လောကတွင် မည်သည့်နည်းနှင့်မျှ ရပ်တန့်၍မရနိုင်သောအရာသည် အချိန်ပင်ဖြစ်သည်။ ကုန်ဆုံး သွားသည့် အချိန်ကိုလည်း ပြန်လည်အစားထိုး၍ မရနိုင်ပေ။ အချိန်ကိုလိုက်၍ အရာရာတိုင်းသည်လည်း ပြောင်းလဲနေပေသည်။ ကျောက်ခေတ်မှသည် ယနေ့နည်းပညာခေတ်၊ ရာစုတစ်စုမှသည် နောက်ရာစု တစ် စု၊ တစ်နှစ်မှသည် နောက်တစ်နှစ်၊ တစ်နာရီမှသည် နောက်တစ်နာရီသို့ အချိန်တိုင်းပြောင်းလဲနေပေသည်။ အလားတူပင် လူသားတို့သည်လည်း အချိန်ကို လိုက်၍ ပြောင်းလဲနေကြရသည်။ “အချိန်နှင့်ဒီရေ သည် လူကိုမစောင့်”ဆိုသည့် ဆိုရိုးအတိုင်း အချိန်၏တန်ဖိုးကို မသိသောသူ၊ အချိန်ကိုအလဟဿ ဖြုန်းတီးနေပြီး အချိန်ကိုအကျိုးရှိစွာ အသုံးမချတတ်သောသူသည် မွေးဖွားသည့်ချိန်မှစ၍ သေဆုံးသွား သည့်ချိန်ထိ မည်သည့်အရာမှ တိုးတက် ပြောင်းလဲလာမည် မဟုတ်ပေ။ အချိန်ကိုအကျိုးရှိစွာ အသုံးချတတ် သူ၊ အချိန်၏ တန်ဖိုးကို သိသောသူအဖို့ မုချဧကန် အောင်မြင်မှုရရှိမည်ပင်ဖြစ်သည်။
လူငယ်များအနေဖြင့် နောင်ရေးအေးချမ်းဖို့ဆိုလျှင် အရွယ်ကောင်းတုန်း အချိန်ရှိခိုက် လုံ့လစိုက် ထုတ်ပြီး ရွှေ၊ ငွေ၊ ဥစ္စာဓနနှင့် ပညာများကို ရှာဖွေထားပါမှ တော်ကာကျမည်ပင်။ ယခုခေတ် လူငယ် အတော်များများသည် အချိန်ကို သိပ်ပြီးတန်ဖိုးမထားတတ်ကြပေ။ အချိန်ကို တန်ဖိုးရှိအောင်လည်း အသုံး မချတတ်ကြပေ။ ရသည့်အချိန်ကိုလည်း အပျော်အပါးအတွက်သာ အသုံးချလေ့ရှိကြသည်။ နောက်ဆုံး အချိန်လွန်ကာမှ ဆုံးရှုံးခဲ့သည့်အရာများ၊ ကုန်ဆုံးသွားသည့် အချိန်များကို နှာမြောတတ်ကြသည်။ နောင်မှ ရသည့် နောင်တသည် အလကားပင်ဖြစ်သည်။ ကုန်လွန်သွားသည့်အချိန်ကို မည်သည့်နည်းနှင့်မျှ ပြန်လည် ကုစား၍လည်း မရပေ။ ထိုအချိန်တွင် မိမိအတွက် တစ်ခုတည်းရရှိမည့်အရာသည် “နောင်တ” ပင်ဖြစ်သည်။
