ယနေ့ပညာရေး

တောင်ကြီး၊ ၂၀၁၈ ခုနှစ်၊ ဇူလိုင်လ (၂၃)ရက်

ပညာဟူသည် အရာရာကိုခွဲခြမ်းစိတ်ဖြာသိမြင်နိုင်သောအသိဉာဏ်များဖြစ်ပေသည်။ အသိရှိလာသောကြောင့် အတတ်ရလာခြင်းဖြစ်သည်။ သိခြင်းမှ ရလာသောအတတ်သည် အရာရာကိုဆန်းသစ်တီထွင်နိုင်သောအဆင့်သို့ ရောက်လာပြီး တိုးတက်ပြောင်းလဲစေခြင်းကိုဖြစ်စေသည်။ ထို့အပြင် စာအုပ်စာတမ်းတွင်ဖတ်ရှုလေ့လာခြင်း၊ တတ်ကျွမ်းသောပုဂ္ဂိုလ်ထံမှ သင်ယူဆည်းပူးခြင်း၊ လက်တွေ့လေ့လာကျင့်သုံးခြင်းမှလည်းအတတ်ဖြစ်လာသည်။

လူ့ဘောင်လောကတွင် ကျွန်ုပ်တို့သည် ပုခက်တွင်းမှ မြေကြီးထဲသို့ ဘဝအနိစ္စရောက်သည့်တိုင် ပညာကိုသင်ယူနေကြရသည်ဟုပြောလျှင်မှားမည်မထင်ပေ။ အမှန်စင်စစ် ပညာသင်ကြားမှုသည်  ကျွန်ုပ်တို့၏ ဘဝတစ်လျှောက်လုံးတွင် သင်ယူရန် ကုန်ဆုံးမည်မဟုတ်သောကြောင့် ပင်ဖြစ်သည်။

သတ္တဝါထဲတွင် လူသည်အသိဉာဏ်အကြွယ်ဝဆုံးသတ္တဝါဖြစ်သည်။ ကျောက်ခေတ်တွင် လူသားများသည် ဝမ်းစာအတွက် သစ်ဥသစ်ဖုသစ်သီးဝလံများရှာဖွေသည့်အပြင်အမဲလိုက်ရသည်။ ကနဦးလူသားများသည် အမဲလိုက်ရာမှ ရလာသောသားကောင်ကို အစိမ်းလိုက်သာစားတတ်သေးသည်။ တစ်နေ့အခါ ပူပြင်းလွန်းသောရာသီဥတုကြောင့် တောတောင်ရှိသစ်ပင်ကြီးများလေတိုက်မှုကြောင့် အချင်းချင်းပွတ်တိုက်မိရာမှ မီးပွင့်ထွက်ကာတောမီးလောင်ခြင်းကို ဖြစ်စေသည်။ တောမီးလောင်စဉ်တွင် အချို့သားကောင်များမီးလောင်မှုများခံရသည်။ ထိုမီးလောင်ခံရ၍ သေနေသောသားကောင်များ၏ အသားသည် အနှံ့များမွေး၍ စားသုံးကြည့်သောအခါ အစိမ်းလိုက်စားသုံးခြင်းထက် အရသာပိုမိုကောင်းသည်ကိုသိရှိလာကြသည်။ ထိုအချိန်မှစ၍ ကျောက်ခေတ်လူသားတို့သည် အမဲလိုက်ရာမှ ရသောသားကောင်ကိုမီးနှင့်ချက်ပြုတ်စားလာကြသည့်အလေ့ဖြစ်လာခဲ့သည်။ ဤကာလကိုသိပ္ပံပညာရှင်များကကျောက်ခေတ်ဟုခေါ်သည်။ ကျောက်ခေတ်၊ ကြေးခေတ်၊ သံခေတ်မှကာလအတန်ကြာသော် လူတို့သည် လက်မှုပညာကိုတစ်စတစ်စတီထွင်တတ်မြောက်လာကြသည်။ ယခုအခါ လက်မှုမှ စက်မှုအဖြစ် တိုးတက်ပြောင်းလဲတီထွင်နိုင်ခဲ့ပြီးဖြစ်သည်။

