စိတ်ကူးဖြင့် ရွှေရောင်အနာဂတ်ဆီသို့

တောင်ကြီး၊ ၂၀၁၇ ခုနှစ်၊ ဇန်န၀ါရီလ (၂၇) ရက်

စိတ်ကူးစိတ်သန်းသည် မေ့လွယ်ပျောက်လွယ်သောသဘောရှိသည်။ ယခုခဏလေးစိတ်ကူးမိသည်။ တော်ကြာပျောက်သွားသည်။ သူ့နေရာမှာ နောက်အတွေးတစ်ခု အစားဝင်လာသည်။ စိတ်ကူးစိတ်သန်းကောင်းရလိုက ဝင်လာသည့်အတွေးစကို အမိအရဖမ်းကာ ၎င်းကို ဖွံ့ဖြိုးအောင်ချဲ့ထွင်ပွားများတတ်ဖို့လိုပေသည်။

နည်းပညာတိုးတက်နေသည့် ဤခေတ်ကြီးတွင် စိတ်ကူးစိတ်သန်းများ လွင့်ပြယ်မသွားမီ အလျင်အမြန် မှတ်တမ်းတင်ရန်အတွက်မှတ်စုစာအုပ်ငယ်များကို တွင်တွင်ကျယ်ကျယ် သုံးစွဲနေကြခြင်းဖြစ်၏။ “စကားတစ်လုံးရေးထားလိုက်မိရင် လုံလောက်တယ်”ဟူ၍ မာကိုနီကုမ္ပဏီမှ ပီတာစမစ်က ဆိုသည်။ ကျန်းမာရေးအတွက် အပြေးလေ့ကျင့်ခန်း မှန်မှန်လုပ်သည့် ပုဂ္ဂိုလ်ကြီးများ ထဲမှ တချို့ဆိုလျှင်ပြေးရင်းရလာသည့် အကြံဉာဏ်များကို မှတ်တမ်းတင်နိုင်ရန်အတွက် မှတ်စုစာအုပ်ငယ်များ အိတ်ထဲထည့်သွားတတ်ကြသည်။ တစ်နေရာရာမှာရှိခိုက် စိတ်ကူးဉာဏ်ပေါ်၍ ကောက်မှတ်စရာ စာရွက်၊ ဘောပင်မရှိဘူးဆိုလျှင် အတော်ပျာယီးပျာယာပင် ဖြစ်သွားတတ်ကြသည်ဟုဆိုသည်။ ဤသို့ဖြစ်ခြင်းသည်တကယ့်စိတ်ကူးကောင်းတွေ မှတ်မထားလိုက်မိသဖြင့် ပျောက်ပျက်သွားရာမှ ရလာသည့် အလေ့အကျင့်ဖြစ်သည်။ သည်အလေ့အကျင့်တွေ ထွန်းကား ရှင်သန်နေပုံကို ကြည့်လျှင်ပင် လုပ်ငန်းလောက၏ ခေါင်းဆောင်များ၌ အလိုအလျောက်လျှပ် တစ်ပြက်ပေါ်လာသည့် စိတ်ကူးစိတ်သန်းများသည် ၎င်းတို့၏စည်းရုံးစီစဉ်မှုစွမ်းရည်များထက် မည်မျှတန်ဖိုးရှိကြောင်း သိသာနိုင်သည်။ လျှပ်တစ်ပြက်စိတ်ကူးများအနက် ညအိပ်ရာဝင်ချိန်ပေါ်လာသည့် စိတ်ကူးများ၊ ‘တစ်ရေးနိုးသော် အကြံပေါ်’ဆိုသည်မျိုး ညကြီး၊ မင်းကြီးစိတ်ကူးမိသည်များ စသည်တို့မှာ မှတ်သားရန် ခက်ခဲတတ်ကြသည်။ သို့သော် တစ်ချို့ပုဂ္ဂိုလ်များသည် မှတ်စုစာအုပ်ကို အသုံးမပြုဘဲ ကိုယ့်မှတ်ဉာဏ်ကိုပင် စိတ်ချအားကိုးအားထားကြသူများလည်းရှိသည်။ ကိုယ့်မှတ်ဉာဏ်ကိုပင် ယုံစားအားကိုးခြင်းကလည်း လက်ယာဦးနှောက်ခြမ်းစွမ်းရည်ဖွံ့ဖြိုးရှင်သန်နေသည့် လက္ခဏာတစ်ရပ်ပင်ဖြစ်သည်။ ညဘက်က အတွေးသည် မနက်မျက်နှာသစ်ချိန် သို့မဟုတ် ရေချိုးချိန်တွင်သော်လည်းကောင်း၊ နေ့လယ်ပိုင်းတွင် အကြောင်းတစ်ခုခုနှင့် ဆက်စပ်၍သော်လည်းကောင်း ပြန်ပေါ်လာတတ်သည်။

စိတ်ကူးကို ဖမ်းယူရာ၌ လုပ်ငန်းအကြီးအကဲများကြား ကွဲပြားသည့်သဘာဝရှိကြသည်။ သို့သော် စိတ်ကူးများကို စက္ကူကတ်နှင့် မှတ်တမ်းတင်သည်ဖြစ်စေ၊ မှတ်ဉာဏ်ကိုပဲအားကိုးသည် ဖြစ်စေ၊ အရေးကြီးသည်က လျှပ်တစ်ပြက်အတွေးများ ဘယ်အချိန် ဘယ်လိုပေါ်လာတတ်သည်ကို သိရှိကာ ယင်းတို့ကို ပြန်လည်ဖမ်းယူရန် နည်းလမ်းရှာဖွေရင်းနှင့် ရွှေရောင်အနာဂတ်ကိုဖန်တီးတတ်ရန် အရေးကြီးပါသည်။

ခေါင်းဆောင်စိတ်၊ ခေါင်းစိတ်အတွေး(ကိုးကားချက်)  
ခမ်းစန္တာ;ပအိုဝ်;မူ;ပေ;