မိမိသည် မိမိဒေသသို့ လူမှုရေးကိစွဖြင့်သော်လည်းကောင်း၊ မွေးရပ်ဇာတိသို့ပြန်သောအခါ၌ သော်လည်းကောင်း လမ်းဘေးဝဲ/ယာတွင်ရောင်းရန် အကွက်ရိုက်ထားပြီး ဧကပေါင်းမြောက်များစွာသော မြေကွက်/ယာကွက်များကို မိမိအနေဖြင့် ဝမ်းနည်းစွာတွေ့ရှိရပါသည်။ တောင်ကြီး၊ ကျောက်တလုံး၊ ဟိုပုံး၊ ဆီဆိုင်၊ ပင်လောင်း- ကားလမ်းတစ်လျှောက်ရှိ ထိုဧကပေါင်းများစွာသော မြေကွက်များသည် ရောင်းပြီးသည့်အကွက်များရှိသလို၊ မရောင်းရသေးသည့်အကွက်များလည်း ရှိပါသေးသည်။
အပေါ်ယံဘက်ကြည့်လျှင် မိမိပိုင်ဆိုင်သော ပစ္စည်းဥစ္စာ/ခြံမြေများကို မိမိစိတ်ကြိုက်စီမံခန့်ခွဲခွင့်ရှိပါသည်။ ညီနောင်တိုင်းရင်းသားများထံမှမကြာခဏ ပြောကြားချီးမွမ်းခြင်းခံရသော (ပအိုဝ်းဒေသမှာ ငြိမ်းချမ်းရေးရဲ့အကျိုးကျေးဇူးကြောင့် အစစအရာရာတိုးတက်လာပြီ) ဟူသောစကားပင်ဖြစ်သည်။ မိမိအနေဖြင့် ထိုစကားသည် မှန်သင့်သလောက်မှန်သော်လည်း တချို့တစ်ဝက်တွင်မမှန်ပါ။ အဘယ်ကြောင့်ဆိုသော် ပအိုဝ်းလူမျိုးများပိုင်ဆိုင်သော ခြံမြေများသည် ဘာသာခြား/လူမျိုးခြားများ၏ လက်ထဲသို့ ရောက်လို့ရောက်မှန်းမသိ ဖြစ်ပေသည်။ မိမိအနေဖြင့် အိမ်၊ ခြံမြေများကို မိမိလူမျိုးအချင်းချင်းကိုသာ ရောင်းဝယ်စေလိုပါသည်။ မည်သည့်လူမျိုး၊ မည်သည့်ဘာသာကိုရောင်းရောင်း ခင်ဗျားအပူပါသလားဟု မေးလာခဲ့သည်ရှိသော် မိမိအနေဖြင့် မပူပင်သော်လည်း မိမိတစ်ဘဝစာ စားဝတ်နေရေး၊ ဇိမ်ခံကားများ ဝယ်စီးရန်အတွက် ရောင်းမည်ဆိုပါက ပအိုဝ်းလူမျိုးတို့၏အနာဂါတ်အတွက် ပူရပါလိမ့်မည်။
ထို့အပြင် ခြံမြေရောင်းပြီး ရရှိလာသောငွေကြေးသည် မိမိတစ်သက်စာအတွက်လုံလောက်မည်လော၊ လုံလောက်သော်ငြား မိမိ၏အနာဂါတ် ရင်သွေးငယ်သားသမီးများအတွက် လောကလူဘုံအလယ်တွင် သိက္ခာရှိစွာမည်ကဲ့သို့ နေထိုင်ရမည်နည်း။ မိမိကြားဖူးသော အလွန်အဖိုးတန်သည့်စကားပုံကို တင်ပြရမည်ဆိုလျှင် ( ဟံးမဉ်းတအဲဉ်ထ၀်း ထွာလိုစင်း၊ ခမ်းမဉ်းတအဲဉ်ထ၀်း ထွာလိုထဉ်း)ဟူသောစကားပင် ဖြစ်ပါသည်။ မရောင်းရဟု မဆိုလိုပါ၊ သို့သော် ဝယ်သောသူသည် ဘယ်လိုလူစားမျိုးလဲ၊ ဘာသာခြား/လူမျိုးခြားလား ထိုမြေကွက်ကို ရောင်းရခြင်းကြောင့် အနာဂါတ်မိမိ၏ဒေသ ရပ်ရွာပတ်ဝန်းကျင်တို့တွင် လူမှုရေးကိစ္စ၊ ဘာသာရေးကိစ္စ၊ ဓလေ့ထုံးတမ်းဆိုင်ရာစသည့်ကိစ္စရပ်များဆောင်ရွက်ရာတွင် ကောင်းကျိုး/ ဆိုးကျိုးများ မည်ကဲ့သို့ ဖြစ်လာနိုင်ချေရှိသည်ကိုလည်း မြေကွက်ဝယ်/ရောင်းသူများအနေဖြင့် အစဉ်သတိပြုရန် လိုအပ်ပါသည်။ မြေပွဲစားများအနေဖြင့် ပအိုဝ်းလူမျိုးပိုင်မြေကွက်များကို ဘာသာခြား၊ လူမျိုးခြားများထံသို့ရောင်းမည့်အစား အမြတ်များများရလိုသောစိတ်မထားဘဲ အမျိုးသားရေးအတွက် ရှေးရူပြီး မိမိလူမျိုးအချင်းချင်းကိုသာ ပြန်လည်ရောင်းဝယ်ဖောက်ကားလျှင် အတိုင်းအဆမရှိဝမ်းသာ ကြမည်မှာ အမှန်ဖြစ်ပေသည်။