လူတို့၏ တီထွင်ဆန်းသစ်မှုကြောင့်ပင် ယနေ့လူ့ဘောင် လောကတွင် အပ်မှအစအဆောက်အဦးမြင့်တိုက်တာ၊ ကား၊ ပြေးနှုန်းမြန်မီးရထား၊ လေယာဉ် စသောစက်ပစ္စည်းများ၊ ကွန်ပျူတာ၊ အင်တာနက်၊ အင်ဂျင်နီယာစသောနည်းပညာများဖြင့်တစ်ဆထက်တစ်ဆဖွံ့ဖြိုးတိုးတက်လျက်ရှိသည်မှာသက်သေဖြစ်သည်။ လူတို့သည် ပညာသင်ကြားရေး(သို့မဟုတ်) ပညာရေးကို Education ဟုခေါ်သည်။ ထိုဝေါဟာရသည် "Educare"ဟူသောလက်တင်ဘာသာမှ ဆင်းသက်လာပြီးဦးဆောင်၍ခေါ်သည်၊ ဆွဲထုတ်သည်ဟုအဓိပ္ပါယ်ရပါသည်။ ဆိုလိုသည်မှာတစ်ဦးသောပုဂ္ဂိုလ်(သို့မဟုတ်) တစ်ခုသောပစ္စည်းကအခြားတစ်ဦးကို ဖြစ်စေ၊ အများကိုဖြစ်စေလိုအပ်သည့် ပန်းတိုင်သို့ဦးဆောင်၍ခေါ်ခြင်း၊ ပုဂ္ဂိုလ်တစ်ဦးနစ်မြုပ်လျက်ရှိသောစွမ်းရည်ကိုဆွဲထုတ်ပေးခြင်းဖြစ်သည်ဟုဆောင်းပါးတစ်ခုတွင်ဖတ်ရပါသည်။

ထို့ကြောင့်ပင် ကျွန်ုပ်တို့လူသားများသည် တွေးတောတီထွင်ဆန်းသစ်နိုင်ခြင်းကိုဖြစ်စေရန် ပညာသင်ကြားရေးသည်အရေးကြီးသောကြောင့် ကျောင်းနေသောအရွယ်တွင်မိဘများမှ ကျောင်းသို့အပ်နှံ၍ ပညာသင်ကြားရန် စေလွတ်ကြရသည်။"ပညာအစကျောင်းတော်က"ဟုလည်းပြောစမှတ်ရှိခဲ့သည်။ အကြောင်းမှာကျောင်းတော်မှ ပညာရေးသည် ကျွန်ုပ်တို့အတွက်အခြေခံကျကျ သင်ယူမှုကိုရရှိစေပြီးအဆင့်မြင့် ပညာရေးကိုတစ်ဆင့်ပြီးတစ်ဆင့်တက်ရောက်လေ့လာသင်ယူစေခြင်းဖြစ်သည်။ အခြေခံစာရေးနည်းစာဖတ်နည်းမှသည် ဘွဲ့ရပညာတတ်အထိသင်ယူလေ့လာဆည်းပူးကြရသည်။

စာရေးသူအဓိကရေးလိုသည်မှာ ယနေ့တိုးတက်နေသောခေတ်ထဲတွင် ပညာသင်ကြားနေသောလူငယ်များအတွက် ကျောင်းပညာရေးအပြင် ပြင်ပပညာလည်းလေ့လာသင့်ပေသည်။ ယနေ့ခေတ်တိုးတက်နေသောခေတ်ကိုအနည်းဆုံး "ICE" နှင့်အညီခေတ်မီသင့်သည်။ "ICE" ၏အဓိပ္ပါယ်မှာ  (I)=Internet,(c)=Computer, (E)=Englishဟုအဓိပ္ပါယ်ဖွင့်ဆိုသည်။ ထိုပညာရပ်များကိုမတတ်မဖြစ်အခြေခံတတ်မှသာ Globalizationဟုခေါ်သောကမ္ဘာမှုပြုခြင်း ဖြစ်စဉ်များ၏ ဗဟုသုတများကိုအချိန်ကာလနှင့်တပြေးညီလေ့လာသိရှိနိုင်မည်ဖြစ်သည်။

