Monday, January 9, 2017

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်၊ ဆိုက်ခေါင်-မိုက်တီး-နမ့်ပေါ်လိတ်ကျေးလက်လမ်းဖွင့်

တောင်ကြီး၊ ၂၀၁၇ ခုနှစ်၊ ဇန်န၀ါရီလ (၉) ရက်

















စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေး ဦးစီးဌာနနှင့် ဂျာမန်ဖွံ့ဖြိုးရေးဘဏ် (KfW) တို့ပူးပေါင်းဆောင်ရွက်သည့် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်၊ ဆိုက်ခေါင်-မိုက်တီး-နမ့်ပေါ်လိတ်ကျေးလက်လမ်းဖွင့်ပွဲကို ဇန်န၀ါရီလ (၈) ရက် နံနက် (၈)နာရီခွဲက ဆိုက်ခေါင်ကျေးလက်လမ်းပိုင်းအစ မုခ်ဦးရှေ့၌ ကျင်းပကြောင်းသိရသည်။

ဆိုက်ခေါင်-မိုက်တီး-နမ့်ပေါ်လိတ်ကျေးလက်လမ်းကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်၊ အရှေ့ပိုင်းတိုင်းစစ်ဌာချုပ်တိုင်းမှူး ဗိုလ်ချုပ်ဝင်းမင်းထွန်း၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူးချုပ် (KfW Guaff မှ Consulant) တို့က ဖဲကြိုးဖြတ်ဖွင့်လှစ်ပေးကြသည်။ 

ဆက်လက်၍ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူမှ ကမ္ဗည်းကျောက်စာအား အမွေးနံသာရည်ပက်ဖျန်းပေးကြပြီး၊ အမှတ်တရဓါတ်ပုံရိုက်၍ ကျေးလက်လမ်းအားလှည့်လည်ကြည့်ရှုကြသည်။

အဆိုပါ ဆိုက်ခေါင်-မိုက်တီး-နမ့်ပေါ်လိတ်ကျေးလက်လမ်းသည် ၂၀၁၆-၂၀၁၇ ဘဏ္ဍာနှစ်ကုန်ကျစရိတ် (၁.၈)သန်းဖြစ်ပြီး၊ လမ်းအရှည်မှာ (၉)မိုင် (၄) ဖာလုံအကျယ်(၂၁) ပေ ကတ္တရာကျောက်ချောလမ်းဖြစ်ကြောင်း သိရှိရသည်။ 

ထို့နောက်ကျန်းမာရေးနှင့်အားကစားဝန်ကြီးဌာနနှင့်(3MDG)တို့ ပအိုဝ်းကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့နယ် အတွင်းပူးပေါင်းဆောင်ရွက်သည့် မိုက်တီးကျေးရွာကျေးလက်ကျန်းမာရေးဌာနခွဲဖွင့်ပွဲကို ပြည်နယ်တရားလွှတ်တော်တရားသူကြီးချုပ် ဦးကြွယ်ကြွယ်၊ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်၊ ပြည်နယ်ပြည်သူ့ကျန်းမာရေးဦးစီးဌာနမှူး ဒေါက်တာစိုးဦး၊ အမျိုးသားလွှတ်တော်ကိုယ်စားလှယ် ဦးခွန်သိန်းဖေ၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ အလုပ်အမှုဆောင် (လူမှုရေး)ဦးခွန်မောင်ပယ် တို့က ဖဲကြိုးဖြတ်ဖွင့်လှစ်ပေးကြသည်။ အဆိုပါ မိုက်တီးကျေးရွာ ကျေးလက်ကျန်းမာရေးဌာနခွဲ အဆောက်အဦးနှစ်လုံး၏ ကုန်ကျငွေ (၇၃၀) သိန်းဖြစ်ကြောင်းသိရသည်။

၎င်းနောက် အမှတ်တရဓါတ်ပုံရိုက်ကူးကြပြီး၊ ပြည်ထောင်စုဝန်ကြီး၊ ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဋ္ဌနှင့် တာဝန်ရှိသူတို့က ကျေးလက်ကျန်းမာရေးဌာနခွဲအား လှည့်လည်ကြည့်ရှုကြပြီး၊ နယ်စပ်ရေးရာဝန်ကြီးဌာန၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာနနှင့် နီးပွန်ဖောင်ဒေးရှင်း တို့ပူးပေါင်းဆောင်ရွက်သည့် ပအိုဝ်းကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့နယ်၊ ကုန်းဆွတ်ကျေးရွာအုပ်စု၊ မမုံ့ဆုံ အလယ်တန်းကျောင်း(ခွဲ) ကျောင်းဆောင်သစ်ဖွင့်ပွဲကို ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးစိုးမိုးအောင်၊ ပြည်နယ်ဘဏ္ဍာရေးဝန်ကြီး ဦးစိုင်းရှဲန်တစ်လုံ၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဋ္ဌ ဦးခွန်စံလွင်၊ ဆီဆိုင်မြို့နယ် ပြည်သူ့လွှတ်တော်ကိုယ်စားလှယ် ဦးခွန်သန်းထူး၊ (PNO)ဌာနေပြည်သူ့စစ် ကွပ်ကဲရေးမှူး၊ နီပွန်ဖောင်ဒေးရှင်း စေတနာအဖွဲ့မှ တာဝန်ရှိတို့က ဖဲကြိုးဖြတ်ဖွင့်လှစ်ပေးကြသည်။

