ရှမ်းပြည်နယ်တောင်ပိုင်း၊ အထူးဒေသ(၆)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ် စငေါကျေးရွာအုပ်စု၊ စငေါကျေးရွာ အခြေခံပညာအထက်တန်းကျောင်း(ခွဲ)တွင် ဂျပန်နိုင်ငံမှ JAMAHA အဖွဲ့ဝင် အလှူရှင်များဖြစ်သော Mr. KEI MATSUURA, MITAKE Co.,Ltd နှင့် ဒေသခံပြည်သူများ ပူးပေါင်း ပါဝင်ဆောက်လုပ်ခဲ့သော မူလတန်းကြို ကျောင်းဆောင်သစ်( ၄၀×၃၀×၁၅)ကို ပညာရေးဌာနသို့ လွှဲပြောင်း ပေးအပ်ပွဲ ကျင်းခဲ့ပါသည်။
အဆိုပါအခမ်းအနားတွင် ဂျပန်နိုင်ငံမှ JAMAHA အဖွဲ့ဝင်အလှူရှင်များသော Mr. KEI MATSUURA, MITAKE Co.,Ltdမှ ဖဲကြိုးဖြတ်ဖွင့်လစ်ပေးကာ ဟိုပုံးမြို့နယ် မြို့နယ်အုပ်ချုပ်ရေးမှူးနှင့် ပညာရေးမှူး ကိုယ်စားလှယ်တစ်ဦးမှ အဖွင့်အမှာစကားပြောကြားခြင်း၊ ကျေးရွာနှင့် အလှူရှင်တို့ဆောက်လုပ်ထားသော ကျောင်းဆောင်သစ်အား ပညာရေးဌာနသို့ လွှဲပြောင်းပေးအပ်ခဲ့ရာ JAMAHA အလှူရှင်အဖွဲ့မှ ကျောင်းဆောင်သစ်အတွက်နှင့် ကျောင်းသား/သူများအတွက် သင်ထောက်ကူပစ္စည်းလှူဒါန်းခဲ့ပါသည်။
ထို့အပြင် အလှူရှင်တို့၏ မွန်မြတ်လှစွာသော စေတနာသဒ္ဒါတရားကို ဂုဏ်ပြုသောအနေဖြင့် စငေါ အ.ထ.က(ခွဲ) ကျောင်းသား/သူများမှ တိုင်းရင်းသားအကများဖြင့် ဖော်ကျူးကပြခဲ့ပြီး ဒေသခံမိဘပြည်သူများ(၂၀၀)ကျော်တက်ရောက်ခဲ့ကြောင်းသိရှိရပါသည်။
နယ်;ကူ - ခွန်ဗီး
Like On Facebook
Follow On Twitter
Subscribe On RSS