လောကတွင်လူဖြစ်လာသည့်အခါ မိမိတို့၏စားဝတ်နေရေးအတွက် အဆင်ပြေစွာဖြင့် ကြီးပွားချမ်းသာမှုကို ပုထုဇဉ်လူသားတိုင်းလိုချင်ကြပါသည်။ ''မွဲချင်သည် ဆင်းရဲသည့် လူဖြစ်ချင်သည်''ဟု မည်သည့်ပုဂ္ဂိုလ်တစ်စုံတစ်ဦးမှ ဆုတောင်းမည်မဟုတ်ပါ။ ကြီးပွားချမ်းသာရန်အတွက် လူသားများသည် မတူညီသောလုပ်ငန်းများ နေ့စဉ်နေ့တိုင်းလုပ်ကိုင်ပါသော်လည်း ဆင်းရဲသထက် ပိုဆင်းရဲလာခြင်း၊ အမြင့်ဆုံးသို့မရောက်သော်လည်း အလယ်အလတ်အဆင့်သို့ရောက်ရှိခြင်း၊ ကြီးပွားချမ်းသာခြင်းစသည့် အလွှာပေါင်းစုံတို့ကို တွေ့မြင်ရမည်ဖြစ်ပါသည်။ လူတိုင်းကြီးပွားချမ်းသာရမည်ဟု မိမိမဆိုလိုပါ။ သို့သော် ယခုမြတ်ဗုဒ္ဓ၏ လမ်းစဉ်များနှင့်အညီလုပ်ကိုင်လျှင် အမြင့်ဆုံးသူဌေးသူကြွယ်အဆင့် မရောက်သည့်တိုင်အောင် စားဝတ်နေရေးအဆင်ပြေသည့် အလယ်အလတ်အဆင့်အောက် မရောက်နိုင်ဟု မိမိယုံကြည်ပါသည်။
မြတ်ဗုဒ္ဓဟောကြားသော တရားတော်တို့တွင် လောကီချမ်းသာ၊ လောကုတ္တရာချမ်းသာတို့ကို ဟောတော်မူခဲ့ပါသည်။ ယခုဘ၀တွင်လည်းကောင်း၊ နောင်ဘ၀တွင်လည်းကောင်း နိဗ္ဗာန်ချမ်းသာ ရသည်အထိကို လောကုတ္တရာချမ်းသာ၊ ယခုလက်ရှိဘ၀တွင် လူမှုရေး၊ စီးပွားရေး၊ ပညာရေးကဏ္ဍတို့တွင် မည်သို့မည်ပုံ လိုက်နာကျင့်ကြံလျှင် ကောင်းကျိုးရမည်ဟု ဟောကြားထားသည်ကို စာပေဗဟုသုတ လေ့လာသူတိုင်း အသိပင်ဖြစ်ပါသည်။
အောင်မြင်ကြီးပွားလိုသူတိုင်း ဆောင်ထားရန်အချက်များမှာ- (၁) ထကြွမှုလုံ့လ၀ိရိယရှိခြင်း (၂) ထိန်းသိမ်းစောက်ရှောက်ခြင်း (၃) မိတ်ဆွေကောင်းရှိခြင်း (၄) မျှတသောနေထိုင်မှုရှိခြင်း တို့ဖြစ်ပါသည်။ ထကြွမှုလုံ့လ၀ိရိယရှိခြင်ဆိုသည်မှာ မည်သည့်လုပ်ငန်းများကိုမဆို နိုးကြားတက်ကြွမှု လုံ့လ၀ိရိယရှိရန် အလွန်လိုအပ်ပါသည်။ လုံ့လ၀ိရိယမရှိလျှင် လုပ်ငန်းတိုးတက်ဖို့နေနေသာသာ ရှိပြီးသားအရာများသည်ပင် ဆုတ်ယုတ်နိုင်ပါသည်။ ထိန်းသိမ်းစောင့်ရှောက်ခြင်းဆိုသည်မှာ လုံ့လ၀ိရိယထားပြီး ကြိုးစားရှာဖွေထားသော စည်းစိမ်ဥစ္စာတို့ကို