ကျွန်တော်တို့လူသားများအားလုံးသည် ပုထုဇဉ်လူသားများဖြစ်ကြသည်နှင့်အညီ အမြဲတည်မြဲ နေသည့် အရာမဟုတ်ပါ။ အသက်သည် စက္ကန့်နှင့်အမျှ တစ်ရက်ပြီးတစ်ရက်၊ တစ်နှစ်ပြီး တစ်နှစ်ကြီးလာပြီး နောက်ဆုံး ဒီလောကကြီးကို စွန့်ခွာကြရမည့်လူသားချည်းပင်ဖြစ်သည်။ ဤသို့ဆိုလျှင် လူဖြစ်ရချိန်တဒင်္ဂ အတွင်း တန်ဖိုးရှိလှသည့်အချိန်ကို အကျိုးရှိရှိအသုံးချကြတတ်ရန် လိုအပ်ပါသည်။ လူငယ်များအနေဖြင့် အပျော်အပါးများသာလိုက်စားနေခြင်း၊ တစ်ချိန်လုံးဖုန်းနှင့်သာအချိန်ဖြုန်းနေခြင်း၊ ဂိမ်းဆိုင်တွင် ဂိမ်းထိုင် ဆော့ရင်း အချိန်ဖြုန်းနေခြင်း၊ အပေါင်းအသင်းများစုကာ အရက်သေစာ သောက်စားနေခြင်း၊ လောင်းကစား များနှင့် အချိန်ဖြုန်းနေခြင်း၊ အချိန်ရှိတိုင်း တီဗွီထိုင်ကြည့်ရင်း အချိန်ဖြုန်းနေခြင်း၊ Facebookပေါ်တွင် တစ်နေကုန်အချိန်ဖြုန်းနေခြင်း စသည့် ``အရေမရ အဖတ်မရ´´သည့် အရာများအတွက် အချိန်ကို အသုံးချမနေသင့်ပေ။ ထိုသို့လုပ်နေမည့်အစား လူငယ်များအနေဖြင့် မိမိရသည့်အချိန်တွင် မိမိဘဝ အောင်မြင်တိုးတက်ရေးအတွက် အဖော်မွန်အဖော်ကောင်းဖြစ်သည့် စာအုပ်၊ စာပေများကို အချိန်ပေး၍ ဖတ်ရှုလေ့လာသင့်ပေသည်။ စာအုပ်၊ စာပေတွင် ရေးသားထားသည့် အကြောင်းအရာများသည် လူငယ်တို့ ၏ဘဝ အောင်မြင်တိုးတက်ရေးအတွက် အကောင်းဆုံးသော အထောက်အကူဖြစ်စေမည့် အရာပင်ဖြစ် သည်။
လူငယ်များသည် နိုင်ငံနှင့်လူမျိုးအတွက် အနာဂါတ်ခေါင်းဆောင်အလောင်းလျာများဖြစ်ကြပြီး အနာဂါတ်တွင် မိမိတို့တိုင်းပြည် ဖွံ့ဖြိုးတိုးတက်အောင် ကြိုးစားပုံဖော်ထုဆစ်ကြရမည်ပင် ဖြစ်သည်။ လူငယ် တို့၏ သဘောသဘာဝအတိုင်း အပျော်အပါးကို ခုံမင်ခြင်းသည် သဘာဝပင်ဖြစ်သည်။ သို့သော် အပျော် ချည်းသာ လိုက်စားနေ၍လည်း မပြီးသေးပါ။ မိမိဘဝ အောင်မြင်တိုးတက်ဖို့အတွက်လည်း အချိန်ပေးရမည် ဖြစ်သည်။ လူငယ်တိုင်း အနာဂါတ်စိတ်ကူးအိမ်မက် ထားရှိကြရမည်။ မိမိဘဝတွင် ဖြစ်ချင်သည့်အရာ၊ လုပ်သင့်လုပ်ထိုက်သည့်အရာနှင့် မိမိဘဝအောင်မြင်တိုးတက်ရေးအတွက် အထောက်အပံ့ပေးနိုင်သည့် အရာ စသည့်အရာများကို စူးစမ်းရှာဖွေရမည်ပင်ဖြစ်သည်။ မိမိတွေ့ကြုံဖူးသော လူငယ်အတော်များများ သည် အနာဂါတ်အတွက် စိတ်ကူးအိမ်မက်မရှိကြသည်က များသည်။ အချိန်တန်ရင်ဖြစ်လာပါလိမ့်မည် ဆိုပြီး ပေါ့ပေါ့နေ၊ ပေါ့ပေါ့စား၊ ပေါ့ပေါ့တွေးရင်းနှင့်သာ နေတတ်ကြသည်။ အချိန်တန်လို့မှ ဖြစ်မလာလျှင် “ငါတော်တော်ကံဆိုး ပါလား”ဟု ကံကိုပင် ရိုးမယ်ဖွဲ့တတ်ကြသေးသည်။ မိမိကိုယ်တိုင်ကိုက အသုံးမကျ၍ သာ ဤသို့ဖြစ်ရသည် ကို မတွေးမိတတ်ကြပေ။
ထို့အတူ မိမိပတ်ဝန်းကျင်တွင်ရှိ အချို့သောလူငယ်များဆိုလျှင်မူ အခြေခံပညာကျောင်းမှသည် အဆင့်မြင့်တက္ကသိုလ်အထိ တက်ရောက်ပြီးကာမှ ကျောင်းမပြီးသေးပဲ ကျောင်းထွက်သွားကြသည့် လူငယ် များ၊ အိမ်ထောင်ပြုသွားကြသည့်လူငယ်များ၊ တက္ကသိုလ်ရောက်ပြီး မိမိကိုယ်ကို မထိန်းနိုင်၍ အရက်သမား ဖြစ်သွားကြသည့်လူငယ်များ၊ ဘိန်းစားဖြစ်သွားကြသည့်လူငယ်များ အများအပြားပင်တွေ့ရှိရပါသည်။ တချို့ဆိုလျှင် ကျောင်းပြီးလို့ဘွဲ့ကဖြင့်မယူသေး အိမ်ထောင်ပြုသွားကြသည့် လူငယ်သည်လည်းအများ အပြားပင်။ တချို့ဆိုလျှင် ကျောင်းတက်သည်သာပြောသည် ကျောင်းမရောက်သည့်အပြင် မရောက်သင့် သောနေရာများကို ရောက်သွားကြသည့် လူငယ်များသည်လည်း အများအပြားရှိသည်။ တချို့လူငယ်ဆို လျှင်မူ တက္ကသိုလ်ရောက်ပြီဆိုသည်နှင့် ကြွားချင်၊ လှချင်ပချင်၊ အများထက်ထင်ပေါ်ချင်သောစိတ်ကြောင့် မိဘကို ဟိုဟာလိုချင်ကြောင်း၊ ဒီဟာလိုချင်ကြောင်းပူဆာကြ မိဘမှဝယ်မပေးလျှင် ကျောင်းပင်ဆက်မတက် တော့သည့်အနေအထားဖြင့် မိဘကိုပြန်ပြီး ခြိမ်းခြောက်နေသော လူငယ်များလည်းရှိသေးသည်။ မိဘများ မှာဖြင့် ကိုယ့်သားသမီးကို ကောင်းစားစေချင်သော၊ ပညာတတ်တစ်ယောက် ဖြစ်စေချင်သောစိတ်ကြောင့် အလိုလိုက်ပေးလိုက်ရသည်။ တစ်ချို့ဘွဲ့ရပြီးသော်လည်း မိဘကျေးဇူးပြန်ဆပ်ဖို့နေနေသာသာ မိဘလုပ်စာ ထိုင်စားနေကြသည့် လူငယ်များလည်း တစ်ပုံကြီးပင်။ ဤလုပ်ရပ်မျိုးသည် လူငယ်များအနေဖြင့် မပြုလုပ် သင့်၊ မဖြစ်သင့်သည့်အရာများပင်ဖြစ်ပေသည်။
