မေးခွန်းမေးမြန်းမှုနှင့်ပတ်သက်၍ ရှမ်းပြည်နယ်အစိုးရ၏ ရှင်းလင်းဖြေကြားချက်ကို ပြည်ထောင်စုအစိုးရအဖွဲ့ရုံး၏ ၂၀၁၉-ခုနှစ်၊ ဇန်န၀ါရီလ(၁၁)ရက်၊ စာအမှတ်၊ ၂-၁၂/ အမ (စည်းဝေး)/ ၂၀၁၉ - ၂၇ (၁၁) ဖြင့် ပြန်လည်ပေးပို့ချက်အရ တောင်ကြီးမြို့နယ်၊ နန်းဟောင်းကျေးရွာအုပ်စု၊ နောင်ကျင်းကျေးရွာနှင့် ရပ်စောက်မြို့နယ်၊ ယမ်းတွင်းငါးကြောင်ကျေးရွာအုပ်စု၊ ဆပ်သေမြေမဲကျေးရွာအကြားတည်ရှိသည့် တောင်နောင်းချောင်းထိ တောင်ကြီးမြို့နယ်အခြမ်းတွင် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၁၈-ခုနှစ်ပထမ(၆)လ ဘဏ္ဍာရန်ပုံငွေဖြင့် နောင်ကျင်းကျေးရွာမှ တောင်နောင်းချောင်းထိ အရှည် (၂/၁) မိုင်အား ကုန်ထုတ်မြေသားလမ်းအဖြစ် အဆင့်မြှင့်တင် ဆောင်ရွက်ပေးထားပြီးဖြစ်ပါသည်။ ရပ်စောက်မြို့နယ် အခြမ်းတွင် ဆတ်သေ - မြေမဲမှ တောင်နောင်းချောင်းထိ မြေသားလမ်း(၃/၆)မိုင်အား ကိုယ်ထူကိုယ်ထစနစ်ဖြင့် ဆောင်ရွက်ထားပြီး ဖြစ်ပါသည်။
အဆိုပါလမ်းပိုင်းသည် ရပ်စောက်မြို့နယ် ကျေးလက်လမ်းဖွံ့ဖြိုးရေးဦးစီးဌာနမှ တာဝန်ယူဆောင်ရွက်ပေးရသောအပိုင်းတွင် ပါဝင်ပြီး ကျေးလက်လမ်းစာရင်းတွင် ပါဝင်ခြင်းမရှိသေးပါကြောင်း၊ ရပ်စောက်မြို့နယ်ကျေးလက်လမ်းစာရင်းတွင် ထည့်သွင်းလျာထားဆောင်ရွက်နိုင်ရေးအတွက် ဦးစီးဌာနမှ စီစဉ်ဆောင်ရွက်လျက်ရှိပါကြောင်းနှင့် နောင်ကျင်းတံတားကို ကွန်ကရစ်တံတားအဖြစ်တည်ဆောက်နိုင်ရေးအတွက် တောင်ကြီး/ရပ်စောက်မြို့နယ်များ၏ မြို့နယ်စီမံကိန်းရေးဆွဲအကောင်အထည်ဖော်ရေး ကော်မတီများက မြို့နယ်အတွင်း ဦးစားပေးအစီအစဉ်အရ ဘဏ္ဍာနှစ်အလိုက် စီမံကိန်းတွင် ထည့်သွင်းလျာထား တင်ပြလာပါက ဘဏ္ဍာရန်ပုံငွေရရှိရေးအတွက် ထည့်သွင်းလျာထား တောင်းခံတင်ပြသွားမည်ဖြစ်ပါကြောင်း ပြန်လည်ရှင်းလင်း ဖြေကြားခဲ့သည်ဟု သက်ဆိုင်ရာဌာနများနှင့် မဲဆန္ဒရှင်ပြည်သူများ သိရှိစေရန် အသိပေးတင်ပြအပ်ပါသည်။
လွှတ်တော်ရေးရာဌာန
ပအိုဝ်းအမျိုးသားအဖွဲ့ချုပ် (PNO)၊ ဗဟိုဌာနချုပ်ရုံး
Like On Facebook
Follow On Twitter
Subscribe On RSS