ဆက်လက်၍ အမှတ်တရ သစ်ပင်များကို ပြည်ထောင်စုဝန်ကြီး၊ ပြည်နယ်ဝန်ကြီးချုပ်၊ ပြည်နယ်လွှတ်တော် ဥက္ကဋ္ဌ၊ အရှေ့ပိုင်းတိုင်းစစ်ဌာနချုပ်တိုင်းမှူး၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဌ လွှတ်တော် ကိုယ်စားလှယ်များ၊ နီပွန်ဖောင်ဒေးရှင်း စေတနာအဖွဲ့တို့မှ စိုက်ပျိူးပေးကြပြီး ကျောင်းဆောင်သစ်အား လှည့်လည်ကြည့်ရှုကြသည်။ အဆိုပါ မမုံ့ဆုံ အလယ်တန်းကျောင်း(ခွဲ) သည် ပေ(၁၂၀x၃၀) တစ်ထပ်ကျောင်းဆောင် အုတ်နံရံ ကွန်ကရစ်ကြမ်းခင်းအလူဇင့်သွပ်မိုး၊ ၅ ခန်းတွဲ၊ ရေလောင်းအိမ်သာ ၁လုံး၊ (၃x၃x၃.၅) ပေအရွယ် ရေလှောင်ကန်(၂) ကန်၊ ကျောင်းစာရေးခုံနှင့်ထိုင်ခုံ( ၅၀) ခုံ၊ ဆရာ/ဆရာမ စားပွဲခုံနှင့် ထိုင်ခုံ(၅) ခုံ၊ သင်းပုန်း(၅) ချပ်ဖြစ်ပြီး နီပွန်ဖောင်ဒေးရှင်းမှ ပံ့ပိုးငွေကျပ် (၄၂၇၆၈၄၁) ကျပ်၊ ဒေသခံပြည်သူများမှ ပူးပေါင်းပါဝင်ငွေကျပ်( ၁၀၂၆၁၆၅၀)ကျပ်၊ စုစုပေါင်းဆောက်လုပ်ရေးကုန်ကျငွေကျပ် (၅၂၇၃၈၄၉၁) သိန်းဖြစ်ကြောင်းသိရသည်။

ယင်းနောက် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်အတွင်း ပူးပေါင်းဆောင်ရွက်သည့် စုပေါင်းဖွဲ့ကို မွေတော်နမ့်စစ်ဘုရားဝင်းတွင် ကျင်းပရာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူနှင့် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်တို့က အမှာစကားပြောကြားပြီး( KfW Guaff မှ Consulant) Mr.Andry Docurs က လမ်းဖောက်လုပ်ခြင်းနှင့် ပတ်သက်၍ ရှင်းလင်းတင်ပြကာ နီပွန်ဖောင်ဒေးရှင်း ဒေါ်အေးအေးသန်းမှ ကျောင်းဆောင်သစ်ဖွင့်လှစ်ပေးခြင်း ရည်ရွယ်ချက်အား ရှင်းလင်းပြောကြားသည်။

၎င်းနောက် (3MDG)စီမံကိန်းလုပ်ငန်းများနှင့် ပတ်သက်၍ ပြည်နယ်ပြည်သူ့ကျန်းမာရေး ဦးစီးဌာနမှူး ဒေါက်တာစိုးဦး မှ ရှင်းလင်းကာ၊ ဒေသခံပြည်သူများကိုယ်စား ဦးခွန်ကြည်မှ ကျေးဇူးတင်စကားပြန်လည်ပြောကြားပြီး ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၏ဇနီးဒေါ်နန်းရွှေမြင့်မှ မမုံ့ဆုံကျောင်းအတွက် ဗလာစာအုပ်ဒါဇင် (၁၀၀) ပေးအပ်၍ ဖွင့်ပွဲ အထိမ်းအမှတ်လက်ဆောင်ပစ္စည်းများကို ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ အလုပ်အမှုဆောင်(စီမံ)ဦးခွန်လှသိန်းမှ ပြည်ထောင်စုဝန်ကြီး၊ ပြည်နယ်ဝန်ကြီးချုပ်၊ ပြည်နယ်လွှတ်တော် ဥက္ကဋ္ဌ၊ Mr.Andry Docurs တို့ကိုပေးအပ်ပြီး အမှတ်တရဓါတ်ပုံရိုက်ကူးကြကြောင်းသိရှိရသည်။

မောင်မောင်သန်း( တောင်ကြီး)

Powered by Blogger.