါး ပပျောက်ရေး၊ ပညာပေးဟောပြောပွဲနှင့် ပအိုဝ်းပြည်သူလူထုတို့ တွေ့ဆုံပွဲကို ပြုလုပ်နေပြီဖြစ်ကြောင်း ကြားသိရ သဖြင့် အင်မတန်မှ ၀မ်းသာစရာသတင်းဖြစ်ကြောင်း စာရေးသူအနေဖြင့် သုံးသပ်ပါသည်။ ပအိုဝ်းဒေသမူးယစ် ဆေးဝါးပပျောက်ဖို့ရန်မှာ ပအိုဝ်းလူမျိုးတိုင်း သမိုင်းပေးတာဝန်တစ်ရပ်ဖြစ်သည့်အတွက် အားလုံးဝိုင်းဝန်းပူး ပေါင်းဆောင်ရွက်ကာ အမြစ်ပြတ်တိုက်ထုတ်ကြရမည်ဖြစ်ကြောင်း တင်ပြလိုက်ရပါသည်။

ခွန်ခမ်းရာ;၊ တောင်;ကီ,