လက်ဆင့်ကမ်း ပူးပေါင်းထိန်းသိမ်းကြပါစို့

တောင်ကြီး၊ ၂၀၁၇ ခုနှစ်၊ နိုဝင်ဘာလ (၁၄)ရက်

ခေတ်စနစ်ပြောင်းလဲလာခြင်းနှင့်အတူ ပညာရေးပိုင်းတွင်လည်း အရှိန်အဟုန်ဖြင့်တိုးတက်ပြောင်း လဲလျက်ရှိပါသည်။ ထိုသို့ပြောင်းလဲနေသောခေတ်ကာလများနှင့်အတူ ပအိုဝ်းလူငယ်မောင်မယ်များသည် ခေတ်နှင့်အညီပညာရေးကိုတစိုက်စိုက်မတ်မတ် လေ့လာဆည်းပူးနေသည်ကို ထင်ထင်ရှားရှားတွေ့မြင်နေရပါသည်။ မြန်မာနိုင်ငံလွတ်လပ်ရေးမရခင်အချိန်ကာလနှင့် လွတ်လပ်ရေးရပြီးကာလများတွင် ပအိုဝ်းလူမျိုးများ၏ ပညာရေးသည် အလွန်ပင်နှိမ့်ကျခဲ့သည်မှာအမှန်ပင်ဖြစ်ပါသည်။ မြန်မာနိုင်ငံလွတ်လပ်ရေးရပြီးနောက်ပိုင်း တွင်လည်း တိုင်းပြည်တွင် နိုင်ငံရေးခံယူချက်အမျိုးမျိုးကြောင့် တိုင်းရင်းသားလက်နက်ကိုင် ပေါင်းစုံများက မိမိတို့၏ထင်မြင်ချက်များ၊ ရည်ရွယ်ချက်များဖြင့်နိုင်ငံတော်ကိုတော်လှန်ပုန်ကန်ခဲ့ခြင်းကြောင့် ပအိုဝ်းလူမျိုးများသာမက တိုင်းပြည်တွင်လည်း ပညာရေးသည်အဖက်ဖက်မှ နှိမ့်ကျလာသည်ကို တွေ့မြင်ခဲ့ရပါသည်။ ပအိုဝ်းလူမျိုးများနေထိုင်ရာဒေသတွင်လည်းပညာတတ်လူငယ်များ ရှားပါးခဲ့သည်။

ထို့ကြောင့် ပအိုဝ်းလူမျိုးများ၏ခေါင်းဆောင်ကြီးများသည် မိမိလူမျိုးများဖွံ့ဖြိုးတိုးတက်ရန်အတွက် အမြော်အမြင်ကြီးစွာဖြင့် ၁၉၉၁ -ခုနှစ်တွင် နိုင်ငံတော်အစိုးရနှင့်ငြိမ်းချမ်းရေးရယူပြီးနောက် ပအိုဝ်းလူမျိုး များနေထိုင်ရာဒေသများတွင် ပညာရေး၊ စီးပွားရေးနှင့် လမ်းပန်းဆက်ရေးလုပ်ငန်းများ ဖွံ့ဖြိုးတိုးတက်ရန်အတွက် ခေါင်းဆောင်ကြီးများသည် ဦးစားပေးအဆင့်ဖြင့် လုပ်ဆောင်ပေးခဲ့သည်။ ထို့သို့ ခေါင်းဆောင်ကြီးများ၏ ကြိုးစားလုပ်ဆောင်ခြင်း၊ ကိုယ်ကျိုးစွန့်အနစ်နာခံခြင်းကြောင့် ယနေ့အချိန်တွင် ပအိုဝ်းလူမျိုးများ အဓိကနေထိုင်ရာမြို့ကြီးများသာမက ကျေးရွာအုပ်စုတိုင်း အထက်တန်းကျောင်းများ၊ အလယ်တန်းကျောင်းများ၊ မူလွန်ကျောင်းများနှင့် မူလတန်းကျောင်းများဟူ၍ ပြည့်ပြည့်စုံစုံရှိနေသည်ကို တွေ့မြင်ခဲ့ရပြီး ပညာရေးကိုလွတ်လပ်စွာသင်ကြားနိုင်ခဲ့ခြင်းဖြစ်ပါသည်။ ထိုကဲ့သို့ပညာရေးကို လွတ်လပ်စွာသင်ကြားနိုင်ခဲ့သည်မှာ ခေါင်းဆောင်ကြီးများကျေးဇူးနှင့် ငြိမ်းချမ်းရေး၏ အသီးအပွင့်ပင်ဖြစ်ပါသည်။ ထို့ကြောင့်ယနေ့အချိန်တွင် ပအိုဝ်းလူငယ်မောင်မယ်များသည် တက္ကသိုလ်ပေါင်းစုံတွင် မိမိတို့သက်ဆိုင်ရာဘာသာရပ်ဖြင့် ပညာသင်ကြားလျက်ရှိသည်ကိုတွေ့မြင်နေရပါသည်။ အလယ်အလတ်အတန်းစား မိသားစုမှမွေးဖွားသူအချို့သည် Day တက္ကသိုလ်အဖြင့် တက်ရောက်သင်ယူနိုင်သော်လည်း အချို့သောကျောင်းသူ/သားများသည် အကြောင်းအမျိုးမျိုးကြောင့် စာပေးစာယူအဝေးသင်တက္ကသိုလ်အဖြင့်သာ ပညာရေးကိုသင်ကြားခဲ့ကြရသည်။

