ကိုယ့်ကုန်ထုတ်ပစ္စည်း အရည်အသွေးပြည့်မှီပြီး လိုအပ်သည့်တန်ချိန်များရှိလာပါက ဈေးကွက်ပိုမိုကောင်းမွန် လာမည်ဖြစ်ကြောင်းနှင့် တောင်သူများအနေဖြင့် အစုအဖွဲ့ဖြင့် လုပ်ဆောင်စိုက်ပျိုးပါက တခြား(NGO, INGO) အဖွဲ့အစည်းများမှ နည်းပညာ၊ စက်ပစ္စည်း စသည့် ထောက်ပံ့မှုများ ရရှိပြီး ယခုထက် ပိုမိုအောင်မြင်မည်ဖြစ်ကြောင်း ယနေ့ မနက်(၁၀း၃၀)အချိန်တွင် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ ၀ါးလီး ဘုန်းတော်ကြီးကျောင်းတွင် ပြုလုပ်သည့် လူထုတွေ့ဆုံပွဲ၌ ပအိုဝ်းကိုယ်ပိုင် အုပ်ချုပ်ခွင့်ရဒေသ ဦးစီးအဖွဲ့ဥက္ကဋ္ဌ ဖြားခွန်စံလွင်က ပြောကြားသည်။
“ခုနောက်ပိုင်းအခြေနေအရ အစုအဖွဲ့နဲ့လုပ်သင့်တယ်၊ သူကတစ်မျိုး ငါကတစ်ဖုံ ကွဲကွဲပြားပြား လုပ်နေရင် အဆင်မပြေတော့ဘူး၊ စိုက်နည်းစနစ်လည်း တစ်ယောက်နဲ့တစ်ယောက် မတူကြဘူး၊ တခြားအဖွဲ့အစည်းက ကူညီချင်တဲ့အခါကျတော့ ကိုယ့်မှာက အစုအဖွဲ့ရှိထားရင် ကိုယ်စိုက်ပျိုးတဲ့အရာနဲ့ပတ်သက်လို့ နည်းစနစ်တွေ၊ တခြားအကူအညီတွေ ရနိုင်တယ်၊ လောလောဆယ်ဆယ် ထောပတ်အစုအဖွဲ့တော့ ရှိပြီ၊ ကျန်တဲ့ လက်ဖက်စတဲ့ အစုအဖွဲ့တွေ လိုနေသေးတယ်၊ ဒါ့ကြောင့် ကိုယ့်အချင်းချင်း အဖွဲ့ဝင်တွေလုပ်ပြီး အစုအဖွဲ့လုပ်ထားသင့်တယ်၊ စုပေါင်းလုပ်သင့်တယ်" ဟု ဖြားခွန်စံလွင်က ပြောကြားသည်။ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့အနေဖြင့် (၈)နှစ်အတွင်း ဖွံ့ဖြိုးရေးလုပ်ငန်းများ လုပ်ဆောင်ရာတွင် အဖွဲ့အစည်း၏အား၊ ပြည်သူများ၏ အားဖြင့် ပူးပေါင်းလုပ်ဆောင်ခြင်းကြောင့် တိုးတက်မှုများ အရှိန်မပျက် ဖြစ်ထွန်းနေပါကြောင်း၊ ကိုယ်ပိုင်အုပ်ချုပ်ခွင့်ရဒေသဖြစ်သည့်အလျောက် ကိုယ့်ခြေ ကိုယ့်လက်ဖြစ်လာအောင် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဌာနဆိုင်ရာအသီးသီးတွင် ပညာတတ် ပအိုဝ်းလူရွယ်မောင်မယ်များ တာဝန်ထမ်းဆောင်ဖို့ လိုပါကြောင်းကိုလည်း ၎င်းက ပြောကြားခဲ့သည်။
