၂၀၁၈ခုနှစ်၊ ဖေဖော်ဝါရီလ(၁)ရက်နေ့၊ မနက်ပိုင်း(၁၁း၂၅)နာရီအချိန်တွင် ပင်လုံမြို့နယ်ခွဲ၊ ဆဟောင်းကျေးရွာအုပ်စု၊ ကျူဗောရွာ၊ ပန်းတင်ဗောကိုးနဝင်းစေတီတော်ဓမ္မာရုံ၌ ပအိုဝ်းအမျိုးသားအဖွဲ့ချုပ်(PNO) အတွင်းရေးမှူးချုပ် ဖြားခွန်သိန်းဖေမှ ဒေသခံပြည်သူများအား သွားရောက်တွေ့ဆုံခဲ့ကြောင်း သိရှိရပါသည်။
ပထမဦးစွာ ပင်တင်းဗောကိုးနဝင်းစေတီတော် ကျောင်းထိုင်ဆရာတော်ထံမှငါးပါးသီလနှင့် သြဝါဒစကားများကို ခံယူဆောက်တည်နာခံပြီးတက်ရောက်လာကြသော လူကြီးမင်းများက ဒေသခံများကို တစ်ဦးချင်းမိတ်ဆက်ပေးခဲ့ကြောင်း သိရှိရပါသည်။
တွေ့ဆုံပွဲတွင် ပအိုဝ်းအမျိုးသားအဖွဲ့ချုပ်(PNO)အတွင်းရေးမှူးချုပ် ဖြားခွန်သိန်းဖေမှ လွတ်တော်တွင်း ကြုံတွေ့ရသောအတွေ့အကြုံများ ဗဟုသုတများကို မျှဝေပေးခြင်း၊ မိမိပအိုဝ်းတစ်မျိုးသားလုံးအတွက် တာဝန်ယူဆောင်ရွက်ပေးနေသည့် လုပ်ငန်းတာဝန်များကို ရှင်းလင်းတင်ပြခြင်း၊ တက်ရောက်ခဲ့သောလွတ်တော်သက်တမ်း(၇)နှစ်အတွင်းပအိုဝ်းဒေသ ဖွံ့ဖြိုးတိုးတက်လာသည်ကို တွေ့မြင်နေရသည့်အကြောင်း၊ မိမိတို့ပအိုဝ်းလူမျိုးသည် ငြိမ်းချမ်းရေးယူပြီးနောက်ပိုင်း ဒေသဖွံ့ဖြိုးရေးကို ဦးစားပေးလုပ်ဆောင်ပေးရန် ပအိုဝ်းအမျိုးသားခေါင်းဆောင် ဖြားတန်ဦးအောင်ခမ်းထီမှ မှာကြားခဲ့သောကြောင့် ယခုဒေသဖွံ့ဖြိုးတိုးတက်ရေးကို ဦးစားပေးလုပ်ဆောင်နေကြောင်း၊ ဒေသတစ်ခုဖွံ့ဖြိုးတိုးတက်ရန် လမ်းပန်းဆက်သွယ်ရေး၊ ရေ၊ မီးအဆင်ပြေချောမွေ့ရန်လိုအပ်ကြောင်း၊ လမ်းပန်းဆက်သွယ်ရေး၊ မီးရရှိရေးနှင့်ပတ်သက်သောနိုင်ငံတော်မှချမှတ်ထားသောစည်းမျဉ်းစည်းကမ်းနှင့် လိုအပ်ချက်များကို မျှဝေပြောကြားပေးခြင်း၊ ဒေသဖွံ့ဖြိုးတိုးတက်အောင်လုပ်ဆောင်ရာတွင်ကြုံတွေ့ရတဲ့အတွေ့အကြုံနှင့် မိမိတို့လူမျိုးရပ်ရွာပြည်သူများအချင်းချင်းစည်းလုံးညီညွတ်ကြခြင်းဖြင့် ဝိုင်းဝန်းကူညီလုပ်ဆောင်ပေးကြရန်၊ အကူညီများလိုအပ်လာပါက တောင်ကြီးမြို့၊ ပအိုဝ်းအမျိုးသားအဖွဲ့ချုပ်(PNO)ဗဟိုဌာနချုပ်ရုံးသို့ လာရောက်အကူညီတောင်းခံနိုင်ပါကြောင်း စသည့်အမှာစကားများကို ပြောကြားခဲ့ကြောင်း သိရသည်။
ထိုတွေ့ဆုံပွဲသို့ ပအိုဝ်းအမျိုးသားအဖွဲ့ချုပ်(PNO)အတွင်းရေးမှူးချုပ် ဖြားခွန်သိန်းဖေ၊ အတွင်းရေးမှူး(၃)ဖြားခွန်တင်ထွဋ်၊ ပအိုဝ်းအမျိုးသားအဖွဲ့ချုပ်(PNO)ဗဟိုဌာနချုပ်ရုံး ရုံးအဖွဲ့မှူး စောခွန်ကျော်ဝင်း၊ ဘဏ္ဍာရေးဌာန၊ ဌာနမှူး ခွန်မျိုးထွန်း၊ စည်းရုံးရေးဌာနမှ ဌာနမှူး နန်းခမ်းဗွာ၊ လွှတ်တော်ရေးရာဌာနမှ ခွန်မောင်ထွန်း၊ ၊ မျင်းမိုရ်ခမ်း ခမ်းဗွေးဖြားတန်ခွန်ကျော်ခေါင်နှင့် အဖွဲ့များ၊ ပင်လုံမြို့နယ်ခွဲ၊ လွိုင်လင်မြို့မှ ကျေးရွာအုပ်စုများဖြစ်ကြသော ပန်မုန့်၊ ဆဟောင်း၊ ဟဲနန်း၊ ပန်ဝိုး၊ ခေါင်းနွဲ့၊ ဟွေ့တောက်၊ နားယမ်းတို့မှ ကျေးရွာအုပ်ချုပ်ရေးမှူးနှင့် ဒေသခံကော်မတီအဖွဲ့ဝင်များ(၂၀၀)ကျော်တက်ရောက်ခဲ့ကြောင်း သတင်းရရှိ ပါသည်။
နန်းတဆံထီ
Like On Facebook
Follow On Twitter
Subscribe On RSS