Sunday, December 9, 2018

ပတ်ဝန်းကျင်သန့်ရှင်းရေး

တောင်ကြီး၊ ၂၀၁၈ ခုနှစ်၊ ဒီဇင်ဘာလ (၁၀)ရက်


စက်မှုထွန်းကားခြင်းသည် ယနေ့ကမ္ဘာကိုလွှမ်းမိုးထား၏။ လူတို့၏လိုအင်ဆန္ဒအတွက် စက်မှုနှင့် သိပ္ပံနည်းပညာရပ်များ တစ်စတစ်စထွန်းကားလာရသည်။ သိပ္ပံနှင့်ဆေးပညာတိုးတက်မှုကြောင့် လူသားဦးရေကလည်း သိသိသာသာတိုးလာသည်။ တိုးလာသောလူဦးရေနှင့်ကာမိအောင် စီးပွားရေးလုပ်ငန်းများကို အစွမ်းကုန်ဆောင်ရွက်ကြရ၏။ ဤတွင်အန္တရာယ်တစ်ခုကို မမျော်လင့်ဘဲ ရင်ဆိုင်ရလေသည်။ ပတ်ဝန်းကျင်ညစ်ညမ်းမှုဟူသော ပြဿနာပင်ဖြစ်သည်။

သဘာဝကို လူကမညှာသောအခါတွင် သဘာဝကလည်းလူကို ဖက်ပြိုင်အန်တုလာစမြဲဖြစ်၏။ ထိုအခါသက်ရှိပတ်ဝန်းကျင်နှင့်သက်မဲ့ပတ်ဝန်းကျင် သဟဇာတဖြစ်မှုများအလိုလို ပြိုကွဲပျက်စီးသည်။ ထိုအခါတွင် ပတ်ဝန်းကျင် ညစ်ညမ်းမှုအမွေကို လက်ခံရရှိလာပေတော့သည်။ လေထုညစ်ညမ်းမှုသည် လည်းကောင်း၊ အသံဗလံညစ်ညမ်းမှုသည်လည်းကောင်း၊ မြေကမ္ဘာတိုးတက် သာယာရေးအတွက် အနှောက်အယှက်ဖြစ်လာတော့သည်။

သက်ရှိနှင့်သက်မဲ့ဝန်းကျင်သည် အပြန်အလှန်အမှီသဟဲပြုလျက်ရှိ၏။ လေကောင်းလေသန့်ရှုရပါမှ သတ္တ၀ါကျန်းမာမည်။ ရေကောင်းရေသန့် မှီဝဲရပါမှ သတ္တ၀ါတို့သန်စွမ်းမည်။ မြေဆီသြဇာထက်သန်မှ အပင်လောကဖြစ်ထွန်းမည်။ အသံဗလံဆူညံမှုကင်းမဲ့ပါမှ စိတ်အေးတည်ငြိမ်ကောင်းမွန်နိုင်ပေမည်။ ပတ်ဝန်းကျင်နှင့် ကျန်းမာရေး၊ ပတ်ဝန်းကျင်နှင့်အာဟာရဓါတ်ပြည့်ဝရေးတို့သည် ဆက်စပ်လျက်ရှိသည်။ ထို့ကြောင့်ပတ်ဝန်းကျင်ကို စနစ်တကျထိန်းသိမ်းရန်လိုသည်။ ပတ်ဝန်းကျင်သန့်ရှင်းရေးကို အလေးပေးဆောင်ရွက်ရပေမည်။

လေသည်သက်ရှိတိုင်းအတွက် အရေးပါ၏။ လေမရှိသည့်အရပ်၌ သက်ရှိသတ္တ၀ါနှင့် အပင်တို့မဖြစ်ထွန်းနိုင်။ လေကောင်းလေသန့်သည် ဆေးဖြစ်၏။ လေထုညစ်ညမ်းလျှင် ဘေးဖြစ်သည်။ လေထုညစ်ညမ်းမှုသည် ပတ်ဝန်းကျင်ညစ်ညမ်းမှု၏ အရင်းခံအကြောင်းတစ်ရပ်ဖြစ်၏။ ပတ်ဝန်းကျင်သန့်ရှင်းရေးကိုဆောင်ရွက်မည်ဆိုလျှင် လေထုညစ်ညမ်းမှု ပပျောက်အောင် ဆောင်ရွက်ရပေမည်။

လေထုညစ်ညမ်းရခြင်းအကြောင်းရင်းများစွာရှိ၏။ မီးတောင်ပေါက်ကွဲမှု ကဲ့သို့သော သဘာဝဖြစ်ရပ်များကြောင့်လည်းလေထုညစ်ညမ်းစေနိုင်သည်။ လူသားတို့ကြောင့်လည်း လေထုညှစ်ညမ်းစေနိုင်သည်။ သို့သော် လူကြောင့်လည်း လေထုညစ်ညမ်းစေနိုင်သည်။ သို့သော်လူကြောင့် လေထုညစ်ညမ်းရခြင်းကပို၍ အဓိကကျ၏ စက်မှုလုပ်ငန်းအတွက် လောင်စာများတိုးချဲ့သုံးစွဲမှုကြောင့် ကာဗွန်ဒိုင်အောက်ဆိုဒ်၊ ကန့်ဒိုင်အောက်ဆိုဒ်ဓါတ်ငွေ့များ လေထုထဲရောက်လာကြသည်။ ထိုအခါ လေထုအပူချိန်ကို မြင့်မားစေ၏။ ရာသီဥတုဖောက်ပြန်စေ၏။ အက်စစ်မိုးများရွာစေကာလူနှင့်သတ္တ၀ါတို့ကို အန္တာရာယ်ဖြစ်စေသည်။ ရှေးဟောင်းယဉ်ကျေးမှု အမွေအနှစ်များကိုပျက်စီးစေ၏။ အသံထက်မြန်သော လေယာဉ်ကြီးများ ပျံသန်းမှုနှင့် ခေါင်းလိမ်းဆီမွှေးပန်းထုတ်သည့်ဘူးများ၊ ရေမွေးပန်းထုတ်သောပုလင်းများတွင် ပါဝင်သည့် ဖလိုရိုကာဗွန်အငွေ့တို့ကလည်း လေထု၏အိုဇုန်းအလွှာကိုပျက်စီးစေသည်။ ခရမ်းလွန်ရောင်ခြည်များ ပိုမိုကျရောက်လာစေသည်။ ဤသည်လည်းလေထုညစ်ညမ်းမှုပင်ဖြစ်၏။

