ဒီမိုကရေစီနိုင်ငံရေးဖြစ်စဉ်အတွင်းမှ အလွန်အရေးကြီးသော မဏ္ဍိုင်ဖြစ်သည့် ဥပဒေပြုရေး မဏ္ဍိုင် (လွှတ်တော်) နှင့် ပြည်သူလူထု ပူးပေါင်းပါဝင်ဆောင်ရွက်နိုင်ရန် ရည်ရွယ်ပါသည်။ ထိုကဲ့သို့ဆောင်ရွက်ရာ၌ ပြည်သူလူထုကိုယ်တိုင် ဥပဒေပြုရေးမဏ္ဍိုင်၏ အရေးပါပုံနှင့် လုပ်ကိုင်ဆောင်ရွက်နေပုံများကို သိရှိနား လည်အောင် ကြိုးစားရမည်ဖြစ်ပါသည်။ သို့မှသာ တာဝန်ယူမှုတာဝန်ခံမှုရှိသော ဥပဒေပြုမဏ္ဍိုင်များ ဖြစ်နေ စေရန်အတွက် ပြည်သူလူထုကိုယ်တိုင် အပြန်အလှန်စောင့်ကြည့် ချိန်ညှိပေးနိုင်မည်ဖြစ်ပါသည်။
အကျိုးဆက်အနေဖြင့် လွတ်လပ်၍တရားမျှတသော တန်းတူညီမျှမှုရှိသော ဥပဒေများထွက်ပေါ်လာပြီး ပြည်သူကိုယ်တိုင်ကလည်း ဒီမိုကရေစီအလေ့အထများကို ကျင့်သုံးနိုင်မည်ဖြစ်ပါသည်။ သို့မှသာ ပြည်သူ လူထုနှင့် ဥပဒေပြုရေး မဏ္ဍိုင်အကြားတွင် ပွင့်လင်းမြင်သာသည့်ဆက်ဆံရေးကို တည်ဆောက်နိုင်မည် ဖြစ်ပါသည်။ ထိုအချက်သည် ဒီမိုကရေစီစနစ်ရှင်သန်ထွန်းကားစေရန် အလွန်အရေးကြီးသော အချက်ဖြစ် ပါသည်။ ဒီမိုကရေစီစနစ်၏အသက်သည် ပြည်သူလူထုအပေါ်တွင်သာမူတည်နေ၍ ပြည်သူလူထုက သာလျှင် ဒီမိုကရေစီစနစ်ကို အသက်ဆက်ပေးနိုင်မည်ဖြစ်ပါသည်။ ထိုကြောင့်ပြည်သူလူထု ကိုယ်တိုင်က ဥပဒေပြုရေးတွင်ပါဝင်နိုင်ရန်အတွက် လိုအပ်သည့်နည်းလမ်းများကိုလည်း သိရှိထားဖို့ လိုအပ်ပါသည်။
မြန်မာနိုင်ငံတွင် ရှိနေသည့်လက်ရှိနိုင်ငံရေး အဖွဲ့အစည်းထဲများမှ အရေးကြီးဆုံးတစ်ခု ဥပဒေပြုရေးမဏ္ဍိုင် ၏ အရှိတရားကိုလေ့လာကြည့်မှသာ မိမိနိုင်ငံအတွက်ပိုမိုကောင်းမွန်တိုးတက်သည့် အကြံဥာဏ်ကောင်း များကို ပေးနိုင်မည်ဖြစ်သည်။ အမေရိကန်ပြည်ထောင်စု၏ ဒုတိယမြောက်သမ္မတကြီး ဂျွန်အက်ဒမ်စ် (၁၇၃၅-၁၈၂၆)က ၁၇၇၆-ခုနှစ်တွင် ကျင်းပခဲ့သည့်လွတ်လပ်ရေးတိုက်ပွဲ ဒုတိယညီလာခံတွင် “ကျွန်တော် တို့ တရားဥပဒေတွေစိုးမိုးသည့် နိုင်ငံတော်ကြီးကို တည်ထောင်မှာဖြစ်တယ် လူတစ်ဦး တစ်ယောက် တစ်စုတစ်ဖွဲ့က စိုးမိုးထားသည့် နိုင်ငံတော်ကြီးကို တည်ထောင်မှာမဟုတ်ပါဘူး” ဆို၍ ပြောခဲ့သည်။ ထို့ကြောင့် ဒီမိုကရေစီနိုင်ငံရေးစနစ်နှင့် အစိုးရတစ်ရပ်ရေရှည်တွင် ခိုင်မာအားကောင်းရန်အတွက် ပြည်သူလူထု၏ပူးပေါင်းပါဝင်မှုနှင့် တာဝန်ယူ/တာဝန်ခံမှုသည် အလွန်ပင်အရေးကြီးပါသည်။
