ရှေးဦးစွာ အောင်သုခဆရာတော်ထံ ငါးပါးသီလခံယူခြင်းနှင့် သြ၀ါဒစကားခံယူပြီး တက်ရောက်လာသည့် တာဝန်ရှိပုဂ္ဂိုလ်များက မိတ်ဆက်ပေးခြင်းများပြုလုပ်ခဲ့ပါသည်။ ဆက်လက်ပြီး မျင်မိုရ်ခမ်း ခမ်းဗွေ ဖြားဆရာခေါင်က ပအိုဝ်းယိုးယာ၊ ယဉ်ကျေးမှု ၊ စာပေ၊ ရိုးရာဓလေ့ထုံးတမ်းအစဉ်အလာများကို လူငယ်များအတွက် ထိန်းသိမ်းရန်လိုအပ်ကြောင်း စသည့်အဖွင့်အမှာစကားပြောကြားခဲပါသည်။
အွိုင်းမင်္ဂလာ ဥက္ကဋ္ဌ ဖြားခွန်ကျော်ခေါင်၊ ပအိုဝ်းအမျိုးသားအဖွဲ့ချုပ်(PNO) အတွင်းရေးမှူး (၂) ဖြားခွန်ထွန်းရွှေ၊ ပအိုဝ်းစာပေနှင့်ယဉ်ကျေးမှု (ဗဟို) သုတေသနတာဝန်ခံ ဖြားခွန်ရာမ၊ တောင်ကြီးမြို့နယ် ပအိုဝ်းစာပေနှင့်ယဉ်ကျေးမှု အတွင်းရေးမှူး ဖြားခွန်ထွန်းစံ၊ ပအိုဝ်းအမျိုးသမီးအဖွဲ့PWU ဥက္ကဋ္ဌ စင်မွိုးမွံ၊ တောင်ကြီးမြို့နယ် ပအိုဝ်းလူငယ်ကွန်ယက် (PYN) ဥက္ကဋ္ဌ နန်းကလျာခမ်း စသည့်တာဝန်ရှိပုဂ္ဂိုလ်များက လူငယ်များအတွက် အမှာစကားပြောကြားပေးခဲ့ပါသည်။
ထိုသင်တန်းသည် ၂၀၁၈ ခုနှစ်၊ မတ်လ (၂၀) ရက်နေ့မှ မတ်လ (၂၉) ရက်နေ့အထိ (၁၀) ရက်တိတိကျင်းပခဲ့သည်ဖြစ်ကြောင်း သင်တန်းသူ/သားဦးရေ (၁၁၂) ဦးရှိကြောင်း၊ သင်တန်းနည်းပြ (၇) ဦးဖြင့် ဦးဆောင်ဆွေးနွေးပေးသွားခဲ့ကြောင်း၊ ဆွေးနွေးသင်ကြားပေးသည့်ခေါင်းစဉ်သည် (၁) လူထုတွင်းစကားပြောစွမ်းရည်၊ (၂) ပအိုဝ်းလူမျိုးသမိုင်း၊ (၃) ပအိုဝ်းတော်လှန်ရေးသမိုင်း၊ (၄) ပအိုဝ်းစာပေသမိုင်း၊ (၅) ငြိမ်းချမ်းရေးရယူခြင်းမှတ်တမ်း၊ (၆) ပအိုဝ်းလူမျိုးများ မမေ့အပ်မပျောက်ကွယ်သင့်သော ပအိုဝ်းရိုးရာထုံးတမ်းအစဉ်အလာများ (၇) ကောင်းမွန်သောအုပ်ချုပ်မှု (၈) ခေါင်းဆောင်မှု (၉) စည်းရုံးခြင်း (၁၀) ဖွဲ့စည်းပုံအခြေခံဥပဒေ(၁၁) ဒီမိုကရေစီ (၁၂) လူ့အခွင့်အရေး (၁၃) CEDAW (၁၄) ဖွံ့ဖြိုးတိုးတက်မှု (၁၅) လူ့စွမ်းအားအရင်းအမြစ်ဖွံ့ဖြိုးတိုးတက်မှု စသည်ဖြင့် သင်ကြားပို့ချသွားခဲ့ကြောင်းသိရှိရပါသည်။
အဆိုပါစွမ်းရည်မြင့်သင်တန်းအောင်ပွဲကို မျင်မိုရ်ခမ်း ခမ်းဗွေ ဖြားဆရာခေါင်၊ ရန်းကင်းမြို့နယ် ဥက္ကဋ္ဌ ဖြားခွန်ဝင်းစိန်၊ ပအိုဝ်းအမျိုးသားအဖွဲ့ချုပ်(PNO)၊ အတွင်းရေးမှူး (၂) ဖြားခွန်ထွန်းရွှေ၊ ရုံးအဖွဲ့မှူး စောခွန်ကျော်ဝင်း၊ ပအိုဝ်းစာပေနှင့် ယဉ်ကျေးမှု (ဗဟို) ရုံးအဖွဲ့မှူး၊ သုတေသနတာဝန်ခံ ဖြာခွန်ရာမ၊ ပအိုဝ်းသွေးလှူရှင် အတွင်းရေးမှူး ဖြာခွန်ထွန်းဖြူ၊ တောင်ကြီးမြို့နယ် ပအိုဝ်းစာပေနှင့်ယဉ်ကျေးမှုအဖွဲ့မှ တာဝန်ရှိပုဂ္ဂိုလ်များ၊ အွိုင်းမင်္ဂလာ ဥက္ကဋ္ဌ ဖြားခွန်ကျော်ခေါင်၊ ပအိုဝ်းလူငယ်ကွန်ယက် (PYN)၊ ပါရမီဖွံ့ဖြိုးရေးကွန်ယက် (PDN)၊ ဖိတ်ကြားထားသည့် တာဝန်ရှိပုဂ္ဂိုလ်များ ဒေသခံပြည်သူလူထုများ စည်ကားသိုက်မြိုက်စွာ တက်ရောက်ကြောင်းသိရှိရပါသည်။
နန်းအိနြေ္ဒခမ်း
Like On Facebook
Follow On Twitter
Subscribe On RSS