လူတိုင်းသည် အသက်ရှင်နေထိုင်နေသရွေ့ မတူညီသောအလုပ်အမျိုးမျိုးကို လုပ်ကိုင်ကြရမည်ဖြစ်ပြီး ထိုသို့မိမိတို့၏ အသက်မွေးဝမ်းကျောင်းအတွက် အလုပ်တစ်ခုလုပ်ပြီိဆိုလျှင်မိမိကိုယ်ကိုယုံကြည်မှုနှင့် တိကျပြတ်သားပြီး ခိုင်မာသည့်ဆုံးဖြတ်ချက်ချမှတ်နိုင်မှသာလျှင် မိမိလိုချင်သော အောင်မြင်မှု ပန်းတိုင်သို့ ရောက်ရှိနိုင်မည်ဖြစ်သည်။ မိမိတို့လုပ်သည့်အလုပ်အပေါ်ယုံကြည်မှုအပြည့်မရှိလျှင် အခက်အခဲအနည်းငယ်တွေ့ရုံဖြင့် စိတ်ဓာတ်ကျကာ နောက်ဆုတ်သွားတတ်ကြသည်။
အချို့လူများသည် မိမိတို့အောင်မြင်မှုလမ်းကြောင်းကိုလျှောက်နေစဉ် ဘေးပတ်ဝန်းကျင်တို့၏စကားကြောင့် ဆက်မသွားဘဲ လမ်းတစ်ဝက်မှာပင် နောက်ပြန်လှည့်ခဲ့ကြသည်ကို တွေ့မြင်နေရပါသည်။ ထိုသို့ ဖြစ်ရခြင်းမှာဆုံးဖြတ်ချက်မခိုင်သောကြောင့်ဖြစ်ပါသည်။ အောင်မြင်မှုရရန်ကြိုးစားနေစဉ်တွင် အများတကာ၏စကားကိုလိုက်ယောင်နေမည်ဆိုလျှင် အောင်မြင်မှုနောင့်နှေးသွားနိုင်ပါသည်။ အများအားဖြင့်လူများသည် ကိုယ်တိုင်ကိုယ်ကျ မည်သည့်အရာကိုမျှ အလေးအနက်ထား၍ မလုပ်ဆောင်ဘဲ သူတစ်ပါးအောင်မြင်လျှင် ကံကောင်းခြင်းဖြစ်သည်ဟု ဆိုတတ်ကြပါသည်။ မိမိမအောင်မြင်မှုသည် အစဉ်တစိုက်ကံဆိုးခြင်းကြောင့် ဖြစ်သည်ဟုထင်မြင်ယူဆကြပါသည်။
ပျော့ညံ့ပြီးမိမိကိုယ်ကိုယုံကြည်မှုမရှိသောသူတိုင်းသည် မည်သည့်အခါမှခေါင်းဆောင်ကောင်းတစ်ယောက် ဖြစ်လာနိုင်မည်မဟုတ်ပေ။ မိမိတို့သွားမည့်လမ်းကို ပြတ်ပြတ်သားသားနှင့် ယုံကြည်မှုရှိရှိဖြင့် ရွေးချယ်ရမည်ဖြစ်ပြီး စိတ်နှစ်ခွမဖြစ်သင့်ပေ။ မိမိပတ်ဝန်းကျင်မှ လူများသည် မိမိတို့ဘာလုပ်နေသည်ဆိုသည်ကို စောင့်ကြည့်နေကြမည်ဖြစ်သည်။ ထို့ကြောင့်မိမိ၏စိတ်ဓါတ်နှင့် အသိဉာဏ်ကို စံပြဖြစ်အောင် မွေးမြူရမည်ဖြစ်သည်။ အမြင့်သို့ ရောက်သွားသော ခေါင်းဆောင်ဟူသမျှသည် အခက်အခဲပေါင်းများစွာနှင့် လောကဓံဆိုးများစွာကို ရင်ဆိုင်ဖြေရှင်း ဖြတ်သန်းသွားနိုင်သည့်အတွက်ကြောင့် ထိပ်တန်းတစ်နေရာသို့ရောက်ရှိခဲ့ကြသူများသာဖြစ်သည်။
အောင်မြင်မှုအဘယ်ကြောင့်မရရှိသည်မှာ ကြောက်နေသည့်ကြောက်စိတ်ကြောင့် ရှင်လျက်နှင့်သေနေကြသည်။ ထိုကြောက်စိတ်ကြောင့် ဆုံးရှုံးမှုကိုဖြစ်စေသည်။ ထိုဆုံးရှုံးမှုကြောင့် ဆင်းရဲမှုကို ဖြစ်စေပြန်သည်။ မိမိနှင့်ထိုက်တန်သည့် အခွင့်အရေးသစ်သည် မိမိ၏မျက်စိရှေ့မှောက်တွင် ရောက်နေသော်လည်း အောင်မြင်မည် မဟုတ်ဟု အဖျက်စိတ်ဝင်ရောက်နှောက်ယှက်ကာ ရှေ့ဆက်မသွားဘဲ နောက်ဆုတ်သွားတတ်ကြသည်။ မိမိ၏တက်လမ်းကို မိမိကိုယ်တိုင်ပင် ပိတ်ပစ်လိုက်ကြသည်ပင်ဖြစ်သည်။ ထို့ကြောင့် စိတ်ကူးယဉ်မျှော်မှန်းချက်ကို လက်တွေ့အကောင်အထည်ဖော်နိုင်ရန်အတွက် ခိုင်မာသည့်ဆုံးဖြတ်ချက်နှင့် မိမိကိုယ်ကိုယုံကြည်မှုသည် အရေးကြီးပါသည်။
