လောကတွင် လူသားများသည် တစ်ဦးတစ်ယောက်တည်းနေထိုင်၍မရပါ။ မိသားစုအသိုင်းအဝိုင်းပတ်ဝန်းကျင်အသိုင်းအဝိုင်းတို့နှင့် နေထိုင်ကြရပေသည်။ ထိုမှတစ်ဆင့် မိမိတို့၏ဘဝတစ်သက်တာ စားဝတ်နေရေးအတွက် လုပ်ငန်းလုပ်ဆောင်ရာတွင် စီးပွားရေးလောကသို့ဝင်ရောက်၍ လုပ်ကိုင်ခြင်းသည် လည်းကောင်း၊ မိမိ၏ခံယူချက်အရ အဖွဲ့အစည်းတစ်ခုကိုတည်ထောင်၍သော်လည်းကောင်း၊ အမျိုးသားရေးကိုအခြေခံသော အဖွဲ့အစည်းကိုဖွဲ့စည်းတည်ထောင်၍သော်လည်းကောင်း၊ နိုင်ငံရေးပါတီသော်လည်းကောင်းစသည်ဖြင့်မတူညီသည့်လုပ်ငန်းများ အမျိုးမျိုးဖွဲ့စည်းလုပ်ဆောင်လျှက် ရှိပေသည်။
ထိုကဲ့သို့ဖွဲ့စည်းလုပ်ဆောင်ခြင်းသည် ထိုအဖွဲ့အစည်း၏ရည်မှန်းချက်ပန်းတိုင်သို့ရောက်ရှိအောင် (သို့) လုပ်ငန်းအောင်မြင်အောင်ရည်ရွယ်၍ ဆောင်ရွက်ရေးပင်ဖြစ်သည်။ ယင်းအဖွဲ့အစည်းအောင်မြင်ရန် အတွက် ဦးဆောင်သူအဆင့်ဆင့်(သို့) ရာထူးရာခံအဆင့်ဆင့်တို့ကို ခန့်အပ်ရမည်ဖြစ်သည်။ ထိုသို့ ခန့်အပ်ရာတွင်လည်း လူရွေးမမှားဖို့ရန်အလွန် အရေးကြီးပေသည်။ လူရွေးမှားလျှင် ထိုအဖွဲ့အစည်းသည် ဆုံးရှံးခြင်း၏ရလာဒ်ကို ပိုင်ဆိုင်ရမည်မှာ မြေကြီးလက်ခတ်မလွဲပေ။ စာရေးသူအနေဖြင့်တင်ပြလိုသည်မှာ အဖွဲ့အစည်းများအတွက် ရာထူးရာခံမခန့်ထိုက်သည့်ပုဂ္ဂိုလ်(၅)ဦးကို အကျယ်တဝင့်ရေးသားတင်ပြသွားမည်ဖြစ်သည်။
(၁) မာန်တက်ကြွသူ-မာန်ဟုဆိုရာ၌ စည်းစိမ်ဥစ္စာပညာရုပ်ရည်စသည်တို့ဖြင့် မာန်တက်သည်ဟု ဆိုနိုင်ပေသည်။ လုပ်ငန်းတစ်ခုနှင့်ပတ်သက်ပြီး ဘယ်လောက်ပင်တော်တော် တစ်ဦးတစ်ယောက်တည်း လုပ်ဆောင်၍မရပါ၊ မည်သည့်လုပ်ငန်းများမဆို အပြန်အလှန်လေးစားမှု အားကိုးမှုတို့ဖြင့် ပူးပေါင်းလုပ်ဆောင်မှသာလျှင် အောင်မြင်မည်ဖြစ်သည်။ နေရာတကာ "ငါသာသိ ငါသာတတ်"ဆိုပြီးဂဏန်းလိုလက်မတစ်ထောင်ထောင်ဖြင့်ရှိသည့်လူစားမျိုးကို လူအများသည် မနှစ်မြိူကြ နှာခေါင်းရှုံကြ အမြင်ကတ်ကြလေသည်။ ထိုသူဦးဆောင်သောလုပ်ငန်းအဖွဲ့အစည်းသည်လည်း အထီးကျန်ဆန်၍ ကျဆုံးခြင်းသို့ရောက်ရှိ သွားနိုင်ပေသည်။
(၂) လောဘကြီးသူ-လူတိုင်းလောဘတရားတော့ရှိပေသည်၊ သို့သော် အတိုင်းထက်အလွန်ဖြစ်သော ဝိသမလောဘမျိုးသည်ကား မကောင်းပေ။ ထိုလူစားမျိုးသည် မိမိဘက်သို့သာလျှင် ယက်တတ်သော ကြက်လိုလူစားမျိုးနှင့်တူပေသည်။
