Monday, October 3, 2016

အကျင့်ပျက်ခြစားမှုကို ပြတ်ပြတ်သားသား တိုက်ဖျက်ရန်လိုပြီ

တောင်ကြီး၊ ၂၀၁၆ ခုနှစ်၊ အောက်တိုဘာလ (၃) ရက်


အကျင့်ပျက်ခြစားမှုသည် လူ့အဖွဲ့အစည်းကို ဖျက်ဆီးလျက် ရှိနေပါသောကြောင့် မြန်မာနိုင်ငံတွင် အကျင့်ပျက်ခြစားမှုကို မတိုက်ဖျက်နိုင်သရွေ့ ယခုလက်ရှိအစိုးရမှ ကြွေးကြော်နေသည့် တရားဥပဒေစိုးမိုးမှုနှင့် ကောင်းမွန်သောအုပ်ချုပ်မှုကို ဖော်ဆောင်နိုင်အုံးမည်မဟုတ်ပါ။ အကျင့်ပျက်ခြစားမှုကို မည်ကဲ့သို့ တိုက်ဖျက်ရမည်ကို စဉ်းစားရန် လိုအပ်ပြီဖြစ်ပါသည်။
အကျင့်ပျက်ခြစားမှုတိုက်ဖျက်ရာတွင် တရားဥပဒေစိုးမိုးမှု၊ သန့်ရှင်းသောအစိုးရ၊ ကောင်းမွန်သော အုပ်ချုပ်မှု၊ ပွင့်လင်းမြင်သာမှုနှင့် ပြည်သူလူထုများ ပူးပေါင်းပါဝင်မှု စသည်တို့အားလုံး ထောင့်စုံပါဝင်လာမှသာလျှင် တိုက်ဖျက်မှုအောင်မြင်နိုင်မည်ဖြစ်သည်။ အကျင့်ပျက်ခြစားမှုကို ခေတ်အဆက်ဆက် ခေါင်းဆောင်များက လေးလေးနက်နက် ကိုက်တွယ်ဖြေရှင်းခြင်း မရှိသည့်အတွက် ယနေ့အချိန်တွင် ယင်းပြဿနာသည် ဖြေရှင်းရန် ခက်သည့်အဆင့်သို့ ရောက်ရှိလာရခြင်းဖြစ်သည်။ အကျင့်ပျက်ခြစားမှုသည် နယ်ပယ်ပေါင်းစုံ၊ အလွှာပေါင်းစုံတွင် ပုံစံမျိုးစုံဖြင့် နေရာတကာတွင် ပျံ့နှံ့လျက်ရှိနေသောကြောင့် အစိုးရအနေဖြင့် အကျင့်ပျက်ခြစားမှုကို  ရဲရဲတင်းတင်း တိုက်ဖျက်ဆောင်ရွက်ရန် လိုအပ်ပြီဖြစ်သည်။
ယခုလက်ရှိပညာရေးကဏ္ဍတွင် စာမေးပွဲအောင်နိုင်ရန်အတွက် လာဘ်ပေးခြင်းတို့ကို နေ့စဉ်နှင့်အမျှ တွေ့မြင်နေရလျက်ရှိပါသည်။ အချို့သော ပုဂ္ဂိုလ်များသည် ဆရာသမားများကိုကန်တော့ခြင်း၊ လက်ဆောင်ပစ္စည်းများပေးခြင်း စသည်တို့ကို ဆောင်ရွက်ကြလျက်ရှိကြသော်လည်း ဤသည်ကို ဓလေ့ထုံးတမ်းအစဉ်အလာ ဟူ၍သာ ခံယူတတ်ကြသည်။ ကြိမ်ဖန်များလာပါက ဤအရာသည် အကျင့်ပျက်ခြစားမှုသို့ ဦးတည်လာပြီး အချိန်အခါကြာလာသည်နှင့်အမျှ တိုက်ဖျက်ရန် ခက်ခဲသော အတားအဆီးတစ်ခုဖြစ်လာသည်။ လူကြီးများ လာဘ်မယူရန်နှင့် အောက်ခြေများမှလည်း လာဘ်မပေးရန်  အထူးလိုအပ်ပါသည်။ ၀န်ထမ်းများ လာဘ်ပေးလာဘ်ယူမှု မရှိစေရန် လုံလောက်သည့် လစာငွေခံစားခွင့်များကို နိုင်ငံတော်ဘက်မှ ပံ့ပိုးပေးရမည်ဖြစ်သည်။ သို့မှသာ ပညာရေးနှင့်အတူ အကျင့်သီလပိုင်းပါ သင်ယူတတ်မြောက်လာမည်ဖြစ်သည်။ ကျောင်းသား/သူများကို အကျင့်သီလကောင်းမွန်အောင် သင်ကြားပေးခြင်းသည် အနာဂတ်ခေါင်းဆောင်များကို အကျင့်ပျက်ခြစားမှုကင်းစေရန် ပြုလုပ်ပေးခြင်းဖြစ်သည်။ ထို့ကြောင့် အကျင့်ပျက်ခြစားမှုကင်းစင်ရေးကို စာသင်ခန်းမှ စတင်၍ နိုင်ငံတော်အဆင့်အထိရောက်ရှိနိုင်မည်ဖြစ်သည်။
