ပအိုဝ်းဒေသတွင် ဖွင့်လှစ်ပေးလျက်ရှိသော နောင်တောင်း ပရဟိတပညာရေးကျောင်းနှင့် လုံးကောင်(ပညာဥယာဉ်) ပရဟိတပညာရေးကျောင်းတို့၏ လိုအပ်ချက်များကို ဖြေရှင်းနိုင်ရန် ရည်ရွယ်ပြီး (Miss Myanmar International) အလှမယ် နန်းခင်ဇေယျာနှင့် ပအိုဝ်းအဆိုတော်များစွာပါဝင်သော ပရဟိတကျောင်းအတွက် ရံပုံငွေရှာ စတိတ်ရှိုးပွဲကို ၂၀၁၇ခုနှစ်၊ ဧပြီလ(၂)ရက်၊ တနင်္ဂနွေနေ့၊ ပအိုဝ်းအမျိုးသားဘက်စုံဖွံ့ဖြိုးတိုးတက်ရေး(ဒဲဉ်သီးဗွေ)ခန်းမကြီးတွင် ပြုလုပ်သွားမည်ဖြစ်ကြောင်း သိရှိရသည်။
အဆိုပါ စတိတ်ရှိုးပွဲတွင် နန်းခင်ဇေယျာနှင့်အတူ ပအိုဝ်းဟာသအဆိုတော် ခွန်စောင်းဝဲင်း၊ ခွန်ဘာဂျနှင့် လူငယ်အကြိုက် အဆိုတော်များဖြစ်သော ခွန်ထွန်းဖြူ၊ ခွန်ရရက်၊ ခွန်ငယ်လင်း၊ Kမင်းသစ်၊ ခွန်ကောင်ရွေ၊ နင်းရက်ပဲင်တို့ ပါဝင်မည်ဖြစ်ကြောင်း သိရှိရသည်။
ရှိုးပွဲကို (၂-၄-၂၀၁၇)ညနေ ၆း၀၀ နာရီတွင် စတင်မည်ဖြစ်ပြီး အဆိုပါ ရှိုးပွဲကို လက်မှတ်ရောင်းချသွားမည်မဟုတ်ဘဲ ပွဲလာကြည့်သူများအနေဖြင့် ပရဟိတကျောင်းရံပုံငွေအတွက် မိမိစေတနာအလျောက် အလှူငွေထည့်ဝင်လှူဒါန်းနိုင်ကြောင်း သိရှိရပါသည်။
နဂါ့ခွန်
Like On Facebook
Follow On Twitter
Subscribe On RSS