ဤကဲ့သို့ ဆောင်းပါးရေးရခြင်းသည် မည်သူတစ်ဦးတစ်ယောက်ကိုမျှ ရည်ရွယ်ခြင်းမဟုတ်ပါ။ ယနေ့ နည်းပညာများထွန်းကားသောခေတ်တွင် လက်နက်ကိုင်ပြီး စစ်တိုက်စရာမလိုဘဲ လူလူချင်း အနုနည်းဖြင့် ဝါးမျိုနေကြသည်ကို နေရာအနှံ့တွေ့မြင်ရခြင်းဖြစ်ပေသည်။ အချို့ပုဂ္ဂိုလ်များသည် မြေကွက် ရောင်း၍ရရှိလာသော ငွေကြေးများကို ခိုင်မာသောစီးပွားရေးလုပ်ငန်းများတစ်ခုခု မလုပ်ကိုင်ဘဲ (၁)ဇိမ်ခံကားများ ဝယ်စီးခြင်း၊ (ကားအကြောင်းကိုသေချာနားမလည်ခြင်းကြောင်း ဝယ်ပြီးမကြာမီ ဟိုဟာပျက်/ ဒီဟာပျက်၍ ထိုကားကို ပြန်၍ပြုပြင်နေရသောကြောင့် ရထားသောငွေကြေးသည်လည်း အိတ်ပေါက်နှင့် ဖားကောက်သည့်အဖြစ်မျိုးနှင့် ကြုံရသူတွေလည်း များစွာရှိပါသည်) (၂) အမြှောင် မယား(မယားငယ်) များထားခြင်း၊ (၃) သောက်စားပျော်ပါးခြင်းကြောင့် အချိန်တိုအတွင်း ငွေလည်းကုန်၍ နောက်ဆုံးနေစရာ/ စားစရာမရှိသည့် အဖြစ်မျိုးနှင့်ကြုံရသူတွေကိုလည်းတွေ့ရပါသည်။ ထိုဘဝမျိုး ရောက်သောအခါ အချို့သောလူသည် ဟိုအဖွဲ့အစည်းမကောင်းလို့၊ ဟိုလူကြီးအလုပ်မလုပ်လို့ ငါတို့ လမ်းဘေးရောက်ရတာ စသည်ဖြင့် မဆီမဆိုင် လက်ညိုးထိုးတတ်ကြသည်။ ဤကဲ့သို့ ဖြစ်ရခြင်းသည် မည်သူတစ်ဦးတစ်ယောက်၏ ပယောဂ မပါပဲ မိမိကိုယ်တိုင်ဖန်တီးခြင်းသာ ဖြစ်ပေသည်။
ထို့ကြောင့် ရရှိလာသောငွေကြေးများကိုလည်း အလဟဿမဖြုန်းတီးပဲ အနာဂါတ်အတွက် ခိုင်မာသော စီးပွားရေးလုပ်ငန်းတစ်ခုခုကို ကြိုးစားလုပ်ကိုင်ရန် အထူးတိုက်တွန်းလိုပါသည်။ စီးပွားရေးအောင်မြင်လာသောအခါ မိမိ၏ အမျိုး/ဘာသာသာသနာအတွက်သော်လည်းကောင်း၊ ရပ်ရွာဒေသအတွက်သော်လည်းကောင်း တစ်ဖက်တစ်လမ်းမှ ပြန်လည်ထောက်ပံ့ပေးစေလိုပါသည်။ သို့မှသာလျှင် တဖြည်းဖြည်းတိုးတက်လာသော ပအိုဝ်းဒေသသည် နှစ်ပေါင်းထောင်ချီတိုင်အောင် ကမ္ဘာတည်သရွေ့ မိမ်ိပအိုဝ်းလူမျိုးများ ရှင်သန်ခွင့်၊ ပိုင်ဆိုင်ခွင့်ရလိမ့်မည်ဖြစ်သည်။ မိမိ(ပအိုဝ်း)လူမျိုးများ၏ အိမ်၊ခြံမြေများ တိုးပွားသည်ထက် တိုးပွားလာစေရန်မှာ ပအိုဝ်းလူမျိုးတိုင်း တာဝန်ရှိသည်ဆိုသောစကားကိုလည်း နှလုံးသွင်းစေလိုပါသည်။ ထိုသို့ လုပ်ဆောင်မှသာလျှင် တိုးတက်သောမိမိတို့၏ ပအိုဝ်းဒေသအစစ်အမှန်ကို အမြဲတမ်းမြင်တွေ့ရမည်ဖြစ်ကြောင်း လေးစားစွာတင်ပြအပ်ပါသည်။
မေတ္တာဖြင့်
ခွန်ဗေခြောင် (လေမော်ဟေ့)
Like On Facebook
Follow On Twitter
Subscribe On RSS