အကျင့်ပျက်ခြစားခြင်းကို အစိုးရအနေဖြင့် ရဲရဲတင်းတင်း ကိုင်တွယ်ရန် အထူးလိုအပ်နေပြီဖြစ်သည်။ ပြည်သူလူထုများလည်း ပါဝင်လာစေရန် လုပ်ဆောင်ရပါမည်။ ပြည်သူလူထု မပါဝင်သည့် ကာလပတ်လုံး တိုက်ဖျက်မှု အောင်မြင်မည်မဟုတ်ပါ။ အကျင့်ပျက်ခြစားမှုသည် မြန်မာ့လူ့အဖွဲ့အစည်းတွင် ဓလေ့ထုံးတမ်းအစဉ်အလာတစ်ခုကဲ့သို့ စွဲမြဲနေပြီးဖြစ်၍ အစိုးရအနေဖြင့် ပြတ်ပြတ်သားသား ဆောင်ရွက်ရန် လိုအပ်ပြီဖြစ်သည်။ ယခုလက်ရှိအစိုးရမှ ၎င်းတို့ စတင်တာဝန်ထမ်းဆောင်ချိန်မှစ၍ အကျင့်ပျက်ခြစားမှု(Corruption)ကို အဓိကထား ဆောင်ရွက်ခဲ့သော်လည်း ယခုအလက်ရှိအချိန်တွင် သက်ဆိုင်ရာအစိုးရဌာနအချို့၌ အသေးစား အကျင့်ပျက်ခြစားမှုများကို တွေ့မြင်နေရဆဲဖြစ်သည်။ ယာဉ်စည်းကမ်းလမ်းစည်းကမ်းထိန်းသိမ်းရေး ရဲတပ်ဖွဲ့များအနေဖြင့်လည်း ယာဉ်လမ်းစည်းကမ်းများ မလိုက်နာသည့် မော်တော်ယာဉ်များကို ဥပဒေနှင့်အညီ ပွင့်ပွင့်လင်းလင်း အရေးယူဆောင်ရွက်ရန်လိုသည်။
ခြုံငုံသုံးသပ်ရလျှင် အကျင့်ပျက်ခြစားမှုသည် မြန်မာ့နယ်ပယ်အတွင်းရှိ လူမှုအဖွဲ့အစည်း များအားလုံးကို ကူးစက်ရောဂါသဖွယ် ကြီးမားစွာ ပျံ့နှံ့ကူးစက်လျက်ရှိပါသည်။ မြန်မာ့ယဉ်ကျေးမှုအရ ဟူသော မျက်နှာဖုံးကို တပ်ဆင်ပြီး အကျင့်ပျက်ခြစားသူများလည်း ပေါများပြီး လာဘ်ပေးလာဘ်ယူမပါပါက အလုပ်မဖြစ်၊ အလုပ်မပြီးဘဲ ဒုက္ခဖြစ်နေရပါသည်။ မည်သို့ပင် ဆိုစေကာမူ အစိုးရအနေဖြင့် အကျင့်ပျက်ခြစားမှုကို ရဲရဲတင်းတင်း၊ ပြတ်ပြတ်သားသား ကိုယ်တွယ်ရန် လိုအပ်ပြီဖြစ်ပြီး အကျင့်ပျက်ခြစားသူများကို ဥပဒေအရ အရေးယူဆောင်ရွက်ရန် လိုအပ်ပြီဖြစ်သည်။ သို့မှသာလျှင် အစိုးရမှ ကြွေးကြော်ထားသည့် တရားဥပဒေစိုးမိုးမှု၊ ကောင်းမွန် သောအုပ်ချုပ်မှု၊ သန့်ရှင်းသောအစိုးရ၊ ပွင့်လင်းမြင်သာမှု စသည်တို့ကို အကောင်အထည်ဖော်နိုင် မည်ဖြစ်သည်။ သို့ဖြစ်၍ အကျင့်ပျက်ခြစားမှုကို အစိုးရမှ ပြတ်ပြတ်သားသား ဆောင်ရွက်ရန်နှင့် ပြည်သူများမှ ပူးပေါင်းပါဝင်ကြရန်  တိုက်တွန်းရေးသားလိုက်ပါသည်။

Kka Sp
Powered by Blogger.