ဖြားတန်ကောင်ခယ်၊ ဗိုလ်ချုပ်စံသိန်း၊ ဖြားဗွာလှဖေ စသည့် ခေါင်းဆောင်ကောင်းများအဆက်ဆက် ပအိုဝ်းအမျိုးသားများအနေဖြင့် ရရှိထားသည့်အတွက် ယခုလို တိုးတက်ပြောင်းလဲမှုမျိုး ရရှိလာကြောင်း၊ ပအိုဝ်းအမျိုးသားခေါင်းဆောင်ဖြားဗွာလှဖေအနေဖြင့် တစ်ချိန်က နှိမ့်ကျနေသည့် ပအိုဝ်းတို့၏ဘ၀ကို မျက်မြင်ကိုယ်တွေ့ဖြစ်မိရာမှ မိမိနေရပ်သို့ ပြန်ပြီး မိမိပိုင်ဆိုင်သည့် ပစ္စည်းများ ထုခွဲရောင်းချကာ ပညာရေး၊ စစ်ရေးစသည့် အရေးအရာများတွင် မိမိကိုယ်ပိုင်ငွေများအား အသုံးပြုကာ ကွယ်လွန်သည်အထိ ပအိုဝ်းအမျိုးသားများကို ဦးဆောင်ခဲ့ပါကြောင်း၊ ပအိုဝ်းအမျိုးသားအဖွဲ့ချုပ်အနေဖြင့် အဖွဲ့အစည်းတည်ဆောက်ခြင်းမဟုတ်၊ ဒေသဖွံ့ဖြိုးရေးလုပ်ငန်းများကို လုပ်ဆောင် တည်ဆောက်နေတာ ဖြစ်ကြောင်း၊ ပအိုဝ်းပြည်သူများအနေဖြင့် ညီညွှတ်ရေးကို ပျက်ပြားစေသည့် သွေးထိုးလှုံ့ဆော်စကားများကို နားမယောင်ဖို့လိုပါကြောင်း၊ အမြဲတမ်းညီညီညွှတ်ညွှတ်ရှိနေရန် လိုအပ်ပြီး လုပ်ပိုင်ခွင့်အပြည့်အ၀ရရှိရန် အားလုံးကြိုးပမ်းကြရမှာဖြစ်ကြောင်း စသည့်အမှာစကားများကိုလည်း ပအိုဝ်းကိုယ်ပိုင်အုပ်ချုပ်ခွင့်ရဒေသ၊ အမျိုးသားလွှတ်တော်ကိုယ်စားလှယ် ဖြားခွန်သိန်းဖေက ပြောကြားပါသည်။
ယနေ့ တွေ့ဆုံပွဲတွင် ပင်လောင်းမြို့နယ်၊ ပြည်သူ့လွှတ်တော်ကိုယ်စားလှယ် ဖြားခွန်မောင်သောင်းမှ ၎င်းလုပ်ဆောင်နေသည့် တိုင်းရင်းသားရေးရာကိစ္စရပ်များနှင့် ငြိမ်းချမ်းရေးနှင့်ပတ်သက်၍ ဆောင်ရွက်နေသည့် အကြောင်းအရာများနှင့် ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင် ခွန်လှဆန်းက ဦးစီးအဖွဲ့မှ လုပ်ဆောင်နေသည့် ဖွံ့ဖြိုးရေးကိစ္စရပ်များကို ရှင်းလင်းပြောကြားခဲ့ကြောင်း သိရသည်။ ယနေ့တွေ့ဆုံပွဲသို့ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့နှင့် လွှတ်တော်ကိုယ်စားလှယ်များ၊ ပင်းလောင်းမြို့နယ် ဌာနဆိုင်ရာတာဝန်ရှိပုဂ္ဂိုလ်များ၊ ပင်လောင်းမြို့နယ်၊ လိန်းညာ၊ ဘန့်ဘာ၊ တောင်ထီဗွာ၊ စင်းတောင်း ကျေးရွာအုပ်စုများမှ ပြည်သူများ (၃၀၀)ကျော် တက်ရောက်ခဲ့ကြကြောင်း သိရသည်။
ခွန်ဓဇ
Like On Facebook
Follow On Twitter
Subscribe On RSS