သရက်ပင်နှင့် လူသား

တောင်ကြီး၊ ၂၀၁၇ ခုနှစ်၊ ဇန်န၀ါရီလ (၂၆) ရက်

သမိုင်းတစ်လျှောက်စစ်ဖြစ်တိုင်း အနိုင်ရရှိခဲ့သည့် ဂျပန်သည် ဒုတိယကမ္ဘာစစ်အပြီးတွင် စစ်ရှုံးပြီး ပြာပုံဘ၀သို့ ရောက်ရှိခဲ့ရသည်။ စစ်အတွင်း သန်သန်မာမာ၊ ထောင်ထောင်မောင်းမောင်း ယောက်ျားများ သေဆုံးခဲ့ပြီး ဂျပန်၏ စီးပွားရေးသည်လည်း သုညသို့ ရောက်ရှိခဲ့ရသည်။ သို့သော်လည်း ဂျပန်တို့ စစ်ရှုံးခဲ့သည်များကို မေ့ဖျောက်ပြီး လွမ်းမနေ၊ ဆွေးမနေပဲ ရှေ့သို့ ခရီးဆက်ကြသည်။ အဘယ်ကြောင့်ဆိုသော် ဤကဲ့သို့ လွမ်းနေ၊ ဆွေးနေပြီး မည်သည့်အရာမှ ထမလုပ်ပါက ငတ်တော့မည်ဖြစ်သည်။ ထို့ကြောင့် စိတ်ညစ်စရာများကို မေ့ဖျောက်ဘေးချိတ်ပြီး လုပ်စရာရှိသည်များကို ကြိုးကြိုးစားစား ပြန်လည်လုပ်ဆောင်လာခဲ့ပြီး ရုန်းထခဲ့ကြသည်။ ထိုကဲ့သို့ ကြိုးစားလုပ်ဆောင်လာသည်နှင့်အမျှ ဂျပန်တို့ တစ်စတစ်စအောင်မြင်လာသည်။ ဂျပန်နိုင်ငံများ၏ ဈေးကွက်အတွင်းသို့ ဂျပန်ထုတ်ကုန်များ တစ်ဟုန်ထိုး ၀င်ရောက်လာသည်။ စစ်အပြီး နှစ်(၂၀)ခန့်အကြာတွင် ဂျပန်တို့၏ အောင်မြင်မှုသည် အမေရိကန်ဦးဆောင်သည့် အနောက်တိုင်းနိုင်ငံများ၏ စီးပွားရေးကို ရင်ဘောင်တန်းလာခဲ့ပြီး အနောက်တိုင်းများထိတ်လန့်ကြရသည်။ ယခုအချိန်တွင် ကမ္ဘာ့စီးပွားရေးအင်အားအကြီးဆုံးနိုင်ငံများအနက် တစ်နိုင်ငံအပါအ၀င် ရောက်ရှိလာသည်။ ဤသည်များသည် ဂျပန်တို့၏ အလျင်လိုစိတ်များကြောင့်ဖြစ်သည်။

အစ္စရေးနိုင်ငံသည် သဲကန္တရနိုင်ငံဖြစ်သည်။ သစ်ပင်များ ပေါက်ရောက်ရန်နှင့် စိုက်ပျိုးရန်မလွယ်ပေ။ ရေချိုမရှိ ရေငံသာရှိသည်။ နိုင်ငံအတွက် ရေချိုရရှိနိုင်သော အရင်းအမြစ်သည် ချောင်းသာသာပင်ရှိသည်။ အဆိုပါချောင်းသည်ပင် ဂျော်ဒန်နိုင်ငံနှင့် မျှသုံးရသည်။ ပူပြင်းခြောက်သွေ့သော ရာသီဥတုကြောင့် သဘာဝအရ စိုက်ပျိုးနိုင်သည့်နေရာသည် နိုင်ငံ၏ ငါးပုံတစ်ပုံခန့်သာရှိသည်။ သို့သော်လည်း အစ္စရေးတို့ စိတ်ဓါတ်မကျ ကြိုးစားအားထုတ်ကြသည်။ ထိုသို့ပင် ကြိုးစားလာကြရာ ယနေ့အချိန် အစ္စရေးတို့၏ စိုက်ပျိုးရေးကဏ္ဍသည် တစ်ဘက်ကမ်းခတ်သွားသည်။ အငန်ဓါတ်ပါသည့် ရေဖြစ်ပင် အထွက်ကောင်း၊ အရသာကောင်းသည့်အပင်များ စိုက်ပျိုးနိုင်အောင် တီထွင်ဆန်းသစ်လာကြသည်။ လယ်ယာစိုက်ပျိုးရေးနည်းပညာတွင် ကမ္ဘာ့ထိပ်တန်းအဆင့် ရောက်ရှိသွားသည့်အတွက် အခြားနိုင်ငံများမှပင် လာရောက်လေ့လာသင်ယူရသည့်အထိ ဖြစ်လာသည်။