(၃) ကောက်ကျစ်စဉ်းလဲသူ- ဤလူစားမျိုးသည် သူတစ်ပါး၏ကျောကို ဓါးနှင့်ထိုးသည့် လူစားမျိုးဟုဆိုနိုင်ပေသည်။ မိမိ၏ရာထူးအာဏာစည်းစိမ်တည်မြဲဖို့အတွက်ဆိုလျှင် "ဘယ်သူသေသေ ငါမသေလျှင် ပြီးရော" ဟူသော မူဝါဒကိုကျင့်သုံးကြလေသည်။ မိမိအတွက်အကျိုးရှိမည်ဆိုလျှင် သူတစ်ပါး၏ဘဝပေါင်းမြောက်များစွာတို့ကို နှင်းချေဖျက်ဆီး၍ မိမိ၏ရာထူးအာဏာတို့ကို အရယူကြလေသည်။ မိမိ၏လက်အောက်ငယ်သားတို့နှင့်သော်လည်းကောင်း၊ လုပ်ဖော်ကိုင်ဖက်များနှင့်သော်လည်းကောင်း လိုရင်တစ်မျိုးမလိုရင်တမျိုး အထက်ဖားအောက်ဖိပုံစံမျိုးဖြင့် နောက်ကျောကို ဓါးနှင့်ထိုးတတ်ကြလေသည်။ မိမိတို့ပတ်ဝန်းကျင်တွင်လည်း ဤလူစားမျိုးမြောက်များစွာ ရှိနေသည်ကိုလည်း တွေ့ရှိရပါသည်။ ထိုစိတ်ဓါတ်မျိုးရှိသောပုဂ္ဂိုလ်နှင့် မည်သူမှလက်တွဲ၍ အလုပ်မလုပ်လိုပေ။ မတတ်သာ၍ လုပ်ဆောင်ရလျှင်လည်း ကန့်သတ်ချက်တစ်ချို့ကြောင့်သော်လည်းကောင်း၊ ခံယူချက်တစ်စုံတစ်ခုကြောင့်သော်လည်းကောင်း လုပ်ဆောင်ခြင်းသာဖြစ်ပေလိမ့်မည်။ ထို့ကြောင့် မိမိ၏လုပ်ငန်းတို့တွင် ထိုကဲ့သို့ကောက်ကျစ်စဉ်း လဲသောလူစားမျိုးအား အထူးရှောင်ကြဉ်ရမည်ဖြစ်သည်။
(၄)အပျင်းထူသူ-အပျင်းထူပြီးလက်ကြောမတင်းသော လူစားမျိုးသည် မည်သည့်လုပ်ငန်းမျိုးနှင့်မှ အကျိုးမပြုနိုင်ပါ။ လုပ်ငန်းတစ်ခုအောင်မြင်ရန်အတွက် တိုးတက်အောင်မြင်လိုသောစိတ် ပြင်းထန်သော စိတ်ဓါတ်မျိုးမရှိဘဲ မည်သည့်လုပ်ငန်းမှ အောင်မြင်မည်မဟုတ်ပါ။ ထိုကဲ့သို့လူစားမျိုးကိုလည်း ရာထူးမခန့်မိ စေရန် အရေးကြီးပေသည်။
(၅)ကျေးဇူးတရားမသိတတ်သူ- သူတစ်ပါး၏ကျေးဇူးတရားများကိုမသိဘဲ ကျေးဇူးကန်းသောသူသည် လောကတွင် အနှိပ်ကျဆုံးလူစားမျိုးဖြစ်ပေသည်။ လူသားအားလုံးတို့သည် တစ်ဦးအပေါ်တစ်ဦး ကျေးဇူးတရားများအပြန်အလှန်ရှိကြပေသည်။ ထိုကျေးဇူးတရားများကိုသိလျှင် လူ့ဘောင်အသိုင်းအဝိုင်းများ သော်လည်းကောင်း၊ လုပ်ငန်းနယ်ပယ်အသီးသီးတို့သော်လည်းကောင်း အောင်မြင်မှုပန်းတိုင်သို့ ရောက်ရှိမည်မှာမလွဲပေ။
စာဖတ်ပရိသတ်များအနေဖြင့် မိမိတို့၏လက်ရှိလုပ်ဆောင်နေသောလုပ်ငန်းများတွင်လည်းကောင်း၊ အဖွဲ့အစည်းများတွင်လည်းကောင်း၊ အဖွဲ့အစည်း၏ရည်မှန်းချက်ပန်းတိုင်သို့ရောက်ရှိအောင် (သို့) လုပ်ငန်း အောင်မြင်အောင်ဆောင်ရွက်ရာတွင် အထက်ပါဖော်ပြခဲ့သောပုဂ္ဂိုလ်(၅)ဦးတို့နှင့် ကင်းဝေးပြီး အောင်မြင်မှုသရဖူများကို ရယူပိုင်ဆိုင်နိုင်ကြပါစေဟု ဆုမွန်ကောင်းတောင်းရင်း နိဂုံးချုပ်အပ်ပါသည်။
မေတ္တာဖြင့် ခွန်ဗေခြောင်
လွယ်မော်ဟေ့
Like On Facebook
Follow On Twitter
Subscribe On RSS