ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်တွင် ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ ဦးခွန်စံလွင်၊ ပြည်နယ်လွှတ်တော်ကိုယ်စားလှယ် ဦးခွန်မောင်ဖြူ၊ ဟိုပုံး မြို့နယ်အုပ်ချုပ်ရေးမှူးဦးနန်းတင့်နှင့်ဌာနဆိုင်ရာ တာဝန်ရှိသူများတို့သည် မြေသားလမ်းဖောက်လုပ်နေမှုများ၊ ကုလားပဲသီးနှံစမ်းသပ်စိုက်ပျိုးနေမှုများကို နိုဝင်ဘာလ (၂၈)ရက် နံနက်(၉)နာရီက ကွင်းဆင်းကြည့်ရှုခဲ့ကြောင်း သိရသည်။
ဦးစွာပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဋ္ဌဦးခွန်စံလွင်နှင့်တာဝန်ရှိသူများတို့သည် နယ်စပ်ရေးရာဝန်ကြီးဌာန၊ နယ်စပ်ဒေသတိုင်းရင်းသားလူမျိုးများဖွံ့ဖြိုးတိုးတက်ရေးဦးစီးဌာန၏ ၂၀၁၈-၂၀၁၉ ဘဏ္ဍာရေးနှစ် ဒုတိယ(၁၂)လပတ်၊ ပြည်နယ်ရန်ပုံငွေဖြင့် ဆောက်လုပ်လျက်ရှိသည့် နောင်ယွန်း-(ကန်တရား)-ပုံးတွန်-ပါရင်ကျေးရွာချင်းဆက်လမ်း(၅/၀)မိုင်၊ မြေသားလမ်းဖောက်လုပ်ခြင်း၊ ထမ်းဘုရား-လိုင်းကတူး-ပန်မား-အုံယွန်း ကျေးရွာချင်းဆက်လမ်း (၄/၆)မိုင် မြေသားလမ်းဖောက်လုပ်နေမှုများကို ကွင်းဆင်းကြည့်ရှုပြီး၊ လုံဟေးကျေးရွာအုပ်စု၊ ထမ်းဘုရားကျေးရွာ RC (၁)ထပ် (၆၀'×၃၀') ပေ ဘုန်းတော်ကြီးကျောင်း ဆောက်လုပ်ခြင်း တို့ကို ကွင်းဆင်းကြည့်ရှုခဲ့ကြောင်း သိရသည်။
ယင်းနောက် ဟိုပုံးမြို့နယ် စိုက်ပျိုးရေးဦးစီးဌာနမှ လုံဟေးကျေးရွာအုပ်စု၊ နောင်ယာဆိုင်းကျေးရွာတွင် တောင်သူများ ပလပ်ထားသည့် ယာမြေများတွင် ဆောင်းသီးနှံတစ်မျိုးဖြစ်သည့် ကုလားပဲသီးနှံကို မျိုးစေ့ချစက်ဖြင့် စမ်းသပ်စိုက်ပျိုးနေမှုကို ကြည့်ရှုအားပေးခဲ့ကြောင်းသိရသည်။
ထက်ထက်(ဟိုပုံး)
Like On Facebook
Follow On Twitter
Subscribe On RSS