လွှတ်တော်ကိုယ်စားလှယ်များ၏တာဝန်သည် မဖြစ်မနေဆောင်ရွက်ရမည့်(၃)ချက်ရှိသည်။ ၎င်းတို့မှ- ကိုယ်စားပြုခြင်း၊ စောင့်ကြည့်စစ်ဆေးခြင်း၊ ဥပဒေပြုခြင်းဖြစ်သည်။ လွှတ်တော်အမတ်သည် မိမိ၏ ကိုယ်စားပြုမဲဆန္ဒနယ်မှ ပြည်သူများ၏ကိုယ်စား လွှတ်တော်ထဲတွင်ပြောပိုင်ခွင့်ရှိသည်။ လွှတ်တော် ကိုယ်စားလှယ်တိုင်းသည် အစိုးရကို စောင့်ကြည့်ရန်တာဝန်ရှိသည်။ အစိုးရ၏မူဝါဒများ၊ လုပ်ငန်းများ၊ ဥပဒေများကိုလည်း စောင့်ကြည့်စစ်ဆေးခြင်းလုပ်ဆောင်ပေးရသည်။ ဥပဒေပြုရာတွင် အစိုးရအဖွဲ့မှ လုပ်ဆောင်သည့်ဥပဒေများကို ၀င်ရောက်ဆွေးနွေခြင်း ယခင်ဥပဒေများကို စောင့်ကြည့်ပြင်ဆင်ပြီး ပိုမို ကောင်းမွန်အောင် လုပ်ဆောင်ရန်လည်း လိုအပ်ပေသည်။ လွှတ်တော်ကိုယ်စားလှယ်များသည် ပြဌာန်းထား သောသက်ဆိုင်ရာဥပဒေများက သတ်မှတ်ပေးထားသည့်တာဝန်နှင့် လုပ်ပိုင်ခွင့်များအပြင် သက်ဆိုင်ရာ မဲဆန္ဒနယ် ၀န်ဆောင်မှုပေးခြင်းလုပ်ငန်းများကိုလည်း လုပ်ပေးရပါသည်။
“မဲဆန္ဒနယ်ဆိုင်ရာဝန်ဆောင်မှုပေးခြင်းလုပ်ငန်း” ဆိုသည်မှာ လွှတ်တော်ကိုယ်စားလှယ်များသည် သက် ဆိုင်ရာ မဲဆန္ဒနယ်များတွင် လွှတ်တော်ကိုယ်စားလှယ်ရုံးများဖွင့်လှစ်ထားပြီး မိမိသက်ဆိုင်ရာ မဲဆန္ဒနယ်မှ ပြည်သူများ၏ဒေသဆိုင်ရာ ပညာရေး၊ ကျန်းမာရေး၊ စီးပွားရေး စသည့်အခြေအနေမှန်များကို နားထောင် ပေးပြီးလိုအပ်ပါက အခက်အခဲများကိုဥပဒေနှင့်အညီ ဖြေရှင်းပေးရပါသည်။
ပြည်သူမှ ရွေးချယ်လိုက်သော အမတ်များသည် ပြည်သူ၏ကိုယ်စားပြုမှုဖြစ်သည်။ ပြည်သူ့အကျိုးကို သယ်ပိုးရန်ဖြစ်သည်။ ဥပဒေပြုခြင်းသည် အမတ်များလုပ်ရမည့်တာဝန်တစ်ခုဖြစ်သကဲ့သို့ ပြည်သူ့ဘ၀ အထွေထွေဒုက္ခကိုလည်း မျက်ခြေမပျက်စောင့်ကြည့်ပြီး ပြည်သူများ၏ကောင်းရာကောင်းကျိုး အတွက် လည်း လွှတ်တော်ထဲတွင် မေးခွန်းများမေးမြန်းခြင်း၊ အဆိုများတင်သွင်းခြင်းကိုလည်း လုပ်ဆောင်ရပါ သည်။ ဥပမာ- ပြည်သူများအနေဖြင့် မိမိတို့ဒေသအခက်အခဲများကို အမတ်များအားဆွေးနွေးတင်ပြပြီး လွှတ်တော်ထဲတွင် မေးခွန်းမေးမြန်း၍ဆွေးနွေးနိုင်ပါသည်။ မိမိတို့ဒေသတွင် လျှပ်စစ်မီးလင်းရေးကိစ္စ၊ လယ်ယာမြေသိမ်းဆည်းမှုများ စသည့်ကိစ္စသည် ပြည်သူ့အခက်အခဲများကိုလည်း ကူညီဖြေရှင်းပေးနိုင် ပါသည်။
