ပအိုဝ်းအမျိုးသမီးခေါင်းဆောင်မှု သင်တန်းဖွင့်လှစ်

တောင်ကြီး၊ ၂၀၁၆ ခုနှစ်၊ နိုဝင်ဘာလ (၂၄) ရက်

၂၀၁၆၊ နိုဝင်ဘာ (၂၄)ရက်၊ တောင်ကြီးမြို့ရှိ၊ ပအိုဝ်းအမျိုးသားဘက်စုံဖွံ့ဖြိုးရေးကွင်း ခန်းမကြီးတွင် ပအိုဝ်းအမျိုးသမီးအဖွဲ့(PWO) နှင့် ပအိုဝ်းအမျိုးသားဘက်စုံဖွံ့ဖြိုးရေးသင်တန်းကျောင်းတို့ ပူးပေါင်း၍ ပအိုဝ်းအမျိုးသမီး ခေါင်းခေါင်းဆောင်မှုသင်တန်းဖွင့်ပွဲအခမ်းအနားကို ပြုလုပ်ခဲ့ပါသည်။
အခမ်းအနားတွင် ပအိုဝ်းအမျိုးသားဘက်စုံဖွံ့ဖြိုးရေးသင်တန်းကျောင်းတာဝန်ခံ ဆရာစောခွန်ကျော်ဝင်းမှ ပအိုဝ်းသမိုင်းအကျဉ်းနှင့် သင်တန်းကျောင်း ပေါ်ပေါက်လာရခြင်းအကြောင်းကို ပြောကြားခဲ့ပြီး  ပအိုဝ်းအမျိုးသမီးအဖွဲ့(ဗဟို)ဥက္ကဋ္ဌ စင့်မွိုးမွံတို့မှ အမှာစကားပြောကြားကာ သင်တန်းမှူး ခွန်ရဲအောင်မှလည်း သင်တန်းဖွင့်လှစ်ရခြင်း၏ ရည်ရွယ်ချက်ကို ပြောကြားခဲ့ပါသည်။
ပအိုဝ်းအမျိုးသမီးများ ထက်ထက်မြက်မြက်ရှိလာဖို့နှင့် ပအိုဝ်းဒေသအတွင်း ဖွံ့ဖြိုးရေးလုပ်ငန်းများမှာ ပအိုဝ်းအမျိုးသမီးများအနေဖြင့် စွမ်းစွမ်းတမံ ပါဝင်လုပ်ဆောင်နိုင်အောင် ရည်ရွယ်၍ ဤသင်တန်းကို ဖွင့်လှစ်ခြင်းဖြစ်ပါကြောင်းကိုလည်း စင့်မွိုးမွံမှ ပြောကြားခဲ့ပါသည်။
ဤသင်တန်းတွင် သင်ကြားသော ဘာသာရပ်များမှာ - presentation Skill၊ ပအိုဝ်းလူမျိုးသမိုင်းနှင့် စာပေသမိုင်း၊ ပအိုဝ်းတော်လန်ရေးသမိုင်း၊ ငြိမ်းချမ်းရေးရယူခြင်းမှတ်တမ်းများ၊ မမေ့အပ် မပျောက်ကွယ် သင့်သော ပအိုဝ်းရိုးရာဓလေ့ထုံးတမ်းများ၊ အမျိုးသမီးခေါင်းဆောင်မှု၊ ရုံးပိုင်းဆိုင်ရာ စာရေးနည်းများ၊ GENDER၊ အမျိုးသမီးအဆင့်အတန်း ၊ CEDAW- အမျိုးသမီးများအား နည်းမျိုးစုံဖြင့် ခွဲခြားထားမှု အားလုံးပပျောက်ရေး သဘောတူစာချုပ်၊ ပျော်ရွှင်သော ဘ၀တည်ထောင်နည်း၊ အဖွဲ့ဖွဲ့စည်းတည်ဆောက်ပုံ၊ အဖွဲ့အစည်းဆိုင်ရာ စီမံခန့်ခွဲရေးတို့ ဖြစ်ပါသည်။
ဤသင်တန်းတွင် တောင်ကြီးမြို့ အနီးတ၀ိုက်မှ သင်တန်းသူ (၇၀)ဦး တက်ရောက်ပြီး သင်တန်းဆရာ(၉)ဦးဖြင့် သင်ကြားပါသည်။ သင်တန်းကို နိုဝင်ဘာ(၂၄)မှ (၂၈)ရက်နေ့ထိ (၅)ရက်တိုင်တိုင် သင်ကြားပေးသွားမည် ဖြစ်ပါကြောင်း သတင်းရရှိပါသည်။

ခွန်စုထူးယံ (ဟိုနမ်း)