ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ် ၂၀၁၈-၂၀၁၉ဘဏ္ဍာနှစ် ဒေသန္တရစီမံကိန်း ရည်မှန်းချက် တာဝန်များ ပေးအပ်ပွဲအခမ်းအနားကို နိုဝင်ဘာလ(၁)ရက် နံနက် (၁၀း၀၀)နာရီ် အထွေထွေအုပ်ချုပ်ရေးဦးစီးဌာနခန်းမတွင် ပြုလုပ်ကျင်းပခဲ့ပါသည်။
အခမ်းအနားတွင် မြို့နယ်အုပ်ချုပ်ရေးမှူး ဦးနန်းတင်က ၂၀၁၈-၂၀၁၉ဘဏ္ဍာနှစ် ဒေသန္တရစီမံကိန်း ရည်မှန်းချက်တာဝန်များကို ဌာနဆိုင်ရာများကိုယ်စား မြို့နယ်ကျန်းမာရေးဦးစီးဌာနမှ ဒေါက်တာမောင်မောင်သိန်းနှင့် လယ်ယာမြေစီမံခန့်ခွဲရေးဦးစီးဌာနအရာရှိ ဦးခင်မောင်ဝင်းကိုလည်းကောင်း၊ ရပ်ကွက်အုပ်ချုပ်ရေးမှူးများကိုယ်စား မြို့ဦးကွက်သစ်အုပ်ချုပ်ရေးမှူး ဦးလှတင်နှင့် ကျေးရွာအုပ်ချုပ်ရေးမှူးများကိုယ်စား စံဖူးကျေးရွာအုပ်စု အုပ်ချုပ်ရေးမှူး ဦးခွန်မောင်ဖြူကိုလည်းကောင်း ပေးအပ်ခဲ့ကြောင်းသိရသည်။
အဆိုပါအခမ်းအနားသို့ မြို့နယ်အုပ်ချုပ်ရေးမှူးဦးနန်းတင့်နှင့် ဌာနဆိုင်ရာတာဝန်ရှိသူများ၊ ရပ်ကွက်/ကျေးရွာ အုပ်ချုပ်ရေးမှူးများ တက်ရောက်ခဲ့ကြောင်း သိရသည်။
ထက်ထက်(ဟိုပုံး)
Like On Facebook
Follow On Twitter
Subscribe On RSS