ဒုတိယကမ္ဘာစစ်အပြီး တောင်နှင့်မြောက် ကိုရီးယားနှစ်ခြမ်းကွဲပြီး မြောက်ကိုးရီးယား၏ရန်ကို ကြောက်သောကြောင့် တောင်ကိုးရီးယားနိုင်ငံသားများ ခပ်မြန်မြန်အလုပ်လုပ် အားထုတ်ခဲ့ကြသည်။ ထိုကဲ့သို့ မရပ်မနား ကြိုးစားအားထုတ်မှုကြောင့် တောင်ကိုးရီးယားစီးပွားရေးသည် ကမ္ဘာ့အဆင့်ဝင် စီးပွားရေးဖြစ်ခဲ့ပြီဖြစ်သည်။ တောင်ကိုးရီးယားနိုင်ငံထုတ် တက်ပ်ဘလက် ကွန်ပျူတာဖြစ်သည့် SAMSUNG GALAXY သည် အမေရိကန်နိုင်ငံထုတ် Apple ipad ၏ ဈေးကွက်ကို သူတစ်ပြန် ကိုယ်တစ်ပြန် ယှဉ်လုနေပြီဖြစ်သည်။ တောင်ကိုးရီးယား၏ ယဉ်ကျေးမှုများသည် အရှေ့တောင်အာရှ တစ်ခွင်တွင် နေရာယူလာပြီး လွမ်းမိုးလာနေသည်။ ဤသည်များကို မြောက်ကိုးရီးယား၏ ရန်ကို ကြောက်ပြီး နိုင်ငံသားများအားလုံး စည်းလုံးမှုရှိရှိနှင့် ကြိုးစားအားထုတ်လာကြခြင်းဖြစ်သည်။

အထက်ဖော်ပြပါ အောင်မြင်သော နိုင်ငံများ၊ လူမျိုးများအားလုံးသည် သဘာဝမှ ပေးအပ်သည့် လက်ဆောင်မွန်များနှင့် ကင်းဝေးခဲ့ကြသည့်အပြင် ရန်သူများ ၀ိုင်းနေခဲ့သော်လည်း ဒုတိယကမ္ဘာစစ်အပြီး ဆယ်စုနှစ်အနည်းငယ်တွင် ကမ္ဘာ့ထိပ်သီးစီးပွားရေးနိုင်ငံများအဆင့်သို့ တဟုန်ထိုး တိုးတက်သွားသည်ကို အတုယူစရာပင်ဖြစ်သည်။

အမှန်စင်စစ်လျှင် အစ္စရေးနိုင်ငံတွင် သစ်ပင်စိုက်ရန်မလွယ်။ မြက်ပေါက်ရန်ပင် အထူးဂရုစိုက် စိုက်ပျိုးနေရချိန်၌ မြန်မာနိုင်ငံတွင် သစ်စေ့ကို ပစ်ထားလျှင်ပင် အပင်ပေါက်နိုင်သည်။ ရေချိုမြစ်သည်လည်း အာရှတွင် အကြီးဆုံးစာရင်းဝင်မြစ်များကို ပိုင်ဆိုင်ထားသည်။ အခြားသော မြစ်ငယ်များလည်းများစွာ ပိုင်ဆိုင်ထားသည်။ သို့သော် မြန်မာနိုင်ငံ၏ ဖွံ့ဖြိုးမှုသည် နောက်ကျကျန်နေပြီး ဖွံ့ဖြိုးဆဲနိုင်ငံအဆင့်တွင်သာ တည်ရှိနေဆဲပင်ဖြစ်သည်။ လယ်ယာထွက်ကုန်ဖြစ်သည့် ဆန်စပါးသည်လည်း နောက်မှတက်လာသည့် ဗီယက်နမ်၏နောက် ခမ်းလှမ်းလှမ်းတွင် ကျန်ခဲ့ပြီဖြစ်သည်။ စားပြီးပစ်ထားသော သရက်စေ့သည် အလိုလို သရက်ပေါက်ပင်ဖြစ်လာခြင်းသည် မြန်မာနိုင်ငံ၏ ရေခံ၊ မြေခံ ကြွယ်ဝခြင်းကို သက်သေထူနေပါသည်။ သို့သော် မြန်မာနိုင်ငံသည် ကျန်ခဲ့မြဲ ကျန်ခဲ့ဆဲ ဖြစ်သည်။ အဘယ်ကြောင့်နည်း။ နိုင်ငံတစ်ခု ဖွံ့ဖြိုးခြင်း၊ မဖွံ့ဖြိုးခြင်းကို ဆုံးဖြတ်နိုင်သည့် အကြောင်းအရာများစွာ ရှိသော်လည်း လူသာအဓိကဖြစ်သည်။ လူတွင်လည်း စိတ်ဓါတ်သာ အဓိက ဖြစ်သည်။ စာဖတ်သူ ကာယကံရှင်လူသားအပေါင်းတို့၏ စိတ်ဓါတ်များ မပြောင်းနိုင်သေးသရွေ့ စိုက်ပျိုးရန်မလိုပဲ သရက်ပင် အလိုလိုပေါက်ရောက်နေသော မြန်မာနိုင်ငံ၏ ရေ၊ မြေသည် အခြားသောနိုင်ငံများ၏နောက်ခပ်လှမ်းလှမ်းမှာသာ ငေးကြည့်နေရအုံးမည်ဖြစ်သည်။

(2012 ဇေယျသူ၏ ဆောင်းပါးကို ပြန်လည်ကောက်နုတ်ဖော်ပြ)
Kka Sp