ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်၊ လွယ်ပွတ်ကျေးရွာအုပ်စု၊ လွယ်ပွတ် (ပင်းတယ၊ ရွာကြီး) အမှတ်(၂) အခြေခံပညာမူလတန်းကျောင်း ကျောင်းဆောင်သစ် (၂) ဆောင်လွှဲပြောင်းပေးအပ်ပွဲကို ၂၀၁၇ ခုနှစ်၊ ဒီဇင်ဘာ (၁၉) ရက်တွင် ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဌ ဖြားခွန်စံလွင်က ဤတွင်ပြောကြားခဲ့ပါသည်။
"ယခုပွဲသည် ဒေသခံတိုင်းရင်းသား၏ တစ်စုတစ်စည်း စည်းလုံးညီညွှတ်မှုအင်အားကို ထုတ်ဖော်သည့်ပွဲဖြစ်သလို လွယ်ပွတ်ကျေးရွာသည် တစ်စုတစ်စည်းတည်းဖြစ်သည့် ( မွေတော်၊ ရေဦး၊ ရွာကြီး၊ ပင်းတယ) သည် ဒေသခံပြည်သူလူထုများ၊ အလှူရှင်များ၊ ပညာရေးဝန်ကြီးဌာနများနှင့်ပူးပေါင်းပြီး ကျောင်ဆောင်သစ် (၂) ဆောင်ကိုသော်လည်းကောင်း၊ ၂၀၁၆- ၂၀၁၇ ဘဏ္ဍာရေးနှစ်ခွင့်ပြုရံပုံငွေဖြင့် တည်ဆောက်သည့် တစ်ဘက်ပိတ်ဆည်ကိုသော်လည်းကောင်း ယခုလိုတစ်ပြိုင်နက်တည်း ဆောင်ရွက်ခြင်းသည် ဒေသခံတိုင်းရင်းသားများ၏ စည်းလုံးမှု၊ ကြိုးစားအားထုတ်မှု၊ မိမိတို့ဒေသ၏ ဖွံ့ဖြိုးတိုးတက်လိုသည့် စိတ်စေတနာများဖြစ်သည်ဟု” ထပ်လောင်းပြောကြားခဲ့ပါသည်။
"ယခုဒေသသည် မြို့လို့သတ်မှတ်လို့ရသည့်ဒေသဖြစ်သလို ယနေ့ဒေသဖွံ့ဖြိုးတိုးတက်ရေးအတွက် ကျောင်းဆောင်သစ်များ နှင့် တစ်ဖက်ပိတ်ဆည် ဒေသခံများနှင့်တကွ အလှူရှင်ပုဂ္ဂိုလ်များ ပူးပေါင်းဆောင်ရွက်ပြီး ရွာသူရွာသားများ၏ သား/သမီး ပညာရေးတိုးမြှင့်ရန်အတွက် စေတနာရှိသောပုဂ္ဂိုလ်များ လှူဒါန်းထားသည်ဖြစ်သည်။ ယခုလိုစည်းလုံးညီညွှတ်စွာဖြင့် ပညာရေးကိုသင်ကြားနိုင်အောင် အားတက်သရော အလှူရှင်များနှင့် ဒေသခံများပူးပေါင်းဆောင်ရွက်သည်ကို ၀မ်းမြောက်ဝမ်းသာဂုဏ်ယူဖွယ်ဖြစ်ကြောင်း၊ တစ်နေ့တစ်ချိန်တစ်ခါသည် မြို့များဖြစ်သလို ယနေ့သည်လည်း မြို့အဂါင်္ရပ်ပြည့်စုံသည်ဟုယူဆပြီး ယခုသည်လည်း မြို့လို့ခေါ်ဆိုပါမည်ဖြစ်ကြောင်း" ပအိုဝ်းအမျိုးသားခေါင်းဆောင်ကြီး ဖြားတန်စင်ဖါအောင်ခမ်းထီ က ပြောကြားခဲ့ပါသည်။
ဆက်လက်ပြီး ဂျပန်နိုင်ငံ နိပွန်ဖောင်ဒေးရှင်းစေတနာအဖွဲ့မှ စီမံကိန်းဒေသ ဒါရိုက်တာ ဒေါ်အေးအေးသန့်က လုပ်ငန်းဆောင်ရွက်ချက်အကျဉ်းများကိုသော်လည်းကောင်း၊ ကျောင်းဆောင်သစ်နှင့်သက်ဆိုင်သော စာရွက်စာတမ်းများကို ပညာရေးဌာနသို့ လွှဲပြောင်းပေးအပ်ရန်သော်လည်းကောင်း၊ စေတနာအဖွဲ့မှ ဒေသဖွံ့ဖြိုးရေးကော်မတီသို့ ဒေသဖွံ့ဖြိုးရေး ရံပုံငွေပေးအပ်ခြင်းသော်လည်းကောင်း၊ ဒေသခံပြည်သူများကိုယ်စား ခွန်ခင်မောင်က ကျေးဇူးတင်စကားပြောကြားကြောင်း သိရှိရပါသည်။
နန်းအိနြေ္ဒခမ်း
Like On Facebook
Follow On Twitter
Subscribe On RSS