ပျက်ဆီးမှု၊ ပျောက်ဆုံးမှု၊ ဆုံးရှုံးမှုများမရှိစေရန်နှင့် နည်းနိုင်သမျှနည်းအောင် ထိန်းသိမ်းစောင့်ရှောက်ရမည်ဖြစ်ပါသည်။ ဤနေရာ၌ အထူးပြောကြားလိုသည်မှာ မိမိတို့လူမျိုးအများစုမှာ တောင်ယာလုပ်ငန်းများကို လုပ်ကိုင်ကြသည့်အားလျော်စွာ တစ်နှစ်ပတ်လုံးရှာဖွေထားသော ပစ္စည်းဥစ္စာတို့ကို စီမံခန့်ခွဲထိန်းသိမ်းစောင့်ရှောက်ရာ၌ အလွန်အားနည်းသည်ကို တွေ့ရှိရပါသည်။ ရှာဖွေထားသော ငွေကြေးတို့ကို အရက်သေစာမူးယစ်ဆေးဝါးများကြောင့် ''အိတ်ပေါက်နှင့်ဖားကောက်သလို" အဖြစ်များနေသည်ကို မိမိပတ်ဝန်းကျင်မှအစ နေရာတကာတွင် ၀မ်းနည်းစွာတွေ့ရှိရပါသည်။ မြတ်ဗုဒ္ဓဟောကြားချက်တွင် မိမိရှာဖွေထားသော ပစ္စည်းဥစ္စာတို့ကို လေးပုံပုံပြီး နှစ်ပုံကိုအနာဂါတ်အတွက် လုပ်ငန်းထဲတွင်ရင်းနှီးမြှပ်နှံပါ။ တစ်ပုံကို စားဝတ်နေရေးအတွက်ထားပါ။ တစ်ပုံကို မိမိ၏ကျန်းမာရေးအတွက် ထားရှိရန် မြတ်ဗုဒ္ဓမှ စီမံခန့်ခွဲမှုနည်းလမ်းကို ဟောတော်မူခဲ့ပါသည်။
မိတ်ဆွေကောင်းရှိခြင်း- လောကတွင်မည်သည့်ပုဂ္ဂိုလ်မဆို အလုပ်တစ်ခုပြီးမြောက်အောင်မြင်အောင် မိမိအားပံ့ပိုးကူညီမည့် မိတ်ဆွေကောင်းသည် အလွန်အရေးကြီးပါသည်။ မျှတသောနေထိုင်မှု- မိမိကြိုးစား၍ ရှာဖွေထားသော စည်းစိမ်ဥစ္စာတို့ကို အကျိုးရှိစွာအသုံးပြုခံစားနိုင်ရန်မှာ ကျန်းမာရေး ကောင်းမွန်ရန် လိုအပ်ပါသည်။ လုပ်ငန်းများကို နေ့မနားညမနားဘဲလုပ်ပါများလျှင် ကျန်းမာရေးထိခိုက်ပြီး မိမိရှာဖွေထားသော ဥစ္စာတို့ကို မိမိမခံစားရဘဲ တစ်ပါးသူအတွက်သာ ဖြစ်သွားနိုင်ပါသည်။ မိမိခန္ဓာကိုယ်ကို စားချိန်၊ အိပ်ချိန်၊ နားချိန်များကို မျှတနေထိုင်ရပါမည် သို့မှသာလျှင် မိမိရှာဖွေထားသော စည်းစိမ်ဥစ္စာများကို ကျန်းမာစွာဖြင့် ခံစားရပြီး မိမိအကျိုး၊ မိသားစုအကျိုး၊ ဘာသာသာသနာအကျိုးတို့ကို သယ်ပိုးနိုင်မည်ဖြစ်ကြောင့် တင်ပြလိုက်ရပါသည်။
ခွန်ကျော်သန်း
Like On Facebook
Follow On Twitter
Subscribe On RSS