မိတ်ဆွေအပေါင်းသင်းမှအစ ဂရုစိုက်စေချင်

တောင်ကြီး၊ ၂၀၁၈ ခုနှစ်၊ မတ်လ (၂၂)ရက်

လူသားတို့သည် အပေါင်းအသင်းနှင့်နေတတ်သည့် သတ္တ၀ါပင်ဖြစ်ပါသည်။ ကျွန်ုပ်တို့သည် လူအများနှင့် ပေါင်းသင်းဆက်ဆံမှုမရှိပါက လောကကြီးမှာနေထိုင်ရန်မလွယ်ကူလှပေ။ ထို့ကြောင့် လူတိုင်းမှာ မိတ်ဆွေအပေါင်းအသင်း ရှိလာကြခြင်းဖြစ်ပါသည်။ မိမိတို့ဘ၀၏ပျော်ရွှင်မှုနှင့်အောင်မြင်မှုများ ဖြစ်လာနိုင်ရန်အတွက် မိတ်ဆွေအပေါင်းအသင်းနှင့် သက်ဆိုင်နေသည်ဟုသတိထားမိစေချင်သည်။ မိတ်ဆွေအပေါင်းအသင်းများထဲမှ မိမိတို့ကိုရှေ့တွန်းပို့ပေးသည့် အပေါင်းသင်းရှိသကဲသို့ မိမိတို့ကို ဆွဲချနိုင်သည့် မိတ်ဆွေအပေါင်းအသင်းများလည်းရှိနိုင်ပါသည်။

ကျွန်ုပ်တို့အားလုံးသည် ပျော်ရွှင်ချင်ကြသည်။ အောင်မြင်ချင်ကြပါသည်။ သို့သော် ကျွန်ုပ်တို့၏ ပျော်ရွှင်မှုနှင့် အောင်မြင်မှုများကို တစ်ဦးတည်းတစ်ယောက်တည်းသာ လုပ်ဆောင်ရန်မလွယ်ကူလှပေ။ တစ်ခါတစ်ရံ ကျွန်ုပ်တို့ သတိမထားမိသည့်အချိန်လေးတစ်ခုတွင် အပေါင်းအသင်းများကြောင့် ရှေ့သို့ ရောက်မှန်းမသိ ရောက်နေတတ်ကြသည်။ အပေါင်းအသင်းကောင်းဆိုသည်မှာ အမုန်းခံပြီး မိမိကောင်းဖို့အတွက်ပြောပါ လိမ့်မည်။ ဗဟုသုတ အကျိုးရှိစေမည့် အရာများနှင့် ကြုံတွေ့သည့်အခါ မျှဝေပေးပါလိမ့်မည်။ အချင်းချင်း ဆွဲတင်ကာ လက်တို့ပေးပါလိမ့်မည်။ ဥပမာ- သင်သည် စီးပွားရေးတစ်ခုလုပ်ဖို့ မအောင်မြင်မှာကြောက်သူတစ်ဦး ဖြစ်သည်ဆိုပါစို့။ သင်လုပ်သည့် အရာတစ်ခုကို အလွယ်တစ်ကူ လုပ်ဆောင်နိုင်အောင် အကြံဉာဏ်ပေးပြီး မအောင်မြင်မချင်း သင့်အနားရှိနေလိမ့်မည်။ သင့်ကို ကောင်းစေချင်သည့် သူများသည်သင်တို့ အဆင်မပြေမှုများကို အဆင်ပြေစေရန် နည်းလမ်းကောင်းများ ပေးပါလိမ့်မည်။ ၄င်းတို့သည်သင့်ကို ကောင်းစေချင်သည့်သူ၊ သင့်အောင်မြင်မှုကိုလိုလားသည့် အပေါင်းအသင်းပင်ဖြစ်ပါသည်။

ထို့ပြင် ကျွန်ုပ်တို့ကိုဘေးရာက်စေသည့် အပေါင်းအသင်း မကောင်းသောအပေါင်းသင်းတို့သည်လည်း လောကကြီး၌ ဒွန်တွဲပါလာတတ်သောအရာဖြစ်လေသည်။ သိုးရေခြုံသော ၀ံပုလွေ၊ ဒေါင်းယောင်ဆောင်သောကျီး စသည့်စကားပုံများလည်းရှိခဲ့သည်။ ဥပမာ -သင်သည် အောင်မြင်လာသူ သူတစ်ဦးဖြစ်သည်ဆိုပါစို့။ သင့်ရှေ့တွင်ချီးကျူးစကားပြောဆိုနေလိမ့်မည်။ အပြုံးလှလှလေးနှင့် သင့်ကို ရယ်ပြပြုံးပြနေလိမ့်မည်။ နောက်ကွယ်မှာ သင်ကြိုးစားအားထုတ်မှုကို အသိအမှတ်မပြုဘဲ ကဲ့ရဲ့ပြောဆိုနေ လိမ့်မည်။ “ကံကောင်းလို့ အောင်မြင်သွားတာပါ။ မိဘတွေကြောင့် အောင်မြင်နေတာ ကြက်ကန်းတိုး သွားတာပါ” စသည့် အကောင်းမြင်စိတ်နှင့် ချီးမွမ်းစကားမပြောဘဲ ကဲ့ရဲ့ကာ မနာလိုစိတ်ထားနှင့်သာ ပြောဆိုဆက်ဆံလျှင် သူတို့ကို သင်တတ်နိုင်သမျှရှောင်ရမည်ဖြစ်သည်။ ထိုအပေါင်းအသင်းများကို အထူးသတိထား ပေါင်းသင့်ပေသည်။