သက်ဆိုင်ရာမဲဆန္ဒနယ်မှ လွှတ်တော်ကိုယ်စားလှယ်ရုံးများတွင် ရုံးအဖွဲ့ကိုဖွဲ့စည်းထားပြီး လွှတ်တော် ကိုယ်စားလှယ် လွှတ်တော်တက်နေသည့် အချိန်များတွင် ရုံးအဖွဲ့ကအမတ်ကိုယ်စား တိုင်ကြားစာ လက်ခံခြင်း အရေးကြီးပါက အမတ်ထံသတင်းပို့ပေးခြင်း စသည့်ကူညီဖြေရှင်းပေးခြင်းမှုမျိုးကိုလည်း လုပ်ဆောင်ပေးနိုင်သည်။ လွတ်တော်ရပ်နားနေသည့် အချိန်ကာလတွင် လွှတ်တော်ကိုယ်စား လှယ်သည် မိမိ၏မဲဆန္ဒနယ်မြေသို့ပြန်ပြီးနောက် ပြည်သူများနှင့်တွေ့ဆုံသော လူထုတွေ့ဆုံပွဲများ ကျင်းပပြီး လွှတ်တော်အတွင်းမှအကြောင်းအရာများကို လူထုသို့ ပြန်လည်ရှင်းပြပေးရသည်။
တစ်ချိန်တည်းမှာပင် ဒေသဆိုင်ရာမီဒီယာများနှင့် တွေ့ဆုံပြီး သတင်းစားရှင်းလင်းပွဲလည်း ပြုလုပ် နိုင်ပါ သည်။ သို့မှသာပြည်သူလူထုနှင့် ပြည်သူ့ကိုယ်စားလှယ်(လွှတ်တော်အမတ်)ကြားတွင် နွေးထွေးသော ပွင့်လင်းမြင်သာသော ဆက်ဆံရေးတစ်ရပ်ရှိပြီး စစ်မှန်သောပြည်သူ့အသံကိုလည်း နားထောင်နိုင်မည် ဖြစ်သည်။ အကျိုးဆက်အနေဖြင့် ကိုယ်စားပြုဒီမိုကရေစီနိုင်ငံရေးစနစ် အသက်ဝင်လာမည် ဖြစ်သည်။ ပြည်သူလူထု၏ တာဝန်သည် ရွေးကောက်ပွဲတွင် မဲပေးရုံနှင့်မပြီးသေးဘဲ ရွေးကောက်ပွဲပြီးနောက်ပိုင်း တွင်နိုင်ငံ၏ ဥပဒေပြုရေး၊ အုပ်ချုပ်ရေးနှင့် တရားစီရင်ရေးမဏ္ဍိုင်များ၏ လုပ်ကိုင်ဆောင်ရွက်ပုံများကို အမြဲ မပြတ်စောင့်ကြည့်ဖို့လည်း လိုအပ်ပါသည်။ သို့မှသာ ဒီမိုကရေစီနိုင်ငံရေးစနစ်နှင့် ဒီမိုကရေစီအစိုးရ တစ်ရပ်ရေရှည်ခိုင်မာအားကောင်းလာမည် ဖြစ်ပါသည်။
ထို့ကြောင့် ပြည်သူလူထုပါဝင်မှုသည် အလွန်အရေးကြီးကြောင်းနှင့် ပြည်သူလူထု၏အခက်အခဲ များအပေါ် လွှတ်တော်အမတ်များ၏ ၀န်ဆောင်မှုအကြောင်းကို တင်ပြရေးသားလိုက်ရပါသည်။
ခွန်ထွိုင်း(သီးသဲင်း)
Like On Facebook
Follow On Twitter
Subscribe On RSS