ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်၊ လွယ်ပွတ်ကျေးရွာအုပ်စု၊ လွယ်ပွတ် (မွေတော်၊ ရေဦး၊ ရွာကြီး၊ ပင်းတယ) ကျေးရွာတွင် ၂၀၁၆-၂၀၁၇ ဘဏ္ဍာရေးနှစ် ခွင့်ပြုရံပုံငွေဖြင့် တည်ဆောက်သည့် တစ်ဖက်ပိတ်ဆည်ဖွင့်ပွဲအခမ်းအနားကို ၂၀၁၇ ခုနှစ်၊ ဒီဇင်ဘာ (၁၉) ရက်၊ နံနက်ပိုင်းတွင် ပအိုဝ်းအမျိုးသားခေါင်းဆောင်ကြီး ဖြားတန်စင်ဖါအောင်ခမ်းထီ တက်ရောက်ချီးမြင့်ကြောင်းသိရသည်။
အဆိုပါဖွင့်ပွဲတွင် ရှမ်းပြည်နယ်အစိုးရအဖွဲ့ စိုက်ပျိုးမွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဌ ဖြားခွန်စံလွင်၊ အမျိုးသားလွှတ်တော်ကိုယ်စားလှယ် ဖြားခွန်သိန်းဖေ၊ ပြည်သူ့လွှတ်တော်ကိုယ်စားလှယ် ဖြားခွန်သန်းထူး၊ ပြည်နယ်လွှတ်တော်ကိုယ်စားလှယ် ဖြားခွန်လှသိန်းတို့က ဖဲကြိုးဖြတ်ဖွင့်လှစ်ပေးပြီး တစ်ဖက်ပိတ်ဆည်၏ မော်ကွန်းကမ္ပည်းကျောက်စာတိုင်ကို စိုက်ပျိုးမွေးမြူရေးနှင့် ဆည်မြောင်ဝန်ကြီး၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဌ တို့ကဖွင့်လှစ်ပေးခဲ့ပါသည်။
ပအိုဝ်းအမျိုးသားခေါင်းဆောင်ကြီး ဖြားတန်စင်ဖါအောင်ခမ်းထီက မော်ကွန်းကမ္ပည်းကျောက်စာတိုင်အား အမွှေးနံ့သာပက်ဖျန်းခြင်းနှင့် ဆုတောင်းမင်္ဂလာပို့သကာ တက်ရောက်လာသည့် စိုက်ပျိုးမွေးမြူရေးနှင့် ဆည်မြောင်းဝန်ကြီး၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဌ၊ အမျိုးသားလွှတ်တော်ကိုယ်စားလှယ်၊ ပြည်သူ့လွှတ်တော်ကိုယ်စားလှယ်၊ ပြည်နယ်လွှတ်တော်ကိုယ်စားလှယ်များ၊ တာဝန်ရှိပုဂ္ဂိုလ်များနှင့် ဒေသခံရပ်မိရပ်ဖများ အမွှေးနံ့သာပက်ဖျန်းခဲ့ကြောင်း သိရသည်။
"ယခုဖွင့်လှစ်သည့်ဆည်သည် (၆၀၀' x ၂၀' x ၁၂') ရှိပြီး ကျပ်သန်း (၅၀) ဖြင့် ဆီဆိုင်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၁၆-၂၀၁၇ ဘဏ္ဍာရေးနှစ်တွင် ပြည်ထောင်စုရံပုံငွေဖြင့်တည်ဆောက်ပေးခဲ့ခြင်းဖြစ်သည်။ ယခုလိုတည်ဆောက်ပေးခြင်းဖြင့် ကျေးရွာ (၆) ရွာ၊ အိမ်ထောင်စု (၇၂၃) စု၊ လူဦးရေ (၃၄၂၉) ဦးတို့ကို အကျိုးခံစားနိုင်ပြီဖြစ်သည်ဟု" စိုက်ပျိုးမွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော် ကပြောကြားကြောင်းသိရှိရပါသည်။
အဆိုပါဖွင့်ပွဲအခမ်းအနားတွင် ပအိုဝ်းအမျိုးသားခေါင်းဆောင်ကြီး ဖြားတန်အောင်ခမ်းထီ၊ စိုက်ပျိုးမွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်၊ အရှေ့ပိုင်းတိုင်းစစ်ဌာနချုပ် စစ်ဗျူဟာမှူး ဗိုလ်မှူးကြီး လှိုင်မိုးဟိန်း၊ နတလ ညွှန်မှူးနှင့်အဖွဲ့များ၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဌ ဖြားခွန်စံလွင်၊ အမျိုးသားလွှတ်တော်ကိုယ်စားလှယ် ဖြားခွန်သိန်းဖေ၊ ပြည်သူ့လွတ်တော်ကိုယ်စားလှယ် ဖြားခွန်သန်းထူး၊ ခွန်အောင်ကျော်၊ ပြည်နယ်လွှတ်တော်ကိုယ်စားလှယ် ဖြားခွန်မောင်ပယ်၊ ဖြားခွန်လှသိန်း၊ ဖိတ်ကြားထားသောတာဝန်ရှိပုဂ္ဂိုလ်များ နှင့်ဒေသခံရပ်မိရပ်ဖများ (၂၀၀၀) ခန့်တက်ရောက်ကြောင်း သိရှိရပါသည်။
နန်းအိနြေ္ဒခမ်း
Like On Facebook
Follow On Twitter
Subscribe On RSS