ခိုင်မာသည့်ဆုံးဖြတ်ချက်သည် လက်တွေ့ကျခြင်းနှင့် ဆန့်ကျင်ဘက်မဟုတ်ပါ။ ဥပမာ - အရက်ဖြတ်မည်၊ ကွမ်းဖြတ်မည်ဆိုသည့် လူတစ်ယောက်သည် အရက်မြင်၊ ကွမ်းမြင်မည်ဆိုလျှင် မစားမသောက်ဘဲ နေနိုင်မည် မဟုတ်ပေ။ ၎င်းသည် ခိုင်မာသည့်ဆုံးဖြတ်ချက်မရှိသောကြောင့်ဖြစ်သည်။ ခိုင်မာသည့် ဆုံးဖြတ်ချက်သည် အောင်မြင်မှုရရှိရန်အတွက် အတားအဆီးမှန်သမျှကို ဖျက်ဆီးပစ်နိုင်သည့်စွမ်းအားရှိသည်။ မိမိ၏မျှော်လင့်ချက်ကို မည်သည့်အကြောင်းကြောင့်နှင့်မှ အပျက်အစီးမခံသင့်ပေ။ မနက်ဖြန်သည် ယနေ့ထက်ကောင်းရမည်ဆိုသည့် စိတ်ကိုမွေးမြူထားရပါမည်။ မနေ့ကကိုယ်မလုပ်နိုင်သည့်အရာကို ဒီနေ့လုပ်နိုင်ရမည်။ ကိုယ်ကြိုးစားခဲ့သော်လည်း မအောင်မြင်ခဲ့သောအရာကို ခိုင်မာသောဆုံးဖြတ်ချက်နှင့်မိမိကိုယ်ကိုယုံကြည်မှု အဖြစ်ရရှိရန်သင်ခန်းစာတစ်ရပ် အနေဖြင့် အကြိမ်ကြိမ်ပျက်စီးသည့်ကြားမှ မပျက်စီးသည့်မျှော်လင့်ချက် ထားရှိခြင်းသည် အမှန်တကယ်စစ်မှန်သော ခိုင်မာသည့်ဆုံးဖြတ်ချက်ပင်ဖြစ်သည်။ ထို့ကြောင့် မိမိအနေဖြင့် ဖြစ်အောင်လုပ်မည်ဆိုသည့်အရာကို အမှန်တကယ်ဖြစ်အောင်လုပ်ရန်အတွက် ခိုင်မာသည့်ဆုံးဖြတ်ချက်ကိုမွေးမြူထားသင့်ပါသည်။ ထိုခိုင်မာသော ဆုံးဖြတ်ချက်သည် မိမိဘဝတစ်ခုလုံးအတွက် မိတ်ဆွေကောင်းများနှင့် အတူစိတ်ချမ်းသာပျော်ရွှင်မှုများကို ရရှိစေမှာအမှန်ပင်ဖြစ်သည်။
မိမိတွင်စိတ်ကူးယဉ်မျှော်မှန်းချက်မည်မျှပင်ကြီးမားစေကာမူ ခိုင်မာသည့်ဆုံးဖြတ်ချက်မရှိလျှင် သင်သည် အမှန်တကယ် အောင်မြင်မှုကို ရရှိမည်မဟုတ်ပေ။ ခိုင်မာသည့်ဆုံးဖြတ်ချက်နှင့် မဆုတ်မနစ်ကြိုးစားသူများသာလျှင် အောင်မြင်နိုင်ပါသည်။ အောင်မြင်သူနှင့် မအောင်မြင်သူများ၏ အကြီးမားဆုံးကွာခြားချက်မှာ အောင်မြင်သူသည် ဆုံးဖြတ်ချက်ချပြီးလျှင် ခိုင်ခိုင်မာမာနှင့် မရရအောင်ကြိုးစားလုပ်ကိုင်တတ်သည်။ တောင်ထိပ်သို့တက်သည့် လူတစ်ယောက်သည် တောင်ထိပ်ကိုမရောက်ဘဲလမ်းတစ်ဝက်က လှည့်ပြန်လျှင် အောင်မြင်သော တောင်တက်သမားတစ်ယောက် ဖြစ်လာမည်မဟုတ်ပေ။ အခက်အခဲအတားအဆီးမျိုးစုံကို ကျော်လွှားပြီး တောင်ထိပ်ကို ရောက်အောင်တက်ရပါလိမ့်မည်။
ထို့ကြောင့် မိမိတို့၏ရည်မှန်းချက်ပန်းတိုင်တစ်ခုအတွက်အောင်မြင်မှုရရှိရန် ရင်ဆိုင်ရမည့် မည်သည့် အခက်အခဲများကိုမဆို မိမိကိုယ်ကိုယုံကြည်မှုအပြည့်ဖြင့် အခက်အခဲများကိုရင်ဆိုင်ကျော်လွှားရမည်ဖြစ်သည်။ အဘယ်ကြောင့်ဆိုသော် မိမိကိုယ်ကိုယုံကြည်မှုသည် အောင်မြင်မှုအတွက်ခိုင်မာသည့်ဆုံးဖြတ်ချက်ချမှတ်နိုင်ခြင်း ကြောင့်ဖြစ်သည်။ ခိုင်မာသည့်ဆုံးဖြတ်ချက်ချမှတ်နိုင်ရန် အဓိကတွန်းအားတစ်ရပ်သည် မိမိကိုယ်ကိုယုံကြည်မှု အပြည့်ရှိရန်လိုအပ်လှပါသည်။
ခြဲုင်းမူ;ပေ
(စန္တာ;ခမ်း)
Like On Facebook
Follow On Twitter
Subscribe On RSS