အဝေးသင်ကျောင်းသားများဟုဆိုရာတွင် အစိုးရ၀န်ထမ်းများ၊ ပုဂ္ဂလိက၀န်ထမ်းများ၊ NGO /INGO အစိုးရမဟုတ်သောဝန်ထမ်းများနှင့် ကိုယ်ပိုင်လုပ်ငန်းများလုပ်ကိုင်ပြီး တက္ကသိုလ်ပညာရပ်များကို ရပ်နီး/ရပ်ဝေးမှ လာရောက်သင်ယူခဲ့သော ကျောင်းသားများဖြစ်သည်။ ထိုသို့ လာရောက် သင်ကြားသောအခါ အဝေးသင်ကျောင်းသားများ၏ ကျောင်းတက်ချိန်သည် လွန်စွာနည်းပါးခြင်းကြောင့် တက္ကသိုလ်ပညာ(ကျောင်း) ပြီးဆုံးသည့်အချိန်တွင် စီးပွားရေးလောကသို့ဝင်ရောက်သည့်အခါ မိတ်ဆွေအပေါင်းသင်းများ ရှားမှုပြဿနာကိုကြုံတွေ့နေရတတ်ပါသည်။

ထို့ကြောင့် အဝေးသင်တက္ကသိုလ်ပညာရပ်များကိုသင်ယူနေသော ပအိုဝ်းလူငယ်မောင်မယ်တို့သည် အမျိုးသားရေးလုပ်ငန်းများ လုပ်ဆောင်နိုင်ရန်၊ တစ်ဦးနှင့်တစ်ဦးချစ်ခင် ရင်းနှီးမှုရှိလာစေရန်အလို့ငှာ အကျိုးဆောင်အဖွဲ့(EC)အဖွဲ့ ဖွဲ့စည်းပြီး ပအိုဝ်းလူငယ်မောင်မယ်သစ်လွင် ကြိုဆိုနှုတ်ဆက်ခြင်း (Welcome)အခန်းအနားကို အဝေးသင်ပအိုဝ်းကျောင်းသား/သူများမှ နှစ်စဉ်နှစ်တိုင်း စည်းကားသိုက်မြိုက်စွာ ကျင်းပလာခဲ့သည်မှာ ယနေ့တိုင်ဖြစ်ပါသည်။ မောင်မယ်သစ်လွင် ကြိုဆိုနှုတ်ဆက်ပွဲကျင်းပခြင်းသည် ပအိုဝ်းလူငယ်မောင်မယ်ကျောင်းသူ/သားများ တစ်ဦးနှင့်တစ်ဦးရင်းနှီးကျွမ်းဝင်မှုရှိလာပြီး အမျိုးသားရေး စိတ်ဓာတ်ကိုမြှင့်တင်ပေးနိုင်ခြင်းနှင့်အတူ ပအိုဝ်းလူမျိုးများ စည်းလုံးညီညွတ်မှုကိုရရှိလာစေကာ မိမိလူမျိုးတို့၏ ယဉ်ကျေးမှုကိုထိန်းသိမ်းခြင်းကို ထင်ဟတ်ပေါ်လွင်စေခဲ့ပါသည်။