ထို့နောက် မိတ်ဆွေအပေါင်းသင်းကောင်းဆိုသည်မှာ အချိန်များ ထိုင်ဖြုန်းရန်အတွက် အဖော်မပြုတတ်ပေ။ မိမိအချိန်များ မည်သို့အသုံးချရမည်ကိုသာ လမ်းညွှန်ပြတတ်ကြသည်။ အပေါင်းအသင်းမကောင်းရင် မိမိဘ၀ဟာ တိုးတက်လာလိမ့်မည်မဟုတ်သလို ရှေ့လည်းရောက်နိုင်လိမ့်မည်မဟုတ်ပေ။ အပျော်အပါးကိစ္စကြီးတွင်သာခေါ်လေ့ရှိသည့်အပေါင်းသင်းမျိုးကို သတိထားရန်လိုအပ်ပေသည်။ အပေါင်းသင်းတို့သည် ငွေကြေးပြည့်စုံနေမည် လိုအပ်တာမှန်သမျှကို လွယ်လွယ်ဖြေရှင်းတတ်ကြပေသည်။ 

မိမိသည် တို့နှင့် မတူနိုင်ပေ၊ ဘ၀တွက်ကြိုးစားရန် လိုအပ်နေသေးသည့် သူတစ်ယောက်သည် မိမိအခြေအနေ မေ့ထားလို့မရနိုင်ပေ။ ထို့ကြောင့် မိမိအခြေအနေကိုမိမိသိရမည့်ဖြစ်သည်။ အပေါင်းအသင်း ကြောင့်လည်း အခြေနေကို ကိုယ်တိုင်မေ့ပစ်ထားသည်မျိုးမဖြစ်အောင် နေထိုင်သင့်ပါသည်။ အဆိုးမြင် စိတ်ရှိသူ၊ အကောင်းမြင်စိတ်နည်းပါးသူ၊ ချီးမွမ်းစကားမဆိုတတ်သူ၊ မည်သည့်ကောင်းသည့်အလုပ်ကို လုပ်သည်ဖြစ်စေ တခုခုဆို အမြဲအပြစ်မြင်တတ်သူများသည် ၄င်းတို့နှင့်သင်အနေများလာလျှင် သင်မွန်းကြပ်လာနိုင်သလို ၄င်းတို့၏ အဆိုးမြင်စိတ်များလည်းကူးစက်လာနိုင်ပါသည်။ ထိုကြောင့် မိတ်ဆွေအပေါင်းအသင်းဆိုသည် ပေါင်းတတ်ရင် မိမိအတွက်အောင်မြင်မှုလမ်းစတွေ့ရှိနိုင်သကဲ့သို့ မပေါင်းတတ်ပါက အောင်မြင်မှုလမ်းစများ ပျောက်ဆုံးသွားတတ်ပါသည်။

အထက်ပါ အပေါင်းသင်းမိတ်ဆွေတွေကို ကျွန်ုပ်တို့ကိုယ်တိုင်လည်း နေ့စဉ်နှင့်အမျှကြုံတွေ့ နေရပါသည်။ အပေါင်းသင်းပေါင်းတဲ့အခါ မိမိဘ၀ကိုမြှင့်တင်ပေးတဲ့ အပေါင်းသင်လား၊ မိမိဘ၀ကို ဘေးရောက် အောင်တွန်းချနေသည့် အပေါင်းအသင်းလားဆိုသည်ကို အထူးသတိထားပေါင်းသင်း စေလိုပါသည်။ အပေါင်းသင်းဆိုသည်မှာ ကျွန်ုပ်တို့၏အောင်မြင်မှုနှင့်ပျော်ရွှင်မှုတို့မှာ ပါဝင်ပက်သက် ဆက်နွယ်နေသည်မို့ အပေါင်းအသင်းထားရာတွင် အထူးသတိပြုပေါင်းသင်းကြစေလိုပါကြောင်း ဆန္ဒပြုရင်း……,,

နာင်အိန်ခေ