Monday, November 26, 2018

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၊ သီရိမင်္ဂလာရွှေချမ်းသာမွေတော်ဘုရားကြီး ဗုဒ္ဓပူဇနိယတန်ဆောင်တိုင်မီးထွန်းပွဲကျင်းပ

တောင်ကြီး၊ ၂၀၁၈ ခုနှစ်၊ နိုဝင်ဘာလ (၂၇)ရက်







မြန်မာသက္ကရာဇ် ၁၃၈၀ပြည့်နှစ်၊ တန်ဆောင်မုန်းလပြည့်ကျော်(၄)ရက် နှစ်စဉ်ကျင်းပမြဲဖြစ်သော ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့၊ သီရိမင်္ဂလာရွှေချမ်းသာမွေတော်ဘုရားကြီး ဗုဒ္ဓပူဇနိယ တန်ဆောင်တိုင်မီးထွန်းပွဲတော်ကို နိုဝင်ဘာလ(၂၆)ရက် ညနေ(၆)နာရီက အဆိုပါ ဘုရားရှေ့ရင်ပြင်၌ကျင်းပကြောင်းသိရသည်။

ဆက်လက်၍ အ.ထ.က(၁)ဟိုပုံးကျောင်းသူလေးများ၏ ဘင်ခရာတပ်ဖွဲ့ ၊ ပန်းဖွားအဖွဲ့နှင့် တိုင်းရင်းသူလေးများတို့က ဆီမီးအကဖြင့် ဖျော်ဖြေတင်ဆက်ကြကာ တန်ဆောင်တိုင် မီးထွန်းပွဲတော်ကို ရှမ်းပြည်နယ် အစိုးရအဖွဲ့ဝင် ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးလှဦး၊ ရှမ်းပြည်နယ်အစိုးရအဖွဲ့ဝင် ပြည်နယ် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော်၊ အရှေ့ပိုင်းတိုင်းစစ်ဌာနချုပ် ဒုတိုင်းမှူး ဗိုလ်မှူးကြီးဝင်းဇော်မိုး၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဝင် ဦးခွန်မောင်ဖြူ၊ ဟိုပုံးမြို့နယ် အုပ်ချုပ်ရေးမှူး ဦးနန်းတင့်တို့ကဖဲကြိုးဖြတ်ဖွင့်လှစ်ပေးကြသည်။

ထို့နောက် တန်ဆောင်တိုင်မီးထွန်းပွဲတော်ဖွင့်ပွဲအထိမ်းအမှတ် မီးရှူးမီးပန်းများနှင့် မီးပုံးငယ်များ လွှတ်တင်ခြင်းကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ရှမ်းပြည်နယ်တရားသူကြီးချုပ် ဦးကြွယ်ကြွယ်၊ အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်လင်းအောင်၊ ရှမ်းပြည်နယ်လွှတ်တော် ဒုတိယဥက္ကဋ္ဌဦးစ၀်အောင်မြတ် နှင့် ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ ဦးခွန်စံလွင်တို့က စက်ခလုတ်နှိပ်ဖွင့် လှစ်ပေး၍ ပြည်နယ်ဝန်ကြီးချုပ်နှင့်တာဝန်ရှိသူတို့သည် သီရိမင်္ဂလာရွှေချမ်းသာမွေတော် ဘုရားကြီးအတွင်း၌ရတနာဒီပန်ဆီမီးထွန်းညှိပူဇော်ကာ လိုဏ်ဂူတော်အတွင်း ဘုရားအား ဖူးမျှော်ကြပြီးဖွင့်ပွဲကိုစိန်နားပန်မီးပုံးပျံဖြင့် လွှတ်တင်ပူဇော်ခဲ့ကြောင်းသိရသည်။

အဆိုပါ ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့၊ သီရိမင်္ဂလာရွှေချမ်းသာမွေတော်ဘုရားကြီး ဗုဒ္ဓပူဇနိယ တန်ဆောင်တိုင်မီးထွန်းပွဲတော်ကို နိုဝင်ဘာလ(၂၆)ရက်မှ (၃၀)ရက်နေ့အထိ ကျင်းပပြီး ညမီးကြီးမီးပုံးပျံ (၁၃)လုံးလွှတ်တင်ယှဉ်ပြိုင်ခြင်းနှင့် ညစဉ်မီးပဒေသာလှည့်လည်ပူဇော်ပွဲဖြင့် ကျင်းပသွားမည်ဖြစ်ကြောင်းသိရသည်။

ထက်ထက်(ဟိုပုံး) 
Powered by Blogger.