လေထုညစ်ညမ်းမှုကိုကာကွယ်ရန် ကားအိပ်ဇောများတွင် ထိန်းချုပ်ရေးဇကာများတပ်ဆင်သင့်၏။ ကန့်ဓာတ်မပါသော သင်းပြီးသားလောင်စာများကို အသုံးပြုသင့်သည်။ အိုဇုန်းအလွှာမပျက်စီးစေရန် ကြိုးပမ်းရမည်ဖြစ်သည်။ စီးပွားရေးတွက်ခြေကိုက်မှုထက် ပတ်ဝန်းကျင်သန့်ရှင်းသာယာရေးကို ပိုမို အလေးထားသင့်သည်။ ပတ်ဝန်းကျင်သန့်ရှင်းရေးတွင် ရေသည်လည်း အရေးပါသောအင်အားစုတစ်ခုဖြစ်၏။ ရေကောင်းရေသန့်ရရှိမှသာ ပတ်ဝန်းကျင်သန့်ရှင်းနိုင်ပေမည်။ သဘာဝသည် တစ်စုံတစ်ခုသော အတိုင်းအတာအထိ ရေကိုသန့်စင်ပေးထား၏။ သို့သော် လူသားတို့၏ ပယောဂက ရေထုကို ညစ်ညမ်းစေသည်။

မြစ်ချောင်းကမ်းပါးတွင် စက်ရုံများတည်ကြသောကြောင့် စွန့်ပစ်ပစ္စည်းများ မြစ်ရေထဲသို့ ရောက်ရှိစေသည်။ အိမ်သာများကို မြစ်ကမ်းတွင် တည်ဆောက်ကြသောကြောင့်လည်း ရေထုညစ်ညမ်းစေသည်။ ပင်လယ်သမုဒ္ဒရာထဲသို့ ရေနံများယိုဖိတ်ကျခြင်းကလည်း ပင်လယ်သမုဒ္ဒရာကို ညစ်ညမ်းစေသည်။ ရေထုညစ်ညမ်းမှုသည် ကုန်းနေရေနေ သတ္တဝါအားလုံးကို ဥပဒ်ဖြစ်စေသည်။ ရေထုညစ်ညမ်းမှုပပျောက်စေရေးအတွက် လူသားတို့တွင် တာဝန်ရှိ၏။ စက်ရုံအလုပ်ရုံများကို ဖြစ်နိုင်သမျှမြစ်ကမ်းမှ ခွာဆောက်ကြရန်လိုသည်။ စွန့်ပစ်ပစ္စည်းများကိုစနစ်တကျစွန့်ပစ်ရန်နှင့် တတ်နိုင်လျှင် ပြန်လည်အသုံးပြုရန် ကြိုးပမ်းသင့်သည်။ အိမ်သာများကို မြစ်ကမ်းနှင့်ဝေးဝေးတွင် ထားရှိရပေမည်။ ပင်လယ်ပြင်သို့ ရေနံများဖိတ်စဉ်မှုကိုလည်း နည်းမျိုးစုံဖြင့် ထိန်းသိမ်းကာကွယ် တားဆီးရပေမည်။

စက်မှုလုပ်ငန်းစွန့်ပစ်ပစ္စည်းများနှင့် ဓာတုဗေဒပစ္စည်းသည် မြေဆီလွာမြေသြဇာကုန်ခမ်းစေကာ မြေထုညစ်ညမ်းမှုဖြစ်စေ၏။ မြေဆီလွှာပမာဏသည် ကမ္ဘာ့မြေထုအတိုင်းအတာနှင့် စာသော် အလွန်နည်းပါးသည်။ မိုးရေတိုက်စားမှု၊ လေပြင်းထန်မှု စသည်တို့ကြောင့် မြေဆီလွှာအချို့ပြုန်းတီးကြ၏။ ပတ်ဝန်းကျင်သန့်ရှင်းရေးသည် လူသားတိုင်းအလေးထား ဆောင်ရွက်ရမည့် လုပ်ငန်းတစ်ရပ်ဖြစ်၏။ ပတ်ဝန်းကျင်သန့်ရှင်းမှသာလူ့သက်တမ်း ရှည်ကြာပေလိမ့်မည်။ ပတ်ဝန်းကျင်မသန့်ရှင်းပါက ဤကမ္ဘာလောကကြီး ပျက်စီးဆိတ်သုဉ်းသွားနိုင်သည်။ အာကာသသို့ ခရီးဆန့်ကာ ဘဝကို အောင်နိုင်သူများအဖြစ် ဂုဏ်ယူဝင့်ကြွားနေမည့်အစား ကမ္ဘာလောကတည်တံ့စေရန် ပတ်ဝန်းကျင် သန့်ရှင်းရေးကို ပိုမိုအလေးပေးဆောင်ရွက်သင့်ပေသည်။

ခွန်ကျော်သန်း
ကိုးကားချက် - ပညာ့လက်သံစာအုပ်
Powered by Blogger.