လူသားတိုင်းတွင်လူဖြစ်စ၊ မွေးကင်းစအရွယ်ကတည်းကပင် တာဝန်အသီးသီး ရှိကြစမြဲဖြစ်သည်။ မွေးကင်းစ အရွယ်ကလေးဘ၀တွင် ဆယ်ကျော်သက်အရွယ်မရောက်ခင် မိမိကိုယ်ကို လူရာဝင်အောင် လူ့ပတ်ဝန်းကျင် နေထိုင်သောပုံစံများကို သင်ယူရမည့် တာဝန်ဝတ္တရားရှိသကဲ့သို့ ဆယ်ကျော်သက် အရွယ်တွင်လည်း မိမိ၏ဘ၀ အတွက် ပညာသင်ရမည့်တာဝန်ကို ဆက်လက်သင်ကြားကြရမည်။ ဆယ်ကျော်သက် အရွယ်တွင်လည်း မိမိ ဘ၀ရှေ့ရေးအတွက် အဆင်ပြေချောမွေ့စေရန် တက္ကသိုလ် ပညာကို အဘက်ဘက်မှတက်မြောက်အောင် ဆက်လက်လေ့လာဆည်းပူးရမည့် တာဝန်ရှိကြသည်။ ထို့အပြင် လူသားတို့၏သမိုင်းပေးတာဝန်နှင့် ဘ၀ပေး တာဝန်ကို ခွဲခြားနိုင်ရန်လိုအပ်ပါသည်။
လူသားတိုင်းသည် ဘ၀ကိုယ်စီနှင့်သမိုင်းကိုယ်စီ ရှိကြသည်။ သို့သော်လည်း တစ်ဦးနှင့် တစ်ဦးအတွေး မတူကြဘဲ ဆင်ခြင်ဥာဏ်ကွဲပြားခြားနားမှုကြောင့် ဘ၀ပေးတာဝန်နှင့် သမိုင်းပေး တာဝန်ကို လူသားတိုင်း မခွဲခြားနိုင်ကြသေးပေ။ ဘ၀ပေးတာဝန်ဆိုသည်မှာ မိမိဘ၀၏အသက် ရှင်သန်နိုင်ရေးအတွက် စားဝတ်နေရေး ပြေလည်အောင် အတတ်ပညာများစွာကို လေ့လာဆည်းပူးရသည့်အပြင် စီးပွားရေးပြေလည်အောင် နေ့စဉ် သွားလာလှုပ်ရှားရုန်းကန်နေရခြင်းကို ဆိုလိုပါသည်။ ဆက်လက်၍ သမိုင်းပေးတာဝန်ဆိုသည်မှာ မိဘဘိုးဘွားများက ပေးခဲ့သော ယဉ်ကျေးမှုအမွေ အနှစ်များနှင့် အမျိုးသားရေးအနေဖြင့် လူမျိုးမပျောက်ကွယ်အောင် မိမိတို့၏ ခေါင်းဆောင်များကြိုးစားခဲ့ သောအရာများကို ဆက်လက် စောင့်ထိန်း ခြင်းကို ဆိုလိုပါသည်။ လူသားတို့သည် ဘ၀ပေးတာဝန်နှင့် သမိုင်းပေးတာဝန်ကို သေချာစွာမခွဲခြားနိုင်ပါက မည်သည့်အရာက ပို၍အရေးကြီးသည်ကို မသိနိုင်ပေ။ လူသားတိုင်းတွင် မိမိအကြောင်းတရားနှင့် ဘ၀ပေးတာဝန်ကိုယ်စီရှိကြသော်လည်း သမိုင်းပေးတာဝန်ကိုပင် မေ့နေကြသူများ အများအပြား ရှိကြနေသည်ကို တွေ့မြင်ရပါသည်။
မိမိသည် ဘ၀ပေးတာဝန်ကို ကျေပွန်စွာမထမ်းဆောင်နိုင်ခဲ့သော်လည်း သမိုင်းပေးတာဝန် ကိုပင် အတတ်နိုင် ဆုံး ကျေပွန်စွာထမ်းဆောင်နေပါသည်ဟု ခံစားအောက်မေ့မိပါသည်။ အဘယ်ကြောင့်ဆိုသော် မိမိဘ၀တွင် သာမာန်လူတန်းစားဘ၀ထက်နိမ့်သော အခြေခံလူတန်းစားဘ၀သမား တစ်ဦးသာဖြစ်ပါသည်။ မိမိ၏ မိသားစုဘ၀အတွက် မိဘကမနိုင်မနှင်း ရုန်းကန်နေကြသော်လည်း မိမိသည်အမျိုးသားနိုင်ငံရေးကို ထမ်းဆောင်လိုသောစိတ် ပြင်းပြနေမိသည်။ အမှန်မှာပင် အမျိုးသား နိုင်ငံရေးကို ထမ်းဆောင်လိုသူသည် အဘက်ဘက်မှ ပြီးပြည့်စုံသည့်သူသာလျှင် ပိုမိုထိရောက် လိမ့်မည်ဟု ထင်မြင်မိပါသည်။