တက္ကသိုလ်ဝင်တန်းဖြေဆိုအောင်မြင်ထားပြီး တက္ကသိုလ်မဖွင့်မီနှင့် တက္ကသိုလ်တက်နေစဉ် လူငယ်များကြားအားလပ်ချိန်တွင် အခြေခံတတ်သင့်သောသင်တန်းများတက်သင့်ပေသည်။ ဥပမာ- ICE များအပြင် LCCI, TOEFL,IELTSများကိုလည်းတက်ရောက်သင်ယူသင့်ပေသည်။ အခါအားလျော်စွာအခြားသောစွမ်းရည်မြင့်သင်တန်းများ၊ စာပေဟောပြောပွဲများလည်းတက်သင့်ပေသည်။ သို့မှသာကျယ်ပြန့်လှသော၊ မတူညီသောလူ့ဘောင်လောက၏် လူမှုပေါင်းသင်းဆက်ဆံရေးမှာလည်း ကျွမ်းကျင်အဆင်ပြေလာမည်ဖြစ်သည်။ ယနေ့မြန်မာနိုင်ငံတွင် ဘွဲ့ရပြီး၍ အလုပ်လျှောက်လိုပါက တက္ကသိုလ်ဘွဲ့လက်မှတ်တစ်ခုတည်းဖြင့် ယှဉ်ပြိုင်ရန် မပြည့်စုံတော့ပေ။ "ယခုလူငယ်နောင်ဝယ်လူကြီး"ဆိုသကဲ့သို့လူငယ်ဘဝတွင် အချိန်ကိုအကျိုးရှိစွာအသုံးချတတ်ပါမှ နောင်တစ်ချိန်လုပ်ငန်းခွင်ဝင်သောအခါ အဆင်ပြေစေမည်ဖြစ်သည်။

ငွေကြေးတတ်နိုင်သောသူများအတွက် ယနေ့ပွင့်လင်းလာသောခေတ်စနစ်နှင့်အညီနိုင်ငံတကာအဆင့်မီအသိအမှတ်ပြုအချို့ ပညာရပ်များကိုနိုင်ငံခြားသို့ သိန်းပေါင်းများစွာအကုန်ကျခံ၍ သွားရောက်သင်ယူရန်မလိုဘဲမိမိမြန်မာနိုင်ငံအတွင်းတွင်လည်းလေ့လာသင်ယူတက်ရောက်နိုင်ပြီဖြစ်သည်။ ထို့အပြင် မိမိပင်ကိုယ်စွမ်းရည်ရှိပါကနိုင်ငံတော်(သို့မဟုတ်)နိုင်ငံတကာအထောက်အပံ့ဖြစ်သည့် Scholarship ဟုခေါ်သောပညာတော်သင်ဆုသည်လည်း ပညာရည်ချွန်လူငယ်များအတွက် အခွင့်အလမ်းတစ်ရပ်ဖြစ် ပေသည်။

ထို့ကြောင့်လူငယ်များပညာသင်ချိန်တွင် ပညာရေးအခွင့်အလမ်းကိုအမိအရတစ်စိုက်မတ်မတ်လေ့လာဆည်းပူးသင့်ပေသည်။ ပညာကိုအသိဉာဏ်ကအုပ်စိုးသည်၊ အသိဉာဏ်ကိုဆင်ခြင်တုံတရားကအုပ်စိုးသည်၊ ခြင်ဆင်တုံတရားကိုသတိကအုပ်စိုးသည်။ သတိကိုမေတ္တာတရားဖြင့် ထိန်းကျောင်းရမည်ဟူသောစကားအတိုင်းပညာဖြင့် မိမိနိုင်ငံတော်ကြီးကိုဆင်ခြင်တုံတရားဖြင့် ထိန်းကျောင်းတတ်သောပညာတတ်မျိုးဆက်သစ်များပေါ်ထွန်းလာစေလိုကြောင်း ဆန္ဒပြုလျက် နိဂုံးချုပ်အပ်ပါသည်။

နန်းခမ်းကောင်
ခွန်ဖြားဗွာခမ်း