ပအိုဝ်းမောင်မယ်သစ်လွင်ကြိုဆိုနှုတ်ဆက်ပွဲကျင်းပသည့်အခါတွင် ဖြူစင်ရိုးသားသောကျောင်းသားများဖြစ်ခြင်းနှင့်အညီ မည်သည့်အဖွဲ့အစည်းများ၊ မည်သည့်ပုဂ္ဂိုလ်တစ်ဦးတစ်ယောက်၏ သြဇာလွမ်းမိုးမှုမရှိသကဲ့သို့ နိုင်ငံရေးအခန်းကဏ္ဍတွင်လည်း ပါဝင်ပတ်သက်ခြင်းမရှိ ကင်းဝေးလျက်ရှိပါသည်။ ပအိုဝ်းမောင်မယ်သစ်လွင် ကြိုဆိုနှုတ်ဆက်ပွဲဖြစ်မြှောက်ရေးအတွက် ဦးစွာပထမအနေဖြင့် အကျိုးဆောင်အဖွဲ့(EC)အဖွဲ့များသည် အစည်းအဝေးခေါ်ယူကာ သက်ဆိုင်ရာ ဆရာတော်ကြီးများ၊ အမျိုးသား ခေါင်းဆောင်ကြီးများ၊ ဆရာ/ဆရာမများ၏ ဆုံးမလမ်းညွှန်မှုများ၊ သြ၀ါဒစကားများခံယူပြီး ကျောင်းသားဟောင်းမှ ကျောင်းသားခေါင်းဆောင်များနှင့် ပအိုဝ်းလူငယ်မောင်မယ်များဖြစ်သော ပအိုဝ်းကျောင်းသူ/သားများ၏ အကြံအဉာဏ်များရယူပြီး လုပ်ငန်းစဉ်များကိုရေးဆွဲခဲ့ပါသည်။

လုပ်ငန်းစဉ်ရေးဆွဲပြီးနောက် ပွဲဖြစ်မြှောက်ရေးအတွက် လိုအပ်သောရန်ပုံငွေများကို ပအိုဝ်းလူမျိုး မိဘပြည်သူများ အများဆုံးနေထိုင်လျက်ရှိသော ဒေသများတွင် အဝေးသင်ကျောင်းသူ/သားများစုပေါင်း၍ အလှူငွေကောက်ခံ(မီးဆူခံ) ခြင်းကို ကျောင်းသား/သူများသည် မိမိတို့ကျရာတာဝန်အခန်းကဏ္ဍတွင် မငြီးမငွေ့ဘဲပျော်ရွင်စွာစုပေါင်းပါဝင်လျက်ရှိသည်။ ထိုသို့အလှူငွေကောင်ခံသည့်နေရာတွင် အလှူငွေထည့်ဝင်လှူဒါန်းပေးသည့် အလှူရှင်မိဘပြည်သူများသည် ပအိုဝ်းလူမျိုးများ၏ ချစ်စရာကောင်းသော ဓလေ့ထုံးတမ်းများနှင့်အညီ အလှူငွေဝတ္ထုများအပြင် စားစရာ၊ သောက်စရာမုန့်များ၊ ဖျော်ရည်များဖြင့် ဧည့်ဝတ်ကျေပွန်စွာ ကျွေးမွေးခဲ့ပါသည်။