လူငယ်များ စဉ်းစားကြည့်ပါ မိမိအောင်မြင်တိုးတက်ကြီးပွားချမ်းသာဖို့အရေး မိဘများက သွေးချွေး နှင့်ရင်းပြီး စိုက်ထုတ်ပေးထားသည့် အရင်းအနှီးများသည် နောက်ဆုံး “ခဲလေသမျှ သဲရေကျရတဲ့” အဖြစ်နှင့် ပင် တူမနေပေဘူးလား။ မိမိအနေဖြင့်လည်း (၁၄-၁၅)နှစ်လုံးလုံးပေးခဲ့ရသည့် အချိန်များ၊ ပင်ပန်းဆင်းရဲ ခြင်းဒဏ်ကို အံတင်းကာ သင်ယူလေ့လာခဲ့သည့် ပညာများသည် နောက်ဆုံးဤကဲ့သို့ အဖြစ်ခံပါတော့မည် လား။ လူငယ်များအနေဖြင့် အချိန်ကုန်ခံ၊ ငွေကုန်ခံ၊ ပင်ပန်းခြင်းဒဏ်ကို အံတင်းကာလျှောက်လှမ်းခဲ့သည့် ပန်းတိုင်သို့ ရောက်လုစဲစဲအချိန်၌ပင် နောက်ပြန်လှည့်သွားပါမည်လား စဉ်းစားချင့်ချိန်စေချင်ပါသည်။
အချို့လူငယ်များဆိုလျှင်မူ အင်္ဂလိပ်စကားပြောသင်တန်းများ၊ စာရင်းကိုင်သင်တန်းများ၊ ကွန်ပျုတာ သင်တန်းများ တက်ရောက်လေ့လာကြ အစပိုင်းတွင်တော့ ဟုတ်သလိုလိုနှင့် နောက်ဆုံး တစ်ဝက်တစ်ပျက် နှင့် ဆက်ပြီးမသင်ယူ မလေ့လာဘဲ ထွက်သွားသည့် လူငယ်များလည်းရှိသည်။ ဤသည်မှာ လူငယ်များ အနေဖြင့် မိမိ၏တန်ဖိုးရှိလှသည့် အချိန်များ၊ ငွေများကို အဓိပ္ပါယ်မဲ့စွာ ဖြုန်းတီးနေခြင်းနှင့် တူနေပေသည်။ ဤကဲ့သို့သော လုပ်ရပ်မျိုးသည် ဇွဲ၊ လုံ့လ၊ ဝီရိယ၊ ဖြစ်ချင်သည့်စိတ်၊ လုပ်ချင်သည့်စိတ်မရှိဘဲ မိမိဘဝအောင်မြင်တိုးတက်ရေးအတွက် မည်သို့ပုံဖော်ရမည်ကို မသိသောလူများ၊ အနာဂါတ်စိတ်ကူး အိမ်မက်မရှိသည့် သူများ၏လုပ်ရပ်ပင်ဖြစ်ပြီး သူများယောင်လို့လိုက်ယောင်၊ “အမှောင်တောင်မှန်း မြောက်မှန်း” မသိဘဲ မျက်ကန်းနေသည့် လူတစ်ယောက်နှင့်တူနေပေသည်။
ကုသိုလ်၊ ရွှေ၊ ငွေ၊ ဥစ္စာဓန၊ ပညာစသည့် အကျိုးအမြတ်များရဖို့ရန်အတွက် လူများသည် နေ့တိုင်း၊ အချိန်တိုင်း အလုပ်လုပ်နေကြခြင်းပင် မဟုတ်ပါလား။ ဤသို့ဆိုလျှင် မိမိအတွက်၊ မိသားစုအတွက်၊ ဆွေမျိုးသိုင်းဝိုင်းအတွက်၊ ရပ်ရွာ၊ ဒေသ၊ နိုင်ငံ၊ တိုင်းပြည်နှင့်လူမျိုးအတွက် အကျိုးရှိအောင် မိမိရသည့် အချိန်ကို တန်ဖိုးရှိရှိအသုံးချပြီး လုပ်သင့်လုပ်ထိုက်သည်နှင့် သင်ယူသင့်သင်ယူထိုက်သည်များကို အခုတင် ထလုပ်လိုက်ပါ။ သင်ယူလေ့လာလိုက်ပါ။ စိတ်ကူးသာရှိပြီး ကိုယ်တိုင်ကိုယ်ကျမှ မလုပ်လျှင် မည်သည့် အရာမှ ဖြစ်လာမည်မဟုတ်ပေ။ စိတ်ကူးကို လက်တွေ့ကျကျပုံဖော်လုပ်ဆောင်ပါမှ အရာထင်ပြီး အသွင် သဏ္ဍာန်ပေါ်လာမည်ဖြစ်သည်။ အလားတူပင် အခွင့်အရေးသည်လည်း မိမိထံသို့ အလိုလိုနေရင်း ရောက် လာလိမ့်မည် မဟုတ်သကဲ့သို့ မိမိကိုယ်တိုင်ဖန်တီးယူမှရသည့် အရာပင်ဖြစ်သည်။ ရသည့်အခွင့်အရေးကို လည်း တင်းတင်းကြပ်ကြပ်ဆုပ်ကိုင်ထားရန်လိုအပ်ပါသည်။
လူတိုင်းသည် ကိုယ့်ဘဝအောင်မြင်တိုးတက်ရေးအတွက် မိမိကိုယ်ကိုပုံဖော်ထုဆစ်နေကြရသည့် လူချဉ်းပင်ဖြစ်သည်။ အခြားသူများ သူတို့ဘဝအောင်မြင်တိုးတက်ရေးအတွက် ရုန်းကန်လုပ်ရှားနေသည့် အချိန်တွင် ကိုယ်ကဘာမျှမလုပ်ပဲ အချိန်ကို အလဟဿဖြုန်းတီးပြီး လေလွင့်နေမည်ဆိုလျှင် နောက်ဆုံး နောက်ကောက်ကျန်ခဲ့ရမည့်သူမှာ မိမိပင်ဖြစ်သည်။။ ထိုကြောင့် ရသည့်အချိန်တွင် ကိုယ်လုပ်သင့်သည် များကို လုပ်ဆောင်ရမည်။။ နောင်ဆိုသည့်အတွေးကို ဖျောက်ပစ်ရမည်။ လူငယ်များအနေဖြင့် အချိန်ရှိ တိုင်း ဖုန်းဆော့နေခြင်း၊ တီဗွီရှေ့မှ မခွာနိုင်သည့် မျက်နှာများ၊ ဂိမ်းဆိုင်တွင် ဂိမ်းဆော့နေခြင်း၊ ကျုဆိုင်တွင် ကျုထိုးနေခြင်း၊ အပေါင်းအသင်းများစုပြီး လေလွင့်နေခြင်း၊ လောင်းကစားများပြုလုပ်နေခြင်းစသည်တို့ကို ခုဘဲရပ်လိုက်ပြီး စာအုပ်ကောက်ကိုင်ကာ မိမိလုပ်သင့်လုပ်ထိုက်သည်များကို အချိန်မဆိုင်းဘဲ ရသည့် အချိန်တွင် အကျိုးရှိစွာ အသုံးချလိုက်ပါ။ ဤသို့ဆိုလျှင် သင်သည် တစ်နေ့နေ့တစ်ချိန်ချိန်တွင် အောင်မြင် တိုးတက်လာမည့် လူတစ်ယောက် ဖြစ်ကိုဖြစ်လာလိမ့်မည်ဟု မိမိအနေဖြင့် ယုံကြည်ပါသည်။
ခွန်ကျော;ခေါင်; (ထီရီးဟော်ထို)
Like On Facebook
Follow On Twitter
Subscribe On RSS