၂၀၁၈-ခုနှစ်၊ ဖေဖော်ဝါရီလ(၁၆)ရက်၊ နံနက်(၉း၀၀)နာရီအချိန်တွင် တောင်ကြီးမြို့၊ ဗိုလ်ချုပ်လမ်းမကြီးနှင့် အနောက်မြို့ပတ်လမ်းကို ဆက်သွယ်ထားသော လျှံထူးအောင်ကုမ္ပဏီမှ လှူဒါန်းထားသောရွှေရင်အေးကွန်ကရစ်လမ်းသစ်ဖွင့်ပွဲအခမ်းအနား ပြုလုပ်ကျင်းပခဲ့ကြောင်း သတင်းရရှိပါသည်။
ပထမဦးစွာ ဖိတ်ကြားထားသော ဧည့်သည်တော်များအား နေရာယူပြီး အခမ်းအနားမှူးမှ ရွှေရင်အေးလမ်းအား ကွန်ကရစ်ခင်းခြင်းလုပ်ငန်းအကြောင်းကို ရှင်းလင်းတင်ပြပြောကြားပေးခဲ့ပါသည်။ ရှမ်းပြည်နယ်ဝန်ကြီးချုပ် ဒေါက်တာလင်းထွဋ်၊ အရှေ့ပိုင်းတိုင်းစစ်ဌာနချုပ် တိုင်းမှူးဗိုလ်ချုပ်ဝင်းမင်းထွန်း၊ ကမ္ဘောဇဘဏ်လီမိတက် ဥက္ကဋ္ဌဝဏ္ဏကျော်ထင်စည်သူ ဦးအောင်ကိုဝင်း၊ ပြည်နယ်လွတ်တော်ကိုယ်စားလှယ် ဦးမာန်သူရအောင်နှင့် အလှူရှင်လျှံထူးအောင်ကုမ္ပဏီဒါရိုက်တာ ဦးသော်တာတို့မှ အခမ်းအနားကို ဖဲကြိုးဖြတ်ဖွင့်လှစ်ပေးခဲ့ပြီးသည်နှင့် ကွန်ကရစ်လမ်းအား ဖြတ်သန်းကြည့်ရှုစစ်ဆေးခဲ့ကြောင်း သိရှိရပါသည်။
ရွှေရင်အေးလမ်းသည် ဗိုလ်ချုပ်လမ်းမကြီးမှ အနောက်မြို့ပတ်လမ်းကို ဆက်သွယ်ပေးထားသော လမ်းဖြစ်၍ အရှည်ပေ(၁၉၈၀)၊ ယခင်က(၁၂)ပေအကျယ်ရှိပြီး ယခု အရှည်ပေ (၁၉၈၀)၊ အကျယ်(၁၈)ပေ အထူ(၆)လက်မရှိကွန်ကရစ်လမ်းအပြင် လမ်းဘေးရေစီးရေလာကောင်းရန် မြေပြင်ပေးခြင်းပြုလုပ်ပေးခဲ့ပြီး ခန့်မှန်းခြေ ကုန်ကျငွေမှာ (၇၀၅)သိန်း ခန့်ရှိကာ လမ်းဖွင့်ပြီးနောက်ပိုင်းတွင်လည်း လမ်းပြုပြင်ပေးခြင်း၊ လမ်းမီးထွန်းညှိပေးခြင်း၊ လမ်းဘေးသစ်ပင်များပြုစုပေးခြင်းနှင့် သန့်ရှင်းရေးတို့ကို လျှံထူးအောင်ကုမ္ပဏီမှ ထာဝရဆက်လက်တာဝန်ယူဆောင်ရွက်သွားမည်ဖြစ်ကြောင်း သိရှိရပါသည်။
အခမ်းအနားသို့ ရှမ်းပြည်နယ်ဝန်ကြီးချုပ်ဒေါက်တာလင်းထွဋ်၊ အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်ဝင်းမင်းထွန်းနှင့် ဌာနဆိုင်ရာအသီးသီးမှ တာဝန်ရှိပုဂ္ဂိုလ်များတက်ရောက်ခဲ့ကြောင်း သိရှိရပါသည်။
နန်းတဆံထီ
Like On Facebook
Follow On Twitter
Subscribe On RSS