ကျောင်းသူ/သားများ ကောက်ခံရရှိသော အလှူငွေများကို မောက်မယ်သစ်လွင်ကြိုဆိုနှုတ်ဆက်ပွဲ ဖြစ်မြောက်ရေးအတွက် သက်ဆိုင်ရာအခန်းကဏ္ဍများတွင် အကျိုးရှိစွာပြန်လည်အသုံးပြုခဲ့သည်ကို တွေ့ရှိရပါသည်။ အခမ်းအနားတွင် ဆရာ/ဆရာမများအားကန်တော့ခြင်း၊ လူကြီးမိဘ၊ ဆရာ/ဆရာမများ၏ သြ၀ါဒစကားနာခံယူပြီးနောက် ပအိုဝ်းလူမျိုးများထိန်းသိမ်းလျက်ရှိသော ရိုးရာယဉ်ကျေးမှု အမွေအနှစ် ဖြစ်သောအသုံးအဆောင်ပစ္စည်းများကို Culture Show လျှောက်ကာပြသခဲ့ပါသည်။ ထို့နောက် ပအိုဝ်းလူမျိုးများ၏ ရိုးရာအက၊ သီးချင်းများဖြင့်ကပြဖျော်ဖြေပေးခဲ့ကြပါသည်။ ပအိုဝ်းမောင်မယ်သစ်လွင် ကြိုဆိုနှုတ်ဆက်ပွဲသည် ပအိုဝ်းကျောင်းသားဟောင်းများကို နှုတ်ဆက်ပွဲနှင့် ကျောင်းသားသစ်များကို ကြိုဆိုပွဲဖြစ်သကဲ့သို့ ပအိုဝ်းကျောင်းသား ကျောင်းသူများအနေဖြင့် မိမိတို့၏ ယဉ်ကျေးမှု၊ ရိုးရာဓလေ့ ထုံးတမ်းများကိုထိန်းသိမ်းတတ်စေရန်၊ မျိုးချစ်စိတ်ဓာတ်များပိုမိုခိုင်မြဲလာစေရန်နှင့် ပအိုဝ်းလူမျိုးများ စည်းလုံးညီညွတ်မှုရရှိစေရန်ရည်ရွယ်၍ မောင်မယ်သစ်လွင်ကြိုဆိုနှုတ်ဆက်ပွဲကို နှစ်စဉ်ပညာသင်နှစ်တိုင်း တွင် ကျင်းပလာခဲ့သည်မှာ အစဉ်အလာတစ်ခုပင်ဖြစ်လာသည်။

ထို့ကြောင့် အဝေးသင်ပအိုဝ်းမောင်မယ် သစ်လွင်လူငယ်များအနေဖြင့် မိမိရရှိသောပညာသင်ချိန်ခဏသာအချိန်ကာလတွင် မိမိသင်ယူသောဘာသာရပ်များကို ပညာသင်နှစ်တိုင်း အောင်မြင်နိုင်အောင် ကြိုးစားသင်ယူကြရန်နှင့် တဖက်တွင်လည်း မိမိတို့ပအိုဝ်းလူမျိုးများမမေ့အပ်သော ရိုးရာဓလေ့ထုံးတမ်းများ၊ ယဉ်ကျေးမှုအမွေအနှစ်များ၊ နှစ်စဉ်အဝေးသင်ကျောင်းသားခေါင်းဆောင်များဦးဆောင်၍ ကျင်းပလျက်ရှိသော မောင်မယ်သစ်လွင်ကြိုဆိုနှုတ်ဆက်ပွဲများကို အဝေးသင်တက္ကသိုလ်ပညာရေး တက်ရောက်သင်ယူ နေသောပအိုဝ်းမောင်မယ်သစ်လွင် ကျောင်းသူ၊ ကျောင်းသားများသည်တာဝန်ယူ၊ တာဝန်ခံမှုအပြည့်ဖြင့် အစဉ်အလာမပျက်အောင် ထိန်းသိမ်းကြပါရန် စာရေးသူအနေဖြင့်တိုက်တွန်းနိုးဆော်ပါသည်။

ခွန်လိုရဲုင်း
လွယ်ကောင်း