အမျိုးသားနိုင်ငံရေးကို ထမ်းဆောင်ရာတွင် ဂုဏ်ပကာသနများမလိုအပ်ပေ။ သို့သော်လည်း မိမိ၏ဘ၀တွင် မိမိ၏မိသားစုအဆင်ပြေမှသာ အမျိုးသားနိုင်ငံရေးတာဝန်ကို ထမ်းဆောင်သည့်အခါ နောက်ဆံတင်းစရာမလိုပဲ လုပ်ဆောင်နိုင်မည်ဖြစ်သည်။ “No one is perfect” “လောကတွင်ပြီးပြည့်စုံသူဟူ၍မရှိ” ဆိုသည့်အတိုင်း လူ့ဘ၀တွင် တစ်ခုမဟုတ်တစ်ခု၊ တစ်မျိုးမဟုတ် တစ်မျိုး လိုအပ်နေလိမ့်မည်။ မိမိဘ၀တွင်တစ်ခုမက လိုအပ်မှုများ၊ အဆင်မပြေမှုများရှိနေခဲ့သော် လည်း သမိုင်းပေးတာဝန်ကို ယနေ့အချိန်ထိ တာဝန် မလစ်ဟင်းခဲ့ပေ။ မိမိ၏အတွေးအမြင်ထဲတွင် မိမိဘ၀သည် မိသားစုအတွက် အရာမ၀င်ခဲ့သော်လည်း ဘ၀သမားအဖြစ် မိမိခြေထောက်ပေါ် ရပ်တည်ခဲ့ပြီး အမျိုးသားနိုင်ငံရေးတာဝန်ကို တတ်စွမ်းသမျှ ထမ်းဆောင် နေသည်ဟု ယူဆမိပါသည်။
အချုပ်အားဖြင့်ဆိုရသော် လူ့ဘ၀တွင် မပြည့်စုံမှုသည် မိမိကံတရား၊ ရှေးဘ၀ကံတရားကြောင့် သာဖြစ်သည်။ ဤမပြည့်စုံမှုကို အကြောင်းပြပြီး မိမိဘ၀အတွက် အမျိုးသားအတွက် တာဝန်မထမ်းဆောင်နိုင်သည့် စိတ်ဓါတ်များကို ခြေမှုန်းရပါလိမ့်မည်။ လူတစ်ဦးသည် ဘ၀ပေးတာဝန်တွင် အရေးကြီးသကဲ့သို့ သမိုင်းပေး တာဝန်သည်လည်း အရေးပါသောအခန်းကဏ္ဍတစ်ခုပါဝင်နေသည်။ လူသားတို့သည် မိမိဘ၀ကို မိမိချယ်မှုန်း နေသော ပန်းချီကားတစ်ချပ်နှင့်မခြားနားပေ။ လူသားတိုင်းသည် မိမိသမိုင်းကို မိမိသည်သာလျှင် ကမ္ဗည်း ထိုးတတ်ကြသည်။ မိမိအတ္ထုပ္ပတ္တိကောင်းမွန်အောင် “ဘ၀ပေးတာဝန်က အရေးကြီးလော သမိုင်းပေးတာဝန်က အရေးကြီးလော” ဆိုသည်ကို ဆင်ခြင်စေလိုသောကြောင့် ရေးသားတင်ပြရခြင်းဖြစ်သည်။ မိမိသမိုင်းကြောင်းကို ကျောက်ဆောင်ပေါ်တွင် ကောင်းမွန်စွာကမ္ဗည်း ရေးထိုးနိုင်သောလူတစ်ဦးဖြစ်ကြပါစေဟု ဆုတောင်းရင်း နိဂုံးချုပ်အပ်ပါသည်။
မူပေမဲုင်းကောင်
Like On Facebook
Follow On Twitter
Subscribe On RSS