ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံးရှိ ဥပဒေရေးရာဌာနမှ ဦးဆောင်ကျင်းပ၍ ဥပဒေပညာပေးသင်တန်းကို ၂၀၁၇ ခုနှစ်၊ ဇန်န၀ါရီလ(၂၈)ရက်၊ စနေနေ့၊ တောင်ကြီးမြို့နယ်၊ ဖက်ကွန်ကျေးရွာအုပ်စု၊ ဖက်ကွန်ဓမ္မာရုံတွင် ပြုလုပ်ကျင်းပခဲ့ပါသည်။
အဆိုပါ သင်တန်းဖွင့်ပွဲတွင် ဖက်ကွန်ကျေးရွာအုပ်စု အုပ်ချုပ်ရေးမှူး ဦးခွန်ကျော်တင်မှ အမှာစကားပြောကြားပြီး ဆက်လက်၍ သင်တန်းဖွင့်လှစ်ရခြင်း၏ ရည်ရွယ်ချက်ကို ဗဟိုဌာနချုပ်ရုံး၊ ဥပဒေရေးရာဌာန ခွန်ဆက်အောင်နှင့် နန်းစိန်တို့ ရှင်းလင်းတင်ပြကြပါသည်။ ထိုသို့ ဥပဒေပညာပေးသင်တန်းကို မြန်မာနိုင်ငံ၏ တရားဥပဒေစိုးမိုးမှုကို တစ်ဖက်တစ်လှမ်းမှ အထောက်အကူပြုစေရန်၊ ဌာနဆိုင်ရာနှင့် မိမိတို့အဖွဲ့အစည်းရင်းရင်းနှီးနှီး လုပ်ငန်းအတူတကွ လုပ်ဆောင်ရန်နှင့် ဌာနဆိုင်ရာမှ လုပ်ငန်းဆောင်ရွက်မှုကို လုပ်ထုံးလုပ်နည်းများ သိရှိရန်၊ လူ့လောကအတွင်း ကြုံတွေ့ရတတ်သော ပြဿနာများကိုတရားသောနည်းဖြင့် ကူညီဆောင်ရွက်ပေးရန်နှင့် ရိုးရာဓလေ့ထုံးတမ်းတရားစီရင်ရေး မပျောက်ပျက်အောင် ထိန်းသိမ်းနိုင်ရန် ရည်ရွယ်၍ ဖွင့်လှစ်ရခြင်းဖြစ်ကြောင်းသိရှိရသည်။
နဂါ့ခွန်
Like On Facebook
Follow On Twitter
Subscribe On RSS